% Text title            : Tripura Bharati Laghustavah
% File name             : tripurAbhAratIlaghustavaH.itx
% Category              : devii
% Location              : doc\_devii
% Author                : somatilakasUri
% Transliterated by     : Aruna Narayanan narayanan.aruna at gmail.com
% Proofread by          : Aruna Narayanan narayanan.aruna at gmail.com
% Latest update         : June 24, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Tripura Bharati Laghustavah ..}##
\itxtitle{.. tripurA bhAratI laghustavaH ..}##\endtitles ##
               || OM namaH tripurAyai ||
aindrasyeva sharAsanasya dadhatI madhye lalATaM prabhAM
     shauklIM kAntimanuShNagoriva shirasyAtanvatI sarvataH |
eShA.asau tripurA hR^idi dyutirivoShNAMshoH sadAhaHsthitA
     ChindyAnnaH sahasA padaistribhiraghaM jyotirmayI vA~NmayI || 1||
yA mAtrA trapusIlatAtanulasattantUtthitisparddhinI
     vAgbIje prathame sthitA tava sadA tAM manmahe te vayam |
shaktiH kuNDalinIti vishvajananavyApArabaddhodyamA
     j~nAtvetthaM na punaH spR^ishanti jananIgarbhe.arbhakatvaM narAH || 2||
dR^iShTvA sambhramakAri vastu sahasA ai ai iti vyAhR^itaM
     yenAkUtavashAdapIha varade ! binduM vinA.apyakSharam |
tasyApi dhruvameva devi ! tarasA jAte tavA.anugrahe
     vAchaH sUktisudhArasadravamucho niryAnti vaktrAmbujAt || 3||
yannitye tava kAmarAjamaparaM mantrAkSharaM niShkalaM
     tat sArasvatamityavaiti viralaH kashchid budhashched bhuvi |
AkhyAnaM pratiparva satyatapaso yatkIrtayanto dvijAH
     prArambhe praNavAspadaM praNayitAM nItvochcharanti sphuTam || 4||
yatsadyo vachasAM pravR^ittikaraNe dR^iShTaprabhAvaM budhai\-
     stArtIyIkamahaM namAmi manasA tadbIjaminduprabham |
astvaurvo.api sarasvatImanugato jADyAmbuvichChittaye
     gauHshabdo giri vartate sa niyataM yogaM vinA siddhidaH || 5||
ekaikaM tava devi ! bIjamanaghaM savya~njanAvya~njanaM
     kUTasthaM yadi vA pR^ithakkramagataM yadvA sthitaM vyutkramAt |
yaM yaM kAmamapekShya yena vidhinA kenApi vA chintitaM
     japtaM vA saphalIkaroti tarasA taM taM samastaM nR^iNAm || 6||
vAme pustakadhAriNImabhayadAM sAkShasrajaM dakShiNe
     bhaktebhyo varadAnapeshalakarAM karpUrakundojjvalAm |
ujjR^imbhAmbujapatrakAntanayanasnigdhaprabhAlokinIM
     ye tvAmamba ! na shIlayanti manasA teShAM kavitvaM kutaH || 7||
ye tvAM pANDurapuNDarIkapaTalaspaShTAbhirAmaprabhAM
     si~nchantImamR^itadravairiva shiro dhyAyanti mUrdhni sthitAm |
ashrAntaM vikaTasphuTAkSharapadA niryAti vaktrAmbujAt
     teShAM bhArati bhAratI surasaritkallolalolormmibhiH || 8||
ye sindUraparAgapu~njapihitAM tvattejasA dyAmimA\-
     murvI chApi vilInayAvakarasaprastAramagnAmiva |
pashyanti kShaNamapyananyamanasasteShAmana~Ngajvara\-
     klAntAstrastakura~NgashAvakadR^isho vashyA bhavanti striyaH || 9||
cha~nchatkA~nchanakuNDalA~NgadadharAmAbaddhakA~nchIsrajaM
     ye tvAM chetasi tadgate kShaNamapi dhyAyanti kR^itvA sthiram |
teShAM veshmani vibhramAdaharahaH sphArI bhavantyashchirAd
