% Text title : laLitaahRidaya stotraM % File name : shrIlalitAhRidayastotram.itx % Category : hRidaya, devii, dashamahAvidyA, lalitA, devI % Location : doc\_devii % Author : Traditional % Transliterated by : Adwaith Menon adwaithmenon at gmail.com % Proofread by : Adwaith Menon % Latest update : June 15, 2005 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrI lalitAhRidaya stotraM ..}## \itxtitle{.. shrIlalitAhR^idayastotram ..}##\endtitles ## athashrIlalitAhR^idayastotram || shrIlalitAmbikAyai namaH | devyuvAcha | devadeva mahAdeva sachchidAnandavigrahA | sundaryAhR^idayaM stotraM paraM kautUhalaM vibho || 1|| IshwarauvAcha | sAdhu sAdhutvayA prAj~ne lokAnugrahakArakam | rahasyamapivakShyAmi sAvadhAnamanAHshR^iNu || 2|| shrIvidyAM jagatAM dhAtrIM sarggasthitilayeshwarIm | namAmilalitAM nityAM bhaktAnAmiShTadAyinIm || 3|| bindutrikoNasamyuktaM vasukoNasamanvitam | dashakoNadvayopetaM chaturddasha samanvitam || 4|| dalAShTakesaropetaM dalaShoDashakAnvitam | vR^ittatrayayAnvitambhUmisadanatrayabhUShitam || 5|| namAmi lalitAchakraM bhaktAnAmiShTadAyakam | amR^itAmbhonidhintatra ratnadvIpaM namAmyaham || 6|| nAnAvR^ikShamahodyAnaM vandehaM kalpavATikAm | santAnavATikAMvande harichandanavATikAm || 7|| mandAravATikAM pArijAtavATIM mudA bhaje | namAmitava deveshi kadambavanavATikAm || 8|| puShyarAgamahAratnaprAkAraM praNamAmyaham | padmarAgAdimaNibhiHprAkAraM sarvadA bhaje || 9|| gomedaratnaprAkAraM vajraprAkAramAshraye | vaiDUryaratnaprAkArampraNamAmi kuleshwarI || 10|| indranIlAkhyaratnAnAM prAkAraM praNamAmyaham | muktAphalamahAratnaprAkArampraNamAmyaham || 11|| maratAkhyamahAratnaprAkArAya namonamaH | vidrumAkhyamahAratnaprAkArampraNamAmyaham || 12|| mANikyamaNDapaM ratnasahasrastambhamaNDapam | lalite!tavadeveshi bhajAmyamR^itavApikAm || 13|| AnandavApikAM vandevimarshavApikAM bhaje | bhajebAlAtapolgAraM chandrikogArikAM bhaje || 14|| mahAshR^i~NgAraparikhAM mahApatmATavIM bhaje | chintAmaNimahAratnagR^iharAjaM namAmyaham || 15|| pUrvA.nnAyamayaM pUrvvadvAraM devi namAmyaham | dakShiNA.nnAyarUpantedakShiNadvAramAshraye || 16|| namAmi pashchimadvAraM pashchimAmnAya rUpakam | vandehamuttaradvAramuttarAmnAyarUpakam || 17|| UrddhvAmnAyamayaM vande hyUrddhadvAraM kuleshvari | lalitetava deveshi mahAsiMhAsanaM bhaje || 18|| brahmAtmakaM ma~nchapAdamekaM tava namAmyaham | ekaMviShNumayaM ma~nchapAdamanyaM namAmyaham || 19|| ekaM rudramayaM ma~nchapAdamanyaM namAmyaham | ma~nchapAda.nmamAmyekaM tava devIshvarAtmakam || 20|| ma~nchaikaphalakaM vande sadAshivamayaM shubham | namAmitehaMsatUlatalpakaM