% Text title            : tripurasundarIvedasArastavaH
% File name             : tripurasundarIvedasArastavaH.itx
% Category              : devii, dashamahAvidyA, devI, panchadashI
% Location              : doc\_devii
% Proofread by          : Pallasena Narayanaswami ppnswami at gmail.com
% Latest update         : December 27, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Tripurasundari Vedasara Stavah ..}##
\itxtitle{.. tripurasundarIvedasArastavaH ..}##\endtitles ##
shrIgaNeshAya namaH |
OM ka e I la hrIM ha sa ka ha la hrIM sa ka la hrIM shrIM |
kastUrIpa~NkabhAsvadgalachaladamalasthUlamuktAvalIkA
     jyotsnAshuddhAvadAtA shashishishumukuTAla~NkR^itA brahmapatnI |
sAhityAmbhojabhR^i~NgI kavikulavinutA sAttvikIM vAgvibhUtiM
     deyAnme shubhavastrA karachalavalayA vallakIM vAdayantI || 1||
ekAnte yogivR^indaiH prashamitakaraNaiH kShutpipAsAvimuktaiH
     sAnandaM dhyAnayogAdvisaguNasaddashI dR^ishyate chittamadhye |
yA devI haMsarUpA bhavabhayaharaNaM sAdhakAnAM vidhatte
     sA nityaM nAdarUpA tribhuvanajananI modamAviShkarotu || 2||
IkShitrI sR^iShTikAle tribhuvanamatha yA tatkShaNe.anupravishya
     sthemAnaM prApayantI nijaguNavibhavaiH sarvathA vyApya vishvam |
saMhartrI sarvabhAsAM vilayanasamaye svAtmani svaprakAshA
     sA devI karmabandhaM mama bhavakaraNaM nAshyatvAdishaktiH || 3||
lakShyA yA chakrarAje navapuralasite yoginIvR^indagupte
     sauvarNe shailashR^i~Nge suragaNarachite tattvasopAnayukte |
mantriNyA mechakA~NgyA kuchabharanatayA kolamukhyA cha sArdhaM
     sAmrAj~nI sA madIyA madagajagamanA dIrghamAyustanotu || 4||
hrI~NkArAmbhojabhR^i~NgI hayamukhavinutA hAnivR^iddhyAdihInA
     haMso.ahaMmantrarAj~nI harihayavaradA hAdimantrArtharUpA |
haste chinmudrikADhyA hatabahudanujA hastikR^ittipriyA me
     hArdaM shokAtirekaM shamayatu lalitAghIshvarI pAshahastA || 5||
haste pa~NkeruhAbhe sarasasarasijaM bibhratI lokamAtA
     kShIrodanvatsukanyA karivaravinutA nityapuShTAkSha gehA |
padmAkShI hemavarNA muraripudayitA shevadhiH sampadAM yA
     sA me dAridryadoShaM damayatu karuNAdR^iShTipAtairajasram || 6||
sachchidbrahmasvarUpAM sakalaguNayutAM nirguNAM nirvikArAM
     rAgadveShAdihantrIM ravishashinayanAM rAjyadAnapravINAm |
chatvAriMshattrikoNe chaturadhikasame chakrarAje lasantIM
     kAmAkShIM kAmitAnAM vitaraNachaturAM chetasA bhAvayAmi || 7||
kandarpe shAntadarpe trinayananayanajyotiShA devavR^indaiH
     sAsha~NkaM sAshrupAtaM savinayakaruNaM yAchitA kAmapatnyA |
yA devI dR^iShTipAtaiH punarapi madanaM jIvayAmAsa sadyaH
     sA nityaM rogashAntyai prabhavatu lalitAdhIshvarI chitprakAshA || 8||
havyaiH kavyaishcha sarvaiH shrutichayavihitaiH karmabhiH karmashIlA
     dhyAnAdyairaShTabhishcha prashamitakaluShA yoginaH parNabhakShAH |
yAmevAnekarUpAM pratidinamavanau saMshrayante vidhij~nAH
     sA me mohAndhakAraM bahubhavajanitaM nAshayatvAdimAtA || 9||
lakShyA mUlatrikoNe guruvarakaruNAleshataH kAmapIThe
     yasyAH vishvaM samastaM bahutaravitataM jAyate kuNDalinyAH |
yasyAH shaktiprarohAdaviralamamR^itaM vindate yogivR^indaM
     tAM vande nAdarUpAM praNavapadamayIM prANinAM prANadAtrIm || 10||
hrI~NkArAmbhodhilakShmIM himagiritanayAmIshvarImIshvarANAM
     hrIM{}mantrArAdhyadevIM shrutishatashikharairmR^igyamANAM mR^igAkShIm |
hrIM{}mantrAntaistrikUTaiH sthirataramatibhirdhAryamANAM jvalantIM
     hrIM hrIM hrImityajasraM hR^idayasarasije bhAvaye.ahaM bhavAnIm || 11||
sarveShAM dhyAnamAtrAtsaviturudaragA chodayantI manIShAM
     sAvitrI tatpadArthA shashiyutamakuTA pa~nchashIrShA trinetrA
hastAgraiH sha~NkhachakrAdyakhilajanaparitrANadakShAyudhAnAM
     bibhrANA vR^indamambA vishadayatu matiM mAmakInAM maheshI || 12||
kartrI lokasya lIlAvilasitavidhinA kArayitrI kriyANAM
     bhartrI svAnupraveshAdviyadanilamukhaiH pa~nchabhUtaiH svasR^iShTaiH |
hartrI svenaiva dhAmnA punarapi vilaye kAlarUpaM dadhAnA
     hanyAdAmUlamasmatkaluShabharamumA bhuktimuktipradAtrI || 13||
lakShyA yA puNyajAlairguruvaracharaNAmbhojasevAvisheShAd\-
     dR^ishyA svAnte sudhIbhirdaradalitamahApadmakoshena tulye |
lakShaM jasvApi yasyA manuvaramaNimAsiddhimanto mahAntaH
     sA nityaM mAmakIne hR^idayasarasije vAsama~NgIkarotu || 14||
hrIM{}shrIrmaiM{}mantrarUpA hariharavinutA.agastyapatnIpradiShTA
     hAdiH kAdyarNatattvA surapativaradA kAmarAjapradiShTA |
duShTAnAM dAnavAnAM madabharaharaNA duHkhahantrI budhAnAM
     sAmrAj~nI chakrarAj~nI pradishatu kushalaM mahyamo~NkArarUpA || 15||
shrIM{}mantrArthasvarUpA shritajanaduritadhvAntahantrI sharaNyA
     shrautasmArtakriyANAmavikalaphaladA bhAlanetrasya dArAH |
shrIchakrAntarniShaNNA guhavarajananI duShTahantrI vareNyA
     shrImatsiMhAsaneshI pradishatu vipulAM kIrtimAnandarUpA || 16||
shrIchakravarasAmrAj~nI shrImattripurasundarI |
shrIguhAnvayasauvarNadIpikA dishatu shriyam || 17||

iti shrImattripurasundarIvedasArastavaH sampUrNaH ||
##
Proofread by Pallasena Narayanaswami ppnswami at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}