% Text title            : Shri Devi Namavali constructed from Shankaracharya Saundaryalahari
% File name             : saundaryalaharyadhiShThitAdevInAmAvaliH.itx
% Category              : devii, nAmAvalI, laharI, shankarAchArya, devI, dashamahAvidyA
% Location              : doc\_devii
% Author                : Constructed by Narendran Madathil madathilnarendran at gmail.com
% Transliterated by     : Narendran Madathil madathilnarendran at gmail.com
% Proofread by          : Narendran Madathil
% Latest update         : May 11, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devi Namavali from Shankaracharya's Saundaryalahari ..}##
\itxtitle{.. saundaryalaharyadhiShThitA devInAmAvaliH ..}##\endtitles ##
(avalambaH \- shrI Adisha~NkarAchAryavirachitaM saundaryalaharIstotram)
amme nArAyaNa devi nArAyaNa lakShminArAyaNa bhadre nArAyaNa |
OM
hariH shrIgaNapataye namaH |
shrImahAsarasvatyai namaH |
OM shrIgurubhyo namaH |
OM aiM hrIM klIM chAmuNDAyai vichche |
shrIhemAmbikAyai namaH |
namashshivAyai cha namashshivAya |
OM sarvachaitanyarUpAM tAM AdyAM vidyAM cha dhImahi buddhiM yA naH prachodayAt |

kramasa~NkhyA\.      nAmAni            | (shlokaH)
1\. shivayuktAyai shaktyai namaH | (1)
2\. yasyAH viyoge shivaH spanditumapi shakto na bhavati tasyai shaktyai namaH | (1)
3\. hariharaviri~nchAdibhirapyArAdhyAyai mahAdevyai namaH | (1)
4\. yAM praNantuM stotuM cha akR^itapuNyaH na prabhavati tasyai mahAdevyai namaH | (1)
5\. yasyAH charaNapa~NkeruhabhavaM tanIyAMsaM pAMsuM sa~nchinvan viri~nchiH lokAn virachayati tasyai shaktyai namaH | (2)
6\. yasyAH anugraheNa shauriH sahasreNa shirasA kathamapi lokAn avikalaM vahati tasyai shaktyai namaH | (2)
7\. yasyAH charaNapAMsuM sa~NkShudya haraH bhasmoddhUlanavidhiM bhajati tasyai shaktyai namaH | (2)
8\. avidyAnAM antastimiramihiradvIpanagaryai mahAdevyai namaH | (3)
9\. jaDAnAM chaitanyastabakamakarandasrutijharyai mahAdevyai namaH | (3)
10\. daridrANAM chintAmaNiguNanikAyai mahAdevyai namaH | (3)
11\. janmajaladhau nimagnAnAM muraripuvarAhasya daMShTrAyai mahAdevyai namaH | (3)
12\. bhayAttrAtuM vA~nChAsamadhikaM phalamapi dAtu~ncha prakaTita varAbhItyabhinayAbhyAM devyAH nipuNacharaNAbhyAM namaH | (4)
13\. lokAnAM sharaNyAyai mahAdevyai namaH | (4)
14\. praNatajanasaubhAgyajananyai mahAdevyai namaH | (5)
15\. yAM ArAdhya hariH purA nArIbhUtvA puraripumapi kShobhamanayat tasyai mahAdevyai namaH | (5)
16\. yAM natvA smaro.api ratinayanalehyena vapuShA mahatAM munInAmapi mohAya antaH prabhavati tasyai mahAdevyai namaH | (5)
17\. yasyAH kAmapi kR^ipAM apA~NgAt labdhvA ana~Ngo jagadidaM vijayate tasyai mahAdevyai namaH | (6)
18\. kvaNatkA~nchIdAmAyai karikaLabhakumbhastananatAyai mahAdevyai namaH | (7)
19\. madhye parikShINAyai pariNatasharachchandravadanAyai mahAdevyai namaH | (7)
20\. karatalairdhanurbANAn pAshaM sR^iNImapi dadhAnAyai mahAdevyai namaH | (7)
21\. puramathiturAhopuruShikAyai mahAdevyai namaH | (7)
22\. sudhAsindhormadhye suraviTapivATIparivR^ite maNidvIpe nIpopavanavati chintAmaNigR^ihe shivAkAre ma~nche paramashivaparya~NkanilayAyai chidAnandalaharyai mahAdevyai namaH | (8)
