% Text title            : shivAstutikadambam
% File name             : shivAstutikadambam.itx
% Category              : devii, sachchidAnanda-shivAbhinava-nRisiMhabhAratI, devI, pArvatI
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shivastutikadambam ..}##
\itxtitle{.. shrIshivAstutikadambam ..}##\endtitles ##
kamalAni sAmyamAptuM tapyantyadyApi kaNThadaghnajale
yatpAdayoraharnishamanishaM naumi tAM rAjarAjeshIm || 1||

kamalAsakhakamalodbhavakAmAripramukhanirjaraiHsevyAm |
vimalAmatilaghudhiShaNAM dadatIM naumi namrAya kAmAkShIm || 2||

valamAnakadambamAlikAM lalanAmindushikhAmaNeH parAm |
tulanArahitAsyapa~NkajAM kalaye chetasi shailarATsutAm || 3||

tAmarasatulyacharaNAM shyAmapayovAhakAntikachalasitAm |
sAmanutadivyacharitAM somasamAsyAM namAmi giribAlAm || 4||

nayanajitapadmagarve naya natamenaM mahApadavIm |
matimati maheshamAnini matimanmanujArchyamAnapadapadme || 5||

nAradamukhamunichintyAM nIradagarvApahArikeshatatim |
pAradasamAnavarNAM shAradachandrAnanAM bhaje gaurIm || 6||

pa~NkajasamAnavaktrAma~NkagatAM bAlachandrachUDasya |
sa~NkarShaNAdivinutAM sha~NkaracharaNArchanAM namAmi shivAm || 7||

pAkArimukhasureDyAM kekAnIkAshavachanasadbha~NgIm |
kokArishishuvataMsAM shokApaharAM namAmi shivadayitAm || 8||

bAhujitapa~NkajasrajamAhuryAM kAlidAsamukhakavayaH |
tAM hutavahAbhavastrAM muhurmuhurnamAmi jagadambAm || 9||

yavakoTisUkShmarUpe khajitaparapuShTagarvasarvasve |
navanavakavitvadAyini shivamAnasahaMsi mAM pAhi || 10||

yAvakasamAnavarNaM tAvakamambA~Nghripa~Nkajadvandvam |
stAvakasukhatatidaM khalu pAvakashashisUryamaNDalAntaHsthe || 11||

vAchAM tatiM dadAnAM mochAM nIchAM vidhAtumatichaturAm |
prAchAM vachasAM geyAmAchAntAghAM namAmi giritanayAm || 12||

pAlitadivije pR^ithvIpAlitanijadAsanikurumbe |
parvatapatitanaye.ava suparvatarordarpaharaNachature mAm || 13||

sarasijamukhi namrAgresarasiddhividhAyini kShipram |
bhavajaladhipAradA tvaM bhava jalajAsye bhavAni mama tarasA || 14||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitaM shrIshivAstutikadambaM sampUrNam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}