% Text title : Sharada Trishati % File name : shAradA300.itx % Category : shatI, devii, sarasvatI, devI, trishatI % Location : doc\_devii % Author : Gangadharamakhin % Transliterated by : Sridhar Seshagiri seshagir at engineering.sdsu.edu % Proofread by : Sridhar Seshagiri seshagir at engineering.sdsu.edu % Latest update : July 14, 2003 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Sharada Trishati ..}## \itxtitle{.. shAradAtrishatI ..}##\endtitles ## ga~NgAdharamakhivirachitA | paramAbharaNaM dhAturvadanAmbhojasya shAradA devI | yA rAjati jananI sA lasatu sadA suprasannA naH || 1|| sA shAradA prasannA rAjati mama mAnase nityam | yA shAradAbjavadanA jananI kIrtyA hi sarvalokAnAm || 2|| sampad divyA dhAtuH khyAtA sA shAradA devI | yadbhajanaM devAnAmapi tattvaj~nAnadaM vidurvibudhAH || 3|| sarasakavitAvibhUtyai yatpadamArAdhyate visheShaj~naiH | sA shAradA shriyai naH kAle sarvaprasannAtmA || 4|| nIlAravindalochanayugalA sA shAradA devI | karakamalakalitavINA sadA prasannA shriyaiH vaH syAt || 5|| kalaye tAmahamanishaM phullAbjavilochanAM vANIm | yA sR^iShTyAdau sAhyaM kalayati dhAturjaganmAtA || 6|| yasyA lIlAlolaH padmAsanago.api vedapATharataH | tAmahamatulAnandaprAptyai kalaye manaHpadme || 7|| brahmANaM tAM vANImekAsanabhAsurAM shriyaH prAptyai | ArAdvilokya mAnasamAnandarasaM paraM bhajate || 8|| muktAmaye vimAne padmAsanayantrikAmadhye | dR^ishyAM vANIM devIM seve santatasukhaprAptyai || 9|| bhAgyAnmama cha kavInAM sA devI dR^ishyatAmeti | vINApustakahastA yA kamalAsanapurandhrI hi || 10|| mAmakamAnasakIraM badhnIyAshcharaNapa~njare mAtaH | tena mama janmalAbhaH stotraM cha tava prakAmakalitArtham || 11|| sa.nvitprarohakalikAprAptyai tAM naumi shAradAM devIm | yA kila kavIshcharANAmadhinetrI kAvyakalanAdau || 12|| bhaktAnAM jihvAgraM si.nhAsanamAdarAd vANI | kalayanti nR^ityati kila tatastu tannUpuraninAdaH || 13|| ma~njulaphaNitijharIti pragIyate diktaTe rasikaiH | prAtaHphullapayoruhamarandarasakelidhUrvahA kAle || 14|| durvAragarvadurmatidurarthanirasanakalAnipuNAH | mAtastava pAdayoruhasevAdhanyatAM prAptAH || 15|| nIchA mama tu manIShA tathApi tava nutikalApravR^itto.asmi | amba tava tatra hetuH kR^ipAM paraM buddhidA jayati || 16|| vidhidayite tava mAtaH stutau na shaktA api tridashAH | kShantavyamatra dayayA mama chApalyaM tava stotre || 17|| shukavANImiva mAtarnirarthakAM madvachobha~NgIm | sadasi shR^iNoShi dayayA tat tava chottamapadavyaktyai || 18|| paradevate prasIda prANeshvari dhAturamba mama vANIm | kR^ipayA tava nutiyogyAM tvannUpuraninadaramyarasagumphAm || 19|| sarvaj~natvaM sampadamathavAnyAM prAptumatra tava mAtaH | tava charaNakamalametachCharaNaM nAnyA gatirdR^iShTA || 20|| mandadhiyA svalpApi stutiramba nirarthakApi rasahInA | kalitA chet tava kR^ipayA tadeva sadasIDitaM bhAti || 21|| kuNThIkarotu vipadaM chAj~nAnaM durgatiM vANi | tava charaNakamalasevAdaro janAnAM kalau kAle || 22|| vIrashrIrvidvachChrIrjayashriyo vAmarairmAnye | tava pAdAmbujasevAdareNa sidhyanti nAnyathA loke || 23|| karuNArasavarShiNi te charaNasarojadvayaM nidhehi mama | mastakatale vidAritajarAdikaM sapadi janma sArthaM me || 24|| shraddhAM medhAM sampadamanyAmamarendramAnanIyAM hi | dayayA vidhehi kAle bhaktAnAM nastvadekasharaNAnAm || 25|| preyasi dhAturjagatAM parameshvari vANi mAtaramba nanu | tava nAmAni phaNantastridashaiH saha yAnti yAnena || 26|| tava nAma yasya jihvA~NgaNe vishuddhaM kShaNaM sphurati | sa hi vandyastridashairapi vigalitapApaH pare loke || 27|| natanAkIshvaravanitAmaulisraggalitamakarandaiH | snigdhapadAmbujayugalA vANI devI shriyo hi lasati parA || 28|| viduShAmapi tuShTikaraM navanavarasagumphanaM kavitvaM tu | yatkaruNAvIkShaNato sidhyati tAM shAradAM vande || 29|| amba prasIda paramaM mAyAmetAM nirasya natibhAjaH | mama sa.nvidhehi madhurAM vAchaM tava nutikalArhAM cha || 30|| vANI mAtA jagatAM vANIpustakakarAmbhojA | ha.nsAshritA hi namatAM shreyaHsidhyai prasannA naH || 31|| shlAghyA sampatkAle vaiduShyaM vA yadIyavIkShaNataH | sidhyantyapi devAnAM tAM vande shAradAM devIm || 32|| vidyAdAnakarIyaM kamalAsanapuNyaparipAkaH | mama manasi sa.nnidhattAM divyaj~nAnAdisidhyai hi || 33|| divyaj~nAnaM dayayA vidhehi mAtarmahAsAram | tenaiva te tu kIrtirdAnaphalaM nashcha janmasAphalyam || 34|| dvAdashabIjAkSharagAM mantroddhArakriyAshaktim | vANIM vidhestu patnIM madhye pashyAmi bimbamadhyasthAm || 35|| ravikoTitejasaM tAM sarasvatIM