parameshvarI! || 21|| namAmite haMsatUlamahopAdhAnamuttamam | kaustubhAstaraNaMvande tava nityaM kuleshvarI || 22|| mahAvitAnikAM vande mahAyavinikAM bhaje | evaM pUjAgR^ihaM dhyAtvA shrIchakre shrIshivAM bhaje || 23|| svadakShiNe sthApayAmi bhAge puShpAkShatAdikAn | amitAMstemahAdevi dIpAn sandarshayAmyaham || 24|| mUlena tripurAchakraM tava sampUjyayAmyaham | tribhiHkhaNDaistavakhyAtaiH pUjayAmi maheshvari! || 25|| vAyvagni jalasamyuktaM prANAyAmairahaM shivai | shoShANAndAhanaM chaiva karomi plAvanaM tathA || 26|| trivAraM mUlamantreNa prANAyAmaM karomyaham | pAShaNDakAriNobhUtA bhUmauye chAntarikShake || 27|| karomyanena mantreNa tAlatrayamahaM shive | nArAyaNo.ahambrahmAhaM bhairavo.ahaM shivosmyaham || 28|| devohaM paramAnando.asmyahaM tripurasundari | dhyAtvAvai vajrakavachaM nyAsaM tava karomyaham || 29|| kumArIbIjasamyuktaM mahAtripurasundari##!## | mAMrakSharakSheti hR^idi karomyaj~nalimIshwari##!## || 30|| mahAdevyAsanAyeti prakaromyAsanaM shive | chakrAsana.nnamasyAmi sarvamantrAsanaM shive || 31|| sAddhyasiddhAsanaM mantrairebhiryuktaM maheshvari | karomyasmi~nchakramantrairdevatAsanamuttamam || 32|| karomyatha ShaDa~NgAkhyaM mAtR^ikAM cha kalAM nyase | shrIkaNTa~NkeshavaM chaiva prapa~nchaM yogamAtR^ikAm || 33|| tattvanyAsaM tataH kUrvve chatuShpITaM yathAchare | laghuShoDhAntataH kUrvve shaktinyAsaM mahottamam || 34|| pITanyAsaM tataH kurve devatAvAhanaM priye | ku~NkumanyAsaka~nchaiva chakranyAsamathAchare || 35|| chakranyAsaM tataH kurvve nyAsaM kAmakalAdvayam | ShoDashArNNamahAmantraira~NganyAsa~Nkaromyaham || 36|| mahAShoDhAM tataH kurvve shAmbhavaM cha mahApriye | tatomUlamprajaptvAtha pAdukA~ncha tataH param || 37|| gurave samyagarchyAtha devatAM hR^idisambhaje | karomimaNDalaM vR^ittaM chaturashraM shivapriye || 38|| puShpairabhyarchchyasAdhAraM sha~NkhaM sampUjayAmaham | archchayAmiShaDa~Ngena jalamApUrayAmyaham || 39|| dadAmi chAdimaM binduM kurve mUlAbhimantritam | tajjalenajaganmAtastrikoNaM vR^ittasamyutam || 40|| ShalkoNaM chaturashra~ncha maNDalaM praNamAmyaham | vidyayApUjayAmIha trikhaNDena tu pUjanam || 41|| bIjenavR^ittaShalkoNaM pUjayAmi tavapriye | tasmindevIkalAtmAnAM maNimaNDalamAshraye || 42|| dhUmrArchchiShaM namasyAmi UShmAM cha jvalanIM tathA | jvAlinI~ncha namasyAmi vandehaM vispuli~NginIm || 43|| sushriyaM cha surUpA~nchakampilAM praNamAmyaham | naumihavyavahAM nityAM bhaje kavyavahAM kalAm || 44|| sUryAgnimaNDalAM tatra sakalAdvAdashAtmakam | arghyapAdyamahantatra tapinIM tApinIM bhaje || 45|| dhUmrAM marIchIM vandehaM jvAlinIM maruhaM bhaje | suShumnAmbhogadAM