% Text title : Shakambhari or VanashankarI Sahasranama Stotra % File name : shAkambharIvanashaNkarIsahasranAmastotra.itx % Category : sahasranAma, devii, shAkambharI, devI % Location : doc\_devii % Transliterated by : DPD % Proofread by : DPD, NA % Description-comments : Bhagavatistutimanjari pages 810-830, ed. Radhakrishnashastri % Latest update : August 11, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri shAkambharI tathA vanasha~NkarI Sahasranamastotram ..}## \itxtitle{.. shrIshAkambharI tathA vanasha~NkarIsahasranAmastotram ..}##\endtitles ## shAntA shAradachandrasundaramukhI shAlyannabhojyapriyA shAkaiH pAlitaviShTapA shatadR^ishA shAkollasadvigrahA | shyAmA~NgI sharaNAgatArtishamanI shakrAdibhiH shaMsitA sha~NkaryaShTaphalapradA bhagavatI shAkambharI pAtu mAm || shUlaM pAshakapAlachApakulishAnbANAnsR^iNiM kheTakAM sha~NkaM chakragadAhikhaDgamabhayaM khaTvA~NgadaNDAndharAm | varShAbhAvavashAddhatAnmunigaNAnshAkena yA rakShati lokAnAM jananIM maheshadayitAM tAM naumi shAkambharIm || 1|| kailAsashikharAsInaM skandaM muni gaNAnvitam | praNamya shakraH paprachCha lokAnAM hitakAmyayA || 2|| shakra uvAcha \- skanda skanda mahAbAho sarvaj~na shivanandana | nAmnAM sahasramAchakShva shAkambharyAH susiddhidam || 3|| skanda uvAcha \- yA devI shatavArShikyAmanAvR^iShTyAM svadehajaiH | shAkairabIbharatsarvAnR^iShIn shakra shataM samAH || 4|| mahAsarasvatI saiva jAtA shAkambharI shivA | nAmnAM sahasraM tasyAste vakShyAmi shruNubhaktitaH || 5|| OM asya shrIshAkambharIsahasranAmamAlAmantrasya mahAdevaH R^iShiH | anuShTup ChandaH | shAkambharI devatA | sauH bIjam | klIM shaktiH | hrIM kIlakam | mama shrI shAkambharIprasAdasiddhyarthe tatsahasranAmapArAyaNe viniyogaH | karanyAsaH || OM sauH chAmuNDAyai a~NguShThAbhyAM namaH | OM klIM shatAkShyai tarjanIbhyAM namaH | OM hrIM shAkambharyai madhyamAbhyAM namaH | OM sauH chAmuNDAyai anAmikAbhyAM namaH | OM klIM shatAkShye kaniShThikAbhyAM namaH | OM hrIM shAkambharyai karatalakarapR^iShThAbhyAM namaH | evaM hR^idayAdinyAsaH | OM sauH klIM hrIM OM mantreNa digbandhaH | iti || || dhyAnam || sauvarNasiMhAsanasaMsthitAM shivAM trilochanA chandrakalAvataMsikAm | shUlaM kapAlaM nijavAmahastayostadanyayoH khaDgamabhItimudrikAm || pANyordadhAnAM maNibhUShaNAjjvalAM suvAsasaM mAlyavilepanA~nchitAm | prasannAvaktrAM paradevatA mudA dhyAyAmi bhaktyA vanasha~NkarIM hR^idi || lamityAdipa~nchapUjA \- OM sauH klIM hrIM OM | OM shAkambharyai namaH | hrIM shAkambharyai namaH | OM hrIM shAkambharyai namaH | sauH klIM hrIM shAkambharyai namaH | OM sauH klIM hrIM shAkambharyai namaH | OM sauH klIM hrIM shAkambharyai namaH OM | ityeShu gurUpadiShTaM mantraM japet | || atha sahasranAmastotram || OM shAkambharI shatAkShI cha chAmuNDA raktadantikA | mahAkAlI mahAshaktirmadhukaiTabhanAshinI || 1|| brahmAditejaH sambhUtA mahAlakShmIrvarAnanA | aShTAdashabhujA samrANmahiShAsuramardinI || 2|| mahAmAyA mahAdevI sR^iShTisthityantakAriNI | kAntiH kAmapradA