% Text title            : ShrI Tripurasundari vijayastavah
% File name             : tripurasundarIvijayastava.itx
% Category              : devii, dashamahAvidyA, stotra, devI, panchadashI
% Location              : doc\_devii
% Transliterated by     : Pankaj Dubey dr.pankaj.dubey at gmail.com
% Proofread by          : Pankaj Dubey dr.pankaj.dubey at gmail.com
% Latest update         : December 27, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Tripurasundari Vijayastavah ..}##
\itxtitle{.. shrItripurasundarI vijayastavaH ..}##\endtitles ##
shrIgaNeshAya namaH |
OM ka e I la hrIM ha sa ka ha la hrIM sa ka la hrIM shrIM |
                || ka||
kalpAntodita\-chaNDa\-bhAnu\-vilasad\-deha\-prabhA\-maNDitA
      kAlAmbhoda\-samAna\-kuntala\-bharA kAruNya\-vArAM nidhiH |
kAdyarNA~Nkita\-mantra\-rAja\-vilasat\-kUTa\-trayopAsitA
      shrIchakrAdhi\-nivAsinI vijayate shrIrAja\-rAjeshvarI || 1||
                || e||
etat\-prAbhava\-shAlinIti nigamairadyApyanAlochitA
      hemAmbhoja\-mukhI chalat\-kuvalaya\-praspardhamAnekShaNA |
eNA~NkAMsha\-samAna\-phAla\-phalaka\-prollAsi\-kastUrikA
      shrIchakrAdhi\-nivAsinI vijayate shrIrAja\-rAjeshvarI  || 2||
                || I||
IShat\-phulla\-kadamba\-kuNDala\-mahA\-lAvaNya\-garvApahA
      snigdha\-svachCha\-sudanta\-kAnti\-vilasanmanda\-smitA.alaMkR^itA |
IshitvAdyakhileShTa\-siddhi\-phaladA bhaktyA natAnAM sadA
      shrIchakrAdhi\-nivAsinI vijayate shrIrAja\-rAjeshvarI || 3||
                || la||
lakShyAlakShyAvalagna\-desha\-vilasad\-romAvalI\-vallarI
      vR^itta\-snigdha\-phala\-dvaya\-bhrama\-karottu~Nga\-stanI sundarI |
raktAshoka\-shubha\-prapATala\-dukUlAchChAditA~NgI mudA
      shrIchakrAdhi\-nivAsinI vijayate shrIrAja\-rAjeshvarI || 4||
                || hrIM||
hrIM~NkArI sura\-vAhinI jala\-gabhIrAvartanAbhirdhana\-
      shroNI\-maNDala\-bhAra\-manda gamanA\-kA~nchI\-kalApojjvalA |
shuNDAdaNDa\-suvarNa\-varNa\-kadalI\-kANDopamoru\-dvayI
      shrIchakrAdhi\-nivAsinI vijayate shrIrAja\-rAjeshvarI || 5||
                || ha||
hasta\-projjvaladikShu\-kArmuka\-lasat\-puShpeShu\-pAshAMkushA
      hyAdyarNA~Nkita\-mantra\-rAja\-nilayA hArAdibhirbhUShitA |
hasta\-prAnta\-raNat\-suvarNa\-valayA haryakSha\-sampUjitA
      shrIchakrAdhi\-nivAsinI vijayate shrIrAja\-rAjeshvarI || 6||
                || sa||
saMraktAmbuja\-pAda\-yugma\-vilasanma~nju\-kvaNannUpurA
      saMsArArNava\-tAraNaika\-taraNirlAvaNya\-vArAM nidhiH |
lIlA\-lola\-tamaM shukaM madhurayA saMlAlayantI girA
      shrIchakrAdhi\-nivAsinI vijayate shrIrAja\-rAjeshvarI || 7||
                || ka||
