% Text title            : Shrimat KramastavaH
% File name             : shrImatkramastavaH.itx
% Category              : devii, ShaTchakrashakti, devI, shankarAchArya
% Location              : doc\_devii
% Latest update         : May 15, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrimat KramastavaH ..}##
\itxtitle{.. shrImatkramastavaH ..}##\endtitles ##
ratnAmR^itAmbunidhimadhyalasatpravAla\-
     dvIpasphuratparamanandanakAnanAntaH |
shrIvR^ikShamUlatalapashchimavaktraratna\-
     gehAntarAdbhutamahAmaNipIThikAyAm || 1||
bindutrikoNabahiraShTakakoNabAhyA\-
     ddikkoNadikparachaturdashakoNayuktam |
vR^ittAShTaShoDashadalAnatavR^ittaloka\-
     bhUpUshchaturmukhamahaM praNamAmi chakram || 2||
pAshA~NkushAmR^itakapAlasushUlahastaM
     hastyAnanaM vividhabhUShaNanIladeham |
nityotsavaM sakalavighnavinAshahetuM
     shrImadgaNeshvaramahaM praNamAmi nityam || 3||
pIyUShabhANDamasidaNDakapAlakhaNDa\-
     chaNDAtichaNDabhujadaNDamatiprachaNDam |
shrIkuNDaladvayavimaNDitagaNDamIDe
     nIlaM vaTuM vaTukanAthamahIndrahAram || 4||
cha~nchatkapAlasukR^ipANasashUladaNDa\-
     mudyadDamaDDamarumaNDitapANidaNDam |
nIlA~njanaprachayapu~njamiva prasannaM
     shrIkShetrapAlakamamuM sharaNaM shrayAmi || 5||
chakrAtichakraparidAritadaityachakra\-
     chakrAkShikambuparichumbikarAM kumArIm |
durgAM nisargamunivanditadurgadurga\-
     siMhAsanoparigatAM satataM shrayAmi || 6||
padmadvayAbhayavarodyatapANipadmAM
     padmAsanena samala~NkR^itapAdapadmAm |
padmAM supadmavadanAM khalu padmanAbha\-
     hR^itpadmamadhyavasatiM satataM prapadye || 7||
udyatsudhAnidhisahasramarIchigaurIM
     vAgIshvarIM sakalavA~NmayasAgarANAm |
kaNThe sadA luThatu me sphaTikAkShamAlA
     shrIrj~nAnapustakavarAbhayashastahastA || 8||
bandhUkapuShpavapuShaM madaghUrNamAnaM
     puShpeShuchApakusumeShukaraM varAkShyA |
yadbandhanAt kanakakAntisAmAnakAntyA
     svAli~NgitaM ratipatiM satataM smarAmi || 9||
prItyAvashaM bhuvi vasantamahaM bhavantaM
     nR^ityantamadbhutamahotsavadaM vasantam |
vande sunandanavane sharabindukAntaM
     santAnasantatilatAsu vikAshayantam || 10||
bhaktyAshritAbhayavarodyatapANipadmau
     devau samAnarachitAsanasanniviShTau |
dvAre pure paramadaivatadevatAyAH
     shrIsha~NkhapadmakanidhI nidadhAmi mUrdhni || 11||
chintAmaNipraNayadakShiNapANyabhIti\-
     dAnollasatkamalakomalavAmapANIH |
raktadyutIH shashidharAH prakaTANimAdyA\-
     strailokyamohanagatAH paripUjayAmi || 12||
raktotpalAmR^itakapAladharAH karAbhyAM
     vaMshItamAladalakomalanIladehAH |
brAhmyAdikA rudhirabhUShaNaraktavastrA
     mAtardvitIyachaturasragatA bhajAmi || 13||
pAshA~NkushAktitayathAyathabaddhabaddha\-
     mudrAvimudritakarAM taruNAruNAbhAm |
shrImattR^itIyachaturasragasarvapUrva\-
     sa~NkShobhapUrvadaladaivatamarchayAmi || 14||
shoNAH sapAshashR^iNipANiyugAbhirAmAH
     kAmAdyakarShaNamukhAH subhagAshcha nityAH |
guptAH kalAnidhikalAH khalu sarvavA~nChA\-
     sampUrNaShoDashadale paripUjayAmi || 15||
shrIdevyachintyamahimA abhidIpyamAnA
     raktAH suguptataranAmadharA dayArdAH |
shaktIrana~NgakusumAdikayAShTa sarva\-
     sa~NkShobhake.aShTadalake paripUjayAmi || 16||
shoNAH sabANadhanuShaH khalu sarvapUrva\-
     sa~NkShobhaNAdikachaturdashadevatAstAH |
satsampradAyavidhinA paripUjayAmi
     saubhAgyadAyakachaturdashakoNachakre || 17||
shubhrA varAbhayakarAH khalu sarvapUrva\-
     siddhipradA dashadishodbhutashaktishaktIH |
