% Text title : umAsahasram % File name : uma1000.itx % Category : sahasranAma, devii, pArvatI, stotra, gaNapati-muni, devI % Location : doc\_devii % Author : Ganapati Muni, disciple of Ramana Maharshi % Transliterated by : Various volunteers listed at http://surasa.net/uma/ % Proofread by : Daksha, Sunder Hattangadi % Latest update : April 15, 2010 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. umAsahasram ..}## \itxtitle{.. umAsahasram ..}##\endtitles ## %##c01-q1/Nalini.Kalavacharla/uma\_sahasram1-25\.txt medskip## prathamaM shatakam prathamaH stabakaH vyomasharIrA\, strIrUpA cha ##(##AryAvR^ittam##)## akhilajaganmAtomA tamasA tApena chAkulAnasmAn | anugR^ihNAtvanukampAsudhArdrayA hasitachandrikayA || 1\.1|| nikhileShu pravahantIM nirupAdhivimarshayogadR^ishyormim | ajarAmajAmameyAM kAmapi vande mahAshaktim || 1\.2|| sA tattvataH samantAtsatyasya vibhostatA tapashshaktiH | lIlAmahilAvapuShA haimavatI tanuShu kuNDalinI || 1\.3|| paramaH puruSho nAbhirlokAnAM satya uchyate lokaH | paritastataH sarantI sUkShmA shaktistapo lokaH || 1\.4|| antargUDhArthAnAM puruShAgnerdhUmakalpa udgAraH | shaktijvAlAH paritaH prAnteShvabhavajjano lokaH || 1\.5|| atisUkShmadhUmakalpaM lokaM tatamAKyayA.anyayA nAkam | etaM tato.api sUkShmA vyAptA.antarataH parA shaktiH || 1\.6|| dhUmAntaroShmakalpA shuddhajvAlopamA cha yA shaktiH | tAM divamAhuH kechana paramaM vyomApare prAhuH || 1\.7|| udgIrNadhUmakalpo yo.ayamapAro mahA~njano lokaH | vyomAntarikShagaganaprabhR^itibhirabhidhAbhirAhustam || 1\.8|| prAnteShu ko.api shakteH pR^ithagAtmA viyadupAdhisa~Ngena | paramAtmano vibhaktaH svayamabhimantA viniShpede || 1\.9|| dakShaH parokShamuditaH panthA eSha tviShAM jano lokaH | tadgarbhe labdhAtmA kathitA dAkShAyaNI shaktiH || 1\.10|| satyAH prAgapi shakteH prAdurbhAvaH sa kIrtyate prathamaH | IshAbhimAnamayyAH pR^ithagabhimAnitvaniShpattyA || 1\.11|| AkAshasya sutaivaM lakShaNayA vastutaH prasUH shaktiH | aditerdakSho dakShAdaditiriti shrutirabAdhaivam || 1\.12|| jagatAM mAtApitarau satIbhavau ke.api paNDitAH prAhuH | aditiprajApatI tAvapareShAM bhAShayA viduShAm || 1\.13|| divyapumAkR^itimIshe bibhrati lIlArthamasya ramaNAya | divyavanitAkR^itiM sA babhAra mAtA cha bhuvanAnAm || 1\.14|| bhAsurahemAbharaNAM bahushobhAmIshvarapramodakalAm | mUrtiM pAvanakIrtiM tAM haimavatImumAmAhuH || 1\.15|| tasya prathamaH sAkShI bhuvanajuShAM nayanashAlinAM madhye | vapuShaH kIlAdisudR^isho nirupamapuNyo nilimpapatiH || 1\.16|| pallavamR^idu vedigatajvalanapavitraM mahArghamaNikAntam | navachandrakhaNDasaumyaM shivasudR^ishastatsmarAmi vapuH || 1\.17|| kechana gaurIM devIM shItAdrerdevatAtmano jAtAm | kathayanti striyamuttamalAvaNyAsvAdito gaNyAm || 1\.18|| satyaiva bhavatu seyaM kathA tathA.api prabhAShitAM bhaktaiH | tAM mUrtimAdisudR^isho jAnIyAtkamapi tejoMsham || 1\.19|| manyante ke.api ghanaM parvatamuktaM nigUDhayA vAchA | prAdurbhavati gabhIradhvaniraviShahyA yataH shaktiH || 1\.20|| AkAsho golebhyo yadvitarati nijarajashchayAdannam | neshAya kIrtyate sA saMsAre dakShayAgakathA || 1\.21|| vyAptA.api yannigUDhA bahirIkShakabuddhyapekShayA naShTA | shaktiryAge tasminnavasAnaM taduditaM satyAH || 1\.22|| parvatanAmno vaidikabhAShAyAM yadiyamatibalA shaktiH | ghanato bhavati vyaktA tadabhihitaM pArvatIjananam || 1\.23|| tejoMshataH shivAviha himAchale.anugrahAya bhUmijuShAm | datto yatsAnnidhyaM lIlAchAritramanyadidam || 1\.24|| etAsAmAryANAM jAnantaH shAstrasammataM bhAvam | jAnIyurbhavamahiShIM bhuvanAnAmambikAM devIm || 1\.25|| ##\ \ 25## \medskip\hrule\medskip %##c01-q2/Nandini.Kuppa/uma-c01-q2\.txt medskip## dvitIyaH stabakaH sargAdivarNanam ##(##pa~nchachAmaravR^ittam##)## sahAdareNa yo valakShapArijAtamAlayA galasthalIvibhUShayA dhvaniM vinaiva bhAShate | maheshapuNyayoShito manoj~nahAsa eSha me vibhUtaye prakalpatAM vidhUtaye cha pApmanAm || 2\.1|| nirantarashrite sadA kR^ipArasapravAhinI vilAsinItanurvibhoH pumAkR^itervimohinI | sudhAtara~NgakalpahAsabhAsurAnanA shivA padAbjalambino dhunotu pApmanaH phalaM mama || 2\.2|| karoti yA bibharti yA nihanti yA jagattrayaM samantato vibhAti yA na dR^ishyate kvachichcha yA | atIva guptarUpiNI gurUpadeshamantarA na shakyate budhaishcha boddhumandhakArisundarI || 2\.3|| mahAndhakArabandhurasya bhUtasa~nchayasya yA vinidritasya sarvabIjadhAmni maunamudrite | samantato vijR^imbhaNAya bhAsanAya chAbhavan mahadvidhAya cheShTitaM mameyamiShTadevatA || 2\.4|| maheshagarbhataH samastabhUtabIjakoshataH kirantyasheShavishvamapyapAradivyavaibhavA | vichitracheShTayA.a.adyayA vidhUtanAthanidrayA jagannutA jayatyasAvanAdishaktiradbhutA || 2\.5|| bhavaM bhaNanti tAntrikAstvadAshrayaM tamavyayaM samAmananti vaidikAH sadarchite sadAhvayam | na kashchidarthabheda etadAkhyayordvayorbhave\- dbhideyamAdimaM padaM pumAnparaM napuMsakam || 2\.6|| sa chedbhavo.abhidhAnato bhavAnyasi tvamavyaye samIryate sa sadyadi tvamamba bhaNyase satI | na te.asti bhAvatA na shaktirUpiNI hi vidyase na vedmi kAlike kathaM sato.asatashcha bhidyase || 2\.7|| jagadvidhAnakAryataH purA surAsurastute tvamamba jIvitaM bhavasyabhAvamUlavAdinAm | vikalpavarjitA matiH prabodhamUlavAdinAM raso.anapekSha uttamaH pramodamUlavAdinAm || 2\.8|| bhavatyasAvato bhavAnyanAdirantavarjitA jaganti mAti nityamorasau tadabhyudhAyyumA | rasAtmikoshyate.akhilairasau tataH shivochyate paraivamIshitushchitistridhA budhairudIryate || 2\.9|| chitiH paraiva kAmanA rasena kenachidyutA chitiH paraiva sarvadA.apyanastyajasya tu kriyA | chitiH paraiva gocharAvabhAsikA matiH smR^itA tritaivamanyathA chiteshchirantanairudIryate || 2\.10|| chikIrShati prabhau jvalattvadIyakIlasantater\- vikIrNadhUmajAlametadambarasthalaM tatam | visR^iShTitaH purA.asi yA shivaprabhutvarUpiNI pR^ithakprabhushcha lakShitA.asi sA savitri puShkare || 2\.11|| punarvipAkato ghanIbhavadbhirakShigocharai\- statastataH samujjvalaiH khasUkShmareNugolakaiH | ajANDavR^ikShakoTikandavR^indavadvyadhAH purA maheshadR^iShTimayyume.amba maNDalAni bhAsvatAm || 2\.12|| tapo.agnidhUmajAlake bhavanti taijasANavo bhavanti jIvanANavo bhavanti pArthivANavaH | krameNa tadvisR^iShTirIshashaktipAkavaibhave sahasrabhAnumaNDalaM tu gocharAdi gR^ihyatAm || 2\.13|| mayUkhamAlimaNDale nidhAya pAdamugrayA mayUkhashaktirUpayA tvayA.amba cheShTamAnayA | khakoshataH samAhR^itaiH punastrirUpareNubhir\- vyadhAyi ma~NgalAdibhiH saha grahairiyaM mahI || 2\.14|| visarjanena bhUyasA.api devyatR^iptayeyatA vicheShTitaM vilakShaNaM punarvyadhIyata tvayA | ihAntare vasundharAmayUkhamAlibimbayor\- amuShya karmaNaH savitri chandramaNDalaM phalam || 2\.15|| vadhUpumAkR^itI tato babhUvathuryuvAM shive tvamIshvarashcha lIlayA vihartumatra viShTape | aho prabhuM nabhastanuM tvadIyagarbhasambhavA\- dbhaNanti kAli tatra chitrabhAShaNAstvadAtmajam || 2\.16|| pumAnatho sa bimbato hiraNmayo divAkare dhiyA.api naiva kevalaM hiraNmayena varShmaNA | idaM tu kAryarUpamanyaduchyate budhaiH prabho\- rihAntare nR^iNAM punarvapustadamba bimbitam || 2\.17|| svayaM cha kA~nchanaprakAshavarShmaNA prabhAkare tathA.antare nR^iNAM cha tasya bimbitA.asi sannidhau | rasasya devatA.asi devi puShkare divAkare mayUkhadevatA.asi bhogadevatA.asi dehiShu || 2\.18|| visarjanena bhUyasA nabhasyamutra bhAskare mahIShu chAmbike yuvAM vidhAya dehino bahUn | kShiteH sudhAkaraM gatAn pitR^In vinetumavyaye tanU cha tatra babhrathuH prapa~ncharAj~ni mAyayA || 2\.19|| nabho.antare hiraNmayaM vibhuM prachakShate haraM dineshabimbabimbitaM bhaNanti pa~NkajAsanam | ihAsmadantarAlayaM vadanti viShNumachyutaM savitri janminAmiyaM trimUrtivAdidhoraNi || 2\.20|| nabho.antare prachakShate hiraNmayA~NgamIshvaraM dineshabimbapUruShaM hiraNyagarbhamAkhyayA | virAjamAnamakSharaM virAjamantare nR^iNAM savitri tattvavedinAmiyaM tu nAmakalpanA || 2\.21|| hiraNmayA~Ngamambare vadanti somamambike divAkarasya maNDale tu bimbitaM purandaram | sharIriNAmihAntare.agnimAlapanti bhAsuraM chirantanoktidarshinAmiyaM shive praNAlikA || 2\.22|| saroruhAkShavAgvadhUmanoharau tu pUrvava\- tsudhAMshubimbapUruShastu rudrasaMj~nakaH shive | hiraNmayo.antarikShajAta IshvaraH sadAshivaH sadeva vastu kA~nchanA~Ngi pa~nchamUrtivAdinAm || 2\.23|| prabhoH pramA.a.aditastataH pramAvatI svayaM pR^ithag vihAyasA sharIriNI prabhau tato hiraNmaye hiraNmayA~NganAkR^itirnabho.antare cha bhAskare tathA.antareShu dehinAM maheshvarI jayatyumA || 2\.24|| madIyamambikA.akhilasya viShTapasya duShTadhI\- daviShThapAdapa~NkajA dhunotu kaShTajAlakam | ime cha komalaiH padairamUlyatalpashAlina\- stadIyama~ncharUpatAM bhajantu pa~nchachAmarAH || 2\.25|| ##\ \ 50## \medskip\hrule\medskip %##c01-q3/Sarada.Susarla/uma-c01-q3-itrans.txt medskip## tR^itIyaH stabakaH sasharIrAyAshcha sAdhanam ##(##tanumadhyAvR^ittam##)## shubhrasmitalesho mAturmarutAnnaH | antastimirANAmantaM vidadhAtu || 3\.1|| Adyau bhuvanAnAM mAtApitarau tau | devAsuramartyairvandyAvavinindyau || 3\.2|| brUte pR^ithagekastau vigrahavantau | AhaikasharIraM dvandvaM kaviranyaH || 3\.3|| shaktiM tanushUnyAmIshaM cha pumAMsam | vakti pramadAyAM sandehayuto.anyaH || 3\.4|| IshaM cha tameke sanmAtramushanti | brahmaikamathAnye gAyanti na shaktim || 3\.5|| kechittanuhInaM praj~nAyutamIsham | shaktiM vidurasya praj~nAmavikuNThAm || 3\.6|| uktaM dadhatastaiH kechit punarAhuH | mAyAtanubandhaM nAthasya na shakteH || 3\.7|| nityaM sasharIrau yeShAM pitarau tau | eko.apyathavA tAn pratyAha nisargaH || 3\.8|| mAtApitarau yat tAvekasharIrau | chitraprathanArthA sA kAchana lIlA || 3\.9|| sanmAtrakathAnAM kArye manujAdau dhIsvAntavikAsaH syAtkAraNahInaH || 3\.10|| advaitibhiranyA mAyA.a.ashrayaNIyA | shakteratiriktA sA kiM kimu vAdaiH || 3\.11|| na syAt pR^ithagAtmA shakteH kimupAdheH | chakShuH shritachittervishvAkR^ititA vA || 3\.12|| ekAntavidehau tau chedatisUkShmau | lIlAtanubandhAshaktAvabhidheyau || 3\.13|| bhaktAnanugR^ihNan divyAdbhutalIlaH | tadvigrahabandho bodhyo lasadarthaH || 3\.14|| strItvaM yadi neShTaM puMstvaM kuta iShTam | nA vA kimu nArI na syAdanumeyA || 3\.15|| tasmAt pitarau tau vAchyau matimantau | sUkShmAvapi bhUyo lIlAtanumantau || 3\.16|| nAsmattanuvatte shaktIshvaramUrtI | ekA.amR^itarUpA tvanyA praNavAtmA || 3\.17|| divyaM ghanatejaH kurvad dhvanimantaH | sampashyadasheShaM mUrtiH praNavAtmA || 3\.18|| divyo ghanasomaH syaMdan rasamantaH | bhu~njan bhuvanaughaM pIyUShasharIram || 3\.19|| bodho.anavalambo divyaM khalu tejaH | modaH parishuddho divyaH khalu somaH || 3\.20|| somAMshamahoMshau yAto ghanabhAvam | pitrorbhuvanAnAM sa~NkalpamahimnA || 3\.21|| ArAdhayasIshaM taM chinmayakAyam | AnandamayA~NgI tvam devi kileyam || 3\.22|| divyaM tava kAyaM divye tava vastre | divyAni tavAmba svarNAbharaNAni || 3\.23|| yaddevi vilokyA.asyaprAkR^itakAyA | yuktIH samatItA seyaM tava mAyA || 3\.24|| navyAstanumadhyAH pratnAM tanumadhyAm | vidvatsadasImAH samyakprathayantu || 3\.25|| ##\ \ 75## \medskip\hrule\medskip %##c01-q4/Prasad.Kuppa/c01-q4\.txt medskip## chaturthaH stabakaH AdhyAtmikavibhUtayaH ##(##gItivR^ittam##)## amR^itAMshubiMbasArAd bhUyo.api vinirgato bhR^ishaM sUkShmaH | sAro gaurIvadanAd darahAso haratu duHkhajAlaM naH || 4\.1|| kulakuNDe prANuvantI chetantI hR^idi samastajantUnAm | mUrdhani vichintayantI mR^ityu~njayamahiShi vijayate bhavatI || 4\.2|| tejojalAnnasAraistrayo.aNavo mUlahR^idayamasteShu pAkAtte niShpannAstrailokyavyApike.aMba dehavatAm || 4\.3|| pUrNe sharIrashilpe dvAreNa brahmarandhrasaMj~nena | nADIpathena gatvA taijasamaNumAvishasyameyabale || 4\.4|| aMshenAvishyAdau yAsi punastaM tatashcha niryAsi | mArgAbhyAM dvAbhyAM tvaM nADyAH pashchAt purashcha siddhAbhyAm || 4\.5|| yAtAyAtavihAre mAtastasmin bhavatyupAdhiste Arabhya mastakasthalamAmUlAdhAramasthipa~njarikA || 4\.6|| nR^itanuShu viharantIM tvAm upAdhivINAkR^iterjaganmAtaH | sAdR^ishyAt kuNDalinIM parokShavAdapriyAH prabhAShante || 4\.7|| nabhasaH shIrShadvArA pravahantIM ya iha vigrahe shaktim | anusandadhAti nityaM kR^itinastasyetarairalaM yogaiH || 4\.8|| sarveShu vishasi tulyaM nirgachChasi tulyamamba bhuvanAnAm | j~nAtA chedasi shaktyai na j~nAtA chedbhavasyaha~NkR^ityai || 4\.9|| avataraNaM dhyAtaM ched ArohaNamadbhutaM bhavechChakteH | yasminnidaM sharIraM bhavati mahadvaidyutAgniyantramiva || 4\.10|| ArohaNamadhyAtR^iShu hR^idaye.aha~NkAramAtraniShpatyai | tadanu sharIramidaM syAt sukhAya duHkhAya vA yathAbhogam || 4\.11|| yA vyaktitA janimatAmaha~NkR^itiH sakalabhedadhIbhUmiH | pR^ithagiva tavAmbike sA sattaivopAdhisaMshrayAd bhAntI || 4\.12|| etAmAhuravidyAM bIjaM saMsAravR^ikSharAjasya | sarvarasaphalayutasya prArabdhajalena devi dohadinaH || 4\.13|| vyaktitvArpakadehe nimne kulyeva janimatAM mAtaH | pravahatyanArataM te shaktishchitrANi devi tanvAnA || 4\.14|| sAramapAmaNubhUtaM hR^idayasthaM sUrayo vidushchittam | shreShThaM prANaM kechana pa~nchAnilamUlabhUtamAhurimam || 4\.15|| mana eva chittasaMj~naM vyavaharatAM vibhajanAnabhij~nAnAm | kavilokavyavahArastadadhInastattvadhIrbhavatyanyA || 4\.16|| tadanAhatasya vilasad dakShiNato daharanAmakaguhAyAm | chittaM kulakuNDAtte kA.apyanugR^ihNAti devi rashmikalA || 4\.17|| chittamaNu shliShTaM te kalayA.a~NguShThapramANamiva bhAsA | darpaNamamalabrahmapratibimbAkarShakaM shive bhavati || 4\.18|| antaramAvartAbhaM pratibimbamakAyametadIshasya | aMguShThAbhaM prAhurmAnenopAdhichaittabhAsaste || 4\.19|| dampatyorvAM rUpapratibimbau chakShuShoH shive bhavataH | kulakuNDe hR^idaye chApyarUpayoreva kashchidullAsaH || 4\.20|| chittamaNIyo vittaM ya idaM mUlye prapa~nchato.apyadhikam | hR^idayaguhAyAM nihitaM jAnIte sa vijahAti bahirAshAH || 4\.21|| aprAptA mUrdhAnaM hR^idayAt samprasthitA dhR^itA nADyA | tvadruchiruktA buddhistvayi niShThA bhavati devi tanniShThA || 4\.22|| annamayANuM prAptaM dhIjyotishchandramArkamiva tejaH | paribhAShyate maheshvari mana iti sa~NkalpasambhavasthAnam || 4\.23|| sa~Nkalpe sa~Nkalpe chichChaktiM manasi visphurantIM tvAm | ya upAste sa janaste gR^ihNAti maheshavallabhe charaNam || 4\.24|| AdhArachakrashayane mameha nidrAM vihAya vichalantIm | gItaya etAH paramAmupatiShThantAM jagadvibhoH kAntAm || 4\.25|| ##\ \ 100## || samAptaM cha prathamaM shatakam || \medskip\hrule\medskip %##c02-q1/Ravi.Shamavedam/uma-c02-q1\.txt medskip## dvitIyaM shatakam pa~nchamaH stabakaH pariNayaH ##(##upajAtivR^ittam##)## shrIkhaNDacharchAmiva kalpayantyo muhuH kapoleShu sakhIjanasya | shrIkaNThakAntAhasitA~NkurANAM shrImanti kurvantu jaganti bhAsaH || 5\.1|| kIrtirvalakShA kusumAyudhasya svarNAdrikodaNDajayonnatasya | darasmitashrIrdviradAsyamAtur\- drAghIyasIM vo vitanotu bhUtim || 5\.2|| pramathyamAnAmR^itarAshivIchi\- prodgachChadachChAchChatuShArakalpAH | yuShmAkamichChAM vidadhatvamoghAM vighneshamAturdarahAsaleshAH || 5\.3|| chandrAtapaH kashchana samprasanno maheshanetrAtithitarpaNo naH | manobhilAShaM saphalIkarotu maheshvarIhAsalavaprakAshaH || 5\.4|| valakShavakShojapaTA~nchalena chalena sArdhaM kR^itakelayo naH | puratrayArAtikalatrahAsa\- bhAso nirAsaM vipadAM kriyAsuH || 5\.5|| bhUyAsurAyAsaharANi tAni smitAni bhUteshamR^igIdR^isho naH | yeShAM tviSho bibhrati digvadhUTI\- gaNDeShu karpUraparAgalIlAm || 5\.6|| kurvantu kAmaM saphalaM ##(##tva##)## madIyaM kulAdrikanyAhasitAni tAni | yeShAM mayUkhaiH kriyate sitAdrer\- udyAnavATIShu navo vasantaH || 5\.7|| AmreDitaM bhUShaNachandrabhAsAM nAsAvibhUShAmahasAM dviruktiH | purArinArIsmitakAntayo me pUrNAni kurvantu samIhitAni || 5\.8|| nirmAya vishvAlayamamba sharva\- stvayA samaM shilpavidA sa shilpI | vihartumichChannayi voDhumaichCha\- nnArIM bhavantIM puruSho bhavaMstvAm || 5\.9|| divyaM dukUlaM dhavalaM dadhAnA veNyA phaNIndropamayA lasantI | praphullarAjIvavilochanA tvaM prapa~nchabharturnayanAnyahArShIH || 5\.10|| pratya~NgabandhaM jvaladuttamaM te bhuja~NgarAjopamaveNirUpam | AtmaikaniShThasya cha vishvabhartur\- ArAdhayAmAsa vilochanAni || 5\.11|| abhUstvamAdyasya manomadAya sa chApi te prItipadaM babhUva | na kevalaM vAM sakalasya chAsI\- ddAmpatyabandhasya tadamba bIjam || 5\.12|| tavAtikAntA nayAnAntavR^itti\- rhAsaH purAreshcha navenduhArI | ubhau vivAhotsavapUrvara~NgaM nirvartayAmAsaturAdirAme || 5\.13|| dAtuM prabhuH