kalyANI karuNA\-rasArdra\-hR^idayA kalyANa\-sandAyinI
      kAdyarNA~Nkita\-mantra\-lakShita\-tanustanvI tamo\-nAshinI |
kAmeshA~Nka\-vilAsinI kala\-girAmAvAsa\-bhUmiH shivA
      shrIchakrAdhi\-nivAsinI vijayate shrIrAja\-rAjeshvarI || 8||
                || ha||
hantuM dAnava\-pu~NgavaM raNa\-bhuvi prochchaNDa\-bhaNDAbhidhaM
      haryakShAdyamarArthitA bhagavatI divyAM tanUmAshritA |
shrImAtA lalitetyachintya\-vibhavairnAmnAM sahasraiH stutA
      shrIchakrAdhi\-nivAsinI vijayate shrIrAja\-rAjeshvarI || 9||
                || la||
lakShmIrvAga\-gajAdibhirbahu\-vidhaiH rUpaiH stutA.api svayaM
      nI\-rUpA guNa\-varjitA tri\-jagatAM mAtA cha chid\-rUpiNI |
bhaktAnugraha\-kAraNena lalitaM rUpaM samAsAditA
      shrIchakrAdhi\-nivAsinI vijayate shrIrAja\-rAjeshvarI || 10||
                || hrIM||
hrI~NkAraika\-parAyaNArta\-janatA\-saMrakShaNe dIkShitA
      hArdAsaM tamasaM vyapohita\-malaM bhUShNurhara\-preyasI |
hatyAdi\-prakaTAgha\-sa~Ngha\-dalane dakShA cha dAkShAyaNI
      shrIchakrAdhi\-nivAsinI vijayate shrIrAja\-rAjeshvarI || 11||
                || sa||
sarvAnanda\-mayI samasta\-jagatAmAnanda\-sandAyinI
      sarvottu~Nga\-suvarNa\-shaila\-nilayA sA sAra\-sAkShI satI |
sarvairyogi\-chayaiH sadaiva vichitA sAmrAjya\-dAna\-kShamA
      shrIchakrAdhi\-nivAsinI vijayate shrIrAja\-rAjeshvarI || 12||
                || ka||
kanyA\-rUpa\-dharA galAbja\-vilasanmuktA\-latA.alaMkR^itA
      kAdi\-kShAntamanu\-praviShTa\-hR^idayA kalyANa\-shIlAnvitA |
kalpAntodbhaTa\-tANDava\-pramuditA shrIkAma\-jit\-sAkShiNI
      shrIchakrAdhi\-nivAsinI vijayate shrIrAja\-rAjeshvarI || 13||
                || la||
lakShyA bhakti\-rasArdra\-hR^it\-sarasije sadbhiH sadA.a.arAdhitA
      sAndrAnanda\-mayI sudhAkara\-kalA khaNDojjvalanmaulikA |
sharvANI sharaNAgatA.a.arti\-shaminI sachchinmayI sarvadA
      shrIchakrAdhi\-nivAsinI vijayate shrIrAja\-rAjeshvarI || 14||
                || hrIM||
hrI~NkAra\-traya\-sampuTA.ati\-mahatA mantreNa sampUjitA
      hotrI chandra\-samIraNA.agni\-jala\-bhU\-bhAsvannabho\-rUpiNI |
haMsaH sohamiti prakR^iShTa\-dhiShaNairArAdhitA yogibhiH
      shrIchakrAdhi\-nivAsinI vijayate shrIrAja\-rAjeshvarI || 15||
                || shrIM||
shrI~NkArAmbuja\-haMsikA.a.ashrita\-jana\-kShema~NkarI sha~NkarI
      shR^i~NgAraika\-rasAkarasya madanasyojjIvikA\-vallarI |
shrIkAmesharahaH\-sakhI cha lalitA shrImad\-guhA.a.arAdhitA
      shrIchakrAdhi\-nivAsinI vijayate shrIrAja\-rAjeshvarI || 16||

iti |
##

Encoded and proofread by Pankaj Dubey dr.pankaj.dubey at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}