% Text title            : Svarupakhyam Stotram
% File name             : svarUpAkhyastotram.itx
% Category              : devii, devI, stotra
% Location              : doc\_devii
% Transliterated by     : Ruma Dewan
% Proofread by          : Ruma Dewan
% Description/comments  : shyAmArahasyam | chaturthaH parichChedaH ||
% Latest update         : March 19, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Svarupakhyam Stotram ..}##
\itxtitle{.. svarUpAkhyastotram ..}##\endtitles ##
(shyAmArahasye)
karpUraM madhyamAntyasvaraparirahitaM senduvAmAkShiyuktaM
bIjaM te mAtaratattripuraharavadhu ! triH kR^itaM ye japanti |
teShAM gadyAni padyAni cha mukhakuharAdullasantyeva vAchaH
svachChandaM dhvAntadhArAdhararuchiruchire sarvasiddhiM gatAnAm || 1||
IshAnaM senduvAmashravaNaparigataM bIjamanyatmaheshi !
dvandvaM te mandachetA yadi japati jano vAramekaM kadAchit |
jitvA vAchAmadhIshaM dhanadabhapi chiraM mohayannambujAkShI\-
vR^indaM chandrArddhachUDe ! prabhavati hi mahAghorabAlAvataMse ! || 2||
Isho vaishvAnarasthaH shashadharavilasadvAmanetreNa yuktaM
bIjaM te dvandvamanyadvigalitachikure ! kAlike ! ye japanti |
dveShTAraM ghnanti te cha tribhuvanamapi te vashyabhAvaM nayanti
sR^ikbaddhandvAMsradhArAprakaTitavadane dakShiNe ! kAlike.ati || 3||
UrddhaM vAme kR^ipANaM karakamalatale ChinnamuNDaM tathAdhaH
savye chAbhIrvara~ncha trijagadaghahare ! dakShiNe kAlike cha |
japtvaitannAmavarNaM tava manuvibhavaM bhAvayantyetatamba !
teShAmaShTau karasthAH prakaTitavadane siddhayastryambakasya || 4||
vargAdyaM vahniyuktaM vidhuratikalitaM tattrayaM kUrchayugmaM
lajjAyugma~ncha pashchAtsmitamukhi ! tathAShThadvayaM yojayitvA | (tathadhaShThadvayaM, tathauShThadvayaM ?)
mAtarye ye japanti smaraharamahile ! bhAvayantaH svarUpaM
te lakShmIlAsyalIlAkamaladaladR^ishaH kAmarUpA bhavanti || 5||
pratyekaM vA trayaM vA dvayamapi cha paraM bIjamatyantaguhyaM
tvannAmnA yojayitvA sakalamapi sadA bhAvAyanto japanti |
teShAM netrAravinde viharati kamalA vaktashubhrAMshubimbe
vAgdevI ChinnamuNDasragatishayalasatkaNThi pInastanADhye || 6||
gatAsUnAM bAhuprakarakR^itakA~nchIparilasa\-
nitambAM digvastrAM tribhuvanavidhAtrIM trinayanAm |
shmashAnasthe talpe shavahR^idi mahAkAlasurata\-
prasaktAM tvAM dhyAyan janani ! jaDachetA api kaviH || 7||
shivAbhirghorAbhiH shavanivahamuNDAsthinikaraiH
paraM sa~NkIrNAyAM prakaTitachitAyAM haravadhUm |
praviShTAM santuShTAmupari surate nAtiyuvatIM
sadA tvAM dhyAyanti kvachidapi na teShAM paribhavaH || 8||
vadAmaste kiMvA janani ! vayamuchchairjaDadhiyo
na dhAtA nApIsho harirapi na te vetti paramam |
tathApi tvadbhaktirmukharayati chAsmAkamapi te
tadetat kShantavyaM na khalu pashubodhaH samuchitaH || 9||
samantAdApInastanajaghanadhR^idyauvanavatI\-
ratAshakto naktaM yadi japati bhaktastava manum |