23\. yA mUlAdhAre mahIM, maNipUre kaM, svAdhiShThAne sthitaM hutavahaM, hR^idi marutaM, upari AkAshaM, bhrUmadhye mano.api sakalaM kuLapathaM bhitvA sahasrAre padme rahasi patyA saha viharati tasyai mahAdevyai namaH | (9)
24\. charaNayugaLAntarvigaLitaiH sudhAdhArAsAraiH prapa~nchaM si~nchantyai mahAdevyai namaH | (10)
25\. rasAmnAyamahasaH svAM bhUmiM avApya svamAtmAnaM bhujaganibhaM ad.hdhyuShTavalayaM kR^itvA kuLakuNDe kuhariNi svapantyai mahAdevyai namaH | (10)
26\. yasyAH sharaNakoNAH chaturbhishshrIkaNThaiH, shambhoH prabhinnA pa~nchabhiH shivayuvatibhiH iti navabhiH mUlaprakR^itibhirapi, vasudaLakalAshratrivalayatrirekhAbhiH sArddhaM pariNatAHchatushchatvAriMshat bhavanti tasyai mahAdevyai namaH | (11)
27\. yasyAH saundaryaM tulayituM viri~nchiprabhR^itayaH kavIndrA.api na shaknuvanti tasyai tuhinagirikanyAyai mahAdevyai namaH | (12)
28\. yasyAH AlokautsukyAdamaralalanA tapobhiH duShprApAM girishasAyUjyapadavImapi manasA yAnti tasyai mahAdevyai namaH | (12)
29\. yasyAH apA~NgAloke patitaM varShIyAMsaM nayanavirasaM narmasu jaDaM naraM shatashaH gaLadveNIbandhAH kuchakalashavisrastasichayAH haThAt truTyatkA~nchyaH vigaLitadukUlAH shatashaH yuvatayaH anudhAvanti tasyai mahAdevyai namaH | (13)
30\. yasyAH pAdAmbujayugaM kShitau ShaTpa~nchAshat, udake dvisamadhikapa~nchAshat, hutAshe dvAShaShTiH, anile chaturadhikapa~nchAshat, divi dviHShaTtriMshat, manasi chatuHShaShTi cha mayukhAnAmupari vartate tasyai mahAdevyai namaH | (14)
31\. sharajjyotsnAshubhrAyai shashiyutajaTAmakuTAyai varatrAsatrANasphaTikaghuTikApustakakarAyai mahAdevyai namaH | (15)
32\. yAM sakR^innatvA satAM madhukShIradrAkShAmadhurimadhurINA bhaNitayaH sannidadhate tasyai mahAdevyai namaH | (15)
33\. yAM katichit santaH kavIndrANAM chetaHkamalabAlAtaparuchiM aruNAM eva bhajante tasyai mahAdevyai namaH | (16)
34\. satAM ra~njanaM vidadhuM taruNatarashR^i~NgAralaharIgabhIravAkpradAyinyai viri~nchipreyasyai mahAdevyai namaH | (16)
35\. vAchAM savitrIbhiH shashimaNishilAbha~NgaruchibhiH vashinyAdibhiH saha jananyai mahAdevyai namaH | (17)
36\. mahatAM bha~NgiruchibhiH vAgdevIvadanakamalAmodamadhuraiH vachobhiH kAvyAnAM kartR^itvapaTutvadAyinyai mahAdevyai namaH | (17)
37\. yasyAH taruNataraNishrIsaraNibhiH tanuchChAyAbhiH sarvAM divaM urvIM cha aruNimanimagnAM rUpadhyAnena urvashyA saha trasyadvanahariNashAlInanayanAH gIrvANagaNikAH vashyA bhavanti tasyai mahAdevyai namaH | (18)
38\. mukhaM binduM kR^itvA tasya adhaH kuchayugaM tadadhaH harArddhaM iti yasyAH manmathakalAdhyAnena vanitAH atilaghu sa~NkShobhaM nayati punaH dhyAnaniShThayA ravIndustanayugAM trilokImapyAshu bhramayati tasyai mahAdevyai namaH | (19)
39\. a~NgebhyaH kiraNanikurumbAmR^itarasaM kirantIM himakarashilAmUrttimiva yAM dhyAtvA sarpANAM darpashamakaH shakuntAdhipaH iva, sudhAdhArasirayA dR^iShTyA, jvarashamanaprAptiM labhate tasyai mahAdevyai namaH | (20)
40\. taTillekhAtanvIM tapanashashivaishvAnaramayIM ShaNNAM kamalAnAmapyupari mahApadmATavyAM niShaNNAM devIkalAM mR^iditamalamAyena manasA pashyatAM mahatAM paramAhLAdalaharIpradAyinyai mahAdevyai namaH | (21)
41\. bhavAni tvaM dAse mayi sakaruNAM dR^iShTiM vitara iti stotuM vA~nChan \ldq{}bhavAni tvaM\rdq{} iti kathanAdeva mukundabrahmendrasphuTamakuTanIrAjitapadanijasAyujyapadavIdAyinyai mahAdevyai namaH | (22)