sarvArthasAdhakabahirdashakoNachakre
     sampUjayAmi kulakaulikayoginIstAH || 18||
karpUrapUraruchirA~NgadharAkShamAlAH
     shrItattvapUjakabhR^ito.atinigarbhadevI |
sarvArtharakShaNakare dashakoNachakre
     sarvaj~nikA pramathikA dasha pUjayAmi || 19||
chApeShupustakalasatsphaTikAkShamAlAM
     bAlapravAlaruchirAM vashinIpradhAnAm |
sarvAdirogaharachakravare trikoNe
     vAgdevatAShTakamahaM sarahasyamIDe || 20||
raktA varAbhayakarAH shirasA dadhAnAH
     pAshA~NkusheShudhanurAyudhabhUShaNAni |
shrImattrikoNabahirAtmakadevatAstA
     rakShantu santatamanantaguNAshchatasraH || 21||
shrImattrikoNabahirAtmakadevatAstA
     devIH ShaDa~NgayuvatIH paripUjayAmi |
kundendukajjalakaDArapisha~Ngahavya\-
     vAhashriyo.abhayavarodyatapANipadmAH || 22||
shrImattrikoNaparamAdbhutasarvapUrva\-
     siddhipradeti paramAmR^itahavyadevyaH |
kAmeshvarI mama dadAtu samastakAmAn
     vajreshvarI bhagavatI bhagamAlinI cha || 23||
shrImattrikoNapuravisphuritAM trinetrAM
     bAlAtapAruNatanuM taruNendumaulim |
pIyUShabhAjanadharA~NkushapAshahastAM
     kAmeshvarIM bhagavatIM paripUjayAmi || 24||
pAshA~NkushAmR^itakapAlakamAtula~Nga\-
     chApeShusa~NgatakarAmaruNAM trinetrAm |
shrImattrikoNaparadaivatadakShiNasthAM
     vajreshvarIM bhagavatIM paripUjayAmi || 25||
chandrAnanAM trinayanAM taruNendumastAM
     pAshA~NkushAkShaguNapustakashastahastAm |
shrImattrikoNaparadaivatavAmabhAge
     shubhrAM bhaje bhagavatIM bhagamAlinI~ncha || 26||
chakrAtiguhyaparamAdbhutasarvapUrvA\-
     nandAtmake.atiparame navameShu pUrve |
bhaktyA parAparatarAtirahasyadevIM
     seve parAparamayIM parameshvarIM tAm || 27||
pratyagrajAgradaruNAmbujavaktrabimba\-
     chumbAlikAlakuTilAlakapallavAM tAm |
AnandasAdrakaruNAmayasuprasannA(nna\-)
     lIlAni(ti)lolanalinotpalalochanAlim || 28||
sindUrasundarasharIravirAjamAna\-
     rAjIvadADimajavAnavabandhujIvAm |
shrImanmahAmukuTakoTimahArghyaratna\-
     sabrahmachAriparamAmR^itachandrarekhAm || 29||
subhrUtayA vijitarUpapinAkapANe\-
     rbANAsanarddhiviniveshitabANalIlAm |
tadvishvakarmaparisUtritanAsikAgrAM
     padmAsanAM trinayanAM taruNendumastAm || 30||
IShadvikAshitamanoharahAsadanta\-
     vAsaHshriyA jitanavoditachandrarekhAm |
saundaryadaivatamahAmR^iganAbhichitra\-
     patrAMshumindukamanIyalalATapaTTAm || 31||
lAvaNyabhANDashubhagaNDayugAbhirAmA\-
     naupamyakAntichikurAbhivirAjamAnAm |
shrIkuNDaladvayavimaNDitagaNDashobhA\-
     pANDityakhaNDitasudhAnidhimaNDalAbhAm || 32||
karpUrapUraparipUritachArunAga\-
     vallIrasArdrakhapurADhyanibhAdharauShThIm |
graiveyachumbitamaNidyutidIpyamAna\-
     sachChAyayA dviguNashobhitakambukaNThIm || 33||
lAkShArasasnapitabAlamR^iNAlanAla\-
     lIlAlayAmalarasA~nchitabAhuvallIm |
raktotpalojjvaladalAmalakomalAbhi\-
     rbAlapravAlalalitA~NgulipANilIlAm || 34||
tadvishvakarmapariyatnavinirmitashrI\-
     ratnA~NgurIyakanakhadyutidIpyamAnAm |
kenApi kAraNavashena gR^ihItabaddha\-
     pAshA~NkusheShudhanurAyudhabhUShaNAM tAm || 35||
trailokyadurlabhamahAmaNinAyakashrI\-
     saMsaktamauktikaphalojjvalahAralakShmIm |
lAvaNyavAriparipUrNasuvarNakumbha\-
     shobhAbhibhAvikuchamaNDalapUrNakumbhAm || 36||
lokatraye.apyatisudurlabhasAmyasaumya\-
     shobhAvibhAkaravalitrayashobhimadhyAm |
lAvaNyanAbhigahanAbhigR^ihapraviShTa\-
     shrImanmahAdyutimayIM navalomarAjIm || 37||
cha~nchanmarIchinichayA~nchitakA~nchanA~nchat\-
     kA~nchIvikAshiruchiraktavichitravastrAm |