kAmyA kalyANI karuNAnidhiH || siMhasthitA nArasiMhI vaiShNavI viShNuvallabhA | bhrAmarI raktachAmuNDA raktAkShI raktapAyinI || 4|| raktapriyA suraktoShThI raktabIjavinAshinI | suraktavasanA raktamAlyA raktavibhUShaNA || 5|| raktapANitalA raktanakhI raktotpalA~NghrikA | raktachandanaliptA~NgI ramaNI ratidAyinI || 6|| surabhiH sundarI bAlA bagalA bhairavI samit | chandralAmbA suma~NgalyA bhImA bhayanivAriNI || 7|| jAgR^itiH svapnarUpA cha suShuptisukharUpiNI | turyo.nnmanI trimAtrA cha trayI tretA trimUrtikA || 8|| viShNumAyA viShNushaktirviShNujihvA vinodinI | ChAyA shAntiH kShamA kShuttR^iTtuShTiH puShTirdhR^itirbhR^itiH || 9|| matirmitirnatirnItiH saMyatirniyati kR^itiH | sphUrtiH kIrtiH stutirjUtiH pUrtirmUrtirnijapradA || 10|| trishUladhAriNI tIkShNagadinI khaDgadhAriNI | pAshinI trAsinI vAmA vAmadevI varAnanA || 11|| vAmAkShI vAruNImattA vAmorurvAsavastutA | brahmavidyA mahAvidyA yoginI yogapUjitA || 12|| trikUTanilayA nityA kalpAtItA cha kalpanA | kAmeshvarI kAmadAtrI kAmAntakakuTumbinI || 13|| kAlarAtrirmahArAtrirmoharAtrishcha dAruNA | nAnAdrumalatAkIrNagirimadhyanivAsinI || 14|| shAkapoShitasarvarShiH pAkashAsanapUjitA | kledinI bhedinI bhrAntirbhItidA bhrAntinAshinI || 15|| krAntiH sa~NkrAntirutkrAntirvikrAntiH krAntivarjitA | DiNDimadhvanisaMhR^iShTA bherInAdavinodinI || 16|| sutantrIvAdanaratA svarabhedavichakShaNA | gAndharvashAstranipUNA nATyashAstravishAradA || 17|| hAvabhAvapramANaj~nA chatuHShaShTikalAnvitA | padavAkyapramANAbdhipArINA vAdibha~NginI || 18|| sarvatantrasvatantrA cha mantrashAstrAbdhipAragA | nAnAyantra vidhAnaj~nA saugatAgamakovidA || 19|| vaikhAnasAdyAgamaj~nA shaivAgama vichakShaNA | vAmadakShiNamArgaj~nA bhairavAgamabhedavit || 20|| pa~nchAyatanatattvaj~nA pa~nchAmnAyaprapa~nchavit | rAjarAjeshvarI bhaTTArikA tripurasundarI || 21|| mahAdakShiNakAlI cha mAta~NgI madyamAMsabhuk | lulAyabalisantuShTA meShachChAgabalipriyA || 22|| dIpikAkrIDanaratA DamaDDamarunAdinI | mahApradIpikAdehalehanAdbhutashaktidA || 23|| nijAveshavadunmattabhaktokta phaladAyinI | udoudomahAdhvAna shravaNAsaktamAnasA || 24|| chauDeshvarI chauDavAdyapravAdanaparAyaNA | kapardamAlAbharaNA kapardiprANavallabhA || 25|| nagrastrIvIkShaNaratA nagnikodbhinnayauvanA | bAlA badaravakShojA madhyA bilvaphalastanI || 26|| nArikelastanI prauDhA pragalbhA cha ghaTastanI | kAtyAyanI namrakuchA prauDhAdbhutaparAkramA | kadalIvanamadhyasthA kadambavanavAsinI || 27|| nijopakaNThasamprAptanadImAhAtmyavardhinI | kAverI tAmraparNI cha kAmAkShI kAmitArthadA || 28|| mUkAmbikA mahAshaktiH shrIshailabhramarAmbikA | jogalAmbA jaganmAtA mAtApuranivAsinI || 29|| jamadagnipriyA sAdhvI tApasIveShadhAriNI | kArtavIryamukhAnekakShatravidhvaMsakAriNI || 30|| nAnAvatArasampannA nAnAvidhacharitrakR^it | karavIramahAlakShmIH kolhAsuravinAshinI || 31|| nAgali~NgabhagA~NkADhyamauliH shakrAdisaMstutA | durgamAsurasaMhartrI durgA.anargalashAsanA || 32|| nAnAvidhabhayatrAtrI sutrAmAdisudhAshanA | nAgaparya.nkashayanA nAgI nAgA~NganArchitA || 33|| hATakAla~NkR^itimatI hATakeshasabhAjitA | vAgdevatAsphUrtidAtrI trAtavAgbIjajApakA || 34|| japyA japavidhij~nA cha japasiddhipradAyinI | mantrashaktirmantravidyA sumantrA mAntrikampriyA || 35|| indumaNDalapIThasthA sUryamaNDalapIThagA | chandrashaktiH sUryashaktirgrahashaktirgrahArtihA || 36|| grahapIDAharI saumyA shubhagrahaphalapradA | jyotirmaNDalasaMsthAnA grahatArAdhidevatA || 37|| saptaviMshatiyogeshI bavAdikaraNeshvarI | prabhavAdyabdashaktishcha kAlachakrapravartinI || 38|| soha.nmantrajapAdhArA UrdhvaShaTchakradevatA | iDAkhyA pi~NgalAkhyA cha suShumnA brahmarandhragA || 39|| shivashaktiH kuNDalinI nAbhimaNDalanidritA | yogodbuddhA muktidAtrI sahasrArAbjapIThagA || 40|| pIyUShavarShiNI jIvashivabhedatinAshinI | nAbhau parA cha pashyantI hR^idaye madhyamA gale || 41|| jihvAgre vaikharIvANI pa~nchAshanmAtR^ikAtmikA | o~NkArarUpiNI shabdasUShTirUpA.artharUpiNI || 42|| maunashaktirmunidhyeyA munimAnasasa.nsthitA | vyaShTiH samaShTistripuTI tApatrayavinAshinI || 43|| gAyatrI vyAhR^itiH sandhyA sAvitrI cha pitR^iprasUH | nandA bhadrA jayA riktA pUrNA viShTishcha vaidhR^itiH || 44|| shrutiH smR^itishcha mImAMsA vidyA.avidyA parAvarA | sumerushR^i~NganilayA lokAlokanivAsinI || 45|| mAnasottaragotrasthA puShkaradvIpadevatA | mandarAdrikR^itakrIDA nIpopavanavAsinI || 46|| maNidvIpakR^itAvAsA pItavAsaH supUjitA | plakShAdidvIpagotrasthA tatratyajanapUjitA || 47|| surAbdhi dvIpanilayA surApAnaparAyaNa | ekapAdekahastaikadR^igekashrutipArshvikA || 48|| ardhanArIshvarArdhA~NgI syUtAlokottarAkR^itiH | bhaktaikabhakti saMsAdhyA dhyAnAdhArA parArhaNA || 49|| pa~nchakoshAntaragatA pa~nchakoshavivarjitA | pa~nchabhUtAtarAlasthA prapa~nchAtItavaibhavA || 50|| pa~nchIkR^itamahAbhUtanirmitAnekabhautikA | sarvA.ntaryAmiNI shambhukAminI siMhagAminI || 51|| yAminIkR^itasa~nchArA shAkinyAdigaNeshvarI | khaTvA~NginI kheTakinI kuntinI bhindipAlinI || 52|| varmiNI charmiNI chaNDI chaNDamuNDapramAthinI | anIkinI cha dhvajinI mohinyejatpatAkinI || 53|| ashvinI gajinI chATTahAsinI daityanAshinI | shumbhaghnI cha nishumbhaghnI dhUmralochananAshinI || 54|| bahushIrShA bahukukShirvyAditAsyA.ashitAsurA | daMShTrAsa~NkaTasaMlagnadaityasAsrAntra mAlinI || 55|| daityAsR^i~NmAMsasantR^iptA kravyAdakR^itavandanA | lambakeshI pralamboShThI lambakukShirmahAkaTI || 56|| lambastanI lambajihvA lambapANya~Nghrija~NghikA | lamborurlambajaghanA kAlikA karkashAtkR^itiH || 57|| bhinnabherIkhararavA vAraNagrAsakAriNI | pretadehaparIdhAnA ruNDakuNDalamaNDitA || 58|| gaNDashailaspardhigaNDA shailakandukadhAriNI | shivadUtI ghorarUpA shivAshataninAdinI || 59|| nArAyaNI jagaddhAtrI jagatpAtrI jaganmayI | allA.nmbAkkA kAmadughA.analpadA kalpavallikA || 60|| mallImatallikA gu~njAla~NkR^itiH shivamohinI | gAndharvagAnarasikA kekAvAkkIrapAlinI || 61|| sinIvAlI kuhU rAkA.anumatiH kaumudI kakup | brahmANDamaNDapasthUNA brahmANDagR^ihadevatA || 62|| mahAgR^ihasthamahiShI