% Text title            : tArAshatanAmastotram
% File name             : tArAshatanAmastotram.itx
% Category              : aShTottarashatanAma, devii
% Location              : doc\_devii
% Transliterated by     : Shree Devi Kumar
% Proofread by          : PSA Easwaran psaeaswaran at gmail.com
% Description/comments  : svarNamAlAtantra
% Acknowledge-Permission: Mahaperiaval Trust
% Latest update         : July 2, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrItArAshatanAmastotram ..}##
\itxtitle{.. shrItArAshatanAmastotram ..}##\endtitles ##

shrIshiva uvAcha ||
tAriNI taralA tanvI tArA taruNavallarI |
tIrarUpA tarI shyAmA tanukShINapayodharA || 1||
turIyA taralA tIvragamanA nIlavAhinI |
ugratArA jayA chaNDI shrImadekajaTAshirAH || 2||
taruNI shAmbhavIChinnabhAlA cha bhadratAriNI |
ugrA chograprabhA nIlA kR^iShNA nIlasarasvatI || 3||
dvitIyA shobhanA nityA navInA nityanUtanA |
chaNDikA vijayArAdhyA devI gaganavAhinI || 4||
aTTahAsyA karAlAsyA charAsyA ditipUjitA |
saguNA saguNArAdhyA harIndradevapUjitA || 5||
raktapriyA cha raktAkShI rudhirAsyavibhUShitA |
balipriyA baliratA durgA balavatI balA || 6||
balapriyA balaratA balarAmaprapUjitA |
ardhakesheshvarI keshA keshavAsavibhUShitA || 7||
padmamAlA cha padmAkShI kAmAkhyA girinandinI |
dakShiNA chaiva dakShA cha dakShajA dakShiNe ratA || 8||
vajrapuShpapriyA raktapriyA kusumabhUShitA |
mAheshvarI mahAdevapriyA pa~nchavibhUShitA || 9||
iDA cha pi~NgalA chaiva suShumnA prANarUpiNI |
gAndhArI pa~nchamI pa~nchAnanAdi paripUjitA || 10||
tathyavidyA tathyarUpA tathyamArgAnusAriNI |
tattvapriyA tattvarUpA tattvaj~nAnAtmikA.anaghA || 11||
tANDavAchArasantuShTA tANDavapriyakAriNI |
tAladAnaratA krUratApinI taraNiprabhA || 12||
trapAyuktA trapAmuktA tarpitA tR^iptikAriNI |
tAruNyabhAvasantuShTA shaktirbhaktAnurAgiNI || 13||
shivAsaktA shivaratiH shivabhaktiparAyaNA |
tAmradyutistAmrarAgA tAmrapAtraprabhojinI || 14||
balabhadrapremaratA balibhugbalikalpinI |
rAmarUpA rAmashaktI rAmarUpAnukAriNI || 15||
ityetatkathitaM devi rahasyaM paramAdbhutam |
shrutvA mokShamavApnoti tArAdevyAH prasAdataH || 16||
ya idaM paThati stotraM tArAstutirahasyakam |
sarvasiddhiyuto bhUtvA viharet kShitimaNDale || 17||
tasyaiva mantrasiddhiH syAnmamasiddhiranuttamA |
bhavatyeva mahAmAye satyaM satyaM na saMshayaH || 18||
mande ma~NgalavAre cha yaH paThennishi saMyataH |
tasyaiva mantrasiddhissyAdgANapatyaM labheta saH || 19||
shraddhayA.ashraddhayA vApi paThettArArahasyakam |
so.achireNaiva kAlena jIvanmuktaH shivo bhavet || 20||
sahasrAvartanAddevi purashcharyAphalaM labhet |
evaM satatayuktA ye dhyAyantastvAmupAsate |
te kR^itArthA maheshAni mR^ityusaMsAravartmanaH || 21||

iti svarNamAlAtantre tArAshatanAmastotraM samAptam ||

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}