% Text title : Shakinisadashivarchanam % File name : shAkinIsadAshivArchanam.itx % Category : devii, ShaTchakrashakti, shiva, devI % Location : doc\_devii % Transliterated by : staff of Muktabodha.org Mark S.G. Dyczkowski % Proofread by : Aruna Narayanan narayanan.aruna at gmail.com % Description/comments : rudrayAmale uttaratantre 2 bhairava bhairavI sa.nvAde % Source : Rudrayamalam part 2 edited by Ram Prasad Tripathi and Sudhakar Malaviya % Acknowledge-Permission: Marjorie Woollacott, Ph.D., Digital Library Coordinator muktabodha.org % Latest update : February 16, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shakinisadashivarchanam ..}## \itxtitle{.. shAkinIsadAshivArchanam ..}##\endtitles ## atha pa~nchaShaShTitamaH paTalaH shrIAnandabhairavI uvAcha atha kAnta pravakShyAmi samudAyaphalodayam | kaNThAmbhojasya varNAnAM dhyAnaM mantraM shR^iNu prabho || 65\-1|| shAkinIsahitaM nityaM pUjayitvA sadAshivam | mUDho.api yoginAM shreShThaH kimanye dhyAnayoginaH || 65\-2|| dhyAtvA sampUjayedyastu so.abhIShTaM phalamApnuyAt | tato dhyAnaM pravakShyAmi vIranAtha shR^iNu prabho || 65\-3|| Adau shrIshAkinIdhyAnaM pashchAd dhyAnaM sadAshive | dvayorabhedabud.hdhyA cha kAmajetA svayaM bhavet || 65\-4|| vande nityAM sushIlAM tribhuvanavaradAM shAkinIM pItavastrAM vedAdyAM vedamAtAM sukhamayalalitAM vedahastojjvalA~NgIm | dhyAye pIyUShadhArAmalaghaTasudhayA snigdhadehAM hasantIM mAyAM shambhorlalATe vidhukiraNakarAM shrIsadAnandayuktAm || 65\-5|| ambhojAstrAdimudrAsivaradajaTA dhArayantIM karAlaM shyAmAM pInastanADhyAM trinayanakamalAM pretali~NgAsanasthAm | sarvA~NgAla~NkR^itAM shrIM vidhushatavadanAmbhojashobhAM vahantIM shambhorAnandakartrIM charamaguNapadAM sthUlasUkShmasvarUpAm || 65\-6|| evaM dhyAyenmahAyogI sthUlasUkShmasvarUpiNIm | abhedyabhedakaraNIM sha~Nkara premavallabha || 65\-7|| yA vidyA vAgbhavADhyA harivadhukamalA kevale niShphalante mAyAlakShmIstrikUTaM shashimukhitadadhaH shAkinI kShetrapAlam | vakShadvandvaM trikUTaM vadhumadharamivAsiddhimiShTAM vidhehi svAhAnto.ayaM maheshatribhuvanabhavikAhlAdahetoH prakAshaH || 65\-8|| praNavaM pUrvamuddhR^itya vAgbhavaM tadanantaram | shAkinI tvaM tadante tu mama doShAn vinAshaya || 65\-9|| yugalaM vahnikAntAM cha mantrArthAH sAradAH smR^itAH | kAmarAjaM samuddhR^itya hiraNyAkShi sanAtani || 65\-10|| shAkinyante mahAmAye mAyAvahnishriyA yutam | eShA mantrAtmikA vidyA kaNThAmbhojaprakAshinI || 65\-11|| shAkambharI mahAvidyA tasya vAme vibhAti cha | tasya mantraM pravakShyAmi j~nAtvaiva yogavit prabhuH || 65\-12|| mahAmantrasya mAhAtmyaM kathituM naiva shakyate | bhAvamAtreNa siddhiH syAt kiM punarmokShasAdhanam || 65\-13|| vidyAM kAmakalAM vichitravasanAM padmAsanasthAM shivAM kAmAkhyAM sakalAn svarAn trijagatAM shAkairmahAyoginI | nityaM yA paripAlyate bhagavatIM shAkambharIM tAM bhaje sA yogAdhipa\-rakShakA nishi dishi shrIkaNThapadme prabhA || 65\-14|| adyApi priyakaNThapadmanikare sambhAti