% Text title            : Sarvamangalamangalyaghatalakshmivratanirupanam
% File name             : sarvamangalamAngalyaghaTalakShmIvratanirUpaNam.itx
% Category              : devii, devI, lakShmInArAyaNIyasaMhitA, lakShmI, mangala
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 137/71-86||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sarvamangalamangalyaghatalakshmivratanirupanam ..}##
\itxtitle{.. sarvama~NgalamA~NgalyaghaTalakShmIvratanirUpaNam ..}##\endtitles ##
(mArgashIrShe tathA vaishAkhe kAryam)
mArgashIrShe cha vaishAkhe Urje vA shuklapakShake |
maNDapodyAnasaMyuktAmudyApanasamanvitAm || 71||
kariShyanti narA nAryo yAsyanti te parAM gatim |
pa~nchagavyena kShIreNa puShpagandhodakena cha || 72||
madhunA snApayettvAM sampUjayet phalapuShpakaiH |
shR^i~NgArayedveShayechcha vibhUShayennIrAjayet || 73||
bhojayechcha tataH puShpA~njaliM dadyAt sumUrtaye |
kShamAM yAcheta cha namet prArthayedgurave.arpayet || 74||
\ldq{}mahAlakShmyai namaH pAdau tava gulphau namaH shriyai |
shokahantryai namo ja~Nghe ramAyai jAnunI namaH || 75||
UrU ma~NgalakAriNyai vakShaHsthalyai namaH kaTim |
padmAyai nama udaramuraH kAmashriyai namaH || 76||
karau saubhAgyalakShmyai te bAhUdaramukhaM shriyai |
kamalAyai namo nAsAM padminyai lochane namaH || 77||
puShTyai lalATamalakAn hiraNyAyai shiro namaH |
hariNyai sukhadAlakShmyai lalitAyai namo namaH || 78||
nArAyaNyai vAsudevyai sampadAyai namo.astu te |
sarvama~NgalamA~NgalyaM dehi me mAtarIshvari || 79||
sarvama~NgalamA~Ngalyavratena tava padmaje |
mameShTaM sarvamevA.astu kR^ipayA tava chAbdhije || 80||
gItama~NgalanirghoShAn kArayedyajamAnakaH |
suvAsinyaH kanyakAshcha kuryurgItAni tatra cha || 81||
pUjayeyU raktavastrai raktamAlyAnulepanaiH |
kusumairakShatairvArbhirnamaskAraiH prabhojanaiH || 82||
sindUraku~NkumatailasArakastUrikA.a~njanaiH |
evaM sampUjya tAM mUrtiM dadyAchChrIgurave shubhAm || 83||
guruM sampUjayechchApi kamalaishchandanAdibhiH |
parihAraM tataH kuryAdbhojayedbAlabAlikAH || 84||
sarvama~NgalamA~NgalyalakShmIvratamidaM param |
yaH kuryAttasya mA~NgalyaM bahudhA vai vasedgR^ihe || 85||
sarvapApavinAshashcha saubhAgyArogyavardhanam |
sarvAmodapramodeShTAnandasaukhyapradaM vratam || 86||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
   137\-adhyAyAntargataM mArgashIrShe tathA vaishAkhe kAryaM
   sarvama~NgalamA~Ngalya ghaTalakShmIvratanirUpaNaM sampUrNam |

lakShmInArAyaNIyasaMhitA | khaNDa 3| adhyAya 137/71\-86||
##
lakShmInArAyaNIyasaMhitA . khaNDa 3. adhyAya 137/71-86..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}