% Text title            : Saubhagyasudhodayah by Amritanandayogi
% File name             : saubhAgyasudhodayaH.itx
% Category              : devii, devI, shiva
% Location              : doc\_devii
% Author                : Amritanandayogi
% Transliterated by     : Volunteers of Tripurā Tallikā provided by Brian Campbell tripura.tallika at gmail.com
% Proofread by          : Volunteers of Tripurā Tallikā
% Description/comments  : Amritanandayogi (1325-1375)
% Acknowledge-Permission: Tripurā Tallikā is a small group of Śrīvidyā practitioners https://tripuratallika.org/
% Latest update         : October 1, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Amritanandayogivirachitah Saubhagyasudhodayah ..}##
\itxtitle{.. amR^itAnandayogivirachitaH saubhAgyasudhodayaH ..}##\endtitles ##
\section{prathamaH prapa~nchaH}
jayati jyotiranuttaramidamakhilaM yasya bhAsate bhAsA |
sA bhAsayati yan na bhAnurna shItabhAnuH kuto bR^ihadbhAnuH || 1||
svAbhAvikI sphurattA vimarshavapurasya vidyate shaktiH |
saiva charAcharaM akhilaM janayati jagadeta(va?da)vati saMharate || 2||
tasya nirupAdhimUrternikhilAtItasya nityatR^iptasya |
sasAramohasambhramasa~Ngatiranayaiva santataM bhavati || 3||
seyaM tadaikarasyAt parA parAmarsharUpiNI shaktiH |
svasvAtantryollAsaspandAdekA.apyanekadhA vitatA || 4||
prathamaM pashyantyAdiprakArabhedaprapa~nchitAkArA |
vishvottIrNAnAhatanAdamayI saiva mAtR^ikA jAtA || 5||
akhilamanAhatamUrtirmAtyuttIrNasvarUpiNI tarati |
kAyati nAnAnAmaprapa~ncharUpeNa mAtR^ikA devI || 6||
nijabhAgAhavirbhAgA(?)paryAsasamAsaikarasyabhedama(yi?yI) |
ekA.apyekAdasha(vA?dhA)jAtA mAtA paraiva pashyantI || 7||
(pashyati sarvaM svAtmani karaNAnAM saraNiM api yaduttIrNA |
teneyaM pashyantItyuttIrNetyapyudIryate mAtA ||)
pashyantya(A)H paramArthaH sva(A)vayavA (pya?vya)ShTayo.aShTa vAmA (sA?dyAH) |
tAbhyaH samaShTirUpe na sAmarasyaM cha tattvato bhinnam || 8||
ekaikarasyarUpA parA.aparA.aShTAMshamAtR^iparamArthA |
tAbhyAM anAhatAkhyA nAdamayI madhyamA.abhavan mAtA || 9||
sthAnAdibhirahatatvAdbuddhivyApAramAtrabodhyatvAt |
mAtA.anAhatanAmA sUkShmA vikR^itAdinAdanavakamayI || 10||
sUkShmaiva madhyameyaM nAdamayI sthUlabhAvaM ApannA |
dvyuttarachatvAriMshadvarNAtmakavarganavakarUpeNa || 11||
pashyantIva na kevalaM uttIrNA nApi vaikharIva bahiH |
sphuTataranikhilAvayavA madhyagatA madhyamA tayo(ra?rya)smAt || 12||
parayA.aparayA pAdAdyaShTavyaShTyAtmanA cha pashyantyA |
mAtrA madhyamayA navavargAtmikayA cha vaikharI jAtA || 13||
sthAnakaraNaprayatnairabhihatapavanapravartitArNatvAt |
hatanAmadheyaM asyA vihitaM varNodayakramAbhij~naiH || 14||
AvadhAraNe(dra?tra)vai (ve?che)damakShe vivare cha kha gatau rIti |
karNavivaraikagamyasvArNeyaM vaikharI yato mAtA || 15||
dasha pa~ncha cha bindvantAH svarA matAH pratipadAditithirUpAH |
ravishashisargaspandaprabhavA hi bhavanti te tadAtmAnaH || 16||
ravishashirUpau bindU shivashaktimayau tadAtmakaH sargaH |
sattodrekashcha tayoH shivashaktyostatsvabhAvato.avasthe || 17||
sattA shivastadaMshA vAmA jyeShThA tathaiva raudrI syAt |
etA evAnuttaraM ichChonmeShashcha samabhava(d?n)hrasvAH || 18||
udrekaH shaktiH syAdichChA j~nAnA kriyA cha shaktyaMshAH |
dIrghAstA evAsannAnandashcheshanonatA cheti || 19||
asvaravapurAdishivaH paraH pramAtA svasaMvidunmeShAt |
ichChati vedituM arthAnIshanayA tadanu vetti bhinnagatiH || 20||
ichChAveshAnantaraM asmin prAgIshanodayAnmadhye |
vyaktAvyaktArthamayA(H)ShaNDhA ichCheshanodbhavA varNAH || 21||
