% Text title            : Shukadevakritam Sitatattvavarnanam
% File name             : shukadevakRitaMsItAtattvavarNanam.itx
% Category              : devii, sItA, stuti
% Location              : doc\_devii
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : bhushuNDirAmAyaNam | pashchimakhaNDa | adhyAya 29/14-35||
% Latest update         : August 26, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ShukadevakritaM Sitatattvavarnanam ..}##
\itxtitle{.. shukadevakR^itaM sItAtattvavarNanam ..}##\endtitles ##
shrIshuka uvAcha |
shR^iNu rAjan pravakShyAmi yAthAtmyaM kanyayostayoH |
ekaiva sA mahAlakShmIryA parA paramA kalA || 14||
avinAbhAvasambandhAnnityameva pratiShThitA |
harau lIlArasAnandasarvasAmrAjyabhAjane || 15||
sA tu pUrNasvarUpeNa pramodavanamadhyagA |
pUrNaM nityaM paraM brahma rasarUpaM nijaM vapuH || 16||
rAmAkhyaM chidghanAnandaM ramapatyeya bhAyinI |
nityapremamayaiH kelirasaiH kautukakAribhiH || 17||
krIDanaishcharitaiH sarvakalyANaguNayogibhiH |
tachcha pramodavipinaM tasyAH sthAnaM manoramam || 18||
rAmavaikuNThamuddiShTaM sItA vaikuNThamadbhutam |
kAlAkSharAtigaM mAyAguNasandohadurgamam || 19||
aprAkR^itaM chidAkAraM premAnandarasAtmakam |
nAyikA tasya sthAnasya nAmnA shrIsahajeshvarI || 20||
vashIkR^itya nijairnityaiH premAnandamayairguNaiH |
nityaM svaramaNaM rAmaM ramate sA nirantaram || 21||
yathA rAmastathaiveyaM tathA rAmo yathA hyasau |
ubhayornaiva medo.asti viduShAM tattvardAshanAm || 22||
mumukShUNAM cha muktAnAM sAdhakAnAM parAyaNam |
yugalaM nAma tadbrahma parAtparamudAhR^itam || 23||
sa bhUmA puruSho.asyAMshaH kimutAnye surAdayaH |
sarvAvatAramUlaM tatkAlamAyAguNAtigam || 24||
asyaiva kIrtitAH sarve AvirbhAvA anekadhA |
devatAH pitarashchaiva siddhavidyAdharoragAH || 25||
manuShyAH pashavashchAnye samUdbhUtA itoM.ashataH |
kiM bahUktena sarvo.api prapa~ncho nimibhUpate || 26||
ita evodayaM prAptastathaivAsmin pralIyate |
asmiMshcha tiShThate nityaM koTibrahmANDarUpataH || 27||
samAsavyAsayogena samasto nigamaH sphuTam |
amumeva sadA gAyatyantastattvasamAkhyayA || 28||
udgAyodgAya bahudhA netinetItyuvAcha ha |
lakShmIrasyAH prabhUtoM.asho yA vaikuNThe virAjate || 29||
shrImannArAyaNayutA sarvabhakteShTadAyinI |
nArAyaNo.api rAmAMshaH sha~NkhachakragadAbjabhR^it || 30||
chaturbhujasvarUpeNa vaikuNThe cha prakAshate |
sItArAmau nityalIlau ramete shrIpramudvane || 31||
pramodavanamabhyetya mahAvaikuNThamuttamam |
pUrNarUpe tirobhUya lIlAH sambhAvayiShyati || 32||
tadarthaM pUrNarUpeNa prAdurbhUteyamadbhutA |
pramodavanalIlAnAM siddhaye paramA ramA || 33||
avatAramayI lIlA sAketanagare pR^ithak |
mUlarUpamayI lIlA pramodavanamadhyagA || 34||
ayaM bhedaH samuddiShTo rUpadvayavibhAvane |
pramodavipane chaiShA nityameva hi krIDati |
shrIrAjinyAM gopavadhvAM gopAchChInandanAbhidhAt || 35||

iti shrImadAdirAmAyaNe brahmabhushuNDasaMvAde pashchimakhaNDe bharatalakShmaNIye
sItAjanmotsave ekonatriMsho.adhyAyaH || 29||

bhushuNDirAmAyaNam | pashchimakhaNDa | adhyAya 29/14\-35||
##
bhushuNDirAmAyaNam . pashchimakhaNDa . adhyAya 29/14-35..

Encoded and proofread by Mrityunjay Rajkumar Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}