श्रीसरस्वतीस्तोत्रम्

श्रीसरस्वतीस्तोत्रम्

वाञ्छाधिकेष्टफलदाननिबध्ददीक्षा वाक्चातुरीविद्युतकेलिकुलाभिमाना । वागीशविष्णुभवपूजितपादपद्मा वाग्जाऽयदास्तु भवतां वचसां सवित्री ॥ १॥ श‍ृङ्गाद्रिवासनिरता वरतुङ्गभद्रा तीरप्रचाररसिका कलिकल्मषध्नी । कीलालजातभवमोदसुखाब्धिराका वाग्जाऽयदास्तु भवतां वचसां सवित्री ॥ २॥ कल्याणशैलधनुष: सहजा कृपाब्धि- र्हस्ताम्बुजात्तकजपुस्तककीटमाला । पद्मोद्भवादिमवृषालिरुपात्तदेहा वाग्जाऽयदास्तु भवतां वचसां सवित्री ॥ ३॥ वैराग्यदाननिरता नतमस्तरीशा भोगीन्द्रगर्वविनिवारणदक्षवेणी । आम्नायशीर्षततिगेयनिजापदाना वाग्जाऽयदास्तु भवतां वचसां सवित्री ॥ ४॥ स्वान्तानन्दनिमग्नस्वान्तां प्रकरोतु सन्ततं कृपया । यदुनन्दनसुखवाणी वाणी वीणालसत्काराम्भोजा ॥ ५॥ इति श्रीवासुदेवानन्दसरस्वतीविरचितं श्रीसरस्वतीस्तोत्रं सम्पूर्णम् ॥ Composed by P. P. Vasudevanand Saraswati (Tembe) Swami Maharaj (1854-1914) Encoded and proofread by Sumit
% Text title            : sarasvatIstotramvAsudevAnanda
% File name             : sarasvatIstotramvAsudevAnanda2.itx
% itxtitle              : sarasvatIstotram (vAsudevAnandasarasvatI virachitam vAnChAdhi)
% engtitle              : sarasvatIstotram bv vAsudevAnanda
% Category              : devii, sarasvatI, vAsudevAnanda-sarasvatI, devI
% Location              : doc_devii
% Sublocation           : devii
% SubDeity              : sarasvatI
% Author                : Vasudevanand Saraswati (Tembe) Swami Maharaj (1854-1914)
% Language              : Sanskrit
% Subject               : philosophy/hinduism/religion
% Transliterated by     : Sumit
% Proofread by          : Sumit, NA
% Latest update         : May 14, 2017
% Send corrections to   : (sanskrit at cheerful dot c om)
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org