sAntvayituM samarthaH kartuM kShamastarjayituM cha shaktaH | saMrakShatAnmAM tava sarvavandye karastuShArAMshubhR^itA gR^ihItaH || 5\.14|| spraShTuM na shakyA parame paraistvaM sa chAnyayA chintayituM na shakyaH | tvameva sharvasya sa eva te.amba dAmpatyamevaM yuvayostu satyam || 5\.15|| nijAdvataMsenduta indumanya\- mutpAdya te shambhuradAdvataMsam | mUrtAmivAsau shubhagAtri rAtriM prApya tvadIyAM kabarIM chakAse || 5\.16|| babhUvithAgendragR^ihe yadA tvaM sa cheshvarastatra chakAra vAsam | vilokamAnastava devi vidyut pA~nchAlikAyAH kamanIyabhAvam || 5\.17|| siddhaM sa vAM sAdhayituM pravR^itto yogaM pradagdho madanashcha kalpe | vashIti kIrtiM girishasya bhartuM tubhyaM tvaparNeti yashashcha kartum || 5\.18|| ghoraM tapashchedrachitaM tvayA.api prAgrUpabhartuH samanugrahAya | vihAya yatnaM ka ihAkhilA.amba sambaddhamapyarthamupaitu jantuH || 5\.19|| jvalatkapardo dahanA~NkabhAlaH kapAlamAlI karikR^ittivAsAH | bhuja~NgabhUSho bhasitA~NgarAgaH puShpeShu vairI paruShATTahAsaH || 5\.20|| shmashAnavAsI puruShastrishUlI jahAra te chedanaghA~Ngi chetaH | dR^iShTAntamartho.ayamavApa naiva prItirbahiHkAraNamAshriteti || 5\.21|| rUpaM purArerathavA tadetat seyaM cha cheShTA samayAntareShu | kAntaM vapuH kAntatarAshcha lIlA\- stvayA samaM khelitumeSha dhatte || 5\.22|| prahR^iShTayakShaH samavetasiddho nR^ityadgaNendro vikasanmunIndraH | bhUyo.api yogo yuvayorhimAdrau babhAra mAtarmahamadvitIyam || 5\.23|| maheshvarastvAM pariNIya lebhe yAvAtmajau dvAvanaghA~Ngi mukhyau | ekastayorbhrAmyati vishvamattuM bhUbhR^ittaTIrAshrayate batAnyaH || 5\.24|| sa~NkIrtayantyo jagatAM jananyAH kalyANavArtAH kamanIyakIrteH | imAH pramodAya satAM bhavantu sandarbhashuddhA upajAtayo naH || 5\.25|| ##\ \ 125## \medskip\hrule\medskip %##c02-q2/Bhoga.Pappu/uma-02-q2-itrans.txt medskip## ShaShThaH stabakaH mAhAbhAgyam ##(##madalekhAvR^ittam##)## hartAraH shashikIrteH kartAro navabhAsAm | bhartAro mama santu skandAmbAdarahAsAH || 6\.1|| digvallIShvatishubhrAM kurvantaH kusumarddhim | bhUyAsustava bhUtyai manmAtuH smitaleshAH || 6\.2|| ekashchettava shakto brahmANDasya bhavAya | bhargapreyasi hAsaH kiM stotraM tava bhUyaH || 6\.3|| udyAne viyadAkhye kAli tvAM viharantIm | golaiH kandukakalpairalpA vAkkimu mAti || 6\.4|| khaM krIDAbhavanaM te kaH kAryAlaya eShaH | pR^ithvIyaM bahulAnnA mAtarbhojanashAlA || 6\.5|| buddhInAmasi dAtrI siddhInAmasi netrI | vIryANAmasi peTI kAryANAmasi dhATI || 6\.6|| vidyAnAmasi bhAvo hR^idyAnAmasi hAvaH | devAnAmasi lIlA daityAnAmasi helA || 6\.7|| gantR^INAmasi cheShTA sthANUnAmasi niShThA | lokAnAmasi mUlaM lokAderasi jAlam || 6\.8|| devI vyApakatejaH shaktistattvavichAre | atyantaM sukumArI nArI mUrtivichAre || 6\.9|| kva jyotirmahato.asmAdAkAshAdapi bhUyaH | tatsarvaM vinayantI tanva~NgI kva nu nArI || 6\.10|| devendrAya vibhutvaM sUryAyosrasahasram | UShmANaM dahanAya jyotsnAmoShadhirAje || 6\.11|| vAtAyAmitavIryaM vistAraM gaganAya | sAndratvaM vasudhAyai toyAya dravabhAvam || 6\.12|| mAhAbhAgyamapAraM koTibhyo vibudhAnAm | chitrAH kAshchana siddhIrlakShebhyo manujAnAm || 6\.13|| sthANubhyo dhR^itishaktiM gantR^ibhyo gatishaktim | kasmAchchinnijakoshAdekA devi dadAnA || 6\.14|| AshcharyaM vidadhAnA sarvaM vastu dadhAnA | hanta tvaM mama mAtaH kAchitkomalagAtrI || 6\.15|| shroNIbhAranatAyAM kasyA~nchittanugAtryAm | IdR^ikShA yadi shaktiH kAveto nanu mAyA || 6\.16|| rUpaM te tanugAtraM vANI te mR^idunAdA | chApaM te madhurekShuH pANiste sukumAraH || 6\.17|| lole lochanayugme bhIrutvaM prakaTaM te | brahmANDaM tvadadhInaM shraddhattAmiha ko vA || 6\.18|| bhrUbha~NgaM kuruShe chenmugdhe gauri mukhAbje | bhUtAnyapyayi bibhyatyejerannapi tArAH || 6\.19|| shuddhAnteshvari shambhorichChA chettava kA.api | ghoro.agnistR^iNagarbhAdghorAgnerapi shaityam || 6\.20|| draShTuM vishvamapAraM bhAraste dayitasya | kartuM kAryamasheShaM shrImAtastava bhAraH || 6\.21|| sAkShI kevalamIshaH kartuM bhartumutAho | hartuM vA.akhilamamba tvaM sAkShAddhR^itadIkShA || 6\.22|| kAra~NkAramume yad brahmANDAni nihaMsi | tanmanye suramAnye bAlaivA.amba sadA tvam || 6\.23|| lIlojjIvitakAme rAme sha~Nkarasakte | tvatpAdArchanasaktaM bhaktaM mAM kuru shaktam || 6\.24|| etAH pAvanagandhAH sarveshapramade te | hairambyo madalekhAH santoShAya bhavantu || 6\.25|| ##\ \ 150## \medskip\hrule\medskip %##c02-q3/Amrutha.Kuppa/c02-q3-b.txt medskip## saptamaH stabakaH vyomasharIrA\, mAtR^ikAdivibhUtayashcha ##(##vasantatilakAvR^ittam##)## vANIsaroruhadR^isho hayarAjahaMso vaktrAravindanilayAdbahirAgatAyAH | AlApakAladarahAsa iha sthitAnAM kShemaM karotu sutarAM harasundarIyaH || 7\.1|| nAdo.asi vAgasi vibhA.asi chidasyakhaNDA khaNDIbhavantyapi chidasyakhilendrakAnte | tattAdR^ishIM nikhilashaktisamaShTimIshe tvAmantarikShaparikL^iptatanuM namAmi || 7\.2|| vishvaprasiddhavibhavAstriShu viShTapeShu yAH shaktayaH pravilasanti paraHsahasrAH | tAsAM samaShTiratichitranidhAnadR^iShTiH sR^iShTisthitipralayakR^id bhuvaneshvari tvam || 7\.3|| jAne na yattava jagajjanayitri rUpaM sa~Nkalpyate kimapi tanmanaso balena | sa~Nkalpitasya vapuShaH shritashokahantri vinyasyate tava vachotigadhAma nAma || 7\.4|| kAmaM vadantu vanitAmitihAsadakShA\- stvAM sarvalokajanayitri sadehabandhAm | satyaM cha tadbhavatu sA tava kA.api lIlA divyaM rajastu tava vAstavikaM sharIram || 7\.5|| bhUjanmapAMsubhiragarhitashuddharUpA yA kA.api pAMsupaTalI vipule.antarikShe | sA te tanuH sumahatI varade susUkShmA tAmeva devasaraNiM kathayanti dhIrAH || 7\.6|| yA devi devasaraNirbhavamagnadurgA vairochanIti kathitA tapasA jvalantI | rAjIvabandhumahasA vihitA~NgarAgA sA te tanurbhavati sarvasuparvavarNye || 7\.7|| prANAstavAtra hR^idayaM cha virAjate.atra netrANi chAtra shatashaH shravaNAni chAtra | ghrANAni chAtra rasanAni tathA tvachashcha vAcho.atra devi charaNAni cha pANayo.atra || 7\.8|| sarvatra pashyasi shR^iNoShi cha sarvato.amba sarvatra khAdasi vijighrasi sarvato.api | sarvatra cha spR^ishasi mAtarabhinnakAle kaH shaknuyAnnigadituM tava devi bhAgyam || 7\.9|| sarvatra nandasi vimu~nchasi sarvato.amba sarvatra saMsarasi garjasi sarvato.api | sarvatradevi kuruShe tava karmajAla\- vaichitryamIshvari nirUpayituM kShamaH kaH || 7\.10|| vishvAmbike tvayi ruchAM patayaH kiyanto nAnAvidhAbdhikalitA kShitayaH kiyatyaH | bimbAni shItamahasAM lasatAM kiyanti naitachcha veda yadi ko vibudho bahuj~naH || 7\.11|| avyaktashabdakalayA.akhilamantarikShaM tvaM vyApya devi sakalAgamasampragIte | nAdo.asyupAdhivashato.atha vachAMsi chAsi brAhmIM vadanti kavayo.amukavaibhavAM tvAm || 7\.12|| nAnAvidhairbhuvanajAlasavitri rUpair\- vyAptaikaniShkalagabhIramahastara~NgaiH | vyaktaM vichitrayasi sarvamakharvashakte sA vaiShNavI tava kalA kathitA munIndraiH || 7\.13|| vyaktitvamamba hR^idaye hR^idaye dadhAsi yena prabhinna iva baddha ivAntarAtmA | seyaM kalA bhuvananATakasUtrabhartri mAheshvarIti kathitA tava chidvibhUtiH || 7\.14|| AhArashuddhivashataH parishuddhasattve nityasthirasmR^itidhare vikasatsaroje | prAdurbhavasyamalatattvavibhAsikA yA sA tvaM smR^itA guruguhasya savitri shaktiH || 7\.15|| havyaM yayA diviShado madhuraM labhante kavyaM yayA ruchikaraM pitaro bhajante | ashnAti chAnnamakhilo.api jano yayaiva sA te varAhavadaneti kalA.amba gItA || 7\.16|| duShTAnnihaMsi jagatAmavanAya sAkShA\- danyaishcha ghAtayasi taptabalairmahadbhiH | dambholicheShTitaparIkShyabalA balAreH shaktirnyagAdi tava devi vibhUtireShA || 7\.17|| sa~NkalparaktakaNapAnavivR^iddhashaktyA jAgratsamAdhikalayeshvari te vibhUtyA | mUlAgnichaNDashashimuNDatanutrabhetryA chAmuNDayA tanuShu devi na kiM kR^itaM syAt || 7\.18|| tvaM lokarAj~ni paramAtmani mUlamAyA shakre samastasurabhartari jAlamAyA | ChAyeshvarAntarapumAtmani yogamAyA saMsArasaktahR^idayeShvasi pAshamAyA || 7\.19|| tvaM bhUtabhartari bhavasyanubhUtinidrA somasyapAtari biDaujasi modanidrA | saptAshvabimbapuruShAtmani yoganidrA saMsAramagnahR^idayeShvasi mohanidrA || 7\.20|| viShNushchakAra madhukaiTabhanAshanaM yan\- muktaH sahasradalasambhavasaMstutA sA | kAlI ghanA~njananibhaprabhadehashAli\- nyugrA tavAmba