42\. vAmaM vapuH hR^itvA, aparitR^iptena manasA, shambhoraparamapi devyA hR^itamabhUt iti sha~NkAkAriNyai mahAdevyai namaH | (23)
43\. sakalamaruNAbhArUpAyai triNayanAyai kuchAbhyAmAnamrAyai kuTilashashimakuTAyai mahAdevyai namaH | (23)
44\. yasyAH kShaNachalitayoH bhrUlatikayoH Aj~nAmAlambya dhAtA jagatsUte, hariravati, rudraH kShapayate etat sarvaM tiraskurvan svaM vapurapi IshaH tirayati, sadApUrvaH shivaH tat idaM sarvaM anugR^ihNAti cha tasyai mahAdevyai namaH | (24)
45\. yasyAH charaNayoH yA pUjAH virachitA sA triguNajanitAnAM trayANAM devAnAM api pUjA bhavati tasyai mahAdevyai namaH | (25)
46\. yasyAH pAdodvahanamaNipIThasya nikaTe trayo devA.api mukuLitakarottaMsamakuTAH shashvat sthitAH dR^ishyate tasyai mahAdevyai namaH | (25)
47\. viri~nchiH pa~nchatvaM vrajati, harirviratimApnoti, kInAsho vinAshaM bhajati, dhanadaH nAshaM yAti, mAhendrI vitatirapi sammIlitadR^ishA vitandrI bhavati, tadApi asmin mahAsaMhAre yasyAH patireva viharati tasyai satyai mahAdevyai namaH | (26)
48\. AtmArpaNadR^ishA mayA kR^ita jalpaH japaH, sakalaM shilpamapi mudrAvirachanA, gatiH prAdakShiNyakramaNaM, ashanAdi AhutividhiH, saMveshaH praNAmaH akhilaM sukhaM yat me vilasitaM devIsaparyAparyAyo bhavatu iti mayA prArthyamAnAyai mahAdevyai namaH | (27)
49\. vishve vidhishatamakhAdyA diviShadaH pratibhayajarAmR^ityuhariNIM sudhAM AsvAdyApi vipadyante, tathApi yasyAH tATa~NkamahimayA karALaM kShveLaM kabaLitavataH shambhoH kAlakalanaM nAsti tasyai jananyai mahAdevyai namaH | (28)
50\. bhavasya bhavanaM upayAtasya yasyAH prasabhaM abhyutthAne, brahmaviShNvendreShu praNamreShu \ldq{}puro vairi~nchaM kirITaM parihara, kaiTabhabhidaH kaThore koTIre skhalasi, jambhArimakuTaM parihara\rdq{} iti parijanoktiH shrUyate tasyai mahAdevyai namaH | (29)
51\. svadehotbhUtAbhiH ghR^iNibhiH aNimAdyAbhiH abhitaH devIM ahamiti sadA bhAvayati yaH, yasyAH kR^ipayA, tasya triNayanasamR^iddhiM tR^iNayataH, mahAsaMvartAgniH nIrAjanavidhiM virajayati, tasyai nityAyai niShevyAyai mahAdevyai namaH | (30)
52\. pashupatiH tattatsiddhiprasavaparatantraiH chatuHShaShTyA tantraiH sakalaM bhuvanaM atisandhAya sthitaH punaH yasyAH nirbandhAt akhilapuruShArtthaikaghaTanAsvatantraM idaM devyAH tantraM kShititalaM avAtItarat tasyai mahAdevyai namaH | (31)
53\. shivaH, shaktiH, kAmaH, kShitiH, raviH, shItakiraNaH, smaraH, haMsaH, shakraH, tadanu parA, mAraH, hariH iti amI varNAH tisR^ibhiH hR^illekhAbhiH avasAneShu ghaTitAH varNAH yasyAH nAmAvayavatAM bhajante tasyai jananyai mahAdevyai namaH | (32)
54\. niravadhimahAbhogarasikAH Adau smaraM yoniM lakShmIM idaM tritayaM manoH nidhAya chintAmaNiguNanibaddhAkShavalayAH shivAgnau surabhighR^itadhArAhutishataiH juhvantaH yAM bhajanti tasyai nityAyai mahAdevyai namaH | (33)
55\. shambhoH shashimihiravakShoruhayugasharIrAyai bhagavatyai mahAdevyai namaH | (34)
56\. yasyAH AtmAnaM anaghaM navAtmAnaM manyate tasyai mahAdevyai namaH | (34)
57\. yAbhyAM sheShashsheShIsambandhaH ubhayasAdhAraNatayA sthitaH tAbhyAM samarasaparAnandaparayoH mahAdevIdevAbhyAM namaH | (34)
58\. manovyomamarudmarutsArathiH ApobhUmiH ityevaM pariNatAyai yasyAH paraM nAsti tasyai mahAdevyai namaH | (35)
