% Text title            : Sarayu Ashtakam
% File name             : sarayUaShTakam.itx
% Category              : devii, nadI, raama, aShTaka
% Location              : doc\_devii
% Transliterated by     : Prabhav Tengse
% Proofread by          : Prabhav Tengse
% Latest update         : February 25. 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sarayu Ashtakam ..}##
\itxtitle{.. shrIsarayU aShTakam ..}##\endtitles ##
chakravartIdasharatha uvAcha |
namaste sarayU devi vasiShTha tanaye shubhe |
brahmAdi sakalairdevairR^iShibhirnAradAdibhiH || 1||
sadA tvaM sevitA devi tathA sukR^itibhirnaraiH |
mAnasAchcha samAyAte jagatAM pApa hAriNi || 2||
smaratAM pashyatAM devi pApanAshe paTIyasi |
ye pibanti jalaM devi tvadIyaM gatamatsarAH || 3||
stanapAnaM na te mAtuH kariShyanti kadAchana |
manu prabhR^itibhirmAnyaimAnitAsi sadA shubhe || 4||
tvattIra maraNenaiva tvannAma raTanena cha |
ye tyajanti tanuM devi te kR^itArthA na saMshayaH || 5||
tvaM tu netrodbhavA devi harernArAyaNasya hi |
mahimA tava devaishcha gIyate cha muhurmuhuH || 6||
tatra kA hi manaH shaktiH stavane mAnuShasya cha |
tvattIre sarva tIrthAni nivasanti chaturyuge || 7||
namo devi namo devi punareva namo namaH |
he vAsiShThi mahAbhAge praNataM rakSha bandhanAt || 8||

iti shrIsarayU aShTakaM sampUrNam |

##
Encoded and proofread by Prabhav Tengse

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}