% Text title            : svArthAshaMsanam
% File name             : svArthAshaMsanam.itx
% Category              : devii, aShTaka
% Location              : doc\_devii
% Author                : Durgaprasad DvivedI
% Transliterated by     : Rajani Arjun Shankar
% Proofread by          : Rajani Arjun Shankar
% Latest update         : December 10, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. svArthAshaMsanam ..}##
\itxtitle{.. svArthAshaMsanam ..}##\endtitles ##
aye ! mAtaravyAja\-kAruNya\-pUrNe ! padaM tAvakaM mAmakaM chittametu !
jagad\-vAsanA\-bhAsanA\-dharShaNAbhiH parikliShTamAlambamanviShyate tat || 1||
mano\-bhUtamashrAntamashrAntameva, bhramad\-bhUta\-sargeShu no shaMshamIti |
na vinde.aravindekShaNe ! svAsthya\-bhAvaM bhavatyAH prasAdaM samantAt pratIkShe || 2||
sharaNye ! bhavatyA labhe yena pAdaM na mayyasti tAdR^igguNasyAMshako.api
paritrANakartri ! tvamevAtma\-dR^iShTyA rujAjAla\-jIrNA~NgakaM mAmavAshu || 3||
yadAchArya\-mUrttyA bhavatyA pradiShTaM na tatsAdhane sAvadhAnA matirme |
aho visphurad\-vAsanA\-klesha\-pAshAvR^ito bambhramImyAshu mAtaH ! prasIda || 4||
lasad\-bhUri\-sindUra\-pUraprakAshaM kimapyudyaduddAma\-moda\-pravAham |
akampAnukampA\-parItaM prasannaM bhavatyAH svarUpaM mamAntashchakAstu || 5||
chaturvarga\-sampat\-pradAna\-pravINaiH , sphuradbhishchaturbhirbhujairbhAsamAnam |
dhanurbANa\-pAshA~NkushaM sAdhu bibhrad\-bhavatyAH svarUpaM mamAntashchakAstu || 6||
shive ! yatra netrAyate trAyate.api sphurannaryamA chandramA jAtavedAH |
tadAhlAdi kAmeshvarA~NkAnuShaktaM bhavatyAH svarUpaM mamAntashchakAstu || 7||
tadAstAM, tvadIyaM svarUpaM virUpaM yadudbhAsane shrAntimetyAgamo.api |
vayaM manmahe tanmaheshAnuSha~Ngi sphuratsAndra\-kAruNya\-sandoha\-ra~Ngi || 8||
sharaNAgata\-dInArta\-paritrANa\-parAyaNA |
nAma\-pArAyaNa\-prItA sA naH puShNAtu shAmbhavI || 9||

iti shrIdurgAprasAdadvivedIvirachitaM svArthAshaMsanaM sampUrNam ||
##

Encoded and Proofread by Rajani Arjun Shankar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}