59\. yA vishvavapuShA pariNamayituM shivayuvatibhAvena svAtmAnaM chidAnandAkAraM bibhR^iShe tasyai mahAdevyai namaH | (35)
60\. Aj~nAchakrasthasya tapanakoTidyutishashidharasya parachitA parimiLitapArshvasthasya vandyasya shambhoH patnyai mahAdevyai namaH | (36)
61\. yaM bhaktyA ArAdhyan ravishashishuchInAM aviShaye nirAloke aloke bhAlokabhuvane nivAsaH sAdhyo bhavati tasya parameshvarasya patnyai mahAdevyai namaH | (36)
62\. vishuddhau shuddhasphaTikavishadAya vyomajanakAya shivAya mahAdevAya shivasamAnavyavasitAyai mahAdevyai cha namaH | (37)
63\. yayoH yAntyAH shashikiraNasArUpyasaraNeH kAntyA vidhUtAntarddhvAntA jagatI chakorI iva vilasati tAbhyAM mahAdevImahAdevAbhyAM namaH | (37)
64\. samunmIlatsaMvitkamalamakarandarasikAbhyAM mahatAM mAnasacharAbhyAM kimapi haMsadvandvAya mahAdevImahAdevAbhyAM namaH | (38)
65\. yAbhyAM AlApAt aShTAdashaguNitavidyApariNatiH abhavat, yo haMsadvandvaM doShAt akhilaM guNaM adbhyaH payaH iva Adatte tAbhyAM mahAdevImahAdevAbhyAM namaH | (38)
66\. svAdhiShThAne hutavahaM saMvarttaM nirataM adhiShThAya anavarataM stUyamAnAya mahAdevAya mahatIM samayAyai mahAdevyai cha namaH | (39)
67\. mahati krodhakalite rudrAloke lokAn dahati sati yA dayArdrA dR^iShTyA shishiraM upachAraM rachayati tasyai mahAdevyai namaH | (39)
68\. timiraparipanthisphuraNayA shaktyA taTitvantaM sphurannAnAratnAbharaNapariNaddhendradhanuShe shyAmAya haramihirataptaM tribhuvanaM varShate kamapi megharUpAya mahAdevyAH maNipUraikasharaNAya mahAdevAya namaH | (40)
69\. mUle AdhAre lAsyaparayA samayayA saha navamahArasatANDavanaTAya navAtmane mahAdevAya mahAdevyai cha namaH | (41)
70\. udayavidhiM uddishya dayayA sanAthAbhyAM etAbhyAM ubhAbhyAM idaM jagat janakajananImat j~nAyate tAbhyAM mahAdevImahAdevAbhyAM namaH | (41)
71\. nIDe yachChAyAchChuraNashabaLaM dhanuHshaunAsIraM iti dR^ishyamAnaM chandrashakalaM mANikyatvaM gataiH gaganamaNibhiH sAndraghaTitahaimakirITaM cha dhR^itavatyai himagirisutAyai mahAdevyai namaH | (42)
72\. yasyAH dalitendIvaravanatulitasya ghanasnigdhashlakShNachikuranikurumbasya sahajaM saurabhyaM upalabdhuM valamathanavATIviTapinAM sumanasaH yasmin keshabhAre vasanti tasyai dhvAntanAshinyai shivAyai mahAdevyai namaH | (43)
73\. yasyAH vadanasaundaryalaharIparIvAhaH srotassaraNIsamAnasImantasaraNiH prabalakabarIbhAratimiradviShAM vR^indaiH bandIkR^ita navInArkakiraNaM iva dR^ishyate tasyai kShemakAriNyai mahAdevyai namaH | (44)
74\. yasyAH dashanaki~njalkaruchire, pa~NkeruharuchiM parihasati darasmere, arALaissvAbhAvyAt aLikaLabhasashrIbhiH aLakaiH parItaM sugandhau vaktre smaradahanachakShurmmadhulihaH mAdyanti tasyai mahAdevyai namaH | (45)
75\. yasyAH lalATaM lAvaNyadyutivimalaM makuTaghaTitaM dvitIyaM chandrashakalaM iva AbhAti, tayoH viparyAsanyAsAt ubhayamapi mithaH sambhUya sudhAlepasyUtiH rAkAhimakaraH iva pariNamati tasyai mahAdevyai namaH | (46)
76\. yasyAH ki~nchit bhugne bhruvau madhukararuchibhyAM netrAbhyAM dhR^itaguNaM savyetarakaragR^ihItaM prakoShThe muShTau cha sthagayati nigUDhAntaraM ratipateH dhanuShiva dR^ishyate tasyai bhuvanabhayabha~Ngavyasaninyai umAyai mahAdevyai namaH | (47)