tryakSharakriyAshaktim | aNimAdidAM prasannAmambAM pashyAmi padmamadhyagatAm || 36|| jagadIshvari bhArati me prasIda vANi prapannAya | ahamapi kutukAt tava nutikalane.ashaktashcha mandadhiShaNashcha || 37|| munijanamAnasapeTIratnaM dhAturgR^ihe ratnam | vANIti divyaratnaM jayati sadA kAmadhuk kAle || 38|| aj~nAnavyAdhiharaM tadauShadhaM shAradArUpam | yaH pashyati sa hi loke parAtmane rochate kAle || 39|| kamalAsananayanaphalaM sR^iShTyAdikalAsamAsaktam | vANIrUpaM tejaH sphurati jagachChreyase nityam || 40|| ha.nsagatiM tAmambAmambhoruhalochanAM vande | tilakayati yA gurUNAM jihvAsi.nhAsanaM vANI || 41|| vANi tara~Ngaya lochanavIkShaNashailIM kShaNaM mayi bhoH | mama janma labdhavibhavaM tena bhavennaiva te hAniH || 42|| padmAsanena sAkaM kAle vANI samAsanA jayati | kuchakalashanamitadehA kurvantI bhadrasantatiM namatAm || 43|| vyAtanvAnA vANI kavIshvarANAM manoj~navachanajharIm | jayati vidhisukR^itasantatipariNamitamAlA budhairvandyA || 44|| kamalasuShamA~NgayaShTiH sA devI jayati padmamadhyatale | shatabIjAkSharalasitaM dikpatikR^itarakShakaM cha merumukham || 45|| vANIyantraM vibudhairmAnyaM yogAsanAbdhIndum | hrImakSharamukhamAdyaM prAktaTakalitaM cha padmamadhyatale || 46|| tanmeruchakrarUpaM samAdhidR^ishyaM cha lokavedyaM cha | saiShAshritya tadetad rAjati rAjIvalochanA vANI || 47|| ha.nsAshritagativibhavA mandasmerA tamonihantrI cha | madhurataravA~NnigumphA vINApustakakarAmbhojA || 48|| vINAvAdanarasikA namatAmiShTArthadAyinI vANI | dhAturnayanamahotsavakalikA kuryAchChubhaM jagatAm || 49|| tApi~nCharamyadehashrIreShA kavisamAjanutA | aShTaishvaryAdikalAdAne dattekShaNA jayati || 50|| sR^iShTyAdau vidhilikhitaM vANI saiShA hi chAnyathAkartum | nAkaukasAmapIha prabhavati kalitapraNAmAnAm || 51|| yaH pashyati tAmetAM vANIM puruSho hi dhanyatAmeti | yaM pashyati saiShAyaM nitarAM dhanyo nR^ipeDitaH kAle || 52|| kabalitatamaHsamUhA vANI saiShA hi vijayate jagati | apunarbhavasukhadAtrI viri~nchimukhalAlitA kAle || 53|| kamalAsanamukhakamalasthirAsanAM shAradAM vande | yannAmochcharaNakalAvibhavAt sarvaj~natA niyatam || 54|| bhavaparamauShadhametadvANIrUpaM sadArAdhyam | kamalAsanalochanagaNasarasakrIDAspadaM jayati || 55|| nArIva.nshashikhAmaNireShA chintAmaNirnatAnAM hi | dhAtR^igR^ihabhAgadheyaM dhyeyaM sadbhiH shriyaH samR^iddhyai naH || 56|| janani bhuvaneshvari tvAM vANIM vande kavitvarasasiddhyai | tvaM tu dadAsi hi dayayA mama mandasyApi vAgjharIrmadhurAH || 57|| etena tava tu kIrtermahimA sa~NgIyate dishAM valaye | ki.nnaravargairamarIkanyAbhiH kalpavR^ikShamUlatale || 58|| kavimallasUktilaharIstanvAnA shAradA jayati | vidhikelisadanaha.nsI kalyANaikasthalI namatAm || 59|| sphuratu mama vachasi vANi tvadIyavaibhavasudhAdhArA | nityaM vyaktiM prAptA dhutanatajanakhedajAlakA mahatI || 60|| vANi tava stutiviShaye buddhirjAtA hi me sahasA | tena mama bhAgadeyaM pariNatimityeva nityasantuShTaH || 61|| sR^iShTikalAmaNDanabhUreShA vANI jagajjananI | AlokamAtravashatastamaso hantrI cha sampadAM jananI || 62|| pauruShalopavidhAtrI dhAturiyaM kamalakomalA~NgalatA | vasatu sadA jihvAgre divyaj~nAnapradA devI || 63|| pratidinaduritanihantrI padmAsananayanapuNyaparipAkaH | kavitAsantAnakalAbIja~NkuravardhinI jayati || 64|| kShaNavIkShaNena mAtA lakShmIM pakShmalayati praNate | vedhasi suratamahotsavasa~NketatalapradarshinI kAle || 65|| shR^i~NgAravibhramavatA nIlotpalakAntichAturIsupuShA | vANInetreNa vidhirjito.abhavat so.api satatakR^itavedaH || 66|| shyAmA kaTAkShalaharI mAturjayatIha sampadAM jananI | yAmastauShIt kAle maghavA nAkAdhipA munayaH || 67|| maNikaTakanAdapUritamambApAdAmbujaM mahAmantraiH | japyaM dhyeyaM kAle dishi dishi kalitasvarakShaM cha || 68|| smaraNena duritahantrI namanena kavitvasiddhidA vANI | kusumasamarpaNakalayA kAle mokShapradAtrI cha || 69|| visR^imaratamonihantri tvAM seve shAradAdevi | shishirIkuru mAM kAle karuNArasavIkShitena varadena || 70|| mAtarnamo.astu tAvakakaTAkShamadhupAya shArade jayati | yo vedhaso.api kAle sR^iShTyAdau chAturIM ditsan || 71|| sumanovA~nChAdAne kR^itAvadhAnaM dhanaM dhAtuH | dhiShaNAjADyAdiharaM yadvIkShaNamAmananti jagati budhAH || 72|| lalitagamanaM tvadIyaM kalanUpuranAdapUritaM vANi | naumi padAmbujayugalaM kavitAsiddhyai vidheH kAnte || 73|| kamalakR^itavaijayantI vidhermukheShvAdarAdvANyAH | jayati kaTAkShalaharI toraNalakShmIstu satyaloke hi || 74|| nishreNikA cha mukteH sajj~nAnanadImahAlaharI | nAnArasachAturyaprasArikA duritasha~NkulA kAle || 75|| paratantritavidhivibhavA devI sA shAradA jayati | kaivalyAdikalAnAM dAtrI bhaktAlikAmadhenuryA || 76|| kavikAmadhenureShA ma~njusmerAnanAmbhojA | vANI jayati vidhAturmananAgamasampradAyaphaladA hi || 77|| ghanatarakR^ipArasArdrairnAnAvibhavapradAnakR^itadIkShaiH | vANI jayati kaTAkShairnaH kAshmalyaM haThAnnirasyantI || 78|| dAsAshAdAnakalApraklR^iptadIkShAkaTAkShalaharI me | kabalayatu pAparAshiM vANyA nityaM mahaudAryA || 79|| AdimajananI saiShA vANI jayatIha bhaktarakShAyai | sarvatra kalitadehA nAnAshAstrAdirUpato jagati || 80|| bahuvidhalIlAsadanaM sambhR^itaphullAbjashilpavaichitryam | vANImukhAravindaM chumbati mAnasamidaM haThAt kR^ityam || 81|| saubhAgyakAntisAraM vadanAmbhojaM shriyai vANyAH | Ashritya sakalavedA api nityaM mAnyatAM prAptAH || 82|| j~nAnamayI salilamayI tattvamayI bhAti sarvalokAnAm | akSharamayI cha vANI shreyodAne nibaddhachittagatiH || 83|| namauktirastu mAtre vANyaiH naH siddhidA bhaktyA | Anandinyai j~nAnasvarUpabhAje prabandharUpAyai || 84|| ArAdhyAyai dhyeyAyai chAttakalAchitranAdarUpAyai | sachchittavAsabhAje vANyai bhUyo namo.astu bhaktikR^itam || 85|| kamalAsanapuNyakalA namatAM chintAmaNirvANI | jIvAkSharabodhakalArUpA jayatIha sattvarUpavatI || 86|| brahmANDamaNDalamidaM vyAptaM mAtrA kSharAkSharAdijuShA | yatpadakamalaM nityaM shrutitatisudatIvibhUShaNaM cha viduH || 87|| manasijasAmrAjyakalAlakShmIreShA viri~nchimukhaharSham | vyAtanvAnA nityaM rAjati ShaDarasvarUpachakratale || 88|| ma~njulavINAninadaprayoganirdhUtamohasa~nchArA | ha.nsIyAnA vANI ha.nsagatiH sukR^itinetrapuNyakalA || 89|| kuchakalashasavidhavinihitavINAnikkANasAvadhAnakalA | adhinetrI hi kalAnAM sakalAnAM shAradA jayati || 90|| tridashapariShanniShevyA prAtaH sAyaM praphullamukhakamalA | kamalAsnuShA hi vANI vANIM dishatu prabandharasabharitAm || 91|| adhikachapalaiH kaTAkShaira~nchitalIlArasairudArairnaH | ma~NgalamAtanvAnA vidhAtR^igR^ihiNI surAdinutapAdA || 92|| kAntaM lakShmIbhavanaM mukhakamalaM shAradAdevyAH | saubhAgyakAntisAraM spR^ihayati me mAnasaM sarasam || 93|| kAruNyapUrNanayanaM pustakahastaM mahaH kimapi | dhAtuH puNyakalAnAM paripAko martyarakShaNaM kurute || 94|| sa.nsAravArirAshiM tartuM sA setureShA naH | dhAturgR^ihiNI duHkhaM shithilayatu paraM janiprAptam || 95|| sarasakavikalpavallImambAM vANImahamupAse | antastamonihantrIM yAmAhurj~nAnadAM munayaH || 96|| mama lochanayorbhUyAt vidyA kApi pradhUtajanibhItiH | nigameShu sa~ncharantI kR^ipAnidhiH shAradA devI || 97|| shamitanataduritasa~NghA dhAtre nijanetrakalpitAna~NgA | kR^itasurashAtravabha~NgA sA devI ma~Ngalaistu~NgA || 98|| padmAsanasthitAM tAM vANIM chaturAnanAM vande | kalyANAnAM saraNiM kavipariShatkalpavallarIM mAnyAm || 99|| kuchabhArasa.nnatA~NgIM kundasmerAnanAmbhojAm | kundalakusumaparimalasampAditabhR^i~Ngajha~NkR^ititara~NgAm || 100|| chidrUpAM vidhimahiShIM ha.nsagatiM ha.nsasa.nnutacharitrAm | vidyAkalAdinilayAmArAdhyAM sakalajaDimadoShaharIm || 101|| janani yadi bhajati loke tava lochanavIkShaNaM kShaNaM martyaH | kupuruShanutivimukhaste rUpaM j~nAnapradaM pashyan || 102|| kukShimbharitvamukhadurguNAdikaM dUratastyaktvA | tvadbhAvanena dhanyo nayati cha kAlaM pramodena || 103|| mayi tApabhArashAntyai tara~Ngaya tvadilochane mAtaH | yachChAradAbjasuShamAmAnye devAdibhiH prArthye || 104|| sarvArthadA hi bhajatAM kaTAkShadhATI shiva~NkarI vANi | chintAmaNimiva kalayati yAM hi vidhirviditamantro.api || 105|| sukR^itaparipAkamAnasA dhanyAstvAmarchayanti nanu vANi | ahamapi tadvatkalaye phalapradA tvaM samAnakalpAsi || 106|| nigamavachasAM nidAnaM tava pAdAbjaM vata.nsayatu kAle | devo.api devadevo vijitajagattrayatale mAtaH || 107|| antastamaso hantrI paTIyasI te kaTAkShajharamAlA | yA toraNamAlyashriyamAtanute vedhasaH saudhe || 108|| shR^i~NgAravibhramavatIM tvAM prApyaiva kriyAkAle | kalayati sR^iShTyAdimasau vidhiH shrutivyaktamAhAtmyaH || 109|| vedhovadanaM kelIvanamAsAdyAmba paramayA hi mudA | krIDasi shukIva kAle dvijasa~NghasamarchitAtmavR^ittishcha || 110|| dhAturmukhama~njUShAratnaM nigamAntakelivanaha.nsIm | paramAM kalAmupAse tAmambAM chidvilAsaghanavR^ittim || 111|| vAgIshadevarUpiNi gIShpatimukhadevasa~NghanutacharaNe | tava rUpaM sUryAyutadR^ishyaM darshaya mama j~nAne || 112|| divyaj~nAnapradamidamamba tvadrUpamAdarAdvANi | kAle darshaya kR^ipayA tena vayaM prAptakAryasAphalyAH || 113|| ambA