ichChAnuttarayogAdvihitA sha(ktiH?kti)svarasya sambhUtiH |
ekArAnuttarayoH sa~NgAdaikArasambhavo bhavati || 22||
unmeShAnuttarayoH sa~NgAdokArajanma nirNItam |
okArAnuttarayoH sa~NgAchChaktitrishUlaniShpattiH || 23||
vedanarUpo binduH shivashaktidvitayasAmarasyatanuH |
vedakavedyavibhAgasvarUpasa~NkocharUpasaMskAraH || 24||
ravishashisa~ncharaNavashAdyathaiva vikasanti santataM tithayaH |
tanmayasargaspandAdunmiShitAste svarAstadAtmAnaH || 25||
sargeNa kAdivarNairapi ShaTtriMshadbhirAtmano.avayavaiH |
ShaTtriMshattattvamayaM jagadAvR^iNute shivAtmakaM mAtA || 26||
shaktirna shivena vinA shivo.api na tayA vinA.asti tadvadidam |
vishvaM vAgarthamayaM shivashaktyullAsasambhavaM bhAti || 27||
yadayaM anuttaramUrtirnijechChayA nikhilaM api jagat sraShTum |
paspande sa spandaH prathamaM shivatattvaM uchyate tajj~naiH || 28||
ichChA saiva svachChA santatasamavAyinI parA shaktiH |
sacharAcharasya jagato bIjaM nikhilasya nijanilInasya || 29||
svechChAshaktyudgIrNaM jagadAtmAhantayA samAchChAdya |
nivasan sa eva nikhilAnugrahanirataH sadAshivo.abhimataH || 30||
vishvaM sa eva pashyann idantayA nikhilaM Ishvaro jAtaH |
sA bhavati shuddhavidyA yedantAhantayorabhedamatiH || 31||
mAyA vibhedabuddhirnijAMshabhUteShu nikhilabhUteShu |
nityaM tasya nira~NkushavibhavaM veleva vAridhiM rundhe || 32||
sa tayA parimitamUrtiH sa~NkuchitasamastashaktireSha pumAn |
raviriva sandhyAraktaH saMhR^itarashmiH svabhAsane.apyapaTuH || 33||
sampUrNakartR^itAdyA yA bahvyaH santi shaktayastasya |
sa~NkochAt sa~NkuchitAH kalAdirUpeNa rUShayantyenam || 34||
yatsarvakartR^itA sA sa~NkuchitA katipayArthamAtR^iparA |
ki~nchitkartAraM amuM kalayantI kIrtyate kalAnAmnA || 35||
sarvaj~natA.asya shaktiH parimitatanuralpavedyamAtR^iparA |
j~nAnamupapAdayantI vidyeti nigadyate budhairAdyaiH || 36||
nityaparipUrNatR^iptiH shaktistasyaiva parimitA tu satI |
bhogeShu ra~njayantI satataM amuM rAgatattvatAM yAtA || 37||
yA nityatA.asya shaktirnikR^iShya nidhanodayapradAnena |
niyataparichChedakarI klR^iptA syAt kAlatattvarUpeNa || 38||
yA.asya svatantratAkhyA shaktiH sa~NkochashAlinI saiva |
kR^ityAkR^ityeShvavashaM niyataM amuM niyamayantyabhUn niyatiH || 39||
ichChAditrisamaShTiH shaktiH shAntA.asya sa~NkuchadrUpA |
sa~NkuchitechChAdyAtmakasattvAdikasAmyarUpiNI tu satI || 40||
bud.hdhyAdisAmarasyarUpA chittAtmikA matA prakR^itiH |
ichChA.asya rajorUpA.aha~NkR^itirAsIdahampratItikarI || 41||
j~nAnA.asya sattvarUpA nirNayabodhasya kAraNaM buddhiH |
tasya kriyA tamomayamUrtirmana ityuchyate vikalpakarI || 42||
vAgAdipa~nchabhedaiH sa eva sa~Nkuchitavigraho devaH |
j~nAnakriyoparAgaprAdhAnyAdvividhaviShayarUpo.abhUt || 43||
shrotraM chakShuH sparshanajihvAghrANAni bodhakaraNAni |
vAkpANipAdapAyUpasthAkhyAni karmakaraNAni || 44||
shabdasparshau rUpaM rasagandhau cheti bhUtasUkShmANi |
ayaM evAtinikR^iShTo jAto bhUtAtmanA.api bhUteshaH || 45||
gaganaM anilashcha tejaH salilaM bhUmishcha pa~ncha bhUtAni |
shrotrAdikaraNavedyAH shabdAdyAstAni vedakAnyeShAm || 46||
vachanakarI vAg AsIt pANiH syAt karaNabhUtaM AdAne |
gamanavisargAnandatritaye pAdAdikatrikaM karaNam || 47||
gandhavatI bhUmiH syAdApaH sAMsiddhikadravAstejaH |
uShNasparshavishiShTaM sasparsho vAyurambaraM shabdaH || 48||
mAyAntaM AtmatattvaM vidyAtattvaM sadAshivAntaM syAt |
shaktishivau shivatattvaM turIyatattvaM samaShTireteShAm || 49||
chaturAtmikeyaM eShA parAdirUpaprapa~nchabhedavatI |
sR^iShTisthitisaMhArAnAkhyAkhyAMshchaturo.anvayAnabhivyAptA || 50||

