% Text title            : tulasImahimA
% File name             : tulasImahimA.itx
% Category              : devii, tulasI
% Location              : doc\_devii
% Transliterated by     : Shree Devi Kumar
% Proofread by          : Shree Devi Kumar
% Acknowledge-Permission: Mahaperiaval Trust
% Latest update         : June 12, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. tulasImahimA ..}##
\itxtitle{.. tulasImahimA \- grahaNAdau niyamashcha ..}##\endtitles ##

prasIda mama deveshi prasIda harivallabhe |
tulasImiti samprArthya archayeddharimavyayam || 1||
asrAtvA tulasIM ChitvA devArchana parAyaNaH |
tatsarvaM niShphalaM chaiva pa~nchagavyena shuddhyati || 2||
pApAni yAni ravisUnupaTasthitAni
gobrahmabAlapitR^imAtR^ivadhAdikAni |
nashyanti tAni tulasIvanadarshanena
gokoTidAnasadR^ishaM phalamApnuvanti || 3||
tulasIkAnanaM yatra yatra padmavanAni cha |
vasanti vaiShNavA yatra tatra sannihito hariH || 4||
tulasIma~njarI grAhyA tadabhAve dalaM smR^itam |
dalAbhAve tu patraM syAtpatrAbhAve tu kAShThakam || 5||
kAShThAbhAve tu mUlaM syAt mUlAbhAve tu mR^ittikA |
mR^ittikAyA abhAve tu tulasI shabda iShyate || 6||
pa~NkajaM pa~ncharAtraM syAtsaptarAtraM tu bilvakam |
tulasI dasharAtraM syAttataH paryuShitaM bhavet || 7||
sa~NkrAntau pakShayorante dvAdashyAM nishi sandhyayoH |
chinvanti tulasIM ye vai nikR^iNvanti hare: shiraH || 8||
grahaNe cha vyatIpAte bhaumabhArgavabhAnuShu |
nAharettulasIpatraM na madhyAhne tataH param || 9||
madhyAhnake pare yastu haripUjAparAyaNaH |
chinoti yastu tulasIM adho gachChati nAnyathA || 10||
nirmAlyamapi vai grAhyaM tulasyA hemapuShpavat |
sha~Nkhodakena prakShAlya viShNave cha nivedayet || 11||
tulasyAH komalaiH patraiH shrIhare: pAdapa~Nkajam |
pUjanaM ye prakurvanti kR^itArthAH syurna saMshayaH || 12||
dvAdashyAM jAgare rAtrau prAshayettulasIdalam |
dvAviMshadaparAdhAMshcha kShamate hariravyayaH || 13||
viShNorvimAnaM yaH kuryAttulasyAH komalairdalai: |
haMsayuktavimAnena viShNulokaM sa gachChati | 14||
pakShadvaye cha sa~NkrAntau dvAdashyAM sUtakadvaye |
sa~Ngraho naiva kartavyo niShiddhadivaseShvapi || 15||
tyajetparyuShitaM puShpaM tyajetparyuShitaM jalam |
na tyajettulasIpatraM na tyajejjAhnavIjalam || 16||
puShkarAdyAni tIrthAni ga~NgAdyAH saritastathA |
vAsudevAdayo devA vasanti tulasIvane || 17||
tulasIgandhamAghrAtha pitarastuShTamAnasAH |
prayAnti garuDArUDhAH sahitAshchakrapANinA | 18||
ropaNAtpAlanAtsekAd darshanAtsparshanAnnR^iNAm |
tulasI dahate pApaM vA~NmanaHkAyasa~nchitam || 19||
amR^itAM sarvakalyANIM shokasantApanAshinIm |
AdhivyAdhiharIM nRRINAM tulasi tvAM namAmyaham || 20||
AmrAropasahasrANi pippalAni shatAni cha |
tatphalaM samamekena tulasI viTapena cha || 21||
rAjadvAre sabhAmadhye sa~NgrAme shatrupIDane |
tulasIsmaraNaM kuryAt sarvantra vijayI bhavet || 22||
kR^iShyArambhe tathA puShye vivAhe chArthasa~Ngrahe |
sarvakAryeShu siddhyarthaM prasthAne tulasIM smaret || 23||
yaH smarettulasIM sItAM rAmaM saumitriNA saha |
vinirjitya ripUn sarvAn punarAyAti kAryakR^it || 24||
khAdanmAMsaM pibanmadyaM sa~NgachChannantyajAdibhiH |
sadyo bhavati pUtAtmA karNayostulasIM dharan || 25||
chatuShkarNe mukhe chaikaM nAbhAvekaM tathaiva cha |
shirasyekaM tathA proktaM tIrthe trayamudAhR^itam || 26||
annopari tathA pa~ncha bhojanAnte dalatrayam |
evaM shrItulasI grAhyA aShTAdashadalA sadA || 27||
pUjanAnantaraM viShNoH arpitaM tulasIdalam |
bhakShayet deha shuddhyarthaM chAndrAyaNashatAdhikam || 28||
naivedmamannaM tulasIvimishritaM
visheShataH pAdajalena viShNoH |
yo.ashnAti nityaM purato murAreH
prApnoti yaj~nAyuta koTipuNyam || 29||
dravyAntarayutaM tailaM na duShyed grahaNaM vinA |
tulasIdalasaMyuktaM grahaNe.api na duShyati || 30||
##
Encoded and proofread by Shree Devi Kumar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}