trisandhyapaThanapravR^ittibhAjAM krameNa nAmnAM tu | dvAdashakalAvibhedavyUhAdij~nAnadA prasannA hi || 114|| mUko.api satkaviH syAd durakSharANyapi vidhAtR^ilikhitAni | satphaladAni sarasvati kaTAkShapUre yadi kApi || 115|| avalambe tAmambAM pa~nchAshadvarNakalpitajagatkAm | sR^iShTisthitisa.nhArasthirodayAM vividhashAstrarUpADhyAm || 116|| vANIM dishatu manoj~nAM vANI gatihasitakAdambA | yA dambhAdivimuktA nAdaM bhAvyaM vadanti yadrUpam || 117|| rAkenduvadanabimbA sAmbA vANI punAtu kR^itimenAm | parikalitabhAvabandhAM rasojjvalAM ma~Ngalottu~NgAm || 118|| lAvaNyakAntisindhuH pAdAbjanataprabhAvasandhAtrI | prasR^imaratamonihantrI madvAchAM devatA chAdyA || 119|| janatAnetrAnandaM rUpaM yasyAH sphuTaM bhAti | smaraNaM tvaj~nAnaharaM vishvaj~nAnapradaM cha sA jayati || 120|| sahadharmiNI vidhAturdAridryadhva.nsinI nijakaTAkShaiH | sA.nnidhyaM janayatu me suramuninarasa.nnutasvamahimeyam || 121|| mukharitavINA vANI vANIM me dishatu naijanutiyogyAm | AsvAditashAstrAmR^italaharIM sadyastamonihantrIM cha || 122|| maNinUpuranAdanibhA vANI bhAti tvadIyabhaktamukhe | kIrtirdishAsu shuddhirvapuShi bahumukhI paraM kAle || 123|| tava pAdasmaraNavashAt tAmyati timirAvalishchAntaH | AnandalaharivIchI prasarpati kShamAtale hi bhaktAnAm || 124|| sampannalinIbhAnuM j~nAnAbdhisudhAkaraM hi tava rUpam | bhaktyA manasi gR^iNanto gachChanti vyomayAnamArUDhAH || 125|| hR^ittamasAM dIparuchirvidhAtR^idayitA mamAstu paradaivam | bhavatApameghamAlA kavishukavAsantikashrIrhi || 126|| mama mAnasamaNiharmye viharatu vANyAH svarUpaM tu | nigamavachasAM nigumphairvedyaM tadvedhasA lAlyam || 127|| satatamabhigamyarUpA vibudhavareDyA sarasvatI mAtA | manasi mama sa.nnidhattAM bhUtyai naH sarvataH kAle || 128|| mama shirasi nIchapuNye puNyaghanA vedamauliharmyA cha | kR^itapadavinyAsabharA vANI jayatIha shatamakhAdinutA || 129|| mAyAnirasanadakShA mAteyaM suprasannA me | labhate paramaM j~nAnaM yadbhaktyA pAmaro.api cha dharitryAm || 130|| vANIshvari tava rUpaM nAmasmaraNaM cha pUjanaM bhaktyA | sidhyati sakalavibhUtyai tatra hi bhavatIdayAprasArastu || 131|| saphalayatu netrayugalaM hatanataduritA cha sA parA devI | kamalajamAnyacharitrA sumanovA~nChApradAnakR^itadIkShA || 132|| pa~NkajamR^iNAlatantupratibhaTarUpaM kvachiddR^ishyam | kavikulavANIkairavashAradachandraprabhAkabalitaM cha || 133|| nalinabhavagR^ihiNi vANi prahvAnAM sapadi bhaktAnAm | lumpasi mohaM bhavatIsmaraNAdvarivasyayA stutyA || 134|| kavikulakalpakavallImapA~NgalIlAkR^itArtishamanAM tAm | vANImanvahamAryArAdhyAM mokShAya nibhR^itamahamIDe || 135|| sa.nvitsukhasvarUpAmambAM vANImaharnishaM manasi | kalaye kalitAprabharaprashAntikAmaH prabhAvatIM jayadAm || 136|| nataparipAlini vANi trijagadaghadhva.nsini shritAnAM naH | tava pAdayugaM nigalaM bhavatu tamorAshiduShTahastigaNe || 137|| kAmAdidurgrahakR^itAnarthanirAsAya tAvakApA~NgAH | vANi janayanti natAnAM kaivalya khapradAnAya || 138|| tava darshanaM hi mAtaH paramaM sa.nskAramAttapApAnAm | kalyANasUktikandalarasapradaM mAnyate vibudhaiH || 139|| dhAturvadanasaroje shrutisImani hR^idi cha bhaktAnAm | ekapadA dvipadA vA rAjati vANI jaganmAtA || 140|| maNimayakA~nchIlasitA vINApustakakarAravindA cha | namatAM jADyavidhUnanadhR^itadIkShA rAjate vANI || 141|| kabalayatu tApamasyAH smaraNaM pAdAbjavandanaM vANyAH | dhAturjihvAgratale nR^ityantyAH sArasUktirasayantyAH || 142|| padmajavadanavibhUShA nigamashikhotta.nsapIThikA vANI | sakalavidhashAstrarUpA bhaktAnAM satkavitvadAnaprA || 143 ||. gatijitamarAlagamanA marAlavAhA cha vedhaso dArAH | shishiradayAsArA sA namatAM santApahAriNI sahasA || 144|| stanabhArasa.nnatA~NgI daradalitAmbhojalochanAntashrIH | savidhatale vibudhavadhUparicharaNAdyaishcha tuShTachittA sA || 145|| hariNA~NkavadanabimbA pR^ithulanitambA kachAttalolambA | nijagatijitakAdambA sAmbA padapadmanamrabhaktakadambA || 146|| parihasitanIlanIrajadehashrIH shAradA prathamA | sphaTikamaNibharakAntiH sarasvatI kIrtyate cha vibudhagaNaiH || 147|| nAthe dR^iDhabhaktimatI sR^iShTyAdau chitsvarUpA cha | dhAtrA samAnabhAvA chaikAsanapUNDarIkamadhyasthA || 148|| prItyA sarasapumarthAn dadAti kAle chidAdisandhAtrI | sA me daivatameShA satataniShevyA cha kAmadA bhUyAt || 149|| haricharaNanalinayugale sadaikatAnA hi shAradA jananI | padmAnIlAdisakhI shrutyudyAne vihArarasabharitA || 150|| dhAtuH kuTumbinIyaM tanyAt kalyANasantatiM satatam | yA tAruNyavibhuShA samakramA tripurasundaryA || 