77\. yasyAH savyaM nayanaM arkAtmakatayA ahassUte, vAmaM rajanInAyakatayA triyAmAM sR^ijati, tR^itIyA dR^iShTiH divanishayorantaracharIM daradalitahemAmbujaruchiH sandhyAM samAdhatte tasyai mahAdevyai namaH | (48)
78\. yasyAH dR^iShTiH vishAlA kalyANI sphuTaruchiH kuvalayaiH ayodhyA kR^ipAdhArAdhArA kimapi madhurA AbhogavatikA avantI iti bahunagaravistAravijayA tattannAmavyavaharaNayogyA vijayate tasyai mahAdevyai namaH | (49)
79\. kavInAM sandarbhastabakamakarandaikarasikaM karNayugaLaM kaTAkShavyAkShepabhramarakaLabhau navarasAsvAdataraLau amu~nchantau dR^iShTvA yasyAH aLikanayanaM asUyAsaMsargAt ki~nchidaruNaM dR^ishyate tasyai mahAdevyai namaH | (50)
80\. yasyAH dR^iShTiH shive shR^i~NgArArdrA, taditarajane kutsanaparA, ga~NgAyAM saroShA, girishacharite vismayavatI, harAhibhyo bhItA, sarasiruhasaubhAgyajananI, sakhIShu smerA, bhakteShu sakaruNA vidyate tasyai jananyai mahAdevyai namaH | (51)
81\. yasyAH netre karNAbhyarNaM gate, garuta iva pakShmANi dadhatI, purAM bhettuH chittaprashamarasavidrAvaNaphale AkarNAkR^iShTasmarasharavilAsaM kalayate tasyai gotrAdharapatikulottaMsakalikAyai mahAdevyai namaH | (52)
82\. yasyAHnetratritayaM uparatAn druhiNaharirudrAn devAn punaHsraShTuM rajassatvaM tamaH iti trayaM guNAnAM bibhrat iva vibhaktatraivarNyaM vyatikaritalIlA~njanatayA vibhAti tasyai IshAnadayitAyai mahAdevyai namaH | (53)
83\. yA janAn pavitrIkarttuM dayAmitraiH aruNadhavaLashyAmaruchibhiH netraiH shoNaH, ga~NgA, tapanatanayA iti trayANAM anaghaM sambhedaM upanayati dhruvaM tasyai pashupatiparAdhInAyai mahAdevyai namaH | (54)
84\. yasyAH unmeShanimeShAbhyAM jagatI praLayamudayaM yAti tathA yasyAH unmeShAt jAtaM jagadidaM praLayataH paritrAtuM yasyAH dR^ishaH parihR^itanimeShAH tasyai dharaNidhararAjanyatanayAyai mahAdevyai namaH | (55)
85\. yasyAH karNajapanayanapaishunyachakitAH shapharikAH animeShAH niyataM toye nilIyante tathA shrIH baddhachChadapuTakavATaM kuvalayaM pratyUShe jahAti nishi vighaTayya pravishati cha tasyai aparNAyai mahAdevyai namaH | (56)
86\. yA vane vA harmye vA samakaranipAtaH himakarasadR^ishA drAghIyasyA daradalitanIlolpalaruchA dR^ishA davIyAMsaM dInaM bhaktaM kR^ipayA dR^ishA snApayitvA vinA hAniM dhanyo bhAvayati tasyai shivAyai mahAdevyai namaH | (57)
87\. yasyAH arALaM pAlIyugaLaM kusumasharakodaNDakutukaM Adhatte yatra tirashchIno vilasan apA~NgavyAsa~NgaH shravaNapathamulla~Nghya sharasandhAnadhiShaNAM dishati tasyai agarAjanyatanayAyai mahAdevyai namaH | (58)
88\. yasyAH sphuradgaNDAbhogapratiphalitatATa~NkayugaLaM mukhaM, chatushchakraM manmatharathaM manyate, mahAvIro mAraH yaM Aruhya arkenducharaNaM avanirathaM sajjitavate pramathapataye druhyati tasyai mahAdevyai namaH | (59)
89\. yasyAH amR^italaharIkaushalaharIH sUktiH shravaNachulukAbhyAM aviraLaM pibantyAH chamatkArashlAghAchalitashirasaH sarasvatyAH kuNDalagaNaH tAraiH jhaNatkAraiH prativachanaM AchaShTa iva shrUyate tasyai sharvANyai mahAdevyai namaH | (60)
90\. yasyAH nAsAvaMshaH janAnAM uchitaM nedIyaH phalaM phalati, antaH muktAH vahati, yat tAsAM samR^id.hdhyA shishirakaranishvAsagaLitaM bahiH api muktAmaNidharo.asti tasyai tuhinagirivaMshadhvajapaTyai mahAdevyai namaH | (61)