pashupAshavimochinI | vIrasthAnagatA vIrA vIrAsanaparigrahA || 63|| dIpasthAnagatA dIptA dIpotsavakutUhalA | tIrthapAtrapradA tIrthakumbhapUjanasa.nbhramA || 64|| mAheshvarajanaprItA pashulokaparA~NmukhI | chatuHShaShTimahAtantrapratipAdyAgamAdhvagA || 65|| shuddhAchArA shuddhapUjyA shuddhapUjA janAshritA | aShTAdashamahApIThA shrIchakraparadevatA || 66|| yoginIpUjanaprItA yoginIchakravanditA | raNatkA~nchIkShudraghaNTA ghaNTAdhvanivinodinI || 67|| tauryatrikakalAbhij~nA manoj~nA ma~njubhAShiNI | shivavAmA~NkalasitA susmitA lalitAlasA || 68|| lAvaNyabhUmistalleshanirmitAmarasundarI | shrIrdhIrbhIrhrIrnatirjAtirIjyAjyA pUjyapAdukA || 69|| surasravantI yamunA tathA guptasarasvatI | gomatI gaNDakI tApI shatadrushcha vipAshikA || 70|| sarayUrnarmadA godA payoShNI cha punaH punA | bhImA kR^iShNA tu~NgabhadrA nAnAtIrthasvarUpiNI || 71|| dvArakA madhurA mAyA kAshyayodhyA tvavantikA | gayA kA~nchI vishAlA cha muktikShetrasvarUpiNI || 72|| mantradIkShA yAgadIkShA yogadIkShA.akShatavratA | akShamAlAvibhedaj~nA.a.asanabhedavichakShaNA || 73|| mAtR^ikAnyAsakushalA mantranyAsavishAradA | nAnAmudrAprabhedaj~nA pa~nchopAstiprabhedavit || 74|| sarvamantropadeShTrI cha vyAkhyAtrI deshikottarA | vAgvAdinI durvivAdiprauDhavAkstambhakAriNI || 75|| svatantrayantraNAshaktistadyantritajagattrayI | brahmAdyAkarShiNI shambhumohinyuchchATinI dviShAm || 76|| surAsurANAM pradveShakAriNI daityamAriNI | pUriNI bhaktakAmAnAM shritapratyUhavAriNI || 77|| sAdhAraNI dhAriNI cha prauDhavAgdhAriNI pradhUH | prabhUrvibhUH svayambhUshcha nigrahAnugrahakShamA || 78|| kShamA.akShamA kShamAdhArA dhArAdharanibhadyutiH | kAdambinI kAlashaktiH karShiNI varShiNIrShiNI || 79|| adevamAtR^ikA devamAtR^ikA chorvarA kR^iShiH | kR^iShTapachyA.akR^iShTapachyA.anUSharA.adhityakA guhA || 80|| upatyakA darI vanyA.araNyAnI shailanimnagA | kedArabhUmirvrIhilA kamalardhirmahAphalA || 81|| ikShumatyUrjitA jambUpanasAmrAdishAlinI | aShTApadakhanI raupyakhanI ratnakhaniH khaniH || 82|| ruchAM bhAvakhanirjIvakhaniH saubhAgyasatkhaniH | lAvaNyasya khanirdhairyakhaniH shauryakhaniH khaniH || 83|| gAmbhIryasya vilAsasya khaniH sAhityasatkhaniH | pakShamAsartuvarShANAM khaniH khaniranehasAm || 84|| khanishcha yugakalpAnAM sUryachandramasoH khaniH | khanirmanUnAmindrANAM khaniH kautukasatkhaniH || 85|| maShI lekhanikA pAtrI varNapa~NktirlipiH kathA | kavitA kAvyakartrI cha deshabhAShA janashrutiH || 86|| rachanA kalpanA.a.achArabhaTI dhATI paTIyasI | apasavyalipirdevalipI rakSholipirlipiH || 87|| tulajA rAmavaradA shabarI barbarAlakA | jyotirli~NgamayI li~NgamastakA li~NgadhAriNI || 88|| rudrAkShadhAriNI bhUtidhAriNI lai~NgikavratA | viShNuvrataparA viShNumudrikA priyavaiShNavI || 89|| jainI daigambarI nAnAvidhavaidika mArgagA | pa~nchadraviDasaMsevyA pa~nchagauDasamarchitA || 90|| hi~NgulA shAradA jvAlAmukhI ga~njAdhidevatA | mandurAdevatA.a.alAnadevatA goShThadevatA || 91|| gR^ihAdidevatAsaudhadevatodyAnadevatA | shR^i~NgAradevatA grAmadevatA chaityadevatA || 92|| pUrdevatA rAjasabhAdevatA.ashokadevatA | chaturdashAnAM lokAnAM devatA paradevatA || 93|| vApIkUpataDAgAdidevatA vanadevatA | sR^iShTikhelA kShemakhelA pratisaMhArakhelanA || 94|| puShpaparya~NkashayanA puShpavatkuNDaladvayI | tAmbUlacharvaNaprItA gaurI prathamapuShpiNI || 95|| kalyANIyugasampannA kAmasa~njIvanI kalA | kalAkalApakushalA kalAtItA kalAtmikA || 96|| mahAjA~NgalakI kAlabhuja~NgaviShanAshinI | chikitsA vaidyavidyA cha nAnAmayanidAnavit || 97|| pittaprakopashamanI vAtaghnI kaphanAshinI | AmajvaraprakopaghnI navajvaranivAriNI || 98|| arshoghnI shUlashamanI gulmavyAdhinivAriNI | grahaNInigrahakarI rAjayakShmavinAshinI || 99|| mehaghnI pANDurogaghnI kShayApasmAranAshinI | upadaMshaharI shvAsakAsachChardinivAriNI || 100|| plIhaprakopasaMhartrI pAmAkaNDUvinAshinI | dadrukuShThAdirogaghnI nAnArogavinAshinI || 101|| yakSharAkShasavetAlakUShmADagrahabhedinI | bAlagrahaghnI chaNDAlagrahachaNDagrahArdinI || 102|| bhUtapretapishAchaghnI nAnAgrahavimardinI | shAkinIDAkinIlAmadastrIgrahaniShUdinI || 103|| abhichArakadurbAdhonmathinyunmAdanAshinI | nAnAviShArtisaMhartrI duShTadR^iShTyArtinAshinI || 104|| duShTasthAnasthitArkAdigrahapIDAvinAshinI | yogakShemakarI puShTikarI tuShTikarIShTadA || 105|| dhanadA dhAnyadA godA vAsodA bahumAnadA | kAmitArthapradA shandA chaturvidhatumarthadA || 106|| brahmamAnyA viShNumAnyA shivamAnyendramAnitA | devarShimAnyA brahmarShimAnyA rAjarShimAnitA || 107|| jaganmAnyA jagaddhAtrI tryambakA tryambakA~NganA | guhebhavaktrajananI bhadrakAlyamaya~NkarI || 108|| satI dAkShAyaNI dakShA dakShAdhvaraniShUdinI | umA himAdrijA.aparNA karNapUrA~nchitAnanA || 109|| kShoNIdharanitambAmbA bimbAbharadanachChadA | kundakorakanIkAsharadapa~NktiH sunAsikA || 110|| nAsikAmauktikamaNiprabhAmalaradachChadA | sumandahasitAlokavimuhyachChambhu mAnasA || 111|| mAnasaukogatiH si~njanma~njIrAdivibhUShaNA | kA~nchIkkaNatkShudraghaNTA kaladhautaghaTastanI || 112|| muktAvidrumahArashrIrAjankuchataTasthalI | tATa~NkayugasatkAntivilasadgaNDadarpaNA || 113|| dhammillaprota sauvarNaketakIdalamaNDitA | shivArpitasvalAvaNyatAruNyakiliki~nchitA || 114|| sagraiveyakachintAkavibhrAjatkambukandharA | sakhIskandhAsaktabAhulatAsulalitA~NgikA || 115|| nitambakuchabhArArtakR^ishamadhyasumadhyamA | nAbhIsarovarodbhUtaromAvalivirAjitA || 116|| trivalIrAjalalitagauravarNatalodarI | chAmaragrAhiNIvIjyamAnendudyutichAmarA || 117|| mahAkurabakAshokapuShpavachayalAlasA | svatapaHsuphalIbhUtavarottamamaheshvarI || 118|| himAchalatapaHpuNyaphalabhUtasutAkR^itiH | trailokyaramaNIratnA shivachichchandrachandrikA || 119|| kIrtijyotsnAdhavalitAnekabrahmANDagolikA | shivajIvAtugulikAlasada~NgulimudrikA || 120|| prItilAlitasatputragajAnanaShaDAnanA | ga~NgAsApatnyajaniteryAyatekShaNashoNimA || 121|| shivavAmA~NkaparyaM~NkakR^itAsanaparigrahA | shivadR^iShTichakorIShTamukhapUrNendumaNDalA || 122|| urojashailayugalabhramachChivamanomR^igA | brahmaviShNumukhAsheShavR^indArakanabhaskR^itA || 123|| apA~NgA~NgaNasantiShThannigrahAnugrahadvayI | sanatkumAradurvAsaH pramukhopAsakArthitA || 124|| hAdikUTatrayopAsyA kAdikUTatrayArchitA | mR^idvIkamadhupAnAdyudbodhadhUrNitalochanA || 125|| avyaktabhAShaNA cheTIdattavITIgrahAlasA | gAyantI vilasantI cha likhantI priyalekhanA || 126|| ullasantI lasantI cha dolAndolanatuShTibhAk | vipa~nchIvAdanaratA saptasvaravibhedavit || 127|| gandharvIkinnarIvidyAdharIyakShasurInutA | amarIkabarIbhR^i~NgIsthagitA~NghrisaroruhA || 128|| gandharvagAnashravaNAnandAndolitamastakA | tilottamorvashIrambhAnR^ityadarshanajAtamut || 129|| achintyamahimA.achintyagarimA.achintyalAdhavA | achintyavibhavA.achintyavikramA.achintyasadguNA || 130|| stutiH stavyA natirnamyA gatirgamyA mahAsatI | anasUyA.arundhatI cha lopAmudrA.aditirditiH || 131|| saptasaMsthAsvarUpA chAraNiH srugvedikA dhruvA | iDA praNItA pAtrI cha svadhAsvAhA.a.ahutirvapA || 132|| kavyarUpA havyarUpA yaj~napAtrasvarUpiNI | sha~NkarAhopuruShikA gAyatrIgarbhavallabhA || 133|| chaturviMshatyakSharAtmaparorajasisAvadom | vedaprasUrvedagarbhA vishvAmitrarShipUjitA || 134|| R^igyajuH sAmatripadA mahAsavitR^idevatA | dvijatvasiddhidAtrI cha sA~NkhyAyanasagotrikA || 135|| gAtR^idurgatisaMhartrI cha gAtR^isvargApavargadA | bhR^iguvallI brahmavallI kaThavallI parAtparA || 136|| kaivalpopaniShadbrahmopaniShanmuNDakopaniShat | ChAndogyopaniShachchaiva sarvopaniShadAtmikA || 137|| tattvamAdimahAvAkyarUpAkhaNDArthabodhakR^it | upakramAdiShaDli~NgamahAtAtparyabodhinI || 138|| jahatsvArthAjahatsvArthabhAgatyAgAkhyalakShaNA | asatkhyAtishcha satkhyAtirmithyAkhyAtiH prabhA.aprabhA || 139|| astibhAtipriyAtmA cha nAmarUpasvarUpiNI | ShaNmatasthApanAchAryamahAdevakuTumbinI || 140|| bhrAntirbhAntiharI bhrAntidAyinI bhrAntikAriNI | vikR^itirnikR^itishchApi kR^itishchopakR^itistathA || 141|| sakR^itiH satkR^itiH pApakR^itiH sukR^itirutkR^itiH | AkR^itirvyAkR^itiH prAyashchittirvittiH sthitirgatiH || 142|| navakuNDI pa~nchakuNDI chatuShkuNDyekakuNDikA | devasenAdaityasenArakShaH senAdibhedabhAk || 143|| mahiShAsyodgatoddaNDadaityavetaNDaruNDahR^it | daityasenAtR^iNAraNyajvAlA jyotiHsvarUpiNI || 144|| chaNDamuNDa mahAdaityaruNDaDakandukakhelakR^it | pashudehAsR^ikpalalatR^iptA dakShiNakAlikA || 145|| tada~nchatpretatadruNDamAlA vyAlavibhUShaNA | haladaMShTrA sha~NkuradA pItAnekasurAghaTA || 146|| netrabhramiparAbhUtarathachakradvayabhramiH | vyAyAmAgrAhyavakShojanyakkR^itebhendrakumbhikA || 147|| mAtR^imaNDalamadhyasthA mAtR^imaNDalapUjitA | ghaNTAghaNaghaNadhvAnaprItA pretAsanasthitA || 148|| mahAlasA cha mArtaNDabhairavaprANavallabhA | rAjavidyA rAjasatI rAjastrI rAjasundarI || 149|| gajarAjAdiralakApurIsthA yakShadevatA | matsyamUrtiH kUrmamUrtiH svIkR^itakroDavigrahA || 150|| nR^isiMhamUrtirratyugrA dhR^itavAmanavigrahA | shrIjAmadagnyamUrtishcha shrIrAmamUrtirhatAsrapA || 151|| kR^iShNamUrtirbuddhamUrtiH kalkimUrtiramUrtikA | virANmUrtirjaganmUrtirjagajjanmAdikAriNI || 152|| AdhArAdheyasambandhahInA tadubhayAtmikA | nirguNA niShkriyA.asa~NgA dharmAdharmavivarjitA || 153|| mAyAsambandharahitAsachchidAnandavigrahA | jagattara~NgajaladhirUpA chItkR^itibhedabhAk || 154|| mahAtattvAtmikA vaikArAha~NkArasvarUpiNI | rajoha~NkArarUpA cha tamoha~NkArarUpiNI || 155|| AkAsharUpiNI vAyurUpiNyagnisvarUpiNI | ambAtmikA bhUsvarUpA pa~nchaj~nAnendriyAtmikA || 156|| karmendriyAtmikA prANApAnavyAnAdirUpiNI | nAgakUrmAdirUpA cha sarvanADIvihAriNI || 157|| AdhArachakrAdhiShThAtrI svAdhiShThAnapratiShThitA | maNipUrakasaMsthAnA.anAhatAbjAdhidevatA || 158|| vishuddhachakrapIThasthA.a.aj~nAchakraparameshvarI | dvipatrI ShoDashadalI tathA dvAdashapatrikA || 159|| pradaladdashapatrI cha ShaDdalI cha chaturdalI | vAsAntamAtR^ikA bAdilAntavarNAdhidevatA || 160|| DAdiphAntAkSharavatI kAdiThAntAkShareshvarI | ShoDashasvarabIjeshI sparshoShmAntaHsthadevatA || 161|| hakShAkSharadvayIrUpA pa~nchAshanmAtR^ikeshvarI | sahasrArAbjapIThasthA shivashaktirvimuktidA || 162|| pa~nchAmnAyashivaproktA mantrabIjAdhidevatA | sauHklIMhrI.nbIjaphaladA mahAplakShasarasvatI || 163|| navArNavA saptashatI mAlAmantrasvarUpiNI | argaleshI kIlakeshI kavacheshI trimUrtikA || 164|| sakArAdihakArAntamahamantrAdhidevatA | sakR^itsaptashatIpAThaprItA proktaphalapradA || 165|| kumArIpUjanodyanmuchchiraNTIpUjanotsukA | viprapUjanasantuShTA nityashrIrnityama~NgalA || 166|| jayadAdimachAritrA shrIda madhyacharitrikA | vidyAdottamachAritrA kAmitArthapradAyikA || 167|| iShTakR^iShNAShTamI cheShTanavamI bhUtapUrNimA | iShTashukrAradivasA dhUtadIpadvayotsukA || 168|| navarAtrotsavAsaktA pUjAhomabalipriyA | iShTekShukUShmANDaphalAhUtiriShTaphalAhutiH || 169|| pratimAsUtkR^iShTapuNyA cha mahAyantrArchanAvidhiH | kAtyAyanI kAmadogdhrI khecharI khaDgacharmadhR^ik || 170|| gajAsyamAtA ghaTikA chaNDikA chakradhAriNI | ChAyA ChavimayI ChannA jarAmR^ityuvivarjitA || 171|| jhallIjha~NkAramuditA jha~njhAvAtajhaNatkR^itiH | Ta~NkahastA TaNachchApaThadvayI pallavonmanuH || 172|| DamarudhvAnamuditA DAkinIshAkinIshvarI | DhuNDhirAjasya jananI DhakAvAdyavilAsinI || 173|| tarikA tArikA tArA tanva~NgI tanumadhyamA | dhUpIkR^itAsurA dIrghaveNI dR^iptA surArtihR^it || 174|| dhUmravarNA dhUmrakeshI dhUmrAkShaprANahAriNI | nageshatanayA nArI matallI paTTihetikA || 175|| pAtAlalokAdhiShThAtrI pherUkR^itamahAsurA | phaNIndrashayanA bodhadAyinI bahurUpiNI || 176|| bhAminI bhAsinI bhrAntikarI bhrAntivinAshinI | mAta~NgI madirAmattA mAdhavI mAdhavapriyA || 177|| yAyajUkArchitA yogidhyeyA yogIshavallabhA | rAkAchandramukhI rAmA reNukA reNukAtmajA || 178|| lokAkShI lohitA lajjA vAmAkShI vAstushAntidA | shAtodarI shAshvatikA shAtakumbhavibhUShaNA || 179|| ShaDAsyamAtA ShaTchakravAsinI sarvama~NgalA | smerAnanA suprasannA haravAmA~NkasaMsthitA || 180|| hArivanditapAdAbjA hrI.nbIjabhuvaneshvarI | kShaumAmbarendugokShIradhavalA vanasha~NkarI || 181|| ##(##|| ShaDa~NganyAsadhyAna mAnasopachAra pUjanam ||##)## atha phalashrutiH | itIdaM vanasha~NkaryAH proktaM nAmasahasrakam | shAntidaM puShTidaM puNyaM mahAvipattinAshanam || 1|| dAridryaduHkhashamanaM nAnAroganivAraNam | idaM stotraM paThedbhaktyA yastrisandhyaM naraH shuchiH || 2|| nArI vA niyatA bhaktyA sarvAnkAmAnavApnuyAt | asya stotrasya satataM yatra pAThaH pravartate || 3|| tasminnagR^ihe mahAlakShmIH svabhartrA saha modate | nAnena sadR^ishaM stotraM bhuktimuktipradAyakam || 4|| vidyate.anyasatyametat shakra vachmi punaH punaH | bakavandhyA kAkavandhyA nArIstotramidaM paThet || 5|| vaSheNaikena sA putraM labhennAtrAsti saMshayaH | sAmAnyakAryasiddhistu shatAvartanato bhavet || 6|| mahAkAryasya siddhistu sahasrAvartanAddhruvam | na tatra pIDA jAyeta bhUtapretagrahodbhavA || 7|| lokavashyaM rAjavashyaM stotrasya paThanAdbhavet | shatravaH sa.nkShayaM yAnti dasyavaH pishunAstathA || 8|| naiva shAkambharIbhaktAH sIdanti balasUdana | shAkambharI svabhaktAnAmavitrI jananI yathA || 9|| yadyatkAryaM samuddishya dhyAyan shAkambharIM hR^idi | stotrametatpaThettasya tatkAryaM cha prasiddhyati || 10|| muchyate bandhanAdbaddho rogI muchyeta rogataH | R^iNavAnR^iNato muchyennAtra kAryA vichAraNA || 11|| pauShe mAsi site pakShe prArabhya tithimaShTamIm | devyAH ArAdhanaM kuryAdanvahaM pUrNimAvadhi || 12|| sashAkairuttamAnnaishcha brAhmaNAMshcha suvAsinIH | santarpayedyathAshakti devIM sampUjya bhaktitaH || 13|| vittashAThyaM na kurvIta shAkambharyAH samarchane | tasmai prasannA bhaktAya dadyAtkAmAnabhIpsitAn || 14|| vidyArthI prApnuyAdvidyAM dhanArthI chApnuyAddhanam | dArArthI prApnuyAddArAnapatyArthI tadApnuyAt || 15|| ApnuyAnmandabuddhistu granthadhAraNapATavam | asya stotrasya pAThena prApnuyAdyadyadIpsitam || 16|| ayutAvartanAdasya stotrasya balasUdana | pashyechChAkambharIM sAkShAttadbhakto nAtra saMshayaH || 17|| homaM cha kuryAdvidhivatpAyasena sasarpiShA | saubhAgyadravyayuktena sekShukUShmANDakena cha || 18|| suvAsinIH kumArIshcha brAhmaNAMshcha dine dine | sambhojayetsadannena sasitAmadhusarpiShA || 19|| dadyAttebhyashcha tAbhyashcha vastrAla~NkAradakShiNAH | tasmai shAkambharI dadyAtpuruShArthachatuShTayam || 20|| AchandrArkaM tasya vashaH sthAsyatyatra guNI sukhI | shAkambharyai nama iti yastu mantraM ShaDakSharam || 21|| bhaktyA japennarastasya sarvatra jayama~Ngalam | shAkambharyA idaM shakra divyaM nAmasahasrakam || 22|| gurubhaktAya shAntAya deyaM shraddhAlave tvayA | tvamapyAkhaNDala sadA paThedaM stotramuttamam || 23|| shatrUn jeShyasi sa~NgrAme sarvAnkAmAnavApsyasi | iti shrutvA skandavAkyaM shakraH santuShTamAnasaH || 24|| praNamya guhamApR^iShTvA sagaNaH svadivaM yayau || 25|| sUta uvAcha \- durbhikShe R^iShipoShiNyAH shAkambharyAH prakIrtitam | idaM nAmasahasraM vaH kiM bhUyaH shrotumichChatha || 26|| || iti shrIskandapurANe shAkambharI tathA vanasha~NkarI sahasranAmastotraM sampUrNam || ## Encoded by DPD, Help from Alex Proofread by DPD, NA \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}