151|| nAnAkSharAdimAtR^ikagaNeDitA shabdarUpA cha | nAdabrahmavilAsA vANI sA ma~NgalAni nastanyAt || 152|| dR^ikkoNavIkShaNakalAnigamaprAbhavavidhAnadA namatAm | vibudhAnAM hR^idayAbjaM yasyA vAsasthalI cha nirdiShTam || 153|| mohAdivanakuThArA yA nityaM sevyate tridashasandhaiH | nityaprasannarUpAM shAntAM yAmeva sevate vedhAH || 154|| namatAM yayaiva khaNDIkriyate suvarNadR^iShTipuShA | yadvIkShaNena puruShaH khyAto nR^ipasadasi mAnyate prathamam || 155|| yasyai shrotriyavaryaistrisandhyamadhArdikaM kriyate | sA ma~njunItirUpA vANIrUpA cha bhaNyate nipuNaiH || 156|| sA mayi tanyAdIkShAM vIkShAvanadAM sarasvatI devI | santAnakusumajaitrIM yAmaichChat prAptuma~njasA vedhAH || 157|| mandasmitamadhurAsyaM kR^ipAvalokaM nirastajAdyatati | bhUyAd vANyA rUpaM puraH karAmbhojakalitavINAdi || 158|| vANyAH paraM na jAne daivatamanyad vane girau cha pathi | gagane vA sa.nrakShitanatajanatAyAH kR^ipArasArdrAyAH || 159|| AsyendoravalokanamambAyAH pAdapadmasevA cha | sarvashreyaHprAptyai shAstraj~naiH suShThu nirdiShTA || 160|| vANI hi tApahantrI jagatAM kAruNyapUrNanayanashrIH | mandAn karoti vibudhAn drAvayati shilAstatastu kiM chitram || 161|| yasmin kaTAkShapUro na bhavati sa hi dInavadanaH san | praskhalitavAgbhArto bhikShAmaTatIha nindito bahushaH || 162|| vANyAH kaTAkShapUrasrajA tvala~NkR^itanigAlo yaH | sa hi bhavati rAjamAnyaH kAntAdharamadhuravAgvilAsashcha || 163|| kavitAbhAgyavidhAtrI parimalasa~NkrAntamadhupagaNakeshA | mama nayanayoH kadA vA sA devI kalitasa.nnidhAnakalA || 164|| parachidvidhAnarUpA vANI shrutisImni rAjate paramA | munijanamAnasaha.nsI yA viharati sA shubhAya syAt || 165|| japamAlikayA vANIkaradhR^itayA vINayA cha koshena | ahamasmi nAthavAniha kiM vAshAsyaM paraM loke || 166|| kaivalyAnandasukhaprAptyai tejastu manmahe kimapi | yad vA~nChitachintAmaNiriti vANIti cha bhuvi khyAtam || 167|| kavikulasUktishreNIshravaNAnandollasadvata.nsasumA | sA devI mama hR^idaye kR^itasA.nnidhyA kR^itatrANA || 168|| yasyA dR^iShTividUrAH kumatAH shrutyarthava~nchakAH shaptAH | krandanti digantataTe mohAdyairluptanayanAshcha || 169|| satpariShatsa.nmAnyA shrutijIvanadAyinI jaganmAtA | chaturAnanabhAgyakalA kR^itasA.nnidhyA hi rAjate hR^idaye || 170|| kR^itasukR^itaiH sandR^ishyA mandasmitamadhuravadanapadmashrIH | muninAradAdipariShattattvopakramavichakShaNA vANI || 171|| kavivAgvAsantInAM vasantalakShmIrvidhAtR^idayitA naH | paramAM mudaM vidhatte kAle kAle mahAbhUtyai || 172|| kavitArasaparimalitaM karoti vadanaM natAnAM yA | stotuM tAM me hyArAt sA devI suprasannAstu || 173|| yasyAH prasAdabhUmnA nAkigaNAH sattvasampannAH | aindrIM shriyamapi mAnyAM pashyanti kShapitashatrubhayapIDAm || 174|| mAnyaM vidhAtR^iloke tattejo bhAti sarvasuravandyam | brahmANDamaNDalamidaM yadrUpaM yatra chAkSharagatishcha || 175|| janani tara~Ngaya nayane mayi dIne te dayAsnigdhe | tena vayaM kR^itArthA nAtaH paramastiH naH prArthyam || 176|| vANi vidhAtuH kAnte stotuM tvAmAdareNa kiM vAchyam | bhAsi tvameva paramaM daivatamityeva jAnAmi || 177|| kabalitatamovilAsaM tejastanmanmahe mahodAram | phalitasumano.abhilAShaM vANIrUpaM vipa~nchikollasitam || 178|| padmasanasukR^itakalAparipAkodayamapAstanatadoSham | sarasaj~nAnakavitvAdyanantasukR^itaM virAjate tejaH || 179|| nijanAthavadanasi.nhAsanamArUDhAmupAsmahe vANIm | yA kR^itrimavAggumphairvirachitakelirdhinoti vidhimAdyam || 180|| sujanAnandakarI sA janayantI sarvasampadaM dhAtuH | bhakteShu tAM nayantImanvahamahamAdriye girAM devIm || 181|| karuNAkaTAkShalaharI kAmAyAstu prakAmakR^itarakShA | vANyA vidhAtR^imAnyA satsukhadAne dishi khyAtA || 182|| visaro mahotsavAnAM viri~nchinayanAvaleriyaM mAtA | priyakAryasiddhidAtrI jagatIrakShAdhurandharA jayati || 183|| vibudhAbhigamyarUpA ha.nsAvalisevitA girAM devI | ga~Ngeva kanati kAle parikampitashivajaTAkoTiH || 184|| naukAM bhavAmburAsheraj~nAnadhvAntachandrikAM vANIm | kalaye manasi sadAhaM shrutipa~njarashArikAM devIm || 185|| bhavatApAraNyatale jahnusutA shAradA devI | j~nAnAnandamayI naH sampatsiddhyai pratikShaNaM jayatu || 186|| mattagajamAnyagamanA madhurAlApA cha mAnyacharitA sA | mandasmeramukhAbjA vANI mama hR^idayasArase lasatu || 187|| rakShaNachaNau cha vANyAH pAdau vande manoj~namaNinAdau | yatsevanena dhanyAH puruhUtAdyA dishAM nAthAH || 188|| dhAturdhairyakR^ipANI vANI suravR^ikShakusumamR^iduveNI | shukavANI nutavANI kavikulamodAya jayati mR^iduvANI || 189|| kalyANaikaniketanamasyA