% Text title            : Tulasimahatmya Stotram
% File name             : tulasImAhAtmyastotram.itx
% Category              : devii, devI, skandapurANa, mAhAtmya, stotra
% Location              : doc\_devii
% Proofread by          : PSA Easwaran
% Description/comments  : skandapurANa | nAgarakhaNDa | adhyAya 249/1-19||
% Latest update         : August 24, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Tulasimahatmya Stotram ..}##
\itxtitle{.. tulasImAhAtmyastotram ..}##\endtitles ##
vANyuvAcha |
tulasI ropitA yena gR^ihasthena mahAphalA |
gR^ihe tasya na dAridryaM jAyate nAtra saMshayaH || 1||
tulasyA darshanAdeva pAparAshirnivartate |
shriye.amR^itakaNotpannA tulasI harivallabhA || 2||
pibantyA ruchiraM pAnaM prANinAM pApahAriNI |
yasyA rUpe vasellakShmIH skandhe sAgarasambhavA || 3||
patreShu satataM shrIshcha shAkhAsu kamalA svayam |
indirA puShpagA nityaM phale kShIrAbdhisambhavA || 4||
tulasI shuShkakAShTheShu yA rUpA vishvavyApinI |
majjAyAM padmavAsA cha tvachAsu cha haripriyA || 5||
sarvarUpA cha sarveshA paramAnandadAyinI |
tulasIprAshako martyo yamalokaM na gachChati || 6||
shirasthA tulasI yasya na yAmyairanubhUyate |
mukhasthA tulasI yasya nirvANapadadAyinI || 7||
hastasthAtulasIyasya sa tApatrayavarjitaH |
tulasI hR^idayasthA cha prANinAM sarvakAmadA || 8||
skandhasthA tulasI yasya sa pApairna cha lipyate |
kaNThagA tulasI yasya jIvanmuktaH sadA hi saH || 9||
tulasIsambhavaM patraM sadA vahati yo naraH |
manasA chintitAM siddhiM samprApnoti na saMshayaH || 10||
tulasIM sarvakAyArthasAdhinIM duShTavAriNIm |
yo naraH pratyahaM si~nchenna sa yAti yamAlayam || 11||
chAturmAsye visheSheNa vanditApi vimuktidA |
nArAyaNaM jalagataM j~nAtvA vR^ikShagataM tathA || 12||
prANinAM kR^ipayA lakShmIstulasIvR^ikShamAshritA |
chAturmAsye samAyAte tulasI sevitA yadi || 13||
teShAM pApasahasrANi yAnti nityaM sahasradhA |
govindasmaraNaM nityaM tulasIvanasevanam || 14||
tulasIsechanaM dugdhaishchAturmAsye.atidurlabham |
tulasIM varddhayedyastu mAnavo yadi shraddhayA || 15||
AlavAlAmbudAnaishcha pAvitaM sakalaM kulam |
yathA shrIstulasIsaMsthA nityameva hi varddhate || 16||
tathA tathA gR^ihasthasya kAmavR^iddhiH prajAyate |
brahmachArI gR^ihasthashcha vAnaprastho yatistathA || 17||
tathA prakR^itayaH sarvAstulasIsevane ratAH |
shraddhayA yadi jAyante na tAsAM duHkhado hariH || 18||
eko hariH sakalavR^ikShagato vibhAti nAnArasaistu paribhAvitamUrtireva |
vR^ikShAdhivAsamagamatkamalA cha devI duHkhAdinAshanakarI satataM smR^itA.api || 19||

iti shrIskandapurANe nAgarakhaNDe saptachatvAriMshAdhikadvishatatamAdhyAyAntargataM
         tulasImahimAstotraM samAptam |

skandapurANa | nAgarakhaNDa | adhyAya 249/1\-19||
##
skandapurANa . nAgarakhaNDa . adhyAya 249/1-19..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}