iti shrImadamR^itAnandayogivirachite saubhAgyasudhodaye prathamaH prapa~nchaH ||
\section{dvitIyaH prapa~nchaH}
saiva mahAvidyAtmA mAtA chaturanvayaikavishrAntiH |
chaturAnanAdijananI jAtA chaturAtmavargaphaladAtrI || 1||
asvaravimarsharUpau svAMshau hitvA chatuShkalau saiva |
vAmAdIchChAdimayAnyakaroddvandvAnyamUni chatvAri || 2||
vAmAMsho brahmA syAdichChaiva tasya bhAratI shaktiH |
anayoretanmithunaM sR^iShTiH prAganvayAtma vAgbIjam || 3||
jyeShThAMsho viShNuH syAj j~nAnA vishvambharA tayormithunam |
idaM eva dakShiNAnvayarUpaM shrIkAmarAjamadhyAste || 4||
raudryAtmakastu rudraH kriyAmayI shaktirasya rudrANI |
yugalaM idaM tArtIyaM bIjaM pAlayati pashchimAmnAyam || 5||
syAdambikAsvarUpaH shambhuH shAntAtmikA.asya shaktiH syAt |
mithunaM idaM shivashaktyoruttarasamayAtma turyaM adhitiShThet || 6||
evaM anuttarashaktyoshchaturaMshadvandvarUpiNI parA jAtA |
chaturanvayAtmikeyaM pashyantI mAtR^ikAmayI vidyA || 7||
sR^iShTiH pUrvAmnAyo vAgbhavabIjaM tadAtmakaM trividham |
sR^iShTisthitisaMhArairbhinnA sR^iShTistrimUrtimUrtiH syAt || 8||
brahmA.atra sR^iShTisR^iShTAvadhipatiretasya bhAratI shaktiH |
so.ayaM hasyArthaH syAt sa eva shivashaktivAchakashchApi || 9||
hasyArthaH syAdatra svashaktimayarUpasArNasaMyogAt |
sR^iShTisthitau tu viShNuH kartA vishvambharA.asya shaktiH syAt || 10||
viShNuH kaliperartho laliperetasya shaktirarthaH syAt |
rudro.adhipatiH shaktI raudrI syAt tatra sR^iShTisaMhAre || 11||
haravarNayugalaM anayorvAchakaM artho.atra rasya rudraH syAt |
rudrAkSharasamparkAdraudrI tachChaktiratra hasyArthaH || 12||
atra tu shaktyarNasya prAthamyaM shaktibIjabhUtatvAt |
adhivasataH shivashaktI sa.nj~nAnAkhyA tayostu tritvamayI || 13||
kAmakalA kalayitrI turyamayI raktashuklamishratanuH |
rakto binduH shaktiH shuklaH shambhuH parastadaikAtmyam || 14||
evaM dvitIyabIjaM sthitirUpaM dakShiNAnvayAtma syAt |
sthitisR^iShTyAdivibhedAdvasanti tA eva devatAstatra || 15||
atra kalavarNamadhyasthito hakAraH sthitisvarUpatvam |
asya dyotayati paraM sthitirUpaM saMvidambikAkAraH || 16||
saMhArAtmakapashchimasamayamaye tadvadeva tArtIye |
saMhR^itisR^iShTyAdivashAdvasanti tA eva devatAstatra || 17||
sR^iShTau shakterniyataprAdhAnyAdasya shaktibIjatvAt |
svAtmani saMhR^itisR^iShTau shivaM antarbhAvya bhAsate shaktiH || 18||
trimaye turIyabIje.anAkhyArUpottarAnvayAtmani tau |
shaktishivAvadhivasato nirantaraM sAmarasyaM Apannau || 19||
sR^iShTyAdibhedabhinnashrIvidyAvarNayugalanavakAtmA |
navanAdavargarUpA mAtA sA madhyamA.abhidhA vitatA || 20||
shabdasparshau rUpaM rasagandhau cheti bhUtasUkShmANi |
vyApyavyApakabhAvAt pa~nchadasha syuH krameNa tatsa~NkhyAH || 21||
tithayashcha kalA nityAstadAtmikAH syustathaiva tatsa~NkhyaiH |
varNaiH samaShTireShA vidyA vyApnoti tAni sarvANi || 22||
sargAdisamaShTirUpaH svAMshairebhistadAtmanA vitataH |
sargeNa kAdivarNairapi ShaTtriMshadbhirAtmano.avayavaiH || 23||
punarajvya~njanabinduprabhedabhinnAMstadakSharAvayavAn |
ShaTtriMshatsa~NkhyAkAMstattvamayAn ashnute hi sA mAtA || 24||
vyaShTisamaShTivibhedaishchaturAtmA tattvabIjapIThamayI |
chaturanvayAtmanA.api cha mAtA.aShTakamAtR^ikAmayI vidyA || 25||

