% Text title            : Sarasvatinakshatramala Stava
% File name             : sarasvatInakShatramAlAstavaH.itx
% Category              : devii, devI, sarasvatI, shrIkRiShNalIlAshukamuni
% Location              : doc\_devii
% Author                : Shrikrishnalilashukamuni
% Proofread by          : Mohan Chettoor
% Description/comments  : From Stotras Samahara Part 1 (ed. K.Raghavan Pillai)
% Latest update         : September 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sarasvatinakshatramala Stava ..}##
\itxtitle{.. sarasvatInakShatramAlAstavaH ..}##\endtitles ##
ayi devi sarasvati! tvadIyAH
     stutidhArAH parileDhumudyatAM naH |
svayameva tava stavaM duhAnAM
     rasanAM mAtarimAM sanAthayethAH || 1||
aruNAgharavishvamagbujAkShaM
     karuNAvarShi kaTAkSha kelilakSham |
vadanaM tava hanta! bhArati! tva\-
     tpathamulla~Nghaya vishR^i~NkhalaM chakAsti || 2||
akala~NkasharachChashA~NkalakShA\-
     pyasadR^ikShA tava vANi! va ktbha~NgayAH |
adharaH punaramba! pakkavimbI\-
     paTalIpATalimApavAdavIraH || 3||
navapallavadarpavibhramAn vA
     sharadambhojavanachChavichChaTAM vA |
parijetumalaM bhavatpadashrI\-
     riti vAdo.apyasadR^ikShadikShu gaNyaH || 4||
tava devi! na kevalaM mukhendu\-
     rvikala~NkeShu visheShalekhanIyaH |
api tu sphuTama~Nghripa~NkajAgre
     viharantaH sukR^ito nakhendavo.api || 5||
aNimA tava hanta! madhyabhAge
     mahimAnaM niruNaddhi nirvivAdam |
paripATalimA cha pANipAdA\-
     dharabimbe tanukAntipANDimAnam || 6||
api maulipade padaM bhavatyAH
     shashinA hanta! jaDena shAntamenaH |
ata eva bhavatpadAbjasevA\-
     virahI nityanirUDhamaugdhyakAryaH || 7||
avisha~Nkita doShagandhavArtAM
     vishadAsheShaguNAM vichitrabhUShAm |
rasapoShavisheShitAM vidhAtA
     nayanaistvAM shravaNairvayaM bhajAmaH || 8||
jananIM rajanIkarAvataMsAM
     jagatAM ja~NgamapArijAtavallIm |
karuNApariNAhinetrayAtrAM
     katichit tvAM hR^idaye vahanti dhanyAH || 9||
parimaNDalakAntibhAranamrAM
     trijaganma~NgaladIrghadIpaleshAm | (dIpalekhAm)
sukR^itAM rasanA~nchale jvalantIM
     bhavatIM chetasi bhAvayanti dhanyAH || 10||
bhavatImavatIrya chittavIthyAM
     viharantIM vividhairvibhUtibhAraiH |
bhuvanAdbhutavibhramAbhirAmAM
     pulakaiH kairapi pUjayanti dhanyAH || 11||
patatA hR^idi harShabAppamUrtyA
     payasA tvAmabhiShichya ko.api hR^idyAm |
puLakA~NkurabhUShitAM vidhatte
     sphuTamAtmIyatanUmivArdrachetAH || 12||
madhurasmitadhautavishvavidyA\-
     vibhavodgArimukhendusampadaM tvAm |
paribhAvayatAM paraM munInAM
     nikhilAchAryapadAni nirvahante || 13||
kamaleti bhujAntare murAre\-
     girikanyeti shivasya vAmapArshve |
parirAjasi bhAratIti dhAtu\- (parilayi)
     rvadanAmbhojachatuShpathe tvamekA || 14||
chatureShu chaturShu vaktrachandre\-
     ShvadhivAsaM bhavatI vidharvidhattAm |
