% Text title            : umAkSharamAlA by Ganapati Muni
% File name             : umAkSharamAlA.itx
% Category              : mAlAmantra, devii, pArvatI, gaNapati-muni, ramaNa-maharShi, devI
% Location              : doc\_devii
% Author                : Ganapati Muni with Ramana Maharshi
% Transliterated by     : DPD
% Proofread by          : DPD
% Description-comments  : From The Collected Works of Vasishtha Kavyakantha Ganapati Muni Vol 1
% Latest update         : November 24, 2012
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. umA akSharamAlA ..}##
\itxtitle{.. umA.akSharamAlAstotram ..}##\endtitles ##
akSharaM vAkpathAtItaM R^ikSharAjanibhAnanam |
rakShatAdvAma naH ki~nchidukShavAhanamohanam || 1||
AkAshakeshamahiShIM AkAravijitorvashIm |
AshAhinajanadhyeyAM AshApAlArchitAM numaH || 2||
indraprabhR^itigIrvANavanditA~NghrikusheshayA |
chandrastanandhayApIDajAyA vijayatetarAm || 3||
IshvarIM sarvabhUtAnAM kaH shivAM stotumIshvaraH |
chaturbhirasameto nA vadanairutabAhubhiH || 4||
umA nAmAdimA bhAmA vAmA shyAmA vimAnamA |
vimAnamAnyamAyA mA bhimA rAmAnumAtu mA || 5||
UruM taM dakShiNaM mAtuH smarAmi nijamAsanam |
yasmAdahaM paribhraShTaH kalkI bhUbhuvanaM gataH || 6||
R^iShINAM chakShuSho jyotiH bAlA shailasya chakShuShaH |  
harasya chakShuShaH kAntA mAtomA mama chakShuShaH || 7||
R^IkAraM veShTitaM dvAbhyAM nAbhyAmubhayato disham |
AkAro vA kShamaH pAtuM sa chandreNa vataMsitaH || 8||
lR^ikAraH shItalApA~Ngi kakAreNeva sarvadA |
shliShTa eva tvayA gauri merudhanvA prayujyaye || 9||
lR^IkAro.amba tvayA bAlye kalabhAShiNi bhAShitaH |
nachedayamasanvarNo gR^ihyate kathamAgame || 10||
eNastanandhayAlokaM ekAntAlochanAmR^itam |
ekAmranAyakadR^ishorbhAgyaM vijayatetarAm || 11||
aishvaryaM kaH pumAnIShTe girijAyAH prabhAShitum |
chAmaragrAhiNI yasyAH svayamambhojavAsinI || 12||
o~NkAra iva sharvasya hrI~NkArastava vAchakaH |
anayorambike bhedaM yo na veda sa veda nA || 13||
audArye devatA dhenuH saundarye maNiputrikA |
svayaM shaktirnagasutA trilokI rAjyamarhati || 14||
aMsayorvinataM samyagunnataM kuchakumbhayoH || 
amR^itaM sha~NkaradR^ishoH paraM jayati daivatam || 15||
aH kuNThitto.abhavadyeShu teShu darshitavikramA |
yAtudhAneShu bhImeShu pAtu vo bhImabhAminI || 16||
kamalAsutena yatrAt kR^itAni shR^i~NgAratantrasUtrANi |
stokAnyapi bahulArthAnyagajAhasitAni pAntu tvAm || 17||
khaM bhavatI bhUrbhavatI pavano bhavatI hutAshano bhavatI |
salilaM cha devi bhavatI bhavatIM hitvA na ki~nchidapi || 18||
gaNapataye stanaghaTayoH padakamale saptalokabhaktebhyaH |
adharamaNau tripurajite dadhAsi pIyUShamamba tvam || 19||
ghanamatidAyakaveNI vANIpatimukhyadevatAvinutA |
puraripupANigR^ihItI pUrNaM vidadhAtu me kAmam || 20||
~NatvaM vAdasya lipau mAtaH kenApi li~Ngabhedena |
tvadrUpatA purArestadabhAve tu dvayoraikyam || 21||
cha~nchalavishAlanayanA tu~NgakuchA cha~ncharIkanIlakachA |
pa~nchamukhasya purandhrI jagatoM.ahaHsa~nchayaM haratu || 22||
ChatragrahaNaniyojyA dashashatanetrasya bhAminI yasyAH |
tasyAshcharaNamumAyA bhavAtape klishyatAM Chatram || 23||
jambukanAyakanayanajyotsneyaM ra~NgashAyino bhaginI |
akhilAnAmaNDAnAmadhirAj~nI vijayate chaNDI || 24||
jha~NkR^itiM karoti chennamattaShaTpadAvalI 
     yanmukhAmbujanmanA sugandhinA nimantritA |
karNakuntalabhramAdbhavena naiva vAryate 
     shailashakraputrikA dhunotu sA mama bhramam || 25||