shAkambharI vidyAvAkkamalAyutaM smitamukhi prAnte cha shAkambhari | vahnirvAruNavAyubIjamanaladvandvaM hi vakShadvayaM vahnipremakalAnvito manuvaraH sAkShAjjagatkShobhakR^it || 65\-15|| shAkambharIM mahAmAyAM pUjayed dvAradevatAm | tadante sarvadevAshcha shakrAdIn paripUjayet || 65\-16|| dhyAtvA cha shAkinIM devIM shAkambharyAshcha dakShiNe | pUjayet parayA bhaktyA pUrvoktavidhinA prabho || 65\-17|| shAkambharIM trinayanAM sUryenduvahniyojitAm | raktapadmasthitAM shyAmAM vedabAhushriyojjvalAm || 65\-18|| varAbhayakarAM khaDgakapAlakamalAnvitAm | nAnAla~NkArashobhA~NgI muktakuntalabhUShitAm || 65\-19|| prasannavadanAmbhojasmitahAsyavirAjitAm | sAdhakAbhIShTadAM nityAM mahAvidyAM bhajAmyaham || 65\-20|| tato mAnasapUjA~ncha dhyAnAnte tu samAcharet | punardhyAnaM tataH kR^itvA chittAvAhanamAcharet || 65\-21|| pAdyAdyaiH pUjayennityaM bhaktyA cha yogasiddhaye | tato japechChataM vApi chAShTottarasahasrakam || 65\-22|| evaM lakShasamApte tu kaNThe devIM prapashyati | homAdIn kramashaH kuryAd brAhmaNAnAM tu bhojanam || 65\-23|| tadante shAkinIpUjA prathame vApi kArayet | tatprakAraM shR^iNu prANavallabhe kAmasundari || 65\-24|| Adau jalaM shodhayitvA hastau pAdau cha vigraham | kShAlayitvA dvirAchamya mUlamantreNa sAdhakaH || 65\-25|| shikhAbandhanamAkR^itya chAsanaM parishodhayet | tato.arghyasthApanaM kR^itvA pIThaM nirmAya yatnataH || 65\-26|| pIThachakraM shodhayitvA pIThapUjAM samAcharet | tato dhyAnaM bhUtashuddhiM nyAsajAlaM samAcharet || 65\-27|| punaH prANAyAmayugmaM kR^itvA dehaM dR^iDhaM nayet | tato dhyAnaM mAnasArchA mudrAdarshanameva cha || 65\-28|| tataH pAdyaM tathArghyaM tu chArusha~Nkhena kArayet | AchamanIyaM tataH snAnaM punarAchamanaM tathA || 65\-29|| gandhaM puShpANi sarvANi bilvapatrANi dApayet | nijAvaraNadevAMshcha pUjayitvA krameNa tu || 65\-30|| dhUpadIpau nivedyAtha naivedyaM pAnakaM tataH | punarAchamanaM datvA balidravyANi dApayet || 65\-31|| baliM datvA japenmantraM sahasraM vA shatAShTakam | divase yajjapaM kuryAdrAtrau tajjApyamAshrayet || 65\-32|| japaM samarpayed vidvAn guhyAtiguhyamantrakaiH | prANAyAmaM triShaTkR^itvA vandanaM cha pradakShiNam || 65\-33|| stotra~ncha kavachaM nityaM sahasranAmama~Ngalam | paThed bhaktyA kaNThapadme kAyakalpanakR^innaraH || 65\-34|| evaM vidhividhAnena pUjayitvA sadAshivam | asmi~nChAstre kriyA guptA guptanArI prapUjanam || 65\-35|| athavA manasA sarvaM pUjAyAgajapaM charet | yathA devyAstathA shambhorjapayAgaH samIritaH || 65\-36|| evaM krameNa pUjyAshcha bAhyasthA munayaH kramAt | pUjyA varNakalA nAtha tadbAhyasthAnaM prapUjayet || 65\-37|| evaM hi mAsakAryeNa varaM siddhiM samApnuyAt || 65\-38|| iti shrIrudrayAmale uttaratantre mahAtantroddIpane siddhamantraprakaraNe bhairavIbhairavasaMvAde shAkinIsadAshivArchanaM nAma pa~nchaShaShTitamaH paTalaH || 65|| ## The numbers correspond to paTala and verse numbers from Rudrayamala uttaratantra. Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}