iti shrImatpuNyAnandashiShyAmR^itAnandayogipravaravirachite saubhAgyasudhodaye dvItIyaH prapa~nchaH ||
\section{tR^itIyaH prapa~nchaH}
asyAmbikAMshabhUtA shaktiH (sA se?svAMshe)na shAntayA sAkam |
samarasabhAvaM yAtA jAtA jyotirmayI mahAbinduH || 1||
saiva svechChodrekAdvAmA (pa?va)manAdamuShya vishvasya |
vakrIkR^itanijarUpA sR^iShTiH shR^i~NgATavAmarekhA syAt || 2||
jyeShThA j~nAnAveshAdR^ijvI sthitiretadagrarekhA syAt |
raudrI kriyoparAgAt saMhR^itiretasya dakShiNA rekhA || 3||
itthaM iyaM pashyantI jAtA mAtA trikoNarUpeNa |
sA.api chaturbIjavatI vidyA vedyA tadAtmikA tadvat || 4||
vAmA(di?dI)chChAdyaShTapratibimbairaShTakoNaM utpannam |
aShTatrikoNamadhyaspandairdashabhirdashAraM utpannam || 5||
asyaiva pratibimbaM bAhyadashAraM cha bhAsamAnasya |
spandavashAdevaiShAM chakrANAM samuditaM cha manukoNam || 6||
dvyuttarachatvAriMshadyonigaNo madhyayoniparyantam |
nAdamayairnavavargairmadhyamayA tAvadakSharairvyAptiH || 7||
vidyAMshamayaiH svArNaiH kAdyairvargaiH svaraishcha ShoDashabhiH |
aShTadvyaShTadalAmbujayugalaM vyApnoti vaikharI devI || 8||
bIjatrayamayatejastritayavikArAshcha tAni vR^ittAni |
bhUbimbatrayaM etat pashyantyAditrimAtR^ivishrAntiH || 9||
chaturashraShoDashAShTachChadAtmakachakratrayaM tridhA sR^iShTiH |
pUrvAmnAyo vAgbhavabIjaM tadvat trimUrtidaivatyam || 10||
manukoNaM dvidashAraM tritayaM idaM kAmarAjabIjaM syAt |
sthitiratra devatAnAM trayamapi tadvachcha dakShiNAmnAyaH || 11||
aShTatrikoNamadhyatritayaM tArtIyaM eSha saMhAraH |
atrApi devatAtrayaM AsIdayaM eva pashchimAmnAyaH || 12||
sarvaM anAkhyArUpaM turyaM shivashaktidevatAdhikR^itam |
syAduttarasamayAtmakaM evaM srotomayaM mahAchakram || 13||