~nama~NaNanAH samprokttA chapakaTatAkhyeShu gauri vargeShu |
uttamasaMj~nAH prAj~naiH naravarge tu tvada~NghriratAH || 26||
Ta~NkR^itimukharitadikkaM sajyaM bANAsanaM kare dadhatI |
dhyeyA mAyA shabarI shatrubhayaM tartukAmena || 27||
Tha~NkamapUrvaM lakShmyA prahasanpravadasyalaM tu vadanasya |
parito munibhirgItaH parigraho dhUrjaTerjayati || 28||
Damarudharo bhagavAnapi gAyati yasyAH shubhaM guNavrAtam |
tasyAH shikharisutAyA nAkR^itapuNyo bhavedvandI || 29||
DhakkAdivAdyahastapramathasamArAdhitashravaNayugmA |
shubhrakiraNArdhamauleH shuddhAntavilAsinI jayatI || 30||
NaTadhAtvarthe chaturo nAtho yasyAstara~NgiNIdhArI |
agapuruhUtasutA sA karotu me mAnase naTanam || 31||
tanukAntivijitakanakA taraNiH saMsAradhorajalarAsheH |
taruNAruNAbhacharaNA tanotu me girisutA kShemam | 32||
thasyeva yasya nAsti prArambho yena na dvitIyatvam |
tasya gR^iNantyakSharatA yasminnapi tanmaho jayati || 33||
darahasitadviguNIkR^itamukhakAntirjayati purajitaH kAntA|
nayanonmeShavilAso yasyAH sakalAni bhuvanAni || 34||
dharaNIdharasya duhitA dharaNIdharavAsino vadhUrdayitA|
dharaNIviTasya bhaginI dharaNImetAmumA pAtu || 35||
nagaje pAyaM pAyaM lAvaNyasudhAM tvadIyagAtrasya |
nayanA~njalinA shUlI babhUva mR^ityu~njayo manye || 36||
patirugradR^iShTirugro yuvarAjo.ayaM sadA madopetaH |
tava rAj~ni na karuNA ched bhuvanasya kathaM shubhaM bhavatu || 37||
phalitaM mamAmba sukR^itaM kAlenaitAvatA na sandehaH |
yad bhavadIyaM stotraM pavitramIshAni rachayAmi || 38||
balibhirnipIDyamAnAnabalAn pAtuM gR^ihItajananAya |
balamamba dehi mahyaM balimetatkalpayAmi manaH || 39||
bhavadIyasya maheshvari kaTAkShanAmno navasya medhasya |
prAvR^iShamahamAsha~Nke karuNAM kalyANatoyamuchaH || 40||
matirahitaH stuvasi tvaM yaM ka~nchana dhanapishAchikAviShTam |
iShTaM cha naiva labhase pashya jaganmAtaraM stutvA || 41||
yaminAM smartuM yogyaM nigamAgamavAkyasa~nchayairmR^igyam |
mUrtaM lochanabhAgyaM purAmarerjayati nIpavane || 42||
rathacharaNapANibhaginI dAnavadamanI namadvipachChamanI |
bhuvanatrayasya jananI vindhye dharaNIdhare jayati || 43||
lalanAjanaprakANDaM kalanAdaparAstabAlakalakaNTham |
puravairiNaH kalatraM muravairi samarchitaM bhaja re || 44||
vandyamumApadakamalaM nindyamidaM sa~NgakAraNasadanam |
vayasi sakale.apyatIte nayasi mudhA mugdha kiM kAlam | | 45||
shambarashAtravashAtravakalatrapadamitramahamaho dhanyaH |
bhUmaNDale vishAle sadR^ishaH puruSho mayA ko.anyaH | 46||
ShaDvadanasya savitrI ShaNNAM hantrI manaH sapatrAnAm |
ShaDbhirgamyaM mArgairbhargasya purandhrikAsthAnam || 47||
sarvatra sa~Ngamukto garvaviyuktaH svatantrasa~nchAraH |
nirvarNayan kadA vA sharvavadhUdhAma viharAmi || 48||
harimukhavanditacharaNA hariNA~NkamadApahAsyarajIvA |
hariNastanandhayAkShi harinAyakavAhanA jayati || 49||
kShatriyAntakAriNaH prasUtvameva kevalaM
     nApa kApi yatkalA mamApi mAtR^itAmagAt |
duShTalokamAriNI nR^isiMhashaktirUpiNI
     dhUrjaTervadhUTikA dhunotu sA madApadam || 50||

||   iti shrIbhagavanmaharShiramaNAntevAsino vAsiShThasya
narasiMhasUnorgaNapateH kR^itiH umA.akSharamAlA samAptA  ||

anuShTubvR^ittam  (1\-16) | AryAvR^ittam (17\-24) |
tUNakavR^ittam (25) || AryAvR^ittam  (26\-49) | tUNakavR^ittam (50) |

##
From the complete volume 1 of collected works of Ganapati Muni 

Encoded and proofread by DPD

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}