     mAdyatku~njarakarNatAlataralAH sthairyaM bhajante shriyaH || 10||
ArbhaTyA shashikhaNDamaNDitajaTAjUTAM nR^imuNDasrajaM
     bandhUkaprasavAruNAmbaradharAM pretAsanAdhyAsinIm |
tvAM dhyAyanti chaturbhujAM trinayanAmApInatu~NgastanIM
     madhye nimnavalitrayA~NkitatanuM tvadrUpasampattaye || 11||
jAto.apyalpaparichChade kShitibhR^itAM sAmAnyamAtre kule
     niHsheShAvanichakravartipadavIM labdhvA pratAponnataH |
yadvidyAdharavR^indavanditapadaH shrIvatsarAjo.abhavad
     devi! tvachcharaNAmbujapraNatijaH so.ayaM prasAdodayaH || 12||
chaNDi ! tvachcharaNAmbujArchanakR^ite bilvIdalolluNTana\-
     truTyatkaNTakakoTibhiH parichayaM yeShAM na jagmuH karAH |
te daNDA~NkushachakrachApakulishashrIvatsamatsyA~Nkitai\-
     rjAyantepR^ithivIbhujaH kathamivAmbhojaprabhaiH pANibhiH || 13||
viprAH kShoNibhujo vishastaditare kShIrAjyamadhvaikShavai
     stvAM devi ! tripure ! parAparakalAM santarpya pUjAvidhau |
yAM yAM prArthayate manaH sthiradhiyAM teShAM ta eva dhruvaM
     tAM tAM siddhimavApnuvanti tarasA vighnairavighnIkR^itA || 14||
shabdAnAM jananI tvamatra bhuvane vAgvAdinItyuchyase
     tvattaH keshavavAsavaprabhR^itayo.apyAvirbhavanti dhruvam |
lIyante khalu yatra kalpaviratau brahmAdayaste.apyamI
     sA tvaM kAchidachintyarUpamahimA shaktiH parA gIyase || 15||
devAnAM tritayaM trayI hutabhujAM shaktitrayaM trisvarA
     strailokyaM tripadI tripuShkaramatha tribrahma varNAstrayaH |
yatki~nchijjagati tridhA niyamitaM vastu trivargAdikaM
     tatsarvaM tripureti nAma bhagavatyanveti te tattvataH || 16||
lakShmIM rAjakule jayAM raNamukhe kShema~NkarImadhvani
     kravyAdadvipasarpabhAji shabarIM kAntAradurge girau |
bhUtapretapishAchajR^imbhakabhaye smR^itvA mahAbhairavIM
     vyAmohe tripurAM taranti vipadastArAM cha toyaplave || 17||
mAyA kuNDalinI kriyA madhumatI kAlI kalAmAlinI
     mAta~NgI vijayA jayA bhagavatI devI shivA shAmbhavI |
shaktiH sha~NkaravallabhA trinayanA vAgvAdinI bhairavI
     hrI~NkArI tripurA parAparamayI mAtA kumArItyasi || 18||
A I pallavitaiH parasparayutairdvi\-trikramAdyakSharaiH
     kAdyaiH kShAntagataiH svarAdibhiratha kShAntaishcha taiH sasvaraiH |
nAmAni tripure! bhavanti khalu yAnyatyantaguhyAni te
     tebhyo bhairavapatni viMshatisahasrebhyaH parebhyo namaH || 19||
boddhavyA nipuNaM budhaistutiriyaM kR^itvA manastadgataM
     bhAratyAstripuretyananyamanaso yatrAdyavR^itte sphuTam |
eka\-dvi\-tripadakrameNa kathitastatpAdasa~NkhyAkSharai\-
     rmantroddhAravidhirvisheShasahitaH satsa.npradAyAnvitaH || 20||
sAvadyaM niravadyamastu yadi vA kiMvA.anayA chintayA
     nUnaM stotramidaM paThiShyati jano yasyAsti bhaktistvayi |
sa~nchintyApi laghutvamAtmani dR^iDhaM sa~njAyamAnaM haThAt
     tvadbhaktyA mukharIkR^itena rachitaM yasmAnmayApi dhruvam || 21||

iti shrIsomatilakasUrivirachitaH shrItripurA bhAratI laghustavaH samAptaH |

##
Encoded and proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}