% Text title            : shriistavaH
% File name             : shriistava.itx
% Category              : devii, lakShmI, stotra, devI, stava
% Location              : doc\_devii
% Author                : kuresha shrIvatsA.nkamishrAchArya evaM shrI kuranAtha shrIvatsachinhamishra
% Transliterated by     : WebD
% Proofread by          : Ravin Bhalekar ravibhalekar at hotmail.com
% Description-comments  : One of Panchastavas http://www.prapatti.com/slokas/sanskrit/panchastavam.pdf
% Latest update         : July 08, 2004
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIshrIstavaH ..}##
\itxtitle{.. shrIshrIstavaH ..}##\endtitles ##
pa~nchastavyAM 5 shrIstavaH
shrIgaNeshAya namaH |
svasti shrIrdishatAdasheShajagatAM svargApavargasthitIH
svargaM durgatimApavargikapadaM sarvaM cha kurvanhariH |
yasyA vIkShya mukhaM tadi~NgitaparAdhIno vidhatte.akhilaM
krIDeyaM khalu nAnyathA.asya rasadA syAdaikarasyAttayA || 1||
he shrIrdevi samastalokajanani tvAM stotumIhAmahe
yuktAM bhAvaya bhAratIM praguNaya premapradhAnAM dhiyam |
bhaktiM bandhaya nandayAshritamimaM dAsaM janaM tAvakaM
lakShyaM lakShmi kaTAkShavIchivisR^iteste syAma chAmI vayam || 2||
stotraM nAma kimAmananti kavayo yadyanyadIyAnguNAnanyatra
tvasato.adhiropya bhaNitiH sA tarhi vandhyA tvayi |
samyaksatyaguNAbhivarNanamatho brUyuH kathaM tAdR^ishI
vAgvAchaspatinApyashakyarachanA tvatsadguNArNonidhau || 3||
ye vAchAM manasAM cha durgrahatayA khyAtA guNAstAvakAstAneva
prati sAmbujihvamuditA yanmAmikA bhAratI |
hAsyaM tattu na manmahe na hi chakoryekA.akhilAM chandrikAM
nAlaM pAtumiti pragR^ihya rasanAmAsIta satyAM tR^iShi || 4||
kShodIyAnapi duShTabuddhirapi niHsneho.apyanIho.api
te kIrtiM devi lihannahaM na cha bibhemyaj~no na jihremi cha |
duShyetsA tu na tAvatA na hi shunA lIDhA.api bhAgIrathI
duShyechchApi na lajjate na cha bibhetyArtistu shAmyechChunaH || 5||
aishvaryaM mahadeva vA.alpamathavA dR^ishyeta pu.nsAM hi
yattalakShmyAH samudIkShaNAttava yataH sArvatrikaM vartate |
tenaitena na vismayemahi jagannAtho.api nArAyaNo dhanyaM
manyata IkShaNAttava yataH svAtmAnamAtmeshvaraH || 6||
aishvaryaM yadasheShapu.nsi yadidaM saundaryalAvaNyayo
rUpaM yachcha hi ma~NgalaM kimapi yalloke sadityuchyate |
tatsarvaM tvadadhInameva yadataH shrIrityabhedena vA yadvA
shrImaditIdR^ishena vachasA devi prathAmashnute || 7||
devi tvanmahimAvadhirna hariNA nApi tvayA j~nAyate
yadyapyevamathApi naiva yuvayoH sarvaj~natA hIyate |
yannAstyeva tadaj~natAmanuguNAM sarvaj~natAyA
vidurvyomAmbhojamidantayA khalu vidan bhrAnto.ayamityuchyate || 8||
loke vanaspatibR^ihaspatitAratamyaM
     yasyAH kaTAkShapariNAmamudAharanti |
sA bhAratI bhagavatI tu yadIyadAsI 
     tAM devadevamahiShIM shriyamAshrayAmaH || 9||
yasyAH kaTAkShamR^iduvIkShaNadIkShitena
     sadyaH samullasitapallavamullalAsa |
vishvaM viparyayasamutthaviparyayaM tvAM 
     tAM devadevamahiShIM shriyamAshrayAmaH || 10||
|| iti shrI kuresha shrIvatsA.nkamishrAchArya evaM
shrI kuranAtha shrIvatsachinhamishra shrIstavaH sampUrNaH ||

##
Proofread by Ravin Bhalekar ravibhalekar@hotmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}