vivAsAstvAM dhyAyan galitachikurastasya vashagAH
samastAH siddhaughAH bhuvi chirataraM jIvati kaviH || 10||
samAH susthIbhUtAM japati viparItAM yadi sadA
vichintya tvAM dhyAyannatishayamahAkAlasuratAm |
tadA tasya kShoNItalaviharamANasya viduShaH
karAmbhoje vashyAH smaraharavadhu ! mahAsiddhinivahAH || 11||
prasUte saMsAraM janani ! jagatIM pAlayati cha
samastaM kShityAdi pralayasamaye saMharati cha |
atastvaM dhAtApi tribhuvanapatiH shrIpatirapi
mahesho.api prAyaH sakalamapi kiM staumi bhavatIm || 12||
aneke sevante bhavadadhikagIrvANanivahAn
vimUDhArate mAtaH ! kimapi na hi jAnanti paramam |
samArAdhyAmAdyAM hariharaviri~nchayAdivibudhaiH
prapanno.asmi svairaM ratirasamahAnandaniratAm || 13||
dharitrIkIlAlaM shuchirapi samIro.api gaganaM
tvamekA kalyANI girisharamaNI kAli ! sakalA |
stutiH kA te mAtastava karuNyA mAmagatikaM
prasannA tvaM bhUyAH bhavamanu na bhUyAnmama januH || 14||
shmashAnasthaH sustho galitachikuro dikpaTadharaH
sahasraM tvarkANAM nijagalitavIryyeNa kusumam |
japaMstatpratyekaM manumapi tava dhyAnanirato
mahAkAli ! svairaM sa bhavati dharitrIparivR^iDhaH || 15||
gR^ihe sammArjanyA parigalitabIjaM hi kusumaM
sumadhyAhne nityaM virachayati chitAyAM kujadine |
samuchchAryya premNA manumapiM sakR^it kAli ! satataM
gajArUDho yAti kShitiparivR^iDhaH satkavivaraH || 16||
svapuShpairAkIrNaM kusumadhanuSho mandiramaho
puro dhyAyan dhyAyan yadi japati mAtastava manum |
sa gandharvashreNIpatiriva kavitvAmR^itanadI\-
nadInaH paryyante paramadalInaH prabhavati || 17||
tripa~nchAre pIThe shavashivahR^idi smeravadanAM
mahAkAlenochchairmadanarasalAvaNyaniratAm |
samAsakto naktaM svayamapi ratAnandanirato
naro yo dhyAyet tvAM bhavajanani ! sa syAt smaraharaH || 18||
ma lomAsthi svairaM palalamapi mArjAramapi te
paraM chauShTraM maiShaM naramahiShayoshChagamapi vA |
baliM te pUjAyA mayi viralavaktre vitaratAM
satAM siddhiH sarvA pratipadamapUrvA prabhavati || 19||
vashImantraM lakShaM prajapati haviShyAshanarato
divA mAtaryuShmachcharaNayugaladhyAnanirataH |
paraM naktaM nagno nidhuvanavinodena cha manuM
japellakShaM sa syAt smaraharasadR^ikShaH kShititale || 20||
idaM stotraM mAtastava manusamuddhAraNajanuH
svarUpAkhyaM pAdAmbujayugalapUjAvidhiyutam |
nishArddhaM vA pUjAsamayamadhi vA yastu paThati
pralApastasyApi prasarati kavitvAmR^itarasaH || 21||
kura~NgAkShIvR^indaM tamanusarati premataralaM
vashastasya kShauNIpatirapi kuverapratinidhiH |
ripukArAgAraM kalayati cha taM kelikalayA
chiraM jIvanmuktaH prabhavati sa bhaktaH pratijanuH || 22||

iti shyAmArahasye mahAkAlavirachitaM svarUpAkhyaM stotraM sampUrNam |

\- || shyAmArahasyam | chaturthaH parichChedaH ||
##
- .. shyAmArahasyam . chaturthaH parichChedaH ..

Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}