91\. yasyAH prakR^ityA AraktAyAH dantachChadarucheH vidrumalatAphalasadR^ishA bimbapratiphalanarAgAt aruNitaM bimbaM tulAM ad.hdhyAroDhuM vilajjate tasyai sudatyai mahAdevyai namaH | (62)
92\. yasyAH vadanachandrasya smitajyotsnAjAlaM pibatAM chakorANAM atirasatayA cha~nchujaDimA AsIt, ataste AmLaruchayaH nishi nishi shItAMshoH amR^italaharIM kA~nchikadhiyA svachChandaM bhR^ishaM pibanti tasyai mahAdevyai namaH | (63)
93\. yasyAH jihvA patyurguNagaNakathAmreDanajapA japApuShpachChAyA vidyate, yadagrAsInAyAH sphaTikadR^iShadachChachChavimayI sarasvatyAH mUrttiH mANikyavapuShA pariNamati cha tasyai jananyai mahAdevyai namaH | (64)
94\. raNe daityAn jitvA nivR^ittaiH, apahR^itashirastraiH kavachibhiH chaNDAMshatripuraharanirmAlyavimukhaiH, vishAkhendropendraiH yasyAH shashivishadakarpUrashakalAH vadanatAmbUlakabaLAH vilIyante tasyai mAtre mahAdevyai namaH | (65)
95\. pashupateH vividhamapadAnaM gAyantI vANI yayArabdhe sAdhuvachane tadIyairmAdhuryaiH apalapitatantrIkaLaravAM nijAM vINAM choLena nibhR^itaM nichuLayati tasyai mahAdevyai namaH | (66)
96\. tuhinagiriNA vatsalatayA spR^iShTaM, girishena adharapAnAkulatayA muhurudastaM, shambhoH karagrAhyaM, mukhamukuravR^intaM yasyAH aupamyarahitaM chubukaM avarNanIyaM vidyate tasyai girisutAyai mahAdevyai namaH | (67)
97\. yasyAH grIvA nityaM puradamayituH bhujAshLeShAt kaNTakavatI mukhakamalanALashriyaM dhatte, adhaH svabhAvena svataH shvetA yat kAlAgarubahulajambAlamalinA hAralatikA mR^iNALIlALityaM vahati tasyai mahAdevyai namaH | (68)
98\. yasyAH vivAhavyAnaddhapraguNaguNasa~NkhyApratibhuvaH gaLe tisraH rekhAH nAnAvidhamadhurarAgAkarabhuvAM trayANAM grAmAnAM sthitiniyamasImAnaH iva virAjante tasyai gatigamakagItaikanipuNAyai mahAdevyai namaH | (69)
99\. sarasijabhavaH pramathamathanAt andhakaripoH nakhebhyaH santrasyan chaturNNAM shIrShANAM samaM abhayahastArppaNadhiyA chaturbhiH vadanaiH yasyAH mR^iNALImR^idvInAM chatasR^iNAM bhujalatAnAM saundaryaM stauti tasyai mahAdevyai namaH | (70)
100\. yasyAH nakhAnAM udyotaiH navanaLinarAgaM vihasatAM karANAM kAntiH avarNNanIyamasti yasyAH sAmyaM kamalaM krIDallakShmIcharaNatalalAkShArasachaNaM yadi bhavet tadA kayAchidvA kalayA bhajet tasyai umAdevyai mahAdevyai namaH | (71)
101\. yasyAH samaM skandadvipavadanapItaM satataM prasnutamukhaM stanayugaM Alokya herambaH Asha~NkAkulitahR^idayaH hAsajanakaH hastena svakumbhau jhaTiti parimR^ishati tasyai bhaktakhedahAriNyai mahAdevyai namaH | (72)
102\. yasyAH amR^itarasamANikyakutupau vakShojau pibantau dviradavadanakrau~nchadalanau kumArau adyApi aviditavadhUsa~Ngarasikau bhavataH tasyai nagapatipatAkAyai mahAdevyai namaH | (73)
103\. yasyAH kuchAbhogaH stamberamadanujakumbhaprakR^itibhiH muktAmaNibhiH samArabdhAM bimbAdhararuchibhiH antaHshabaLitAM amalAM hAralatikAM puradamayituH pratApavyAmishrAM kIrtiM iva vahati tasyai ambAyai mahAdevyai namaH | (74)
104\. yasyAH stanyaM hR^idayataH payaHpArAvAraH sArasvatamiva parivahati yayA dayAvatyA dattaM stanyaM AsvAdya draviDashishuH prauDhAnAM kavInAM kamanIyaH kavayitA ajani tasyai dharaNidharakanyAyai mahAdevyai namaH | (75)
105\. manasijaH harakrodhajvAlAvalibhiH avalIDhena vapuShA yasyAH nAbhIsarasi kR^itasa~NgaH tasmAt samuttasthau dhUmalatikA janaH yasyAH romAvaliH iti jAnIte tasyai achalatanayAyai mahAdevyai namaH | (76)
