% Text title            : Sarayu Sudha
% File name             : sarayUsudhA.itx
% Category              : devii, aShTaka, nadI
% Location              : doc\_devii
% Author                : Durgaprasad DvivedI
% Transliterated by     : Kamini Viswanathan
% Proofread by          : Kamini Viswanathan, Lalitha Mallikarjunan
% Latest update         : February 6, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sarayu Sudha ..}##
\itxtitle{.. sarayUsudhA ..}##\endtitles ##
te.antaH sattvamuda~nchayanti rachayantyAnandasAndrodayaM
      daurbhAgyaM dalayanti nishchalapadaH sambhu~njate sampadaH |
shayyotthAyamadabhrabhaktibharitashraddhAvishuddhAshayA
      mAtaH! pAtakapAtakartri ! sarayu! tvAM ye bhajantyAdarAt || 1||
kiM nAgeshashirovataMsitashashijyotsnAChaTA sa~nchitA
      kiM vA vyAdhishamAya bhUmivalayaM pIyUShadhArA.a.agatA |
utphullAmalapuNDarIkapaTalIsaundarya sarva.nkaShA
      mAtastAvakavAripUrasaraNiH snAnAya me jAyatAm || 2||
ashrAntaM tava sannidhau nivasataH kUleShu vishrAmyataH
      pAnIyaM pibataH kriyAM kalayatastattvaM paraM dhyAyataH |
udyatprematara~NgambhaguradR^ishA vIchichChaTAM pashyato
      dInatrANapare! mamedamayatAM vAsiShThi! shiShTaM vayaH || 3||
ga~NgA tiShyavichAlitA ravisutA kR^iShNaprabhAvAshritA
      kShudrA gomatikA parAstu saritaH prAyoyamAshAM gatAH |
tvaM tvAkalpaniveshabhAsurakalA pUrNendubimbojjvalA
      saumyAM saMsthitimAtanoShi jagatAM saubhAgyasampattaye || 4||
majjannAkanitambinI\-stanataTAbhogaskhalatku~Nkuma\-
      kShodAmodaparamparAparimilatkallolamAlAvR^ite |
mAtarbrahmakamaNDalUdakalasatsanmAnasollAsini !
      tvadvArAM nichayena mAmakamalastomo.ayamunmUlyatAm || 5||
iShTAn bhogAn ghaTayitumivAgAdhalakShmI parArdhyA
      vAtArabdhasphuritalaharIhastamAvartayantI |
gandhadravyachChuraNavikasadvArivAso vasAnA
      sA naH shIghraM haratu sarayUH sarvapApaprarohAn || 6||
jayati vipulapAtraprAntasaMrUDhagulma\-
      vratatitatinibaddhArAmashobhAM shrayantI |
nishi shashikarayogAtsaikate.apyambusattAM
      sapadi virachayanti sA.apagAvaijayantI ||| 7||
aMhAMsi nAshayantI ghaTayantI sakalasaukhyajAlAni |
shreyAMsi prathayantI sarayUH sAketasa~NgatA pAtu || 8||
ya imakaM sarayUstabakaM paThenniviDabhaktirasAplutamAnasaH |
sa khalu tatkR^ipayA sukhamedhate.anugataputrakalatrasamR^iddhibhAk ||| 9||

|| iti sarayU\-sudhA samAptA ||
##

Encoded by Kamini Vishwanathan
Proofread by Kamini Vishwanathan, Lalitha Mallikarjunan


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}