iti shrImatpuNyAnanda(shiShyAmR^itAnandayogipravaravirachite)saubhAgyasudhodaye tR^itIyaH prapa~nchaH ||
\section{chaturthaH prapa~nchaH}
chittamaye shrIpIThe jyotirbindau yadasya sa~NkrAntam |
pratibimbaM paradhAmnaH parali~NgaM tatprakortyate prAj~naiH || 1||
tatra parA parameshI prakAshashaktyAtma(kA?kau)nijAvaMshau |
nibhidya nityayogAt kAmaH kAmeshvarItyabhUn mithunam || 2||
sarvaiH svasvAtmatayA kAmo devaH prakAmyamAnatvAt |
vaktrAdyAstasyAMshA vArAdya varNitaM budhairAdyaiH || 3||
paramAtmikA tadIyA svechChAshaktirbabhUva kAmeshI |
ichChAdikAstadIyA mUrdhAdyaMshA manIShibhiH kathitAH || 4||
anayorAtmAvaya(ta?va)vyAsasamAsaikarasyabhedavapuH |
pashyantI mAteyaM na tattvato bhidyate tatastAbhyAm || 5||
sA cha chaturakSharAtmA tadaMsha(pU?bhU)tAni tAni mithunAni |
chatvAri vedayanti vidyA vedyA tadAtmikA vibudhaiH || 6||
AdhAranavakamanayormUlAdibrahmarandhraparyantam |
navanAdavargarUpA mAtA vyApnoti madhyamA devI || 7||
sR^iShTyAditrayabhedairnavabhirbhinnArNayugmanavakava(ti?tI) |
navachakrarUpiNI sA vidyA vyApnoti tadvadAdhArA(t?n) || 8||
ShaTtriMshattattvamayaM sharIraM anayornijechChayopAttam |
hantAdyavidyayA.api vyAptaM tAvat prakArabhinnAbhyAm || 9||
ekatriMshatritayadvitayasamaShTiprakArasa~NkalitaiH |
tattvaiH svAvayavamayaishchatubhiranayostathAnvayA vyAptAH || 10||