vande bhaje vishvAM cha bodhinIm || 46|| dhAriNIM cha kShamAM vande saurIretAH kalAbhaje | AshrayemaNmalaM chAndraM talkalAShoDashAtmakam || 47|| amR^itAM mAnadAM vande pUShAM tuShTIM bhajAmyaham | puShTimbhaje mahAdevi bhaje.ahaM cha ratiM dhR^itim || 48|| rashaniM chandrikAM vande kAntIM jotsanA shriyaM bhaje | neaumiprIti~nchAgatadA~nchapUrNNimAmamR^itAmbhaje || 49|| trikoNalekhanaM kurvve AkArAdisurekhakam | halakShavarNNasamyuktaMspItaM taM haMsabhAskaram || 50|| vAkkAmashakti saMyuktaM haMsamArAdhayAmyaham | vR^ittAdbahiHShaDashrasyalekhanaM prakaromyaham || 51|| puratognyAdiShalKoNaM kakhagenArchchayAmyaham | shrIvidyayAsaptavAraM karomyatrAbhi mantritam || 52|| samarppayAmi deveshi tasmAt gandhAkShatAdikam | dhyAyAmipUjAdravyeShu tat sarvaM vidyayAyutam || 53|| chaturnnavatisanmantrAn spR^iShTvA tat prajapAmyaham | vahnerddashakalAHsUryakalAdvAdashakaM bhaje || 54|| Ashraye shoDaSakalAstatra chandramasastadA | sR^iShTimvR^iddhim smR^itim vande medhAm kAnteem tathaiva cha || 55|| lakShmIm dyuthim sthitAm vande sthitim siddhim bhajAmyaham | etAbrahmakalAvande jarAnthAm pAlinIm bhaje || 56|| shAntiM namAmIshvarIM cha ratIM vande cha kArikAm | varadAMhlAdinIM vande prItiM dIrghAM bhajAbhamyaham || 57|| etA viShNuakalAvande tIkShaNAM raudriM bhayAM bhaje | nidrAntandrIM kShudhAM vande namAmi krodhinIM kriyAm || 58|| ulkArIM mR^ityurUpAM cha etA rudrakalA bhaje | nIlAmpItAM bhaje shvetAM vandehamaruNAM kalAm || 59|| anantakhyAM kalA~ncheti Ishvarasya kalAbhaje | nivR^itti~nchapratiShThA~nchavidyAMshAntiM bhajAmyaham || 60|| rodhikAM dIpikAM vande rechikAM mochikAM bhaje | parAMsUkShAmR^itAM sUkShAM praNAmi kuleshvari! || 61|| j~nAnAkhyA~nchanamasyAmi naumij~nAnAmR^itAM kalAm | ApyAyinIMvyApinIM cha modinIM praNamAmyaham || 62|| kalAH sadAshivasyaitAH ShoDasha praNamAmyaham | viShNuyoninnamasyAmi mUlavidyAM namAmyaham || 63|| traiyambakam namasyAmi tadviShNum praNamAmyaham | viShNuyonimnamasyAmi mUlavidyAm namAmyaham || 64|| amR^itaM mantritaM vande chaturnnavatibhistathA | akhaNDaikarasAnandakareparasudhAtmani || 65|| svacChandaspapuraNaM mantraM nIdhehi kularUpiNi | akulasthAmR^itAkAresiddhij~nAnakarepare || 66|| amR^itaM nidhehyasmin vastuniklinnarUpiNi | tadrUpANekarasyatva~NkR^itvAhyetatsvarUpiNi || 67|| bhUtvA parAmR^itAkAramayi chit spuraNaM kuru | ebhirmmanUttamairvandemantritaM paramAmR^itam || 68|| jotimmayamidaM vande paramarghya~ncha sundari | tadvindubhirmeshirasi guruM santarppayAmyaham || 69|| brahmAsmin tadvinduM kuNDalinyAM juhomyaham | hR^ichchakrastAM-mahAdevImmahAtripurasundarIm || 70|| nirastamohatimirAM sAkShAt saMvitsvarUpiNIm | nAsApuTAtparakalAmathanirggamayAmyaham || 71|| namAmiyonimaddhyAsthAM trikhaNDakusumAM~njalim | jaganmAtarmahAdeviyantretvAM sthApayAmyaham || 72|| sudhAchaitanyamUrttIM te kalpayAmimanuM tava | anenadevimantrayantretvAM sthApayAmyaham || 73|| mahApadmavanAntasthe kAraNAnantavigrahe | sarvabhUtahitemAtarehyapi parameshvari || 74|| deveshI bhaktasulabhe sarvAbharaNabhUShite | yAvatvampUjayAmIhatAvattvaM susthirAbhava || 75|| anena mantrayugmena tvAmatrAvAhayAmyaham | kalpayAminamaH pAdamarghyaM te kalpayAmyaham || 76|| gandhatailAbhya~njana~nchamajjashAlApravesham | kalpayAminamastasmai maNipIThopraveshanam || 77|| divyasnAnIyamIshAni gR^ihANodvarttanaM shubhe | gR^ihANoShNAdakasnAna~NkalpayAmyabhiShechanam || 78|| hemakumbhAyutaiH snigddhaiH kalpayAmyabhiShechanam | kalpayAminamastubhyaM dhaeautena parimArjjanam || 79|| bAlabhAnu pratIkAshaM dukUlaM paridhAnakam | aruNenadukulenottarIyaM kalpayAmyaham || 80|| praveshanaM kalpayAmi sarvA~NgAni vilepanam | namastekalpayAmyatra maNipIThopaveshanam || 81|| aShTagandhaiH kalpayAmi tavalekhanamambike | kAlAgarumahAdhUpa~NkalpayAmi namashshive || 82|| mallikAmAlAtIjAti champakAdi manoramaiH | archchitA~NkusumairmmAlAM kalpayAmi namashshive || 83|| praveshanaM kalpayAmi namo bhUShaNamaNDape | upaveshyaMratnapIThe tatrate kalpayAmyaham || 84|| navamANikyamakuTaM tatrate kalpayAmyaham | sharachchandranibhaMyuktaM tachchandrashakalaM tava || 85|| tata sImantasindUraM kastUrItilakaM tava | kAlAj~nana~NkalpayAmi pAlIyugalamuttamam || 86|| maNikuNDalayugma~ncha nAsAbharaNamIshwarI##!## | tATa~Nkayugalandevi lalite dhArayAmyaham || 87|| athAdyAM bhUShaNaM kaNThe mahAchintAkamuttamam | padakante kalpayAmi mahApadakamuttamam || 88|| muktAvalIM kalpayAmi chaikAvali samanvitAm | ChannavIra~nchakeyUrayugalAnAM chatuShTayam || 89|| valayAvalimAlAnIM chormikAvalimIshvari | kA~nchIdAmakaTIsUtraMsaubhagyAbharaNaM cha te || 90|| tripure pAdakaTakaM kalpaye ratnanUpuram | pAdA~NgulIyakantubhyaM pAshamekaM karetava || 91|| anye kare~NkushaM devi pUNDrekShudhanuShaM tava | aparepuShpabANa~ncha shrImanmANikyapAduke || 92|| tadAvaraNa deveshi mahAma~nchAdirohaNam | kAmeshvarA~Nkaparya~Nkamupaveshanamuttamam || 93|| sudhayA pUrNNachaShakaM tatastat pAnamuttamam | karppUravITikAntubhyaM kalpayAmi namaH shive || 94|| AnandollAsavilasaddhaMsaM te kalpayAmyaham | ma~NgalArAtrikaMvande ChatraM te kalpayAmyaham || 95|| chAmaraM yUgalaM devidarppaNaM kalpayAmyaham | tAlavrinta~NkalpayAmigandhapuShpAkShatairapi || 