shrIkAmakAnanasamudbhavarAmarambhA\-
     stambhAbhibhAvisukumArataroruyugmAm || 38||
vR^ittAnupUrvavidhidurghaTasannivesha\-
     ja~NghAyugAbhiramaNAM maNigUDhagulphAm |
vAchaspaterapi vachorachanAbhishobhi\-
     saundaryagocharamanoharapAdapadmAm || 39||
shrIbrahmaviShNushivamaulilasadvimAna(a\-)
     mAlokyamAnakaruNAruNapAdapadmAm |
shrIsAdhakAya karuNAmayasuprasanna\-
     dR^iShTAtidiShTavaradAnamadhaHprasannAm || 40||
trailokyamohanamayIM parameshvarIM tAM
     trailokyakAraNamayIM parameshvarIM tAm |
trailokyavismayamayIM parameshvarIM tAM
     chakreshvarIM shubhakarIM paripUjayAmi || 41||
trailokyamohanamukhAbjakachakrametat
     sthAne.aNimAdiprakaTAdikasiddhidevIm |
shrImadgurukramasamastasamantramudrAH
     puShpaiH prapUjya parameshvari te.archayAmi || 42||
padmAdibhUtamaNipa~nchadashIrna yAva
     nnityA tithikramamayIM khalu ke.api dhanyAH |
kAmeshvarIprabhR^itipa~nchadashAdinityA
     mantraiH paraM paramayIM paripUjayAmi || 43||
tvaM gIyase prathamatastripureti mAtaH
     pashchAd.hvitIyanavamatripureshvarIti |
tArtIyake tripurasundariketi turye
     mAtaH parA tripuravAsinikA tvameva || 44||
tvaM pa~nchame bhagavatI tripurA parAshrIH
     ShaShThe parA tripuramAlinikA tvameva |
tvaM saptame bhagavatI tripurAdisiddhA
     tva~nchAShTame bhagavatI tripurAtmaketi || 45||
pUrNe parAparamaye parame.atiguhye
     shrImanmahAtripurasundarikA tvameva |
shrImanmahAtmakamahAdbhutachakrarAje
     tvaM gIyase sukR^itibhiH khalu kaishcha devI || 46||
Adau dashAShTa dasha ShoDasha chAShTa chAsi
     pashchAchchaturdasha dashAsi tato dashAShTau |
pashchAchchatuShTayamasi tritaya~ncha ShaTkaM
     saptottarA shatamayI tvamasi tvamekA || 47||
kAmeshvarIti bhagamAliniketi nitya\-
     klinneti tairuparatA.api hiraNDaketi |
tvaM vahnivAsanirateti mahAdibhUta\-
     vidyeshvarIti cha tathA shivadUtiketi || 48||
mAtaH parA tvaritikA kulasundarIti
     nityAtinityaparanIlapatAkinIti |
tvaM sarvalokavijayAkhilamAliketi
     jvAlAmayIti nigadanti vichitraketi || 49||
mAtastavAkSharamanakShararUpikAyaM
     saMsAdhya shuddhamatayo gaNayanti naiva |
shrIbrahmaviShNushivatArkShyaravIndrachandra\-
     yakShendradarpakagaNeshvaravahnimukhyAn || 50||
sampUjya ke.api sakalairvaraNopachArai\-
     rgranthiM vibhidya parameShThinamudvahantIm |
mArAtmikAM madanadhAmani dIparUpAM
     jihvAgrataH sukR^itinaH paripAlayanti || 51||
AdhAravAriruhamadhyalasattrikoNa\-
     vAmAshikhAgrajaparAM paramA~NkurAbhAm |
j~nAnakriyeShTamayi shaktivinAshanAsha\-
     shrIbrahmaviShNuguNashaktivarA tvamekA || 52||
sR^iShTisthitipralayakAraNakartR^ibhUtaM
     vedAntavedyamajamavyayamaprameyam |
anyonyabhedakalahAkulamAnasAste
     jAnanti kiM jaDadhiyastava rUpamamba || 53||
stotraM tvameva parameshvari gIyase chet
     stotA tvameva parameshvari gIyase chet |
stutyaM tvameva parameshvari gIyase chet
     kiM stUyase khalu tadA parameshvari tvam || 54||
yaH kAlakalpatarumetadananyabuddhiH
     shrImatkramastavanR^ipaM paThatAha nityam |
muktiH kare vasati siddhibhiraShTabhirvA
     kiM tasya mAtaraNimAdibhiralpikAbhiH || 55||
tvAM pUjayet kramakulAM sakalArthasiddhi\-
     stotraM paThiShyati janastvayi jAtabhaktiH |
tasmAnmayA.api tava bhaktirasena devi
     bhaktArthasiddhikararatnamidaM vyadhAyi || 56||

iti shrIsha~NkarabhagavatpAdAchAryavirachitaH shrImatkramastavaH sampUrNaH |

##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}