iti chaturthaH prapa~nchaH ||
\section{pa~nchamaH prapa~nchaH}
shrIpIThashailashikhare parashivabhAnoH prakAshamAnasya |
nijashaktirashminikarashchakrakramadevatAtvamAyAtaH || 1||
madhyatrikoNakoNe vAme shrIpUrNapIThaM etasmin |
buddhimaye paratejaHpratiphalitaM tvitarali~NgatAM yAtam || 2||
raudraH syAdoDDIshaH kriyaiva bhagamAlinI tayormithunam |
rudrasvashaktirUpaM tR^itIyabIjAtmakaM ta(da)dhyAste || 3||
dakShiNakoNe.aha~NkR^itirUpe jAlandhare tu sa~NkrAntam |
paradhAma bANali~NgaM jAtaM sa~NkrAntyupAdhibhedavashAt || 4||
jyeShThAMshaH ShaShThIshaH j~nAnA vajreshvarI tayormithunam |
viShNuvishvambharAtmakaM asminn adhivasati madhyabIjamayam || 5||
punareva kAmapIThe tadagrakoNe sthite manorUpe |
pratiphalitaM tajjyotiH svayambhuli~NgaM samIritaM sadbhiH || 6||
vAmAMsho mitreshaH kAmeshIchChA tayormithunam |
brahmabrAhmIrUpaM vAgbhavabIjAtmakaM vasatyasmin || 7||
itthaM vAmAdyaMshairvAgAdikabIjavAchyatAM yAtaiH |
vAmAdiyugalarUpA jAtA sA mAtR^ikaiva pashyantI || 8||
vasuyoniShvadasIyaM puryaShTakaM aShTadevatAkAram |
antardashArachakre sarvaj~nAdyAstadakShasa~nchArAH || 9||
syuH sarvasiddhidAdyAstadakShaviShayA bahirdashAragatAH |
manukoNashaktinikaraH karaNachaturdashakaM eva tadIyaM abhUt || 10||
dvyuttarachatvAriMshadyonigato devatAnikAyo.ayam |
madhyamayA navavargairvidyArNayugAtmakairabhivyAptaH || 11||
aShTakamanayoriShTaM prakR^itInAM aShTapatrashaktitayA |
etadvikArajAtaM sa~njAtaM nR^ipapatradevatAkAram || 12||
aNimAdiguNanikAyastayostayoreva dhAtusamudAyaH |
mudrAmayI cha sA vai chaturashratrayamaye vasatyasmin || 13||
dviradakalAdalakamaladvitayagataM shaktirashmichakraM idam |
vidyAtmakaiH svakIyairvarNairvyApnoti vaikharI mAtA || 14||
AdhAranavakaM anayornavachakrIbhAvaM AgataM shivayoH |
tanmadhyachArachaturA mudrAtvaM prApa modanAt saMvit || 15||
tannAdashaktinavakaM navachakreshIsvarUpaM Apannam |
vidyArNayugmanavakaM tadvidyAnavakarUpato vitatam || 16||
navachakravAsinInAM bhAsAM prakaTAdiyoginInAM cha |
tAsAM iva chakrANAM chaturAmnAyAdirUpatA j~neyA || 17||