bhuvaneshvari ko.api bhAgaH || 7\.21|| vidyutprabhAmayamadhR^iShyatamaM dviShadbhi\- shchaNDaprachaNDamakhilakShayakAryashaktam | yatte savitri mahiShasya vadhe svarUpaM tachchintanAdiha narasya na pApabhItiH || 7\.22|| shumbhaM nishumbhamapi yA jagadekavIrau shUlAgrashAntamahasau mahatI chakAra | sA kaushikI bhavati kAshayashAH kR^ishoda\- ryAtmA~NgajA tava maheshvari kashchidaMshaH || 7\.23|| mAye shive shritavipadvinihantri mAtaH pashya prasAdabharashItalayA dR^ishA mAm | eSho.ahamAtmajakalatrasuhR^itsameto devi tvadIyacharaNaM sharaNaM gato.asmi || 7\.24|| dhinvantu komalapadAH shivavallabhAyA\- shcheto vasantatilakAH kaviku~njarasya | Anandayantu cha padAshritasAdhusa~NghaM kaShTaM vidhUya sakalaM cha vidhAya cheShTam || 7\.25|| ##\ \ 175## \medskip\hrule\medskip %##c02-q4/Shailaja.Dhulipala/umasahasram\_ashtamasthabakam.txt medskip## aShTamaH stabakaH charitratrayam ##(##anuShTubvR^ittam##)## tamasAmabhito hantA chaNDikAhAsavAsaraH | satAM hR^idayarAjIvavikAsAya prakalpatAm || 8\.1|| yA nidrA sarvabhUtAnAM yoganidrA ramApateH | IDyatAM sA mahAkAlI mahAkAlasakhI sakhe || 8\.2|| viri~nchinA stute mAtaH kAli tvaM chenna mu~nchasi | madhukaiTabhasaMhAraM karotu kathamachyutaH || 8\.3|| vAsavaH kAshanIkAshayashola~NkR^itadi~NmukhaH | mahogravikramAdyasmAdAsIdAjau parA~NmukhaH || 8\.4|| yatpratApena santapto manye bADabarUpabhR^it | bhagavAnanalo.adyApi sindhuvAsaM na mu~nchati || 8\.5|| kurvANe bhUtakadanaM yasminvismitachetasaH | eSha evAntako nAhamityAsIdantakasya dhIH || 8\.6|| raNe yenAtiraskR^itya tyakto rAkShasa ityataH | chirAya haridIsheShu koNeshaH prAptavAnyashaH || 8\.7|| yanniyantumashaktasya kurvANamasatIH kriyAH | niyanturasatAmAsItpAshino malinaM yashaH || 8\.8|| bAhuvIryaparAbhUto yasya prAyeNa mArutaH | babhUva kShaNadAnteShu ratAntaparichArakaH || 8\.9|| nidhInyena jito hitvA rAjarAjaH palAyitaH | spaShTaM babhANa mAdhuryaM prANAnAmakhilAdapi || 8\.10|| yasminnuttarapUrvasyA disha ekAdashAdhipAH | kuNThA babhUvurAtmIyakaNThopamitakIrtayaH || 8\.11|| nijashuddhAntakAntAnAmAnanaireva nirjitam | lalajje yaH punarjitvA shUramAnI sudhAkaram || 8\.12|| bAlasyeva krIDanakaiH pravIrairyasya khelataH | lIlAkandukadhIrAsIddeve dIdhitimAlini || 8\.13|| triyAmAcharashuddhAntabhrUvilAsanivAraNam | viShNoH sudarshanaM chakraM yasya nApashyadantaram || 8\.14|| mahiShaM taM mahAvIryaM yA sarvasuradehajA | avadhIddAnavaM tasyai chaNDikAyai namo namaH || 8\.15|| mukhaM tavAsechanakaM dhyAyaM dhyAyaM nirantaram | mR^igendravAhe kAlena mR^iDastvanmukhatAM gataH || 8\.16|| kArtikIchandravadanA kAlindIvIchidorlatA | aruNAmbhojacharaNA jayati triruchiH shivA || 8\.17|| yatte kachabharaH kAlo yadbAhurlokarakShakaH | yuktaM dvayaM shive madhyastvasannAko na nAkarAT || 8\.18|| svadehAdeva yA devI pradIpAdiva dIpikA | AvirbhabhUva devAnAM stuvatAM hartumApadaH || 8\.19|| dhairyachAturyagAmbhIryavIryasaundaryashAlinIm | ratnaM nitambinIjAtau menire yAM surAsurAH || 8\.20|| yadIyahu~NkR^ityanale dhUmrAkSho.abhavadAhutiH | samAptiM bhIShaNaM yAvannaivAvApa vikatthanam || 8\.21|| chAmuMDAshivadUtyau yat kale dAruNavikrame | bhakShayAmAsaturmUrtIH kIrtibhiH saha rakShasAm || 8\.22|| yasyAH shUle jagAmAstaM yashaH shumbhanishumbhayoH | namAmi vimalashlokAM kaushikIM nAma tAmumAm || 8\.23|| yashodAgarbhajananAd yashodAM gokulasya tAm | vande bhagavatIM nandAM vindhyAchalanivAsinIm || 8\.24|| ambikAmupatiShThantAmetAshchaNDImanuShTubhaH | prasannAH sAdhvala~NkArAH siddhapadmekShaNA iva || 8\.25|| ##\ \ 200## || samAptaM cha dvitIyaM shatakam || \medskip\hrule\medskip %## c03-q1/Vijay.Sai.Reddy/c03-q1\.txt medskip## tR^itIyaM shatakam navamaH stabakaH mandahAsaH ##(##AryAvR^ittam##)## shAradavalakShapakShakShaNadAvaimalyashikShako.asmAkam | jAgartu rakShaNAya sthANupurandhrImukhavikAsaH || 9\.1|| vyAkhyAnaM harShasya pratyAkhyAnaM sharatsudhAbhAnoH | dishatu hR^idayaprasAdaM gaurIvadanaprasAdo naH || 9\.2|| antargatasya harShakShIrasamudrasya kashchana tara~NgaH | hAso harahariNadR^isho gatapa~NkaM mama karotu manaH || 9\.3|| dishi dishi visarpadaMshuprashamitatApaM parAstamAlinyam | kushalAni pradishatu naH pashupatihR^idayeshvarIhasitam || 9\.4|| antargataM cha timiraM haranti vihasanti rohiNIkAntam | hasitAni girishasudR^iSho mama prabodhAya kalpantAm || 9\.5|| bhAShAtuShAradIdhitidIdhityA saha vihAyaso ra~Nge | vicharan puraharataruNIdarahAso me haratvenaH || 9\.6|| rudrANIdarahasitAnyasmAkaM saMharantu duritAni | yeShAmudayo divaso bhUShApIyUShakiraNasya || 9\.7|| skandajananImukhendorasmAn puShNAtu susmitajyotsnA | munimatikairaviNInAmullAsakathA yadAyattA || 9\.8|| kamanIyakaNThamAlAmuktAmaNitArakAvayasyo naH | kAmAn vitaratu gaurIdarahAso nAma dhavalAMshuH || 9\.9|| anavadyakaNThamAlAmuktAvalikiraNanivahasahavAsI | haradayitAdarahAso haratu mamAsheShamaj~nAnam || 9\.10|| ~na iva j~nadR^ishya uttama ilAdharAdhIshanandinIhAsaH | pUrNaM karotu mAnasamabhilAShaM sarvamasmAkam || 9\.11|| AlokamAtrato yaH sha~NkaramasamAstraki~NkaraM chakre | alpo.apyanalpakarmA hAso naH pAtu sa shivAyAH || 9\.12|| smaramataratamIshaM yaH karoti bhAvaprasa~NgachAturyA | dvijagaNapuraskR^ito.avyAt sa shivAhAsapravaktA naH || 9\.13|| radavAsasA rathI mAM sharI karaiH pAtu pArvatIhAsaH | pAvakadR^ishaM jigIShoH pa~nchapR^iShatkasya senAnIH || 9\.14|| shivahR^idayamarmabhedi smitaM tadadrIshavaMshamuktAyAH | dashanadyutidviguNitashrIkaM shokaM dhunotu mama || 9\.15|| brahmANDara~NgabhAjo naTyAH shivasUtradhArasahacharyAH | shrIvardhano.anulepo mukhasya hAsaH punAtvasmAn || 9\.16|| adharapravAlashayane nAsAbharaNaprabhAvilAsinyA | ramamANo hararamaNIhAsayuvA haratu naH shokam || 9\.17|| adharoShThavedikAyAM nAsAbharaNAMshushAbakaiH sAkam | kulamakhilamavatu khelannadrisutAhAsabAlo naH || 9\.18|| anulepanasya vIpsA dvirbhAvaH kuchataTIdukUlasya | haratu hR^idayavyathAM me hasitaM harajIviteshvaryAH || 9\.19|| girishA~NgarAgabhasitaM svAgatavachasA.abhinandadAdarataH | girijAlIlAhasitaM garIyasIM me tanotu dhiyam || 9\.20|| dayitena sa.NllapantyAH saha tuhinamarIchishishukirITena | vAgamR^itabudbudo.avyAdalaso mAmagabhuvo hAsaH || 9\.21|| shuddhaH kuchAdrinilayAdapi muktAhArato harapurandhryAH | vadanashrIprAsAde vilasan hAso.alaso.avatu mAm || 9\.22|| vyarthIbhUte chUte gatavati paribhUtimasitajalajAte | anite siddhimashoke kamale.api galajjayashrIke || 9\.23|| bahudhA bibheda hR^idayaM harasya bANena yena sumabANaH | tadumAlIlAhasitaM mallIsumamastu me bhUtyai || 9\.24|| amaladarasmitachihnAstA etAH sarvama~NgalA AryAH | kamanIyatamAsvasamAmupatiShThantAmumAM devIm || 9\.25|| ##\ \ 225## \medskip\hrule\medskip %##c03-q2/Sri.harsha.Pvss/Umashahasram-c03-q02\.txt medskip## dashamaH stabakaH keshAdipAdAntavarNanam ##(##lalitAvR^ittam##)## sa~NkShAlanAya haritAM vibhUtaye lokatrayasya madanAya dhUrjaTeH | kAtyAyanIvadanataH shanaiH shanair\- niryanti shubhrahasitAni pAntu naH || 10\.1|| svalpo.api dikShu kiraNAn prasArayan mando.api bodhamamalaM dadhatsatAm | shubhro.api rAgakR^idana~NgavairiNo hAsaH purANasudR^ishaH punAtu naH || 10\.2|| chetoharo.apyatijugupsito bhavet sarvo.api jIvakalayA yayA vinA | sA varNyatAM kathamapArachArutA pIyUShasindhurakhilendrasundarI || 10\.3|| atyalpadevavanitAM cha pArthivair\- bhAvairvayaM tulayituM na shaknumaH tAM kiM punaH sakaladevasundarI | lokAkShipAraNatanuprabhAmumAm || 10\.4|| varShApayodapaTalasya sAndratA sUryAtmajormichayanimnatu~NgatA | kAlAhibhUmipatidIrghatA cha te kesheShu bhargabhavaneshvari trayam || 10\.5|| IshAnasundari tavAsyamaNDalA\- nnIchairnitAntamamR^itAMshumaNDalam | ko vA na kIrtayati loShTapiNDakaM loke nikR^iShTamiha mAnavImukhAt || 10\.6|| bibhratyamartyabhuvanasthadIrghikA pa~NkeruhANi vadanAya te balim | no chet kathaM bhavati saurabhaM maha\- dbhinne sumebhya urukeshi te mukhe || 10\.7|| gIrvANalokataTinIjaleruhAM gandhe shubhe bhavatu te manoratiH | lokAdhirAj~ni tava vaktrasaurabhe lokAdhirAjamanasastu sammadaH || 10\.8|| ko bhAShatAM tava savitri chArutAM yasyAH smitasya dhavaladyutirlavaH | yasyAH sharIraruchisindhuvIchayaH