rUpaM sadA sphuratu chitte | mAnasakAluShyaharaM madhumathanashivAdibahumatotkarSham || 190|| munijanamAnasaratnaM chiratnametadvidhAtR^isukR^itakalA | vinatajanalochanashrIkarpUrakalA parA jayati || 191|| dhR^itasumamadhupakrIDAsthAnAyitakeshabhArAyai | nama uktirastu mAtre vAgjitapIyUShadhArAyai || 192|| bAlakura~NgavilochanadhATIrakShitasurAdimanujAnAm | nayanayugAsevyaM tadbhAtIha dharAtale tejaH || 193|| kushalavidhaye tadastu shrutipATharatAdR^itAtmabahukeliH | kabalitapadanatadainyaM taruNAmbujalochanaM tejaH || 194|| bAlamarAlIgatyai suragirikanyAdimahitakalagItyai | virachitanAnAnItyai cheto me spR^ihayate bahulakIrtyai || 195|| vinamadamareshasudatIkachasumamakarandadhArayA snigdham | tava pAdapadmametat kadA nu mama mUrdhni bhUShaNaM janani || 196|| kamalajaparatantraM tadgatatandraM vastu nistulamupAse | tenaivAhaM dhanyo madva.nshyA nirasitAtmatApabharAH || 197|| j~nAnAmR^itasandhAtrI bhavAbdhisantaraNapotranAmAdiH | vANI vAchAM laharImavandhyayantI surAdinutacharitA || 198|| kAruNyapUrNametad vANIrUpaM sadA kalaye | yadbhajanAd devAnAmapi sa.nvid bhAti kAryakAleShu || 199|| dhIpadmapIThamAste sA vANI kA~NkShitAni kalayantI | yA ghanakR^ipAsvarUpA sa~NkIrtyA sarvadevanutA || 200|| tava pAdapadmavisR^imarakAntijharIM manasi kalaya.nstu | nirasitanarakAdibhayo virAjate nAkisadasi suramAnyaH || 201|| kuchayugalanamragAtraM pavitrametad bhaje tejaH | dhAturapi sarvadevairyannirdiShTaM hu bhadrAya || 202|| kR^itanatapadavAgdhATI cheTIbhUtAmareshamahiShI naH | kaTikR^itamanoj~nashATI pATIrarasArdranaijatanukoTI || 203|| padmabhavapuNyakoTI harShitakavivR^indasUktirasadhATI | mukhalasitasarasavATI vilasatu mama mAnase kR^ipAkoTI || 204|| j~nAnaparAkramakalikA dishi dishi kinnarasugItanijayashasaH | dhanyA bhAnti hi manujAH yadvIkShAlavavisheShataH kAle || 205|| surajanapAlanadakShA prashAntavIkShA nirastaripupakShA | mokShArthibhiH shritA sA lAkShArasalasitapAdabhAg bhAti || 206|| ku~NkumabhararuchirA~NgI bhAti kR^ishA~NgI girAM devI | dhAturapi j~nAnapradamasyA rUpaM vadanti vibudheshAH || 207|| vANi natimamba nityaM karavANi hi chitsukhAvAptyai | tAdR^iktvadIyakaruNAvIkShaNato gIShpatishcha suramAnyaH || 208|| kalyAmi natimanantAM kAle kAle shubhaprAptyai | dhAtuH sukR^itollAsaM karadhR^itavINAdikaM cha yadrUpam || 209|| kamalAsanadayitA sA lasatu puro.asmAkamAdarakR^itashrIH | yatpraNamanAjjanAnAM kavitonmeShaH sadIDito bhavati || 210|| parasa.nvidAtmikA sA mahiShI dhAtuH kalAvatI vANI | shishirIkaroti taptAn karuNArasadigdhanetrapAlyA naH || 211|| dhAtR^imanorathapAtraM santaptasvarNakAmyanijagAtram | AshritakamalajagotraM rakShitanatabAhuchChAtram || 212|| kavikulajihvAlolaM pitAmahAdR^itamanoj~nanijalIlam | nirasitanataduShkAlaM vande tejaH sadAlinutashIlam || 213|| mandAnAmapi ma~njulakavitvarasadAyinI jananI | kApi karuNAmayI sA lasatu purastAt sadAsmAkam || 214|| nistulapadasamprAptyai bhUyo bhUyo namA.nsi te vANi | dIpakalAmayi chAntaHsmaraNaM dhAtuH kuTumbinyai || 215|| mAyAnirAsakAmo vande vANyAH padAmbhojam | siddhamanorathashatakA yadbhajanenArthinaH kAle || 216|| satataM baddhA~njalipuTumupAsmahe tachChubhapradaM tejaH | yatkamalajanayanAnAM pramodapIyUShalaharikAmodam || 217|| divi vA bhuvi dikShu jale vahnau vA sarvato vANi | jantUnAM kila rakShA tvadhInA kIrtyate vibudhaiH || 218|| bhArati bhavatApArtAn pAhi kaTAkShA~NkuraiH shItaiH | paramanandavidhAtR^in yAneva stauti padmavAso.api || 219|| kuladaivatamasmAkaM tattejaH kuTilakuntalaM kimapi | karadhR^itapustakavINaM kalaye kAmAgamodayaM dhAtuH || 220|| paramAnandadhanaM taddhAturapi brahmatattvarasadAyi | AbrahmakITanR^ityatsvavaibhavaM jayati shAradArUpam || 221|| vibudhajanamodajananI jananI naH sA vidheH patnI | mR^idusa~nchAravilAsaiH shubha~NkarI bhavatu santataM kAle || 222|| sarasamanoj~navilAsaiH svavashe kR^itvA mano vidhervANI | sR^iShTyAdau shubhalekhAkarI nR^iNAM mastake mAtA || 223|| prakR^itimR^idulaM padAbjaM vANIdevyA madIyachittataTe | kAmAdisUchinichite kathaM sthitiM prApnuyAt kAle || 224|| nikhilacharAchararakShAM vitanvatI padmajapriyA devI | mama kuladaivatameShA jayati sadArAdhyamAnyapadakamalA || 225|| kushalasamR^iddhyai bhUyAdambA sA shAradA devI | janirakShaNAdilIlAvihArabhA~NnigamasaudhadIpakalA || 226|| vAchAlayati kaTAkShairjaDaM shilAmalpajantuM vA | yA vANI sA sharaNaM bhave bhave prArthye shriyaHprAptyai || 227|| yadi hi prasAdabhUmA vANyAstatraiva