% Text title            : Importance of worshipping using Tulasi
% File name             : tulasIpatrapUjAmahimA.itx
% Category              : devii, tulasI, devI, pUjA, bRihaddharmapurANam
% Location              : doc\_devii
% Description/comments  : Brihaddharmapuranam | pUrvakhaNDaH | adhyAyaH 8| 18\-32||
% Latest update         : March 27, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Importance of worshipping using Tulasi ..}##
\itxtitle{.. tulasIpatrapUjAmahimA ..}##\endtitles ##
tulasyuvAcha |
punastuShTAva tuShTAtmA vachobhiramalaiH sakhi || 1||
OMkArAya namaste.astu sha~NkarAya namo namaH |
shivAya haraye dakShabalikratuharAya te || 2||
ekatripurahantre te kaiTabhAndhakaghAtine |
shrIgaurIpataye kR^iShNa mahAdeva namo.astu te || 3||
ityAdi stuvatIM devIM tulasIM shivasannidhau |
jagAda varado devo devakInandano hariH || 4||
hariruvAcha |
tulasi shrImati shreShThe vR^inde vR^indAvane priye |
sthirIbhava mama prItyai yAvadAchandratArakam || 5||
sadAbhinandyA vandyA cha surAsuranaroragaiH |
tava patramR^ite pUjA nAdyArabhya bhavenmama || 6||
ekataH sarvanaivedyanAnApuShpavibhUShaNam |
ekataH pachamekaM te dvAdashAkSharamantravat || 7||
tvAM yaH pradakShiNIkR^itya praNamet daNDavat tarum |
sasaptadvIpA pR^ithivI kR^itA tena pradakShiNA || 8||
shrAddhe cha tarpaNe chaiva dAne naivedyadApane |
tvatpatreNa vinA na syAt tattatkarmaphalottaram |
pUjite mayi patraiste tuShTAH syuH sarvadevatAH || 9||
kArttike mAsi te patramekaM yachChati yo janaH |
sa gosahastradAnasya phalamApnoti mAnavaH || 10||
mAghe mAsi cha te patramAlAM yachChati yo janaH |
tasmai ahaM prayachChAmi vAjimedhakratoH phalam || 11||
vaishAkhe mAsi te patrairyo me shayyAM prayachChati |
tasmai ahaM prayachChAmi svameva kimito.adhikam || 12||
vaishAkhe mAsi te patrajalena yo.abhiShi~nchati |
tasmai ahaM prayachChAmi sadAmR^itanidhisthitim || 13||
AShADhe mAsi yo mahyaM tvatpatrarasavAsitam |
jalaM dadAti tasmai cha dadAmyapunarudbhavam || 14||
tvatpatraM yatra tatrApi patet yatra mahItale |
tadahaM shirasA grAhyaM kariShyAmi shivAj~nayA || 15||
tvatpatrajalasiktAnnaM yo bhu~Nkte mAnavaH kvachit |
tadevAmR^itamityuktaM bhuktaM bhAgyavatA shubhe || 16||
tvatpatrarasabhojI yo ga~NgAjalasamanvitam |
so.ahamityeva vij~neyaM satyaM satyaM shape shape || 17||
spR^iShTvA yastulasIpatraM mithyA vadati shobhane |
na tasya narakAdugrAduddhAraH kalpakoTiShu || 18||
tvatkAShThamAlAM tvatkAShThaghR^iShTapa~Nka~ncha yo.adadhat |
ahaM tasyAnugaH shuddhe bhavAmi sutavatpituH || 19||

iti bR^ihaddharmapurANAntargatA nArAyaNakR^itA tulasIpatrapUjAmahimA sampUrNA || 

|| bR^ihaddharmapurANam | pUrvakhaNDaH | adhyAyaH 8| 18\-32||

##
The text follows tulasIkRita nArAyaNastutiH

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}