106\. yasyAH kR^ishe madhye kALindItanutaratara~NgAkR^iti bhAntaM yadvastu kuchakalashayoH anyonyaM vimarddAt antaragataM kuhariNIM nAbhiM pravishat vyoma iva sudhiyAM bhAti tasyai jananyai shivAyai mahAdevyai namaH | (77)
107\. yasyAH nAbhiH sthiraH ga~NgAvarttaH, stanamukuLaromAvalilatAkalAvAlaM, kusumasharatejohutabhujaH kuNDaM, rateH lIlAgAraM, girishanayanAnAM siddheH biladvAraM iti kimapi vijayate tasyai girisutAyai mahAdevyai namaH | (78)
108\. yasyAH nisargakShINasya stanataTabhareNa kLamajuShaH namanmUrtteH shanakaiH truTyata iva truTitataTinItIrataruNA samAvasthAsthemnaH madhyaH chiraM kushalo bhavatu iti kavinA prArthitaH tasyai nArItilakAyai shailatanayAyai mahAdevyai namaH | (79)
109\. yasyAH devyAH sadyaH svidyattaTaghaTitakUrppAsabhidurau dormmUle kaShantau kanakakalashAbhau kuchau kalayatA tanubhuvA bha~NgAt trAtuM alaM iti valagnaM trivali lavalIvallibhiH tridhA naddhaM pratIyate tasyai mahAdevyai namaH | (80)
110\. kShitidharapatiH nijAt nitambAt gurutvaM vistAraM haraNarUpeNa nidadhe, ataH yasyAH nitambaprAgbhAraH guruH vistIrNaH san asheShAM vasumatIM sthagayati, laghutvaM prApayati tasyai pArvatyai mahAdevyai namaH | (81)
111\. yasyAH Uruyugmena karIndrANAM kanakakadalIkANDapaTalIM iti ubhayaM, patyuH praNatikaThinAbhyAM suvR^ittAbhyAM jAnubhyAM vibudhakarikumbhadvayaM api nirjitya bhavati tasyai vidhij~nAyai girisutAyai mahAdevyai namaH | (82)
112\. viShamavishikhaH rudraM parAjetuM yasyAH ja~Nghe dviguNasharagarbhau niSha~Ngau akR^ita, yadagre suramakuTashANaikanishitAH pAdayugaLInakhAgrachChadmAnaH dashasharaphalAH dR^ishyante tasyai girisutAyai mahAdevyai namaH | (83)
113\. yasyAH charaNayugaLaM shrutInAM mUrddhAnaH shekharatayA dadhati, yasyAH pAdyaM pAthaH pashupatijaTAjUTataTinI, yasyAH lAkShAlakShmIH aruNaharichUDAmaNiruchiH, tasyai mAtre mahAdevyai namaH | (84)
114\. yasyAH sphuTaruchirasAlaktakavataH padadvandvaM nayanaramaNIyaM bhavati, pashUnAM IshAnaH yadabhihananAya spR^ihayate, pramadavanaka~NkeLitarave atyantaM asUyati tasyai mahAdevyai namaH | (85)
115\. mR^iShA gotraskhalanaM kR^itvA atha vailakShyanamitaM bhartAraM yasyAH charaNakamale lalATe tADayati sati, chirAt dahanakR^itaM antashshalyaM unmUlitavatA IshAnaripuNA tulAkoTikvANaiH kilikilitA tasyai mahAdevyai namaH | (86)
116\. himagirinivAsaikachaturaM nishi charamabhAge cha vishadau samayinAM shriyaM atisR^ijantaM yasyAH pAdayugaLaM himAnIhantavyaM nishAyAM nidrANAM varaM lakShmIpAtraM sarojaM jayataH tasyai mahAdevyai namaH | (87)
117\. yasyAH kIrtInAM padaM vipadAM apadaM sadbhiH kaThinakamaThIkarparatulAM nItaM prapadaM purabhidA dayamAnena manasA bAhubhyAM AdAya dR^iShadi nyastaM tasyai mahAdevyai namaH | (88)
118\. yasyAH charaNayugmaM daridrebhyaH bhadrAM shriyaM anishaM ahnAya dadataM, nAkastrINAM karakamalasa~NkochashashibhiH nakhaiH kisalayakarAgreNa svaHsthebhyaH phalAni dadatAM divyAnAM tarUNAM hasataH iva dR^ishyate tasyai chaNDyai mahAdevyai namaH | (89)
119\. dInebhyaH AshAnusadR^ishIM shriyaM anishaM dadAne saundaryaprakaramakarandaM amandaM vikirati, mandArastabakasubhage yasyAH charaNe karacharaNaH nimajjan bhaktasya jIvaH ShaTcharaNatAM prApnoti tasyai mahAdevyai namaH | (90)