sA hareH kAntA | parilasita ##( ||. incomplete ||. )## nityavAsaratA || 228|| sanakasanandanavandye kAnte parameShTinaH shriyaHprAptyai | vANi tvAM naumi sadA bhava prasannA vipa`nchilasitakare || 229|| vANi vipa~nchIkalaravarasike gandharvayoShidabhivandye | tava charaNaM mama sharaNaM bhavavAridhisutemamba kalayAmi || 230|| vANi kadAhaM lapsye charaNAmbhojaM tvadIyamidamArAt | nijamaNinUpuranAdaspR^ihaNIyavachaHpadaM kalitabhakteH || 231|| shrutipUtamukhamanoharalAvaNyakusumamR^idusharIreyam | nijakaruNApA~NgasudhApUraNakR^itavaibhavA bhAti || 232|| parisaranatavibudhAlIkirITamaNikAntivallarIvisaraiH | kR^itanIrAjanavidhi te mama tu shirobhUShaNaM hi padayugalam || 233|| premavatI vidhibhavane ha.nsagatirha.nsayAnakR^itachArA | vAchAmakR^itrimAnAM sthairyavidhAtrI maheshAnI || 234|| AnandarUpakoTImambAM tAM santataM kalaye | sa.nvidrUpA yA kila vidhAtR^igehe shrutishriyaM dhatte || 235|| kamalajanetramahotsavatAruNyashrIrnirastanatashatruH | lalitalikuchAbhakuchabharayugalA dR^igvijitahariNasandohA || 236|| kAruNyapUrNanayanA kalikalmaShanAshinI cha sA vANI | mukhajitashAradakamalA vaktrAmbhoje sadA sphuratu mAtA || 237|| kamalasuShamAnivAsasthAnakaTAkShaM chirAya kR^itarakSham | rakShogaNabhItikaraM tejo bhAti prakAmamiha manasi || 238|| kamalajatapaHphalaM tanmunijanahR^idayAbjanityakR^itanR^ittam | karuNAlolApA~NgaM tattejo bhAtu mama mukhAmbhoje || 239|| bhAgyaM vidhinayanAnAM sa.nsR^ititApajvarAditaptAnAm | bheShajametadrUpaM kalAgrahaM manyate devyAH || 240|| janani kadA vA neShyAmyahamArAdarchitatvadIyapadaH | nimiShamiva hanta divasAn dR^iShTvA tvAmAdareNa kalyANIm || 241|| ma~njulakavitAsantatibIjA~NkuradAyisArasAlokA | janani tavApA~NgashrIrjayati jagattrANakalitadIkSheyam || 242|| amba tavApA~NgashrIrapA~NgakelIshatAni janayantI | dhAturhR^idaye jayati vrIDAmadamodakAmasArakarI || 243|| sarvajagannutavibhave santatamapi vA~nChitaprade mAtaH | adhunA tvameva sharaNaM tenAhaM prAptajanmasAphalyaH || 244|| shAntirasasarvashevadhimambAM seve manorathAvAptyai | yAmArAdhya sureshAH svapadaM prApurhi tadrakSham || 245|| kulajA bhAryA kIrtirdAnaM putrAdayo ye cha | sidhyanti te hi sarve yasmai vANI prasannA sA || 246|| kA kShatiramba kaTAkShe nyaste sati mayi viri~nchivarapatni | ga~NgAshunakanyAyAnmahatI mama vR^iddhirIritA nipuNaiH || 247|| aviraladayArdralochanasevanayA dhUtatApA hi | pratikalpaM surasa~NghAstvAmabhajan nutinatipramukhaiH || 248|| dInAnAM cha kavInAM vANi tvaM kAmadhenurasi mAtaH | siddhisteShAmatulA suramAnyA tena sa~NkalitA || 249|| sakalajagatAM hi jananIM vANi tvAM santatamupAse | shrutisudatIbhUShAmaNimakhilArthaprAptyai loke || 250|| dhAtuH kuTumbinI tvaM sanma~NgaladAyinI svamAhAtmyAt | shvashrUshvashuramukhAdiprINanachaturA cha bhAsi nigamakalA || 251|| mukhavijitachandramaNDalamidamambhoruhavilochanaM tejaH | dhyAne jape cha sudR^ishAM chakAsti hR^idaye kavIshvarANAM cha || 252|| yasmai prasannavadanA sA vANI lokamAtA hi | tasya sahasA sahasraM lAbhaH syAd bAndhavAH sukhinaH || 253|| tApahararasavivarShaNadhR^itakutukA kApi nIlanalinaruchiH | kAdambinI purastAdAstAM naH santataM jananI || 254|| padmAkShanAbhipadmajadayite lokAmba shAradeti sadA | tava nAmAni japan san tvaddAso.ahaM tu muktaye siddhaH || 255|| ambAprasAdabhUmnA naro hi bhu~Nkte sukhAni vividhAni | smare vijayaH kavitAdhanalakShmyAdervilAsalIlAdiH || 256|| tIraM sa.nsR^itijaladheH pUraM kamalajavilochanaprIteH | sAraM nigamAntAnAM dUraM durjanataterhi tattejaH || 257|| api dAsakule jAtaH kaTAkShabhUmnA vidhAtR^imukhapatnyAH | j~nAnI bhavavArAshiM tarati cha rAjyashriyaM bhu~Nkte || 258|| satkR^itadeshikapAdAmbujayugalo.ahaM namAmi vANi tvAm | tvaM tu gurumUrtiruktA kAle kAle cha kA~NkShitavidhAtrI || 259|| j~nAnAnandamukhAdInapavargaM vA dadAsi bhaktebhyaH | ata evAnanyagatistvAM vidhipatnIM prapadye.aham || 260|| tvayi vinyastabharANAM na hi chintA jAyate nR^iNAM kApi | paramAnandAdikalAsphUrtirdiviShadgaNena sa.nmAnyA || 261|| sumasharasAmrAjyakalAma~NgalavidhirekhikA vANI | dhAturapi chittavR^ittisthairyaM tvanyAdR^ishaM kurute || 262|| sA dhenushchintAmaNirapi vR^ikShaH sampadAM pradAyinyaH | amba tvameva kAle bhasi j~nAnapradA vyapohya tamaH || 263|| manaso nairmalyapradamasyAH seve kaTAkShamahamArAt | yaH kurute janatAM tAM hatamAyAM madhurAmayodhyAM cha || 264|| sharadiva ha.nsakuleDyA jyotsneva janArtihAriNI vANyAH | jayati hi kaTAkSharekhA dIpakaleva