% Text title            : mahaatripurasundarii suprabhaatam
% File name             : tripurasupra.itx
% Category              : suprabhAta, devii, dashamahAvidyA, devI
% Location              : doc\_devii
% Author                : Traditional
% Transliterated by     : R. Harshananda harshanand\_16 at rediffmail.com
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrI mahAtripurasundarI suprabhAtam ..}##
\itxtitle{.. shrImahAtripurasundarI suprabhAtam ..}##\endtitles ##

        jaya jaya sha~Nkara
OM shrI lalitA mahAtripurasundarI parAbhaTTArikA sametAya
shrI chandramauLIshwara parabrahmaNe namaH ..
OM uttiShTottiShTha deveshI uttiShTha shivasundarI .
uttiShThashrI mahArAj~nI trailokya~M ma~Ngala~M kuru ..
nIrAjanena jagadIshwari bhaktasa~NghaiH
nIrAjyase bhuvanama~Ngala siddhihetoH .
bhaktyA prabhAtasamaye sahavAdyaghoShaiH
samstUyase jahihi kaitava yoganidrAm ..
nidrA na te trijagadIshwari viShNumAye
sR^iShTisthitipralaya keliShu sa~MsthitAyAH .
manmohapAsha nigaDasya vimokShaNAya
sa~MprArthyase janani ma~NgalasUktibhistvam ..
kalyANashailanilaye karuNArNave shrI
kAmeshwarA~Nkanihite kalidoShahantrI .
kAlAmbudhAbhakachabandhabare manoj~ne
shrImanmahAtripurasundari suprabhAtam ..
eNA~NkakhaNDayutaratnalasatkirITe
shoNAchalesha sahadharmiNi bANahaste .
vINAdhareNa muninA parigIyamAne
shrImanmahAtripurasundari suprabhAtam ..
IshAnamukhyasuramauLilasatpadAbje
shrImatsadAshiva mahAphalakADhyama~nche .
Ishatsmitena vikasatsumanoharAsye
shrImanmahAtripurasundari suprabhAtam ..
lajjanatena nayanena vilokamAne
trailokyasundaratanu~M parashambhunAtham .
mandasmitollasita chAru mukhAravinde
shrImanmahAtripurasundari suprabhAtam ..
hrI~NkArajApasuhite hR^idayAmbujasthe
hArdAndhakAravinihantri haritpatIDhye .
haryakShavAhini halAyudha sevitA~Nghre
shrImanmahAtripurasundari suprabhAtam ..
hastena devi phaNipAshamathekShuchApam
puShpAstrama~Nkushavara~M satata~M dadhAne .
hemAdritu~NgatarashR^i~Nga kR^itAdhivAse
shrImanmahAtripurasundari suprabhAtam ..
sarvAgamopaniShadIDhya mahAprabhAve
sAmAbhigAnavinute sarasIruhAkShi .
sacchitsukhaikarasike sakaleShTadAtrI
shrImanmahAtripurasundari suprabhAtam ..
kalyANadAtri kamanIyaguNArNave shrI
kalmAShapAdaparipUjita pAdapadme .
kaivalyade kalimalApaha chitswarUpe
shrImanmahAtripurasundari suprabhAtam ..
hatwA.asurendramatibAhubalAvaliptam
bhaNDa~M prachaNDasamarodyatamAttashastram .
samrakShita trijagati tripurAdhivAse
shrImanmahAtripurasundari suprabhAtam ..
labdhu~M tava tripurasundari satkaTAkSham
kAruNyapUrNamamareshamukhAdigIshAH .
kakShyAntametya nivasanti tava prabodhe
shrImanmahAtripurasundari suprabhAtam ..
hrImityajasramapi te manumAdareNa
hR^itpa~Nkajenukalayan prajapAmi nityam .
harShaprade hR^idayasantamasApahantrI
shrImanmahAtripurasundari suprabhAtam ..
satyAtmike sakalalokahitaprade.amba
sampatkarI kiTamukhI parisevitA~Nghre .
sarvAnavadyacharite sukumAragAtri
shrImanmahAtripurasundari suprabhAtam ..
kAmohi te.amba karuNAlavameva labdhwA
puShpAyudho.api bhavati trijagadvijetA .
kAmeshwareNa parikA~NkShita satkaTAkShe
shrImanmahAtripurasundari suprabhAtam ..
lajjApadA~Nkita manupratipAdyarUpe
lIlAvilokana visR^iShTajagatsahasre .
lAvaNyapUrNavadane lalitAbhidhAne
shrImanmahAtripurasundari suprabhAtam ..
hrI~NkAramantranilaye hR^idibhAvanIye
hrI~NkAragarbhamanujApaka siddhidAtri .
hrI~NkAramantramahanIya nijaswarUpe
shrImanmahAtripurasundari suprabhAtam ..
shrIsha~NkarArchitapade shivabhAgadheye
shrIkAmarAjamahiShi shritakAmadheno .
shrIsha~Nkarasyakulama~Ngaladevate.amba
shrImanmahAtripurasundari suprabhAtam ..
shrI suprabhAtamahita stavamambikAyAH
bhaktyA prabhAtasamaye bhuvi ye paThanti .
shrI mAtranugrahanirastasamasta khedAH
sacchitsukhAtmaka pada~M pravishanti satyam ..
munIndranAradAgastya mAnyAyai jaya ma~Ngalam .
praNatArtinivAriNyai pUrNAyai shubhama~Ngalam ..
vividhopaniShadvetR^i vedyAyai jaya ma~Ngalam .
shuddhabuddhasadAnanda brahmaNe shubha ma~Ngalam ..
natalokeShTadAyinyai nityAyai nitya ma~Ngalam .
sarvama~NgalayuktAyai satyAyai sarva ma~Ngalam ..
sarvabrahmANDasandoha jananyai jaya ma~Ngalam .
sha~NkarArchitapAdAyai shivANyai shubhama~Ngalam ..
shrIchakrarAjanilayAyai shrImAtre jaya ma~Ngalam .
mahAtripurasundaryai shivAyai shubhama~Ngalam ..
.. iti shrI sha~NkarAnandanAtha virachita~M
shrI mahAtripurasundarI suprabhAtaM samAptam .. OM..
##\medskip\hrule\medskip
Encoded by R. Harshananda harshanand\_{}16@rediffmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}