iti shrImatpuNyAnandashiShyAmR^itAnandayogipravaravirachite saubhAgyasudhodaye pa~nchamaH prapa~nchaH ||

\section{ShaShThaH prapa~nchaH}
tadanAdibodharUpaM paramAnandAtmakaM paraM jyotiH |
sphurati yadA svAtmAnaM vimR^iShTaM vidyayA.anayA.abhilaShet || 1||
tadanuttarasphurattAkAra(H)svAtmIyatattvavimraShTA |
paramashivo gururAdyashcharyAnAthAparAbhidhAnadharaH || 2||
vidyAnAM sarvAsAM bhinnasrotaHparamparAkANAm |
vAridhivara iva saritAM puNyatamo bhavati yatra sambhedaH || 3||
bhinnaH sa eva yAtaH kAme(sha?shI)tvaM vimarshabhAgena |
shaktiH sA.asya nira~NkushavibhavaM veleva vAridhiM rundhe || 4||
kR^itayugasamaye vidyAM AdyAM asyai vimarsharUpiNyai |
oDyANapIThanilayashcharyAnAtho.adhideva(te?tai)veshaH || 5||
etannirodhajanyA muktirjantoH sa eva saMsAraH |
saMsArasya cha mukteH saraNiM sharaNaM prayAmi tachcharaNam || 6||
seyaM svIyairbhinnAn gurUn guNaiH ShaShThamitrasa.nj~nAdIn |
anvagrahIdamI(ShA?ShAM)jyeShTho jyeShThauliheturoDDIshaH || 7||
krodhamunishchidrUpastretAyuganAyako.antyabIjapatiH |
sattvatanurbhagamAlAbharttA shrIpUrNashailapIThagataH || 8||
subrahmaNyo madhyaH ShaShThIsho madhyamaulikartA cha |
prANAtmA vajreshInAtha(H)shrIkAmarAjabIjapatiH || 9||
jAlandharapIThastho dvAparayuganAyako rajorUpaH |
shrIkaNTho mitresho nA(thaM?thaH)kAmeshvarImanaHkAntaH || 10||
shrIkAmarUpanilayo viShayamayo vAgbhavAkSharAdhipatiH |
bAlo bAlaulikaraH kaliyugakAlaprabhustamomUrtiH || 11||
nAthairebhiH parajyotiparispandaH prapa~nchaparamArthaH |
divyaugho.ayaM kathitaH sevyaH shrIvAmakeshvarIdevyAH || 12||
mitreshanAthamAtre kaliyugasa(ndhA?ndhau)nilIya nivasantIm |
vidyAM AdyAM enAM lopAmudrA yugAditaH prApat || 13||
yadananyalabdhapUrvAM vidyAM eShA yugAdito lebhe |
tattannAmnA prathitaM santAnaM idaM hi sarvakAleShu || 14||
tadanu muniH kalashabhavastAbhyAM ka~NkAlatApasAchAyaH |
tasmAddharmAchAryo laghunutivararachanaviditavij~nAnaH || 15||
tasmAdapi yogi(sa?va)rAdyogeshI muktakeshinI nAma |
nAnApadAnamahito dIpakanAthaH svasantaterdIpaH || 16||
vidyAM avApa tasyA yoginyA vimalabodhabhAginyAH |
etaiH shivAMshabhUtaiH siddhaugha(H)ShaDbhirIrito gurubhiH || 17||
dIpakanAthasya suto vidyAM tasmAdavApa jiShNvAkhyaH |
atha mAtR^iguptadevastasmAdasmAchcha tejaso devaH || 18||
tasmAnmanojadevastato.api kalyANanAthayogivaraH |
tasmAt paramAnandaH svAtmAnandastato mahAyogI || 19||
tadanu trilochanesho dakShiNasantAnasiddhisantAnaH |
etasmAddevesho mArijabAdhAkhyaviShayaviditayashAH || 20||
tasmAchcha keshaveshastrilochaneshAparAbhidhAna(pa?dha)raH |
tasmAt puNyAnando (mAma?mamA)mR^itAnandayogino nAthaH || 21||
bhAnuka(sumA?shubhA)vasAnaM santAnaM svIyaM Atmano j~nAtvA |
samprati santatiyojitajananAdahamasmi pa~nchamaH puruShaH || 22||
etairnAthairudito mAnaugho mAnavottamairarchyaH |
sarveShAM tu gurUNAM gopyaM tatpUjyanAma sAmayikam || 23||
guruvaktramAtragamyaM na pustake lokanAmavallekhyam |
eteShAM oghAnAM iva gA~NgAnAM tamo(va?pa)haM tritayam || 24||
vAgAditritayaM ayaM vandyaM vidyAvatArasopAnam |
etattritayasamaShTi shrIgurunAthasya pAdukAtritayam || 25||
(shi?si)tashoNamishrarUpaM turyaM vAgAdimayatayA vedyam |
niva(sa)ti sahasrapa(te?tre)saroru(ho?he)nAthapAdukArUpam || 26||
subhagatvasudhArasodayAya svagururUpAyavisheShasheShabhAjaH |
nijamAnasamandarAdamathnAdamR^itAnandasudhIrayugmasindhum || 27||

iti shrImatpuNyAnandashiShyAmR^itAnandayogipravaravirachite saubhAgyasudhodaye ShaShThaH prapa~nchaH ||

granthashcha parisamAptaH ||

##

Author: Amṛtānanda

Title: Saubhāgyasudhodayaḥ

Source: Dwivedi, Vrajavallabha (ed). Nityāṣoḍaśikārṇavaḥ: Śivānandakṛtayā ṛjuvimarśinyā Vidyānandakṛtayā Artharatnāvalyā ca Saṃvalitaḥ. 2. Saṃskaraṇam. Vārāṇasyām: Sampūrṇānanda-Saṃskṛta-Viśvavidyālayaḥ. pp. 306-321. 1985.

Description: The Saubhāgyasudhodaya by Amṛtānanda, also known as Amṛtānandanātha and Amṛtānandayogin (fl. c. 1325-1375), is a short work in six chapters. Noteworthy aspects of this composition include: foundational knowledge about how early exponents of Śrīvidyā understood their lineage in the light of the Pratyabhijñā and other Śaiva traditions developed in Kashmir; the supremacy of their tradition in relation to other Kaula transmissions; and Amṛtānanda's guru lineage.

The text is prepared by volunteers of Tripurā Tallikā and is provided by Brian Campbell tripura.tallika at gmail.com
Tripurā Tallikā is a small group of Śrīvidyā practitioners https://tripuratallika.org/

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}