% Text title            : shrIshaguNadarpaNastotram
% File name             : shrIshaguNadarpaNastotram.itx
% Category              : devii, devI, lakShmI, vAdirAja
% Location              : doc\_devii
% Author                : vAdirAjayati
% Latest update         : December 13, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrI shrIshaguNadarpaNastotram ..}##
\itxtitle{.. shrI shrIshaguNadarpaNastotram ..}##\endtitles ##
yA sugandhAsyanAsAdinavadvArA.akhilena yA |
durAdharShA sarvasasyodayArthaM yA karIShiNI || 1||
yA nityapuShTA sarvA~NgaiH saundaryAdiguNairapi |
I\`shvarI\'{\m+} sarva\'bhUtA\`nAM\` tAmi\`hopa\'hvaye\` shriyam || 2|| (shrIsUktam 9)

mAtarlakShmi namastubhayaM mAdhavapriyamAnini |
yuvAM vishvasya pitarAvitaretarayoginau || 3||
\ldq{}samanA\rdq{} kila mAtastvamamunA tatayoginI |
mama nAthena devashcha vimanAshcha na sa tvayi || 4||
tvaM vedamAninI vedavedyaH kila sa te priyaH |
tvaM mUlaprakR^itirdevI sa chAdipuruShaH kila || 5||
yastvAmurasi dhatte.amba kaustubhadyutibhAsite |
sa tvAM naivAchyutaH sarvasyAtyaye satyapi tyajet || 6||
devi tvaM lalanAratnaM devo.asau puruShottamaH |
yuvAM yuvAnau satataM yuvayorna vayo.adhikaH || 7||
tvaM padminI padmavaktrA padmAkShI padmaviShTarA |
padmadvayadharA padmakoshodyatstanashobhanA || 8||
padmahastA padmapAdA padmanAbhamanaHpriyA |
padmodbhavasya jananI padmA cha varavarNinI || 9||
ambAM pItAmbarashroNIM lambAlakalasanmukhIm |
bimbAdharoShThIM kastUrijambAlatilakAM bhaje || 10||
ratnoddIptasumA~NgalyasUtrAvR^ittashirodharAm |
kuNDalaprabhayoddaNDagaNDamaNDalamaNDitAm || 11||
kuchaka~nchukasa~nchArihAraniShkamanoharAm |
kA~nchIki~NkiNima~njIraka~NkaNAdyairala~NkR^itAm || 12||
suvarNamaNDape ratnachitrasiMhAsanottame |
namAmi hariNA sAkamindirAM kR^itamandirAm || 13||
brahmAdyA vibudhashreShThA brahmANyAdyAH surA~NganAH |
yAM pUjayante sevante sA mAM pAtu ramA sadA || 14||
sarvAla~NkArabharitau sarvaj~nau sarvasadguNau |
sharvAdisarvabhaktaugha sarvasarvasvadAyakau || 15||
sumukhau sundaratarau sunAsau sukhachittanU |
surArAdhitapAdAbjau ramAnArAyaNau stumaH || 16||
chatuShkapardA yA devI chaturAsyAdibhiH stutA |
chaturvedoditaguNA chaturmUrterhareH priyA || 17||
ghR^itapratIkAM tAM nityaM ghR^itapUrNAnnadAyinIm |
yatheShTavittadAtriM cha nato.asmyabhayadAM shriyam || 18||
vAdirAjena rachitaM shrIshrIshaguNadarpaNam |
imaM stavaM paThanmartyaH shrImAnsyAnnAtra sashayaH || 19||

|| iti shrImadvAdirAjapUjyacharaNavirachitaM
          shrI shrIshaguNadarpaNastotraM sampUrNam ||
##
samanA refers to brahmasUtra 4.2.7

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}