shampAlatAH pR^ithuladIptibhUmayaH || 10\.9|| lokAmbike na vilasanti ke puro mandasmitasya tava rochiShAM nidheH | ye tu vyadhAyiShata tena pR^iShThato hantaiShu kA.api timirachChaTA bhavet || 10\.10|| kiM vA radAvaliruchirmukhasya kiM samphullatA varadhiyaH kimUrmikA | santoShapAdapasumaM nu sha~Nkara\- premasvarUpamuta devi te smitam || 10\.11|| dikShu prakAshapaTalaM vitanvatA koTiprabhAkaravibhaktatejasA | netreNa te viShamanetravallabhe pa~NkeruhaM ka upamAti paNDitaH || 10\.12|| shrIkarNa eSha tava lochanA~nchale bhAntyA dayAdayitayA prabodhitaH | etaM savitri mama ka~nchana stavaM shrutvA tanotu bharatAvaneH shriyam || 10\.13|| svA nAsikA bhavati yu~njatAM satAM saMstambhinI chalatamasya chakShuShaH | tvannAsikA puraharasya chakShuShaH saMstambhinI bhavati chitramambike || 10\.14|| bimbapravAlanavapallavAditaH pIyUShasArabharaNAd guNAdhikaH | gotrasya putri shivachittara~njakaH shreShTho nitAntamadharAdharo.api te || 10\.15|| dorvallike janani te taTitprabhA\- mandAramAlyamR^idutApahArike | nishsheShabandhadamanasya dhUrjaTer\- bandhAya bhadracharite babhUvatuH || 10\.16|| hastAbjayostava mR^idutvamadbhutaM gR^ihNAti ye sadayameva dhUrjaTiH atyadbhutaM janani dADharyametayoH shumbhAdidarpavilayo yayorabhUt || 10\.17|| rAjantu te kuchasudhAprapAyino lokasya mAtaranaghAH sahasrashaH | eteShu kashchana gajAnanaH kR^itI gAyanti yaM sakaladAyisatkaram || 10\.18|| tvannAbhikUpapatitAM dR^ishaM prabhor\- netuM vinirmalaguNe punastaTam | saumyatvadIyahR^idayaprasAritaH pAshaH savitri tava romarAjikA || 10\.19|| tvanmadhyamo gaganaloka eva chet tvaddivyavaibhavavido na vismayaH | prAj~nairhi sundari puratrayadviSha\- stvaM dehinI tribhuvanena gIyase || 10\.20|| nAbhihR^idAdvigalitaH kaTIshilA\- bha~NgAt punaH patati kiM dvidhAkR^itaH | kAntoruyugmamiShataH savitri te bhAvAripUra ibhashuNDayoH samaH || 10\.21|| ja~NghAyugaM tava maheshanAyike lAvaNyanirjhari jagadvidhAyike | antaHparisphuradaguptasuprabhA\- bANADhyatUNayugalaM ratIshituH || 10\.22|| puShpAstrashAsananishAntarAj~ni te lokatrayasthakhalakampanaM balam | shroNIbhareNa gamane kila shramaM prApnoShi kena tava tattvamuchyatAm || 10\.23|| yatraiva nityavihR^iterabhUdramA rAjIvamandiracharIti nAmataH | tanme sadA bhaNatu ma~NgalaM shivA pAdAmbusambhavamameyavaibhavam || 10\.24|| keshAdipAdakamalAntagAyinIH kantuprashAsananishAntanAyikA | a~NgIkarotu lalitA imAH kR^itIr\- gaurI kaveshcharaNaka~njasevinaH || 10\.25|| ##\ \ 250## \medskip\hrule\medskip %##c03-q3/Ravi.Shamavedam/uma-c03-q3\.txt medskip## ekAdashaH stabakaH pAdAdikeshAntavarNanam ##(##AryAvR^ittam##)## jhaShaketunA prayuktaH sammohanachUrNamuShTirIshAne | darahAso dharaduhituH karotu bhuvanaM vashe.asmAkam || 11\.1|| upajIvadbhiH kAnterleshAMste jagati sundarairbhAvaiH | upamituma~NgAni tava prAyo lajje.amba yatamAnaH || 11\.2|| avataMsapallavatulAM bibhrANaM shrutinatabhruvaH shirasi | charaNaM vrajAmi sharaNaM vAmaM kAmArilalanAyAH || 11\.3|| sha~NkaranayanonmAdanamatimadhuraM bhAti matimatA varNye | ja~NghAyugaM bhavatyAH kusumapR^iShatkasya sarvasvam || 11\.4|| ekaikalokane dvayamanyonyasmaraNahetutAmeti | devi bhavasya tavoruH shuNDA cha gajendravadanasya || 11\.5|| nAko.avalagnamIshvari kaTiravanirbhoginAM jagannAbhiH | kukShau na kevalaM te bahirapi vapuShi trayo lokAH || 11\.6|| manye mahAkR^ipANaM tava veNImachalaputri madanasya | asidhenukAM visha~Nke nishitatarAgrAM tu romAlim || 11\.7|| dviradavadanena pItaM ShaDvadanenAtha sakalabhuvanena | akShayyakShIrAmR^itamambAyAH kuchayugaM jayati || 11\.8|| jagadamba lambamAnA pArshvadvitaye tavAgalAdbhAti | sAndragrathitamanoj~naprasUnamAleva bhujayugalI || 11\.9|| jAnanti shaktimasurAH suShamAM sakhyo vadAnyatAmR^iShayaH | mR^idutAM tavAmba pANerveda sa devaH purAM bhettA || 11\.10|| kambusadR^igamba jagatAM maNiveShoDusrajAkR^itAkalpaH | kaNTho.anaghasvaraste dhUrjaTidornayanakarNahitaH || 11\.11|| harakAnte vadanaM te darshaM darshaM vataMsashItAMshuH | pUrNo.apyavApa kR^ishatAM prAyeNAsUyayA shuShkaH || 11\.12|| chandraM raNAya sakalA chapalAkShIvadanajAtirAhvayatAm | taM tu mahasA mukhaM te maheshakAnte jigAyaikam || 11\.13|| vadanakamalaM taveshvari kamalajayAddarpitaM sudhAbhAnum | nirjitya kamalajAteramalaM mahadAjahAra yashaH || 11\.14|| lAvaNyamarandAshA bhramadbhavAlokabambharaM paritaH | mugdhaM mukhAravindaM jayati nagAdhIshanandinyAH || 11\.15|| shuddhendusAranirmitamAsyArdhaM te bhavAni bhAlamayam | sakalaramaNIyasArairnirmitamardhAntaraM vidhinA || 11\.16|| vadanaM tavAdriduhitarvijitAya natAya shItakiraNAya | dvArapapadavIM pradadA vayamiha darahAsanAmadharaH || 11\.17|| te te vadantu santo nayanaM tATa~NkamAlayaM mukuTam | kavayo vayaM vadAmaH sitamahasaM devi te hAsam || 11\.18|| bimbAdharasya shobhAmambAyAH ko nu varNayitumIShTe | antarapi yA pravishya pramathapatervitanute rAgam || 11\.19|| gaNapataye stanaghaTayoH padakamale saptalokabhaktebhyaH | adharapuTe tripurajite dadhAsi piyUShamamba tvam || 11\.20|| dR^ikpIyUShataTinyAM nAsAsetau vinirmite vidhinA | bhAsAM bhavati shive te mukhe vihAro nirAta~NkaH || 11\.21|| kamalAvilAsabhavanaM karuNAkelIgR^ihaM cha kamanIye | haradayite te vinitahite nayane te janani vijayete || 11\.22|| sarvANyapya~NgAni shrImanti tavenduchUDakulakAnte | kavinivahavinutipAtre shrotre devi shriyAveva || 11\.23|| api kuTilamalinamugdhastava keshaH putri gotrasutrAmNaH | bibhratsumAni kAnyapi hR^idayaM bhuvanaprabhorharati || 11\.24|| charaNAdikuntalAntaprakR^iShTasaundaryagAyinIretAH | a~NgIkarotu shambhorambhojadR^igAtmajasyAryAH || 11\.25|| ##\ \ 275## \medskip\hrule\medskip %##c03-q4/Jayanth.Ganapathiraju/transliteration.txt medskip## dvAdashaH stabakaH shR^i~NgAravarNanam ##(##rathoddhatAvR^ittam##)## sharvadhairyaguNashAtashastrikA shambarArijayaketupaTTikA | mandahAsikalikA madApadaM parvatendraduhiturvyapohatu || 12\.1|| muktabhogikaTakena pANinA mugdhagAtri parigR^ihya te karam | ekadA shashikishorashekharaH sa~nchachAra rajatAdribhUmiShu || 12\.2|| tasya tatra paritaH paribhraman vallabhAM vakulapuShpachumbinIm | pArvati tvadalakopamadyutiH ch~ncharIkataruNo mano.adhunot || 12\.3|| preyasIM chapalachArulochanAmullikhan vapuShi shR^i~NgakoTinA | tvadvilokitanibhairvilokitaiH dhUrjaTeramadayanmano mR^igaH || 12\.4|| ma~njuku~njabhavanAni mAlatIpuShpareNusurabhiH samIraNaH | peshalA cha pikabAlakAkalI mohamIshvari harasya tenire || 12\.5|| agrataH kusumashobhitA latAH pArshvatastvamagapAlabAlike | sarvato madanashi~njinIdhvanirdhIratA kathamivAsya vartatAm || 12\.6|| kIrakUjitasamAkule vane shambhumamba tava pArshvavartinam | AjaghAna makaradhvajashsharairardayantyavasare hi shatravaH || 12\.7|| tADito makaraketunA sharairaMsadeshamavalambya paNinA | ekahAyanakura~NgalochanA tvAmidaM kila jagAda sha~NkaraH || 12\.8|| kAkalIkalakalaM karotyasau bAlachUtamadhiruhya kokilA | vAchamudgira sarojalochane garvamunnatamiyaM vimu~nchatu || 12\.9|| phullakundamakarandavAhino mallikAmukuladhUlidhAriNaH | kampayanti shishavaH samIraNAH pallavAni hR^idayaM cha tanvi me || 12\.10|| varNanena hR^itachakShuShaH shriyaH suprasannamadhurAkR^itIni te | a~NgakAni dayite bhaje.arbhakaH svedabinduharaNena vA.anilaH || 12\.11|| tAvadeva mama chetaso mude barhametadanaghA~Ngi barhiNaH | yAvadakShipathameSha vishlatho gAhate na kabarIbharastava || 12\.12|| rAgavAnadhara eSha santataM nirmaladvijasamIpavartyapi | ebhirasya sahavAsataH priye neShadapyapagato nijo guNaH || 12\.13|| chakShuShaH sudati te sagotratA kairavairnishi dine kusheshayaiH | kashyapairapi vasiShThabAndhavairbhUsuparvaNa iva dvigotriNaH || 12\.14|| alpayA.apyatisamarthayA smitajyotsnayA gaganagaM harattamaH | kevalaM suvachanAmR^itaM kirachchandrabimbamatuShAramAnanam || 12\.15|| nityamabjamukhi te parasparashliShTamashlathapaTIkuTIragam | sharvarIbhayavivarjitaM sthalIchakravAkamithunaM kuchadvayam || 12\.16|| lAlanIyamayi devamaulibhiH komalaM charaNapallavadvayam | kachchidadripuruhUtaputrike na sthalI tudati karkashA tava || 12\.17|| evamAdi vadati trilochane tvanmukhe