96|| dhUpaM dIpashchanaivedyaM kalpayAmi shivapriye | athAhambaindave chakre sarvAnandamayAtmake || 97|| ratnasiMhAsane ramye samAsInAM shivapriyAm | udyadbhAnusahasrAbhA~njapApuShpasamaprabhAm || 98|| navaratnaprabhAyuktamakuTena virAjitAm | chandrarekhAsamopetA~NkastUritilakA~NkitAm || 99|| kAmakodaNDasaundaryanirjjitabhrUlatAyutAm | a~njanA~nchitanetrAntupadmapatranibheShaNAm || 100|| maNikuNDalasamyukta karNNadvayavirAjitAm | tAmbUlapUritamukhIMsusmitAsyavirAjitAm || 101|| AdyabhUShaNasamyuktAM hemachintAkasaMyutAm | padakenasamopetAM mahApadakasaMyutAm || 102|| muktAphalasamopetAmekAvalisamanvitAm | kausubhA~NgadasaMyuktachaturbAhusamanvitAm || 103|| aShTagandhasamopetAM shrIchandanavirAjitAm | hemakumbhopamaprakhyastanadvandavirAjitAm || 104|| raktavastraparIdhAnAM raktaka~nchukasaMyutAm | sUkShmaromAvaliyuktatanumaddhyavirAjitAm || 105|| muktAmANikyakhachita kA~nchIyutanitambanIm | sadAshivA~NakasthabR^ihanmahAjaghanamaNDalAm || 106|| kadalistambhasaMrAjadUrudvayavirAjitAm | kapAlIkAntisa~NkAshaja~NghAyugalashobhitAm || 107|| grUDhagulphadveyopetAM raktapAdasamanvitAm | brahmaviShNumaheshAdikirITasphUrjjitA~NghrikAm || 108|| kAntyA virAjitapadAM bhaktatrANa parAyaNAm | ikShukArmukapuShpeShupAshA~NkushadharAMshubhAm || 109|| saMvitsvarUpiNIM vande dhyAyAmi parameshvarIm | pradarshayAmyathashivedashAmudrAH phalapradAH || 110|| tvAM tarppayAmi tripure tridhanA pArvvati | agnaumaheshadigbhAge nairR^itryAM mArute tathA || 111|| indrAshAvAruNI bhAge ShaDa~NgAnyarchchaye kramAt | AdyA~NkAmeshvarIM vande namAmi bhagamAlinIm || 112|| nityaklinnAM namasyAmi bheruNDAM praNamAmyaham | vahnivAsAnnamasyAmi mahAvidyeshvarIM bhaje || 113|| shivadUtiM namasyAmi tvaritAM kula sundarIm | nityAnnIlapatAkA~ncha vijayAM sarvama~NgalAm || 114|| jvAlAmAlA~ncha chitrA~ncha mahAnityAM cha saMstuve | prakAshAnandanAthAkhyAmparAshaktinamAmyaham || 115|| shukladevIM namasyAmi praNamAmi kuleshvarIm | parashivAnandanAthAkhyAmparAshakti namAmyaham || 116|| kauleshvarAnandanAthaM naumi kAmeshvarIM sadA | bhogAnandannamasyAmi siddhaugha~ncha varAnane || 117|| klinnAnandaM namasyAmi samayAnandamevacha | sahajAnandanAtha~nchapraNamAmi muhurmuhu || 118|| mAnavaughaM namasyAmi gaganAnandagapyaham | vishvAnandannamasyAmi vimalAnandamevacha || 119|| madanAnandanAtha~ncha bhuvanAnandarUpiNIm | lIlAnandannamasyAmi svAtmAnandaM maheshvari || 120|| praNamAmipriyAnandaM sarvakAmaphalapradam | parameShTiguruMvande parama~NgurumAshraye || 121|| shrIguruM praNamasyAmi mUrddhni brahmabileshvarIm | shrImadAnandanAthAkhyashriguropAdukAM tathA || 122|| atha prAthamike devi chaturashre kuleshvari | aNimAMlakhimAM vande mahimAM praNamAmyaham || 123|| IshitvasiddhiM kalaye vashitvaM praNamAmyaham | prAkAmyasiddhimbhukti~ncha icChAprAprtimahaM bhaje || 124|| sarvakAmapradAM sarvakAmasiddhimahaM bhaje | maddhyamechaturashrehaM brAhmIM mAheshvarIM bhaje || 125|| kaumArIM vaiShNavIM vande vArAhIM praNamAmyaham | mAhendrImapichAmuNDAmmahAlakShmImahaM bhaje || 126|| tR^itIye chaturashre tu sarvasa.nkShobhiNIM bhaje | sarvavidrApiNImmudrAM sarvAkarShiNikAM bhaje || 127|| mudrAM vasha~NkarIM vande sarvonmAdinikAM bhaje | bhajemahA~NkushAM mudrAM khecharIM praNamAmyaham || 128|| bIjAmudrAM yonimudrAM bhaje sarvatrikhaNDinIm | trailokyamohana~nchakraM namAmi lalite tava || 129|| namAmi yoginIM tatra prakhaTAkhyAmabhIShTadAm | sudhArNNavAsanaMvande tatra te parameshvari || 130|| chakreshvari mahaM vande tripurAM praNamAmyaham | sarvasa.nkShobhiNImmudrAM tatohaM kalaye shive || 131|| athAhaM ShoDashadale kAmAkarShiNikAM bhaje | buddhyAkarShiNikAM vande.aha~NkArAkarShiNIM bhaje || 132|| shabdAkarShiNikAM vande sparshAkarShiNikAM bhaje | rUpAkarShiNikAMvande rasAkarShiNikAM bhaje || 133|| gandhAkarShiNikAM vande chittAkarShiNikAM bhaje | dhairyAkarShiNikAMvande smR^ityAkarShiNikAM bhaje || 134|| nAmAkarShiNikAM vande bIjAkarShiNikAM bhaje | AtmAkarShiNikAMvande amR^itAkarShiNikAM bhaje || 135|| sharIrAkarShiNikAM vande nityAM shrIparameshvari | sarvAshApUrakaMvande kalpayehaM taveshvari || 136|| guptAkhyAM yoginIM vande mAtaraM guptapUjyatAm | potAmbujAsanantatra namAmi lalite tava || 137|| tripureshIM namasyAmi bhajAmiShTArtthasiddhidAm | sarvavidrAviNimudrAntatrAhaM te vichantaye || 138|| sive tavAShTapatrehamana~NgakusumAM bhaje | ana~NgamekhalAMvande ana~NgamadanAM bhaje || 139|| namohaM praNasyAmi ana~NgamadanAturAm | ana~NgarekhA~Nkalaye bhajena~NgAM cha veginIm || 140|| ana~NgAkushavande.ahamana~NgamAlinIM bhaje | tatrAhampraNasyAmi devyA Asanamuttamam || 141|| namAmi jagatIshAnIM tatra tripurasundarIm | sarvAkarShiNikAmmudrAM tatrAha kalpayAmite || 142|| bhuvanAshraye tava shive sarvasa.nkShobhiNIM bhaje | sarvavidrAviNIMvande sarvakarShiNikAM bhaje || 143|| sarvahlAdinIM vande sarvasammohinIM bhaje | sakalastambhinIM vande kalaye sarvajR^imbhiNIm || 144|| vasha~NkarIM namasyAmi sarvaraj~ninikAM bhaje | sakalonmadinIM vande bhaje sarvArthasAdhake || 145|| sampattipurikAM vande sarvamantramayIM bhaje | bhajAmyevatatashshaktiM sarvadvandvakShya~NkarIm || 146|| tatrAhaM kalaye chakraM sarvasaubhAgyadAyakam | namAmijagatAM dhAtrIM sampradAyAkhyayoginim || 147|| namAmi parameshAnIM mahAtripuravAsinim | kalayehantava shive mudrAM sarvasha~NkarIm || 148|| bahirddashAre te devi sarvasiddhipradAM bhaje | sarvasampatpradAM vande sarvapriya~NkarIM bhaje || 149|| namAmyahaM tato devIM sarvama~NgalakAriNIm | sarvakAmapradAMvande sarvaduHkhavimochinim || 150|| sarvamR^ityuprashamanIM sarvavighnanivAriNIm | sarvA~NgasundarIMvande sarvasaubhAgyadAyinIm || 151|| sarvArtthasAdhakaM chakraM tatrAhaM ne vichintaye | tatrAhante namasyAmi kulottIrNAkhya yoginIm || 152|| sarvamantrasanaM vande tripurAshriyamAshraye | kalayAmitato mudrAM sarvonmAdana kAriNIm || 153|| antarddashAre te devi sarvaj~nAM praNamAmyaham | sarvashaktinnamasyAmi sarvaishvaryapradAM bhaje || 154|| sarvaj~nAnamayIM vande sarvavyAdhivinAshinIm | sarvAdhArasvarUpA~nchasarvapApaharAmbhaje || 155|| sarvAnandamayiM vande sarvarakShAsvarUpiNIm | praNamAmimahAdevIM sarvepsita phalapradAm || 156|| sarvarakShAkaraM chakraM sundarIM kalaye sadA | nigarbhayonIMvande tatrAhaM praNamAmyaham || 157|| sAddhyasiddhAsanaM vande bhaje tripuramAlinIm | kalayAmitato devIM mudrAM sarvamahA~NkushAm || 158|| aShTAre vashinIM vande mahA kAmeshvarIM bhaje | modinIMvimalAMvande aruNAjayinIM bhaje || 159|| sarveshvarIM namasyAmi kaulinIM praNamAmyaham | sarvarogahara~nchakraM tatrAhaM kalaye sadA || 160|| namAmi tripurA siddhiM bhaje mudrAM cha khecharIm | mahAtrikoNavatbAhuchaturashre kuleshvari || 161|| namAmi jR^imbhaNAbANaM sarvasammohinIM bhaje | pAsha~nchApaM bhaje nityaM bhaje stambhanama~Nkusham || 162|| trikoNehaM jagaddhAtrIM mahAkAmeshvarIM bhaje | mahAvajreshvarIMvande mahAshrIbhagamAlinIm || 163|| mahAshrIsundarIM vande sarvakAmaphalapradAm | sarvasiddhiprada~nchakraM tavadevi namAmyaham || 164|| namAmyatirahasyAkhyAM yoginIM tavakAmadAm | tripurAmbAnnamasyAmi bIjAmudrAmahAmbhaje || 165|| mUlamantreNa lalite talbindau pUjayAmyaham | sarvAnandamaya~nchakraM tavadevi bhajAmyaham || 166|| parAM pararahasyAkhyAM yoginIM tatrakAmadAm | mahAchakreshvarIMvande yonimudrAmahaM bhaje || 167|| dhUpadIpAdikaM sarvamarppitaM kalpayAmyaham | tvalprItayemahAmudrAM darshayAmi tatashshive || 168|| shAlyannaM madhusamyuktaM pAyasApUpa samyuktam | ghR^itasUpasamAyuktandadhikShIrasamanvitam || 169|| sarvabhakShyasamAyuktaM bahushAkasamanvitam | nikShipyakA~nchane pAtre naivedyaM kalpayAmi te || 170|| sa~NkalpabindunA chakraM kuchau bindudvayena cha | yonishchasaparArddhena kR^itvA shrIlalite tava || 171|| etat kAmakalA rUpaM bhaktAnAM sarvakAmadam | sarvasaubhAgyadaMvande tatra tripurasundarIm || 172|| vAmabhAge