% Text title            : shaktistavaH
% File name             : shaktistavaH.itx
% Category              : devii, devI, dashamahAvidyA, pArvatI
% Location              : doc\_devii
% Proofread by          : Manusiri Janakiraman
% Description/comments  : Gandharva Tantra aShTatriMshaH paTalaH 38 shlokAH 10-45
% Latest update         : June 21, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shakti Stavah ..}##
\itxtitle{.. shaktistavaH ..}##\endtitles ##
brahmA uvAcha\-
tvaM sAvitri cha vAgdevI tvaM shrIH sarvajagatprasUH |
svAhA tvaM devayaj~neShu pitR^iyaj~neShu cha svadhA || 1||
svadhA tvaM devalokeShu havistvaM khalu mAnuShe |
tvaM hi vidyAshcha mantrAshcha vedAstvaM hi surAtmikA || 2||
arddhamAtrAtmikA tvaM vai yAnuchchAryA visheShataH |
tvameva paramA shaktirjagatkAraNarUpiNI || 3||
vichAryA.aShTA~Ngayogena lakShaNAdyairmuhurmuhuH |
yat sthirIkriyate devi ! tat te rUpaM sanAtanam || 4||
yadavyaktamanirdeshyaM niShkalaM paramAtmanaH |  (niShphalam)
rUpaM tavaiva tat sUkShmaM sakalaM cha jaganmayi! || 5||
yA sR^iShTishaktirasmAkaM sthitishaktistathA hareH |
antashaktistatheshasya sA tvaM shaktiH sanAtanI || 6||
tvaM jAtavedogatA shaktirugrA
     tvaM dAhikA sUryakarasya shaktiH |
AhlAdikA tvaM bahu chandrikAyA\-
     stAM tvAmahaM naumi namAmi chAmbikAm || 7||
yoShA yoShitpriyANAM tvaM vidyA tvaM chordhvaretasAm |
vA~nChA tvaM sarvajagatAM mAyA cha tvaM tathA hareH || 8||
yayA prakAshyate brahma sA tvaM nityA prasIda me |
vishvAdistvamanAdistvaM vishvayonirayonijA || 9||
anantAt sarvajagatastvamevaikAntarUpiNI |
ekA tvaM trividhA bhUtvA mokShasaMhArakAriNI || 10||
saMsArasAgarottArataraNiH sukhamokShade |
tvaM nityA tvamanityA cha tvaM charAcharamohinI || 11||
namaste jagatAM mAtaH ! sR^iShTirUpe sanAtani |
sthitirUpe namastubhyaM namaH saMhArarUpiNi || 12||
evaM saMstUyamAnA sA yoganidrA viri~nchinA |
AvirbabhUva pratyakShaM brahmaNaH paramAtmanaH || 13||
devI uvAcha\-
parituShTAsmi lokesha stotreNAnena te vibho ! |
varaM vR^iNIShva bhadraM me yat te manasi vartate || 14||
Ishvara uvAcha\-
mAM samIkShya varaM vavre jagatsaMhArakArakam |
sR^iShTishaktiM mayi tvaM cha viShNau pAlanarUpiNIm || 15||
saMhArashaktimIshAne dehi mAtarnamo.astu te |
ekashcharati bhUtesho na dvitIyAM samIhate |
tathA mohaya sarveshaM dArAH svayaM jighR^ikShati || 16||
devI uvAcha\-
yaduktaM bhavatA brahman ! tachcha satyaM na chAnyathA |
mohayitvA.ahamIshAnaM satIrUpeNa sha~Nkaram || 17||
saMhariShyAmi lokesha! jagadetachcharAcharam |
tatrApi tAM tanuM tyaktvA sambhaviShyAmi pArvatI || 18||
iti tasmai samAbhAShya brahmaNe parameshvarI |
vIkShyamANA jagatsraShTrA tatraivAntaradhIyata || 19||
tasyAmantarhitAyAM cha brahmA lokapitAmahaH |
kR^itA~njalipuTo bhUtvA viShNumAha prajApatiH || 20||
saMhArakaraNe yogyaM vIrabhAvaM cha yad bhavet |
tannideshe mahAdeve viShNo lokeShu durlabham || 21||
iti tad vachanaM shrutvA bhagavAn harirIshvaraH |
AdiShTavAn mayi bhadre vIrabhAvaM sudurlabham || 22||
vIrabhAve sthitaH so.ahaM mAtastvAM samupAsmahe |
adyApi parameshAni ! mAtastubhyaM namo namaH || 23||
prakR^itiH sarvabhUtAnAM tvaM hi sarvajagatprasUH |
yA muktirmama deveshi ! kShitirUpA tu jIyate |
sa tvameva na me nAhaM mAtaH ! satyaM namo namaH || 24||
yA me mUrtirdvitIyA cha jalamayIti kathyate |
sA tvameva na me nAhaM mAtaH! satyaM namA namaH || 25||
AgneyI yA tR^itIyA me jagatkShobhaNakAriNI |
sA tvameva na me nAhaM mAtaH! satyaM namo namaH || 26||
chaturthI vAyavI mUrtiH sR^iShTisaMhArakAriNI |
sA tvameva na me nAhaM mAtaH ! satyaM namo namaH || 27||
pa~nchamI yA cha sarveShAM pariNAmasvarUpiNI |
sA tvameva na me nAhaM mAtaH ! satyaM namo namaH || 28||
ShaShThI yA sarvadevAnAmApyAyanIti gIyate |
sA tvameva na me nAhaM mAtaH ! satyaM namo namaH || 29||
saptamI mama mUrtiryA jagadAhlAdakAriNI |
sA tvameva na me nAhaM mAtaH ! satyaM namo namaH || 30||
aShTamI mama mUrtiryA sthitisaMhArakAriNI |
sA tvameva na me nAhaM mAtaH ! satyaM namo namaH || 31||
tavaivAhaM na me ki~nchid yadiha jagatItale |
tvayaivedaM jagadvyAptaM jagat sarvaM tvameva hi || 32||
devI uvAcha\-
mayA sarvaM jagad vyAptaM vatsa ! satyaM prabhAShase |
mamaivaite.avatArAshcha matsya kUrmAdayo.apare || 33||
tvamevAhaM na chAnyo.asti brahmAhaM viShNurapyaham |
ahameva jagat sarvaM nAsti ki~nchinmayA vinA || 34||
yattu pashyasi he vatsa ! yatki~nchijjagatItale |
brahmAdistambaparyantamahameva na saMshayaH || 35||
ihaikastho jagat kR^itsnaM pashyAdya sacharAcharam |
ityuktvA darshayAmAsa shambhave jagadIshvarI || 36||
svasharIre jagat kR^itsnaM sampraviShTamanekadhA |
jaganmayIM tato dR^iShTvA shambhurmAyAvimohitaH ||
mAmuddhara jaganmAtarmohasAgaramadhyataH || 37||

iti gandharvatantre aShTAtriMshaH paTalAntargataH
      brahmaproktaH shaktistavaH samAptA |

##
Gandharva Tantra PaTala 38 Verses 10-45

Proofread by Manusiri Janakiraman

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}