lasati maunamudrayA | AtatAna jalachAriketano nartanaM nagamahendrabAlike || 12\.18|| devi te purajitAvataMsitaH pArijAtakusumasrajA kachaH | mAnasaM purajito.amunA hR^itaM smaryate kva malinAtmanA kR^itam || 12\.19|| brahmacharyaniyamAdacha~nchalA nAyikA yadi lulAyamardinI | nAyakashcha sumabANasUdano veda ko ratirahasyamAvayoH || 12\.20|| lochanotsavavidhau vishArade vAridAvaraNadoShavarjite | mardayatyapi nabhogataM tamaH shyAmikArahitasundarAkR^itau || 12\.21|| bhAti shItakiraNastanandhaye prANanAyakajaTAkuTIjuShi | shubhraparvatataTe shubhA~Ngi te sammadAya na babhUva kA nishA || 12\.22|| santu bhUShaNasudhAMshudIdhiti vyaktamugdhamukhashobhayormithaH | tAni tAni girijAgirIshayoH krIDitAni jagato vibhUtaye || 12\.23|| modakAdanaparasya sR^iShTaye krIDitaM janani vAM kimapyabhUt | shaktibhR^ittanayaratnajanmane ki~nchidIshvari babhUva khelanam || 12\.24|| mAdhurIrasapariplutA imAH kAvyakaNThaviduSho rathoddhatAH | AdadhatvachalanAthanandinI mAnase kamapi modamuttamam || 12\.25|| ##\ \ 300## || samAptaM cha tR^itIyaM shatakam || \medskip\hrule\medskip %##c04-q1/Prabhanjan.Pandalaneni/umasahasramu\_301-325\.txt medskip## chaturthaM shatakam trayodashaH stabakaH kaTAkShaH ##(##upajAtivR^ittam##)## bhavAmbudhiM tArayatAdbhavantaM hAso.adbhutaH ku~njaravaktramAtuH | yo hanti bimbAdharala~Nghane.api vyaktAlasatvo haritAM tamAMsi || 13\.1|| saktaH sadA chandrakalAkalApe sarveShu bhUteShu dayAM dadhAnaH | gaurIkaTAkSho ramaNo munirvA madIyamaj~nAnamapAkarotu || 13\.2|| kR^ipAvaloko nagakanyakAyAH karotu me nirmalamantara~Ngam | yenA~NkitaH sha~Nkara ekatattvaM vishvaM luloke jagate jagau cha || 13\.3|| kAlIkaTAkSho vachanAni mahyaM dadAtu mochAmadamochanAni | yatpAtapUtaM raghuvaMshakAraM narAkR^itiM prAhurajasya nArIm || 13\.4|| yuShmAkamagryAM vitanotu vANI\- meNIdR^igeShA girishasya yoShA | yasyAH kaTAkShasya visAri vIryaM girAmayaM me vividho vilAsaH || 13\.5|| nagAtmajAyAH karuNormishAlI dR^igantasantAnadhunIpravAhaH | bhIShmeNa taptAnbhavanAmakena grIShmeNa yuShmA.NchChishirIkarotu || 13\.6|| ajasramArdrA daryayA.antara~Nge yathA bhavo nimnagayottamA~Nge | santApashAntiM bhavasundarI me karotu shItena vilokitena || 13\.7|| puNyA sadA.apIshvara eva saktA pativratAsAmyamitA tavekShA | kulAchalAdhIshvarakanyake me saMharamaMhovitatervidhattAm || 13\.8|| sharvasya rAme niyamena hInA shyAmA tavekShA gaNikA~Nganeva | nIche.api martye nipatatyanarghA bibharti nA ShoDasha yaH suvarNAn || 13\.9|| padmAyatAkShi kShitidhArikanye kaTAkShanAmA tava kAlasarpaH | yaM sandashatyeSha jagatsamastaM vismR^itya chAho na dadhAti moham || 13\.10|| IshadviShA shailamahendrakanye karoti maitrIM viShamAyudhena | prabhAShate pAtakinashcha pakShe kutaH kaTAkSho na tavAmba mugdhaH || 13\.11|| kR^ipAnvitaH karNasamIpachArI shrImAnsadA puNyajanAnukUlaH | sAmyaM kuruNAmadhipasya shambhoH prANapriye te bhajate kaTAkShaH || 13\.12|| karNAntikastho.api na dharmavairI kR^iShNo.api matArnakulaM na pAti | shIto.api sandIpayati smarAgniM harasya te shailasute kaTAkShaH || 13\.13|| ayaM kaTAkShastava toyavAhaH kAruNyakAle parijR^imbhamANaH | gR^iheShu lInAn sukhino vihAya nirAshrayAn si~nchati vishvamAtaH || 13\.14|| kasyApi vAchA vapuShA balena samasya sarvairapi yannideshAH | ambhodhivelAsvapi na skhalanti shambhoH priye.ayaM tava dR^ikprasAdaH || 13\.15|| dvAreShu teShAM vicharanti shUrAH saudheShu sAra~NgadR^ishastaruNyaH | pragalbhavAchaH kavayaH sabhAsu sharvANi te yeShu kR^ipAkaTAkShaH || 13\.16|| yatrAmba te ko.api kaTAkShaleshaH sa durjayaH sa~NgarasImni shUraH | pUrvaM divaM pUrayati dviShadbhi\- stato yashobhirbhuvamindugauraiH || 13\.17|| yaM tArakAkAntakalApakAnte na lokase ko.api na lokate tam | yaM lokase tena vilokito.api shriyaM samR^iddhAM samupaiti lokaH || 13\.18|| sudhAM hasantI madhu chAkShipantI yasho harantI vanitAdharasya | pariShkarotyasya kavitvadhArA mukhaM harapreyasi lokase yam || 13\.19|| sarvendriyAnandakarI purandhrI vidyA.anavadyA vipulA cha lakShmIH | iyaM triratnI puruShasya yasya durge tvayA dR^iShTamimaM tu vidmaH || 13\.20|| mudhA kShipasyadrisute kaTAkShAn kailAsakAntAramahIruheShu | itaH kireShattava nAsti hAniH siddhyatyabhIShTaM cha samastamasya || 13\.21|| shItAchalAdhIshakumAri shItaH saMrakShaNe saMshritamAnavAnAm | durdharShaduShTAsuramardaneShu nitAntamuShNashcha tavAvalokaH || 13\.22|| ruShA sametaM vidadhAti nAshaM karoti poShaM kR^ipayA sanAtham | ambauShadhasyeva tavekShitasya yogasya bhedena guNasya bhedaH || 13\.23|| nAshAya tulyoddhatakAmalobha\- krodhatridoShasya bhavAmayasya | shivapriye vIkShitabheShajaM te krINAni bhaktyA vada bhoH kiyatyA || 13\.24|| abhiShTutAM chAraNasiddhasa~Nghai\- striShTubvisheShA api martyasUnoH kR^ipAkaTAkShairvinatAnpunAnAM kapardinaH sammadayantu kAntAm || 13\.25|| ##\ \ 325## \medskip\hrule\medskip %##c04-q2/eama.krishnan.Dadibhatla/c04-q2\.txt medskip## chaturdashaH stabakaH kAlI gaurI kuNDalinI cha ##(##upagItivR^ittam##)## kAraNamakhilamatInAM vAraNamantarlasattamasaH | mandasmitaM maheshvarasudR^isho me shreyase bhavatu || 14\.1|| vishvatanustanugAtrI vajramayI puShpasukumArI | sarvasya shaktirabalA kAlI gauryambikA jayati || 14\.2|| tAmAhurjagadaMbAM gaurIM kechit pare kAlIm | sA gaurI mahilAtanurambaratanuruchyate kAlI || 14\.3|| pAchakashakteH kAlyAH kevalali~Ngena bhidyate kAlaH | yatpAkato gabhIrAdbhuvane sarve.api pariNAmAH || 14\.4|| sarvabhuvanAshrayatvAt kAlI nAmnA diganyena | loke tu vyavaharaNaM viduShAM dikkAlayorbhAktam || 14\.5|| digaditiragAdyakhaNDA pariNamayitrI smR^itA kAlI | dakShasyaikA duhitA sA dve guNabhedamugdhadR^ishAm || 14\.6|| dehe dehe seyaM kuNDalinI nAma jagadambA | sA svapiti saMsR^itimatAM yu~njAnAnAM prabuddhA syAt || 14\.7|| mUlAdhArAdagnirjvalati shirastaH shashI dravati | kuNDalinImayi manye vINAshayanAtprabuddheyam || 14\.8|| yaddravati tatra kiM tvaM kiM tatra tvamasi yajjvalati | kimu tatrAsi maheshvari yadubhayametadvijAnAti || 14\.9|| etAvagnIShomau jvAlabhishchandrikAbhirapi | AvR^iNutastanumanayorvyaktitvaM me pashurbhavatu || 14\.10|| agnistvaM somastvaM tvamadho jvalasi drvasyUrdhvam | amR^itamanayoH phalaM tvaM tasya cha bhoktrI chidamba tvam || 14\.11|| kinnu sukR^itaM mayA kR^itamakhileshvari kiM tapastaptam | krIDayasi mAM pratikShaNamAnandasudhAnidhAvantaH || 14\.12|| kShAntaM kiM mama duritaM shAntaM kiM devi te svAntam | anugR^ihNAsi vichitraM mAmapyaparAdhinAM prathamam || 14\.13|| kAle kAle sandhyArUpA nopAsitA bhavatI | vichChinnaH smArtAgnistretA kuta eva vahnInAm || 14\.14|| dAtuM nArjitamannaM bahu devebhyashcha bhUtebhyaH | yatki~nchidArjitaM vA kalatraputrAnvito.ashnAmi || 14\.15|| kashchidapi pApahArI na purashcharitashcha te mantraH | kaM guNamabhilakShya mama prabuddhyase.antarjaganmAtaH || 14\.16|| tava mayi pR^ithaktanUjapremA chetpakShapAto.ayam | athavA satAM nisargaH so.ayaM tvayi chAMba sambhAvyaH || 14\.17|| lakShyaM vinaiva mantraH kiM siddhyati koTisho.apyuktaH | dadhmastadyadi lakShyaM tava rUpaM galati hA mantraH || 14\.18|| sa~NkalpAnAM vAchAmanubhUtInAM cha yanmUlam | yatra prANo baddhastallakShyaM devi te rUpam || 14\.19|| || 344|| naisargikasvavR^itteraha~NkR^itermUlamanviShya | tvAM kila sAkShAtkurute ramaNamaharSheriyaM dR^iShTiH || 14\.20|| manye parvatakanye mama seyamaha~NkR^itirmahatI | avataratA varShagaNairapi tanmUlaM na labdhamaho || 14\.21|| eSha prauDho bhagavati bahulaM garjatyaha~NkAraH | etasminnayi kAle bhavatI chAbodhi kuNDalinI || 14\.22|| tava pashchAtsambhUtiM jAnAti na so.ayamadyApi | prAgiva garjati dhIraM bibheti mR^ityorna nediShThAt || 14\.23|| atipuShTamaha~NkAraM pashumetaM tubhyamarpayate | pramathapatiprANeshvari gaNapatirekAntabhakto.ayam || 14\.24|| upagItayo gaNapaterupatiShThantAmimAH prItyA | utsavasahasralolAmukAravAchyasya gR^ihanAthAm || 14\.25|| ##\ \ 350## \medskip\hrule\medskip %##c04-q3/Sarada.Susarla/uma-c04-q3-itrans.txt medskip## pa~nchadashaH stabakaH shakteH svAgatam ##(##svAgatAvR^ittam##)## ApadAmapaharantu tatiM naH sampadAmapi dishantu samR^iddhim | dantakundaruchidattabalAni