maheshAni vR^ittaM cha chaturasrakam | kR^itvAgandhAkShatAdyaishchApyarchchayAmi maheshvarIm || 173|| vAgdavAdyaM namasyAmi tatra vyApakamaNDalam | jalayuktenapANau cha shuddhamudrA samanvitam || 174|| tatra mantreNa dAsyAmi devi te balimuttamam | namastedevadeveshi nama strailokyavandite || 175|| namashshivavarA~Nkasthe namastrIpurasundari | pradakShiNanamaskAramanenAhaM karomi te || 176|| tata sa~NkalpamantrANAM samAjaM parameshvari | prajapAmimahAvidyAM tvat prItyartthamahaM shive || 177|| tava vidyAM prajaptvAtha naumi tvAM parameshvari | mahAdevimaheshAni mahAshivamaye priye || 178|| mahAnitye mahAsiddhe tvAmahaM sharaNaM shive | jayatvantripure devi lalite parameshvari || 179|| sadAshiva priya~Nkari pAhimAM karuNAnidhe | jaganmAtarjjagadrUpejagadIshvaravallabhe || 180|| jaganmayi jagat stutye gauri tvAmahamAshraye | anAdyesarvalokAnAmAdye bhakteShTadAyini || 181|| girirAjendratanaye namastIpurasundari | jayArI~njayadeveshibrahmamAtarmaheshvari || 182|| viShNumAtaramAdyante haramAtassureshvari | brahmyAdimAtR^isaMstutye sarvAbharaNa samyukte || 183|| jyotirmayi mahArUpe pAhimAM tripure sadA | lakShmIvANyAdisaM pUjye brahmaviShNushivapriya || 184|| bhajAmi tava pAdAbjaM devi tripurasundari | tvalprItyartthaMyataH kA~nchIcChaktiM vaipUjayAmyaham || 185|| tatashcha ketanAM shaktiM tarpayAmi maheshvari | tathApitvAM bhajaMstoShaM chidagnau cha dadAmyaham || 186|| tvalprItyarthyaM mahAdevi mamAbhIShTArttha siddhaye | baddhvAtvAM khaicharImudrAM kShamasvodvAsayAmyaham || 187|| tiShThame hR^idayenityaM tripure parameshvari | jagadambamahArAj~ni mahAshakti shivapriye || 188|| hR^ichchakre tiShtame nityaM mahAtripurasundari | etattripurasundaryA hR^idayaM sarvakAmadam || 189|| mahArahasyaM satataM durllabhaM daivatairapi | sAkShAtsadAshivenoktaM guhyAt guhyamanuttamam || 190|| yaH patet shraddhayA nityaM shR^iNuyAdvA samAhitaH | nityapUjAphalandevyAssalabhennAtra saMshayaH || 191|| pApaiH samuchyate sadyaH kAyavAkk sittasambhavaiH | pUrvajanmasamut bhradatairj~nAnAj~nakR^itairapi || 192|| sarvakratuShuyat puNyaM sarvatIrttheShu yarphalam | tatpuNyaM labhate nityaM mAnavo nAtra saMshayaH || 193|| achalAM labhate lakShmIM trailokyenAti durlabhAm | sAkShAdviShNurmahAlakShyAshIghrameva bhaviShyati || 194|| aShTaishvarya mavApnoti sa shIghraM mAnavottamaH | ghaNDikApAdukAsiddhyAdiShTakaMshIghramashnute || 195|| shrImattripurAmbikAyai namaH | || shrIlalitAhR^idayastotraM sampUrNam || AUM tat sat || ## Encoded and proofread by Adwaith Menon adwaithmenon at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}