% Text title            : Sharadeyavratanirupanam
% File name             : shAradeyavratanirUpaNam.itx
% Category              : devii, devI, lakShmInArAyaNIyasaMhitA
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 138/54-75||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sharadeyavratanirupanam ..}##
\itxtitle{.. shAradeyavratanirUpaNam ..}##\endtitles ##
shR^iNu lakShmi vrataM te.anyachChAradeyavratottamam |
bR^ihaspatestu divase kartavyaM pUjanaM tava || 54||
maNDapaM subhagaM kR^itvA toraNAdisamanvitam |
sauvarNakalashairdhAnyaishchAsanAdibhirUrjitam || 55||
tanmadhye kArayedramyaM gajAsanaM suvarNajam |
tatra pIThe sthApayechcha shAradAkhyAM ramAM satIm || 56||
dvibhujAM lalitAlakShmIM sarvAbharaNabhUShitAm |
vINAkamalahastAM cha mukuTAdisushobhanAm || 57||
atha pArshve sthApayechcha gAyatrIM cha sarasvatIm |
vAdyayuktAM divyarUpAM vedapustakadhAriNIm || 58||
evaM devItrayaM tatra pUjayedgandhaku~NkumaiH |
akShataiH shvetapuShpAdyairdhUpadIpA.a.adivastubhiH || 59||
kShIraM cha pAyasaM siddhAnnaM miShTaM bhojayettathA |
miShTavAri sugandhADhyaM pAyayechChItalaM tathA || 60||
tAmbUlakaM pradadyAchcha nIrAjanaM tatashcharet |
prArthayechChAradAlakShmIM vANI me prIyatAmiti || 61||
kR^ipayA te bhaviShyAmi vidyAvArinidhiH paraH |
rasanAgre mama nityaM sarasvatI vasatvapi || 62||
iha loke sadA.a.anandamavApnuyAM tathA kuru |
vedAH shAstrANi shastrANi gItanR^ityAdikaM cha yat || 63||
na vihInaM tvayA vANi tathA me santu siddhayaH |
vANI medhA dharA puShTirgaurI tuShTiH prabhA matiH || 64||
etAbhiH pAhi chAShTAbhistanUbhirmAM narAyaNi |
evaM samprArthya dAnAni dadyAt puShpA~njaliM tathA || 65||
bhojayedbAlabAlAshcha sAdhusAdhvIshcha yoShitaH |
dhanavastrANi dadyAchcha kamaNDaluM cha pustakam || 66||
vAdyadAnaM prakurvIta shR^i~NgArAbharaNArpaNam |
parihAraM prakurvIta gurave shriyamarpayet || 67||
maunavratena bhu~njIta sAyaM prAtashcha vai vratI |
guruvAre pratimAsaM mAsAstrayodasha vratam || 68||
sandhyAyAM cha tathA maunaM rakShan vratI samAcharet |
nA.antarA bhojanaM kuryAtsamApte cha vrate tataH || 69||
udyApanaM paraM kuryAnmahotsavasamanvitam |
vastrayugmaM striyai dadyAdviprAyai bhojanAnvitam || 70||
godAnaM gR^ihadAnaM cha kuryAdyathAdhanaM vratI |
anena vidhinA kR^itvA pAyasAdi prabhojanam || 71||
vidyAvAn dhanavAn miShTakaNTho vratI prajAyate |
shAradAyAH prasAdena brahmaloke mahIyate || 72||
naro nArI kumArI vA kurute shAradAvratam |
brahmaloke vasedbrAhmI yAvatkalpAyutatrayam || 73||
vidyAdAnaM prakuryAdyo vrataM kR^itvA dhanArpaNaiH |
vidvAn vidyAM pradadyAchcha shAradAvratavAMshcha yaH || 74||
vidyAdharapure so.api vasetkalpA.ayutatrayam |
ante lakShmIpuraM yAti brahmA.akSharaM vrajettataH || 75||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
138\-adhyAyAntargataM shAradeyavratanirUpaNaM sampUrNam |

lakShmInArAyaNIyasaMhitA | khaNDa 3| adhyAya 138/54\-75||
##
lakShmInArAyaNIyasaMhitA . khaNDa 3. adhyAya 138/54-75..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}