vyomakeshasudR^isho hasitAni || 15\.1|| alpamapyadhikashaktisamR^iddhaM mandamapyadhikasUkShmavisAram | susmitaM smaravirodhiramaNyAH kalpatAM mama kulasya shubhAya || 15\.2|| puShkarAdravimato bhuvametAM bhUmitashshashadharaM kramamANA | naiva mu~nchati padaM bata pUrvaM nottaraM vrajati neshapurandhrI || 15\.3|| bhUShaNeShviva savitri suvarNaM mR^ittikAmiva ghaTeShvakhileShu | vishvavastuShu nirastavisheShAM devi pashyati satIM vibudhastvAm || 15\.4|| kiTTabhUtamakhileshvarajAye dR^ishyajAtamakhilaM nijapAke | prANabuddhimanasAmiha vargaH sArabhUta iti sUrijanoktiH || 15\.5|| sAramIshvari tileShviva tailaM vigraheShu nikhileShu nigUDham | ye dhiyA mathanato vidurekaM te bhavanti vibudhAstvayi lInAH || 15\.6|| AyasaM tribhuvaneshvari piNDaM vahnineva tapasA tanupiNDam | yasya chijjvalanajAlamayaM syAt taptamamba sa tavAlayabhUtaH || 15\.7|| yo.araNermathanato.atipavitraM vItihotramiva vItakala~NkaH | prANamujjvalayati svasharIrAt tvAmasAvabhayade.arhati yaShTum || 15\.8|| prANatA shvasitameva vichAryaM kurvatA karaNameva nibhAlyam | gachChatA gamanameva vishodhyaM tattanau mathanamAgamabodhyam || 15\.9|| yo rasaM pibati mUrdhasarojAt somapo.ayamanaghaH prayatAtmA | agnihotramakhileshvari nityaM mUlakuNDadahanasthitirasya || 15\.10|| chinmayI pibasi somamimaM kiM soma eva kimasAvasi mAtaH | pIyase pibasi cha svayamekA peyapAtR^iyugalaM kimu bhUtvA || 15\.11|| taijasaM kanakamagnivitaptaM teja eva kanakA~Ngi yathA syAt | modarUpakalayA tava taptaM tanmayaM bhavati modajapiNDam || 15\.12|| kA.api modalaharI tava vIchir\- nirgatA dashashatArasudhAbdheH | pUrayatyakhilamamba sharIraM neha vedmi parame jaDabhAgam || 15\.13|| seyamuttamatamA nipatantI shItalAddashashatArapayodAt | preritAdakhilarAj~ni bhavatyA buddhisasyamavatAdrasavR^iShTiH || 15\.14|| dugdhasindhumathanAdamR^itaM vA shabdasindhumathanAtpraNavo vA | labhyate sukR^itibhistava vIchir\- mUrdhaka~njamathanAdrasa eShaH || 15\.15|| asthiShu pravahati prativegaM majjasAramamR^itaM vidadhAnA | bibhratI madamanuShNamadoShaM mUrdhaka~njanilaye tava dhArA || 15\.16|| taittirIyakathito rasalAbhaH so.ayameva sakalAgamavarNye etadeva shashimaNDalanAthe tantrabhAShitaparAmR^itapAnam || 15\.17|| mUrdhasomamajarAmararUpe yuktavIkShaNakareNa nipIDya | shambhusundari sunomi dhinomi tvAM pradIptakulakuNDanishAntAm || 15\.18|| dR^iShTireva ravidIdhitirugrA shIrShaka~njashashinaM pravishantI | shItalAmR^itamayI khalu bhUtvA yogino dravati modakalA te || 15\.19|| mUrdhani dravasi yogayutAnAM chakShuShi jvalasi sha~NkarabhAme tiShThasi sthirapadA kulakuNDe bAhyataH skhalasi naiva kadA.api || 15\.20|| sA yadi dravati modakalA syAt sA yadi jvalati chitkalikA syAt | sA parA sthirapadA yadi tiShTha\- tyakSharA bhavati kAchana sattA || 15\.21|| pashyatA nayanamaNDalavR^ittiM gR^ihyase tvamachalAdhipakanye | jAnatA dashashatAravilAsaM spR^ishyase viditamamba rahasyam || 15\.22|| vyAptashaktyasubalena lasantI bhAnubimbanayanena tapantI | chandrabimbamanasA viharantI sA punarjayati mUrdhni vasantI || 15\.23|| svAgataM sakalalokanutAyai svAgataM bhuvanarAjamahiShyai | svAgataM mayi bhR^ishaM sadayAyai svAgataM dashashatAramitAyai || 15\.24|| satkavikShitibhujo lalitAbhiH svAgatAbhiranaghAbhirimAbhiH | svAgataM bhaNitamastu bhavAnyai khelanAya shira etaditAyai || 15\.25|| ##\ \ 375## \medskip\hrule\medskip %##c04-q4/Kamesvararao.Tata/c04-q4\.txt medskip## ShoDashaH stabakaH adhyAtmaM shaktivaibhavam ##(##kumAralalitAvR^ittam##)## mahovihatamohaM maheshamahilAyAH | smitaM vitanutAnme gR^iheShu mahamagryam || 16\.1|| iyadbahulagolaM jagallaghu dadhAnA | pitAmahamukhairapyakhaNDitavidhAnA || 16\.2|| aduShTacharitebhyaH shubhAnyabhidadhAnA | kulAni malinAnAM hatAni vidadhAnA || 16\.3|| dukUlamaruNAMshuprabhaM paridadhAnA harasya rajatAdrikShitIshituradhInA || 16\.4|| munIndrakR^itatantraprasiddhabahudAnA umA balamalaM nastanotvatulamAnA || 16\.5|| nirastaviShayAM yad dadhAti matikIlAm | samastajagadIshe dhR^itistava mateyam || 16\.6|| shrutA pravaNachittaM smR^itA naramapApam | dhR^itA hR^idi vidhatse gatasvaparabhAvam || 16\.7|| ahaMmatitaTinyAH satAmavanimUlam | tvameva kila seyaM maharShiramaNoktiH || 16\.8|| ahaMmatilatAyAstvayIshavadhu kande | sthito.amba bhuvanasya pravindati rahasyam || 16\.9|| yadetadakhilAmba prasiddhamiva dR^ishyam | tavaiva kila jAlaM gato bhaNati mUlam || 16\.10|| prapashyasi parAchI jagadvividhabhedam | svataH kimapi nAnyatpratIchi purataste || 16\.11|| stutA bhavasi shashvat smR^itA cha bhajane tvam | dhR^itA bhavasi yoge tatA bhavasi bodhe || 16\.12|| stutA dishasi kAmaM smR^itA harasi pApam | dhR^itA.asyadhikashaktyai tatA bhavasi muktyai || 16\.13|| vishudhyati yatAshI pramAdyati na shuddhaH | pramAdarahitasya sphuTe lasasi ka~nje || 16\.14|| sphuTaM yadi sarojaM naTIva paTu nATyam | karoShi yatabuddherjagajjanani shIrShe || 16\.15|| shirogatamidaM naH praphullamayi padmam | analpamakarandaM tvamamba bhava bhR^i~NgI || 16\.16|| sarojamatudantI pibAmba makarandam | mahAmadhukari tvaM bhajermadamamandam || 16\.17|| ama~NgalamitaH prA~N mayeshavadhu bhuktam | itaH paramameye sukhAnyanubhava tvam || 16\.18|| aha~NkR^itivashAnme chidIshvari purA.abhUt | tavAbhavadidAnIM mamAsti na vibhutvam || 16\.19|| yadA.abhavadiyaM me tadA.anvabhavadArtim | taveshvari bhavantI bhunaktu shamidAnIm || 16\.20|| karotviyamahantA vivAdamadhunA.api | tathA.api purataste maheshvari vivIryA || 16\.21|| iyaM cha tava buddheryato bhavati vR^ittiH imAmapi kuru svAM kShamAvati viroShA || 16\.22|| sudhAbdhiriha mAtastara~NgashatamAlI | chidabhrapuramatra prabhApadamadabhram || 16\.23|| kuru tvamidamekaM nijAlayashateShu | savitri viharAsmin yatheShTamayi dehe || 16\.24|| kumAralalitAnAM kR^itirgaNapatIyA | karotu mudameShA kapardidayitAyAH || 16\.25|| ##\ \ 400## || samAptaM cha chaturthaM shatakam || \medskip\hrule\medskip %##c05-q1/Mohana.Rao/us-ch5-q1\.TXT medskip## pa~nchamaM shatakam saptadashaH stabakaH madakarIshaktiH ##(##champakamAlAvR^ittam##)## pApavidhUtau nirmalaga~NgA tApanirAse chandramarIchiH | bhargapurandhrIhAsakalA me bhadramamishraM kA.api karotu || 17\.1|| shiShTakulAnAM sammadayitrI duShTajanAnAM saMshamayitrI | kaShTamapAraM pAdajuSho me viShTaparAj~nI sA vidhunotu || 17\.2|| nUtanabhAsvadbimbanibhA~N.hghriM shItalarashmidveShimukhAbjAm | khyAtavibhUtiM puShpasharAreH pUtacharitrAM yoShitamIDe || 17\.3|| ujjvalatAre vyomni lasantI sArasabandhau bhAti tapantI | shItalabhAsA chintanakartrI pAtu kulaM me viShTapabhartrI || 17\.4|| prANamanovAgvyastavibhUtirlokavidhAtuH kAchana bhUtiH | puShkarapR^ithvIpAvakarUpA shuShkamaghaM naH sA vidadhAtu || 17\.5|| iShTaphalAnAmamba samR^iddhyai kaShTaphalAnAM tatkShaNadhUtyai | cheShTitaleshoddIpitashaktiM viShTapabhartri tvAmahamIDe || 17\.6|| bhUmiruhAgrasthApitabhaNDAdyo madhu pAyaM pAyamajasram | vismR^itavishvo nandati mAtastatra kila tvaM dhAma dadhAsi || 17\.7|| ko.api sahasraireSha mukhAnAM sheSha itIDyaH pannagarAjaH | udgiratIdaM yadvadanebhyo devi tanau me tadvata pAsi || 17\.8|| sAkamameye devi bhavatyA prAtumahantA yAvadudAsyA | tAvadiyaM tAM mUrChayatIshe pannagarAjodgArajadhArA || 17\.9|| shAmyatichintAjIvitamasyAmindriyasattA.apyastamupaiti | yAti niruddhA hA galadeshe saMshayameShA mAtarahantA || 17\.10|| gauri maheshaprANasakhI mAM pAhi vipannAM mAtarahantAm | sA yadi jIvedIshvari tubhyaM dAsajanastAmarpayate.ayam || 17\.11|| tvatsmR^itivIryAchChAntisamR^iddhAM mAtarahantAM shuddhatamAM me | AtmabhujiShyAM kartumidAnIM shAMtadhiyaste ko.asti vikalpaH || 17\.12|| mandaradhArI nAmR^itaheturvAsukirajjurnAmR^itahetuH | manthanahetussA.amR^itahetuH sarvabalAtmA sharvapurandhrI || 17\.13|| prANisharIraM mandarashailo mUlasarojaM kachChaparAjaH | pUrNamanantaM kShIrasamudraH pR^iShThagavINA vAsukirajjuH || 17\.14|| dakShiNanADI nirjarasenA vAmaganADI dAnavasenA | shaktivilAso manthanakR^ityaM shIrShajadhArA kA.api sudhoktA || 17\.15|| kaNThaniruddhe bhUriviShAgnau taijasali~NgAvAsihareNa | tvadbalajAtaM svAdvamR^ittaM ko devi nipIya preta iha