% Text title            : tulasIkavacham 1
% File name             : tulasIkavacham.itx
% Category              : kavacha, devii, tulasI
% Location              : doc\_devii
% Author                : Traditional
% Transliterated by     : Sunder Hattangadi, Nat Natarajan
% Proofread by          : Nat Natarajan nat.natarajan at gmail.com, NA
% Latest update         : Dec. 3, 2009, March 20, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Tulasi Kavacham 1 ..}##
\itxtitle{.. tulasIkavacham 1 ..}##\endtitles ##

shrIgaNeshAya namaH |
asya shrItulasIkavachastotramantrasya shrImahAdeva R^iShiH |
anuShTupChandaH | shrItulasI devatA |
mama IpsitakAmanAsiddhyarthaM jape viniyogaH |
tulasI shrImahAdevi namaH pa~NkajadhAriNi |
shiro me tulasI pAtu bhAlaM pAtu yashasvinI || 1||
dR^ishau me padmanayanA shrIsakhI shravaNe mama |
ghrANaM pAtu sugandhA me mukhaM cha sumukhI mama || 2||
jihvAM me pAtu shubhadA kaNThaM vidyAmayI mama |
skandhau kahlAriNI pAtu hR^idayaM viShNuvallabhA || 3||
puNyadA me pAtu madhyaM nAbhiM saubhAgyadAyinI |
kaTiM kuNDaliniM pAtu UrU nAradavanditA || 4||
jananI jAnunI pAtu ja~Nghe sakalavanditA |
nArAyaNapriyA pAdau sarvA~NgaM sarvarakShiNI || 5||
sa~NkaTe viShame durge bhaye vAde mahAhave |
nityaM hi sandhyayoH pAtu tulasI sarvataH sadA || 6||
itIdaM paramaM guhyaM tulasyAH kavachAmR^itam |
martyAnAmamR^itArthAya bhItAnAmabhayAya cha || 7||
mokShAya cha mumukShUNAM dhyAyinAM dhyAnayogakR^it |
vashAya vashyakAmAnAM vidyAyai vedavAdinAm || 8||
draviNAya daridrANAM pApinAM pApashAntaye || 9||
annAya kShudhitAnAM cha svargAya svargamichChitAm |
pashavyaM pashukAmAnAM putradaM putrakA~NkShiNAm || 10||
rAjyAya bhraShTarAjyAnAmashAntAnAM cha shAntaye |
bhaktyarthaM viShNubhaktAnAM viShNau sarvAntarAtmani || 11||
jApyaM trivargasiddhyarthaM gR^ihasthena visheShataH |
udyantaM chaNDakiraNamupasthAya kR^itA~njaliH || 12||
tulasIkAnane tiShThannAsIno vA japedidam |
sarvAnkAmAnavApnoti tathaiva mama sannidhim || 13||
mama priyakaraM nityaM haribhaktivivardhanam |
yA syAnmR^itaprajA nArI tasyA a~NgaM pramArjayet || 14||
sA putraM labhate dIrghajIvinaM chApyarogiNam |
vandhyAyA mArjayeda~NgaM kushairmantreNa sAdhakaH || 15||
sA.api saMvatsarAdeva garbhaM dhatte manoharam |
ashvatthe rAjavashyArthI japedagneH surUpabhAk || 16||
palAshamUle vidyArthI tejo.arthyabhimukho raveH |
kanyArthI chaNDikAgehe shatruhatyai gR^ihe mama || 17||
shrIkAmo viShNugehe cha udyAne strIvashA bhavet |
kimatra bahunoktena shR^iNu sainyesha tattvataH || 18||
yaM yaM kAmamabhidhyAyettaM taM prApnotyasaMshayam |
mama gehagatastvaM tu tArakasya vadhechChayA || 19||
japan stotraM cha kavachaM tulasIgatamAnasaH |
maNDalAttArakaM hantA bhaviShyasi na saMshayaH || 20||

iti shrIbrahmANDapurANe tulasImAhAtmye tulasIkavachaM sampUrNam ||

##
Encoded by Sunder Hattangadi sunedrh at hotmail.com
Proofread by Sunder Hattangadi, Nat Natarajan, NA


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}