prakAmahatatimirA || 265|| pa~NkajabhavavadanamaNiM paravidyAdevatAM vANIm | nityaM yajatAM japatAM na hi tulyo.asmin kShamAtale kashchit || 266|| vANI nijavANIbhI rachayati nutimAttavINayA kAle | dhAtuH prasAdahetoH pativratAlakShaNairanyaiH || 267|| Anandayati vilasairambA padmAsanaM nijaM devam | tenaiva tuShTahR^idayaH shubhAkSharANyAdarAllikhati maulau || 268|| mama mAnasadurmadagajamapAratApATavIShu dhAvantam | virachayya muditachittaM kuru vANi tvatpadAbjakR^itahastam || 269|| kamalAsanadhairyamahIdharakulishaste kaTAkSha evAyam | kavikulamayUrakAdambinIvilAso mude.astu satataM naH || 270|| guruvaradanAmbhoje nR^ityantI shAradA devI | madhuratarashlokanibhA maNinUpuraninadasantatirbhti || 271|| ko vA na shrayati budhaH shreyo.arthI tAmimAM vANIm | yAM pa~NkajAkShanAbhijasadharmiNImarchayanti suranAthAH || 272|| muShitapayojamR^idimnA charaNatalenAtra mAnase vANI | pariharatu pAparAshiM suraughasa.nmAnitena kAle me || 273|| yAthArthyaj~nAnakalAprAptyai tvAM shAradAM vande | sevAphalaM prayachCha prasIda parameshi vallabhe dhAtuH || 274|| nigamAntasAramarthaM bodhayasi tvaM gurUn prakalpya bhuvi | saiShA me j~nAnaghanA vANI nityaM prasannAsi || 275|| mandArakusumamadaharamandasmitamadhuravadanapa~NkaruhA | hR^idyatamanityayauvanamaNDitagAtrI virAjate vANI || 276|| saubhAgyasUchakAbhI rekhAbhirbhUShitaM saurairvandyam | ambAcharaNapayojaM vata.nsayan prAptasa.nmodaH || 277|| dvijagaNapUjyaM nityaM nirastajADyaM tvadIyapAdayugam | kShaNamapi vA sA.nnidhyaM bhajatu madIye hR^idi svairam || 278|| natadevarAjamakuTImaNighR^iNiparichumbitA~NghrikamalA naH | kamalAsanasya dayitA tanyAdanyAdR^ishI shriyaM bhajatAm || 279|| vANI shritakAdambA dambhAdiripUn nirasya naH kAle | kShemamavanyAM tanyAt pade pare devasa~Nghaparisevye || 280|| pa~NkajabhavasAmrAjyasthiralakShmIshchapANDaratanushrIH | natamAnavasukR^itakalAparipATI bhAti sakalaguNapeTI || 281|| mukhavijitachandrabimbA sAmbA kAdambasevyapadakamalA | kamalAsanagR^ihalakShmIrlakShmIM puShNAtu shAradA devI || 282|| muramathanasyeva ramA shambhoriva sakalabhUdharendrasutA | vANi vidhAtuH sadane.anurUpadAmpatyasampadA bhAsi || 283|| vANi tava dehakAntyA kaTAkShalaharI tu sa.nyutA kAle | dhatte kAmapi shobhAM surasravantyeva sa~NgatA yamunA || 284|| madhurAsechanadR^iShTyA mAM pAyAdApado muhurvANI | AshritatApavibhetrItyevaM yAmAmananti sUrivarAH || 285|| aj~nAtakopapUrA yasyA dR^iShTiH kR^itAdarA bhajatAm | saiShA vihasitapaurandaralakShmIM sampadaM dadyAt || 286|| bAlakura~NgavilochanamIShatsmitamadhuramAnanaM vANyAH | maNimayatATa~NkamaNIvilAsi bhUyAnmude.asmAkam || 287|| munijanamAnasaha.nsIM shrutitatipa~njarashukIM mahAdevIm | naumi snuShAM ramAyAH mAheshvaramahitasatpadaprAptyai || 288|| dhAtuH saudhA~NgaNakR^itacha~NkramaNAM shAradAM naumi | mattamata~NgajagamanAM paripanthijayAya sukR^itisandR^ishyAm || 289|| vAgIshamukhA devA yasyAH prasadanabaladdhi vijayante | paripAlitabhaktagaNA yaddhyAnollasadapArapulakAntAH || 290|| naisargikavAkShreNIkelivanamamalabhUShaNaM dhAtuH | vadanAnAmiyamambA jayatu chiraM kAmavarShiNI bhajatAm || 291|| kalayAmi hR^idayametat pAdAbje shAradAdevyAH | prAptAriShaTkavijayaM tattvadhanaM kalitashAradAdhyAnam || 292|| pAdAravindanamanaprabhAvaparikalitadevasArUpyAH | paramAnandanimagnAH sudhiyo bhAnti kShamAvalaye || 293|| lalitavidhAtR^irUpaM pAlitalokatrayaM cha tat tejaH | sakalAgamashikharakalAparatattvaM shAradArUpam || 294|| dhyAnairyogaishcha japairyat sevyaM paramamAdiShTam | tannashchakAstu hR^idaye vishvajanInaM hi bhaktAnAm || 295|| bhAgIrathIva vANI tava nutirUpA virAjate paramA | iha mAtaryadbhajanaM sarveShAM sarvasampadAM hetuH || 296|| santatamadhurAlApairlAlitavidhivaibhavairameyakalaiH | shreyaHpradAnadIkShitakaTAkShapAtairmahAtattvaiH || 297|| khelallolambakachaiH kuchabharanamraiH purandhriguNapUrNaiH | Ashritasa.nvitpIThairamareshavadhUkarAdR^itachChatraiH || 298|| vINApustakahastairvidhibhAgyairastu mama tu sArUpyam | sa.nviddhanaishcha vANIrUpairetairdayAsAraiH || 299|| mAtaH kathaM nu varNyastava mahimA vANi nigamachayavedyaH | iti nishchitya padAbjaM tava vande mokShakAmo.aham || 300|| tvAmamba bAlisho.ahaM tvachamatkArairgirAM gumbhaiH | ayathAyathakramaM hi stuvannapi prAptajanmasAphalyaH || 301|| iti shrIshAradAtrishatI samAptA ## Encoded and proofread by Sridhar Seshagiri seshagir at engineering.sdsu.edu \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}