badane punaramba mAdR^ishAnAM
     kimidaM nR^ityasi nanviyaM kR^ipA te || 15||
bhavatIM bhavatIvravedanArtAH
     paramAnandapayodhivIchimAlAm |
vachasAmadhidevate! vayaM te
     manasA ma~NkShu vigAhya dhanyadhanyAH || 16||
jagatAmadhipatni! niHsapatnaM
     tvayi chittaM mama magnamastu mAtaH |
padayordvayamadvayaM padaM vA
     tava jAnannapi nAma dhanyadhanyAH || 17||
nikhilAgama nirvivAdagItaM
     sahajAnandatara~NgadanturaM te |
manasaH kuhare vayaM padaM te
     gaganolla~Nghi kathaM kathaM vahAmaH || 18||
svarasapratibhAsuraM padaM yat
     sukhasAmrAjyamanargalaprasAram |
akhilAdbhutamujjhitopamAnaM
     tadaho! nanvasi dhIradhIvilehyam || 19||
atila~Nghita kAlabheda vAdaM
     galitAshepadishAvibhAgagandham |
niravagrahanishchaya prakAsha\-
     sphuTamAdhuryamasi tvamamba! tattvam || 20||
sakalavyavahAradUradUraM
     sarasaM ki~nchidaki~nchanopabhogyam |
hR^idayaM madayanmadIyamuchchai\-
     hR^iShitaM hR^idyamidaM padaM nanu tvam || 21||
nijayaiva kayApi hanta! kAntyA
     dalitadhvAntaparamparoparAgam |
madhurimNi paraM mahimni chochchai\-
     rvishadaM dhAma vishR^i~NkhalaM khalu tvam || 22||
apavargapadAspadaM padaM ya\-
     dyapavargaH pashupAshabandhanAnAm |
apatat tava rUpamadvitIya\-
     kShamamAlakShayatAM satAM kila tvam || 23||
sahajA tava kApi rUpasampad
     vachasAM vartmani naiva naiva naiva |
aparA punarAttachitraveShA
     bhruvanaM puShyati bhUmikAvibhUtiH || 24||
athavA kathayema taM bhavatyA
     mahimAnaM mahato.api bho! mahatyAH |
api vA~NmanasAdhvani dhvanantIM
     kathayet kaH khalu chintayechcha tAM tvAm || 25||
na tadasti vinApi yat tvayA syA\-
     chidachi dbhyAM pravibhAgabhA~nji vishve |
tadaho mahimAdbhutaM tavedaM
     paramasmAt punaramba! yAsi sAsIH || 26||
tadalaM padala~Nghini tvadIye
     mukharIbhrUya muhurvibhUtipUre |
api vA vinayoktibhiH kR^itaM te
     shishusaMlApavasho hi mAtR^ivargaH || 27||
jaya devi! guNatrayaikaveShe!
     jaya he devi! guNatrayaikabhUShe! |
jaya devi! tamaHpraveshadUre!
     jaya he devi! nijaprakAshadhAre! || 28||
iti te stutimauktikAdbhutashrIH
     svayamagranthata hanta! sannidhAnAt |
tadiyaM tava devi! kaNThabhUShA\-
     padavIM prApya kR^itArthatAM prayAtu || 29||
shrIkR^iShNalIlAshukavAksubhikShaM
     nakShatramAleyamabhUtapUrvA |
kR^iShNasya devasya girashcha devyAH
     kalA~nchale varShatu harShadhArAH || 30||
iti kR^iShNakelishukavA~NmayImimAM
     matimAn janaH parichinotu jihvayA |
uruchetasA shravaNamaNDalena vA
     tritayena vA tribhuvanAdbhutAM sudhAm || 31||
(stavo.ayaM goshrIrAjyAntargata\-kaNayannUr\-deshastha\-paTi~n~nA
TTiyeTattugR^ihAbhijana rAman vAsudevannampUtirisvAmikAt |)

iti shrIlIlAshukamunivirachitA sarasvatInakShatramAlA samAptA |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}