120\. skhalantaH bhavanakaLahaMsAH padanyAsakrIDAparichayaM ArabdhumanasaH iva yasyAH khelaM na jahati, ataH yasyAH charaNakamalaM subhagamaNima~njIraraNitachChalAt teShAM shikShAM AchakShANaM iva vilasati tasyai chArucharitAyai mahAdevyai namaH | (91)
121\. druhiNaharirudreshvarabhR^itaH yasyAH ma~nchatvaM gatA, shivaH svachChachChAyAghaTitakapaTaprachChadapaTaH yasyAH bhAsAM sharIrI shR^i~NgArarasaH iva dR^ishAM kutukaM dogddhi tasyai mahAdevyai namaH | (92)
122\. yA kesheShu arALA, mandahasite prakR^itisaraLA, chitte shirIShAbhA, kuchataTe dR^iShadupalashobhA, madhye bhR^ishaM tanvI, urasijArohaviShaye pR^ithuH, jagat trAtuM shambhoH kAchit karuNA iti jayati tasyai aruNAyai mahAdevyai namaH | (93)
123\. kala~NkaM kastUrI, rajanikarabimbaM kalAbhiH karpUraiH nibiDitaM marakatakaraNDaM, ataH yasyAH bhogena pratidinaM riktakuharaM idaM vidhiH bhUyaH bhUyaH yasyAH kR^ite nUnaM nibiDayati tasyai mahAdevyai namaH | (94)
124\. yA purArAteH antapuraM, tataH yasyAH charaNayugaLe saparyAmaryAdA taraLakaraNAnAM asulabhA, tathA hi shatamakhamukhAH amarAH yasyAH dvAropAntasthitibhiH aNimAdyAbhiH atulAM siddhiM nItAH tasyai mahAdevyai namaH | (95)
125\. kati kati kavayaH vaidhAtraM kaLatraM na bhajante? kaiH dhanaiH api kaH vA shriyaH devyAH patiH na bhavati? yasyAH kuchAbhyAM Asa~NgaH mahAdevaM hitvA kuravakatarorapi asulabhaH tasyai satInAmacharamAyai satyai mahAdevyai namaH | (96)
126\. yAM AgamavidaH druhiNagR^ihiNIM girAM devIM, hareH patnIM padmAM, harasahacharAM adritanayAM AhuH, yA turIyA duradhigamanissImamahimA kApi mahAmAyA asi, yA vishvaM bhramayasi tasyai parabrahmamahiShyai mahAdevyai namaH | (97)
127\. yasyAH kalitAlaktakarasaM charaNanirNejanajalaM prakR^ityA mUkAnAmapi kavitAkAraNatayA vANImukhakamalatAmbUlarasatAM dhatte tasyai mAtre mahAdevyai namaH | (98)
128\. yasyAH bhajanavAn sarasvatyA, lakShmyA, vidhiharisapatnaH viharate, ramyeNa vapuShA rateH pAtivratyaM shithilayati, kShapitapashupAshavyatikaraH chiraM jIvanneva parAnandAbhikhyaM rasaM rasayati tasyai mahAdevyai namaH | (99)
129\. yathA svakIyAbhiH pradIpajvAlAbhiH divasakaranIrAjanavidhiH, yathA svakIyai chandropalajalalavaiH sudhAsUteH arghyarachanA, yathA svakIyai ambhobhiH salilanidhisauhityakaraNaM tathA devIprasAdena labdhavAgbhiH sha~NkarabhagavatpAdAchAryeNa mahAstotraM kR^itvA stutAyai mahAdevyai namaH | (100)
130\. tathA guruprasAdena labdhavAgbhiH stutvA iyaM nAmAvaliH mahAdevIcharaNayugaLe ananyabhaktyA samarpayAmi |

OM tat sat |
shubhamastu |
OM shrI mahAdevyai namaH |
sarvaM khalvidamevAhaM nAnyadasti sanAtanaM iti devIvachanam |
aj~nAnAt vismR^iterbhrAntyA yannyUnamadhikaM kR^itaM tatsarvaM kShamyatAM devi prasIda parameshvari |
shrI hemAmbikAyai namaH |
devIkR^ipayA nAmasamAharaNaM \- maThattil narendran
kR^itaj~natA \- shrI mohan cheTTUr
##

Compiler's Contact Details: Madathil Narendran, Nama Sivaya, Kallekulangara, Palakkad-678009, Kerala, India.
E-mail: madathilnarendran at gmail dot com  Ph. (91) 94950-35516
Any shortcomings or errors noted may please be communicated to compiler for review and correction. 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}