syAt || 17\.16|| yena vibhuste mAdyati sharvo yatra shive tvaM krIDasi hR^iShTA | sammadamUlaM taM madamAdye vardhaya putre.anugrahapAtre || 17\.17|| yo madamIdR^i~NmArgamupekShya svarvibhupUjye garvasametaH | Aharati shrIbAhyasamR^iddhyA nA surayA vA so.asura uktaH || 17\.18|| tAmyati tIvrAphenaniShevI klAmyati saMvitpatraniShevI | bhrAmyati hAlAbhANDaniShevI shAmyati shIrShadrAvaniShevI || 17\.19|| astu vireke pathyamaphenaM patramajIrNeShvastu niShevyam | astu hitaM tadyakShmaNi madyaM saMsR^itihArI devi rasaste || 17\.20|| naiva mahAntassattvasamR^iddhAH sarvamadeShvapyamba chalantu | alpajanAnAM mAdakavastuprAshanamIshe nAshanamuktam || 17\.421|| ke.api yajante yanmadhumAMsaistvAM tripurArerjIvitanAthe | atra na yAgo dUShaNabhAgI dravyasasa~Ngo duShyati yaShTA || 17\.22|| dakShiNamArge siddhyati bhaktaH savyasaraNyAM siddhyati vIraH | neshvari savye nApyapasavye siddhyati divye tvadhvani maunI || 17\.23|| nArchanabhAro nApi japo.asyAM divyasaraNyAM bhavyatamAyAm | kevalamambApAdasarojaM nishchalamatyA mR^igyamajasram || 17\.24|| kAchidamUlyA chaMpakamAlA vR^ittanibaddhA ma~njulamAlA | astu gaNeshasyeshvarakAntA kaNThavilolA chaMpakamAlA || 17\.25|| ##\ \ 425## \medskip\hrule\medskip %##c05-q2/Subhadra.bala.Venuturupalli/c05-q2\.txt medskip## aShTAdashaH stabakaH rUpavisheShAH kuNDalinIsamullAsashcha ##(##praharShiNIvR^ittam##)## dhunvantyastimiratatiM harittaTInAM dhinvantyaH puramathanasya lochanAni | skandAmbAhasitarucho harantu mohaM sAndraM me hR^idayagataM prasahya sadyaH || 18\.1|| tanvAnA vinatahitaM virodhivargaM dhunvAnA budhajanamodamAdadhAnA | samrAj~nI tridivadharArasAtalAnAM rudrANI bhaNatu shivAnI matkulasya || 18\.2|| yo.amba tvAM hR^idi vidadhattaTitprakAshAM pIyUShadyutimadahR^inmukhAravindAm | anyattu smR^itipathato dhunoti sarvaM kAmAreH sudati natasya bhuvyasAdhyam || 18\.3|| kAlAbhradyutimasamAnavIryasArAM shaktyUrmibhramakarashuklaghoradaMShTrAm | yo dhIro manasi dadhAti bhargapatni tvAmasya prabhavati sa~NgareShu shastram || 18\.4|| yaH prAj~nastaruNadivAkarojjvalA~NgIM tanva~Ngi tripurajito vichintayettvAm | tasyAj~nAM dadhati shirassu phullajAjI\- mAlAM vA dharaNijuSho vashe bhavantaH || 18\.5|| yo rAkAshashadharakAntisArashubhrAM bibhrANAM karakamalena pustakaM tvAm | bhUteshaM prabhumaskR^itprabodhayantIM dhyAyedvAgbhavati vashe.asya nAkadUtI || 18\.6|| jAnImo bhagavati bhaktachittavR^itte\- stulyaM tvaM sapadi dadhAsi rUpamagryam | prashno.ayaM bhavati nagAdhinAthakanye rUpaM te madayati kIdR^ishaM smarArim || 18\.7|| chAru syAdalamiti vaktumamba shakyaM rUpaM te na vadati ko.api kIdR^ishaM vA | sammohaM paramupayAnti kAntibhANDe kAmArerapi nayanAni yatra dR^iShTe || 18\.8|| sa~NkalpaiH kimu tava bhUShaNAnyabhUva.N\- chChilpIndrAH kimu vidadhuryathA.atra loke | tatsvarNaM bhagavati kIdR^ishaM maNInAM kiM rUpaM bhavati cha tatra yojitAnAm || 18\.9|| yAnya~NgAnyakhilamanoj~nasArabhUtA\- nyeteShAmapi kimu bhUShaNairume te | AhosvillalitatamAni bhAnti bhUyo bhUShAbhirvikR^itatamAbhirapyamUni || 18\.10|| muktAbhirbhavati tavAmba kinnu hAraH pIyUShadyutikarasAranirmalAbhiH | muNDairrvA ghalaghalashabdamAdadhadbhiH sa~NgharShAt tribhuvanasArvabhaumabhAme || 18\.11|| vastraM syAdyadi tava sarvashAstragamye kArpAsaM divi cha tadudbhavo.anumeyaH | kShaumaM chedbhagavati tasya hetubhUtAH kITAH syurgaganajagatyapIti vAchyam || 18\.12|| rudrasya priyadayite.athavA suradrur\- bhUShANAM maNikanakaprakalpitAnAm | vastrANAmapi manase paraM hitAnAM kAmaM te bhavati samarpakaH samarthaH || 18\.13|| suskandho bahuviTapaH pravAlashobhI samphullaprasavasugandhavAsitAshaH | vR^ikShaH kiM bhagavati kalpanAmako.ayaM sa~NkalpaH kimu tava ko.api devi satyaH || 18\.14|| sa~NkalpAnna bhavati kalpapAdapo.anyaH svardogdhrI punaritarA na kuNDalinyAH | yaH kuryAd dvayamidamudgatAtmavIryaM kAruNyAttava bhuvi chAsya nAkabhAgyam || 18\.15|| ApInaM bhavati sahasrapatraka~njaM vatso.asyAH paTutaramUlakuNDavahniH | dogdhA.a.atmA daharasaroruhopaviShTo maunaM syAtsurasurabhestanUShu dohaH || 18\.16|| dogdhryAste bhagavati dohanena labdhaM vatsAgniprathamanipAnasadravAyAH | dugdhaM svAdvamR^itamayaM pibanmamAtmA santR^ipto na bhavati durbharo.asya kukShiH || 18\.17|| vatso.agniH pibati dR^iDhA~N.hghriramba pashchA\- dashrAntaM pibati duhan puro.antarAtmA | vR^iddhiM cha vrajati payaH pratipradrohaM dogdhryAste drava iha kuNDalinyapAraH || 18\.18|| somasya dravamimamAhuramba kechid dugdhAbdheramR^itarasaM gadanti ke.api | bAShpaM ke.apyabhidadhate tu kaulakuNDaM pInodhassravamitare bhaNanti dhenoH || 18\.19|| mUle tvaM jvaladalanaprakAsharUpA vINAyAM prabalamahAmadoShmarUpA | shIrShAbje satatagaladrasasvarUpA bhrUmadhye bhavasi lasattaTitsvarUpA || 18\.20|| hArde chedavatarasIha puNDarIke ChAyAvatsakalamapi prapashyasi tvam | ArUDhA dashashatapatramadriputri syAshchettvaM bhaNasi jagatsudhAsamudram || 18\.21|| netrAbhyAM sarasiruhachChadAyatAbhyAM vaktreNa pravimalahAsabhAsureNa | pratyakShA mama manasaH puraH purandhrI kAmAreH paraNitamasmadIyabhAgyam || 18\.22|| puNyAnAM pariNatireva bhUtabhartuH siddhAnAM balanidhireva ko.api gUDhaH | bhaktAnAM dR^iDhatarireva shokasindhau magnAnAM mama jananI mahIdhraputrI || 18\.23|| uddhartuM vinatajanaM viShAdagartAt saMskartuM bhuvanahitAya yogayuktam | saMhartuM khalakulamuddhataM cha darpAd bhargasya priyataruNI sadA sadIkShA || 18\.24|| mR^idvIkAM madhuratayA sudhAM mahimnA gAmbhIryAtsurataTinIM cha nirjayantI | sharvANIcharitaparA praharShiNInAM shreNIyaM jayatu gaNeshvareNa baddhA || 18\.25|| ##\ \ 450## \medskip\hrule\medskip %##c05-q3/Syam.Sunder.Vinjamuri/umAsahasram\_c05-q3\.txt medskip## ekonaviMshaH stabakaH dhyeyalalitArUpam ##(##pramANikAvR^ittam##)## praphullakalpapAdapaprasUnasadyashoharam | mahArujaM dhunotu te maheshasundarIsmitam || 19\.1|| munIndramUlavedibhUdhana~njayaprabodhanam | yatIndrahArdapeTikA kavATabandhabhedanam || 19\.2|| yathAvidhikriyAparadvijAtichittashodhanam | mamAmbikAsmitaM bhavatvaghapratAparodhanam || 19\.3|| suvarNasAlabha~njikA chareva shobhayA.adhikA | atIva mArdavAnvitA naveva puShpitA latA || 19\.4|| suparvamauliratnabhA virAjihemapAdukA | marAlikAnimantrakaprashastaratnanUpurA || 19\.5|| valakShadIdhitiprabhAvisheShahR^innakhAvalI | munIndrashuddhamAnasaprameyapAdasauShThavA || 19\.6|| ghanIbhavattaTitprabhApravAhakalpaja~NghikA | mata~NgajendranAsikA manoj~nasakthishobhinI || 19\.7|| prasUnasAyakAgamapravAdachu~nchukA~nchikA | vishAlakeshachumbitollasannitambamaNDalA || 19\.8|| ajANDapiNDasaMhatiprapUrNakukShishAlinI | apAradivyakAntivArnidhAnanAbhidIrghikA || 19\.9|| bisaprasUnasAyakachChurAbharomarAjikA | jagattrayIvasajjanopajIvyadugdhabhR^itkuchA || 19\.10|| maheshakaNThabandhakaprashastabAhuvallarI | samastaviShTapAbhayapradAyipANipa~NkajA || 19\.11|| vilolahAramauktikapratAnasaMvadatsmitA | vishuddhasundarasmitaprakAshabhAsitAmbarA || 19\.12|| sukomaloShThakampanaprabhItadurjayAsurA | suyuktakundakuTmalaprakAshadantapa~NktikA || 19\.13|| sharatsudhAMshumaNDalaprabhAvigarhaNAnanA | sudhAmarandavajjapAsumopamAdharAdharA || 19\.14|| tilaprasUnachArutA.apahAsibhAsinAsikA | navInabhAbhanAsikAvilambidivyamauktikA || 19\.15|| vishuddhagaNDabimbitasvarUparatnakuNDalA | mahAmahastara~NgitaprabhAvashAlilochanA || 19\.16|| dalAntarasthayAminIprabhuprabhAlikasthalI | mayUrabarhagarhaNaprakR^iShTakeshabhAsinI || 19\.17|| divAkarAyutojjvalA himAMshulakShashItalA | taTitsahasrabhAsurA nira~NkachandrashekharA || 19\.18|| nabhontarAlachAriNI mahAvichitrakAriNI | kulAgnikuNDashAyinI jagatkathAvidhAyinI || 19\.19|| nabhastale baleshvarI dharAtale kriyeshvarI | divAkare vibheshvarI sudhAkare raseshvarI || 19\.20|| maheshaveshmadIpikA jagattrayapramApikA | asheShashIrShashAsinI samastahR^innivAsinI || 19\.21|| guNastave guNastave guNaprakarShadAyinI | vichintane vichintane vishiShTashaktidhAyinI || 19\.22|| bhramAkulena dustarA bhavAlasena durgamA | amantrakeNa durbharA jagattrayeNa durjayA || 19\.23|| suvarNacheladhAriNI samastamodakAriNI | vilAsinI nirAmayA vichintyatAM manastvayA || 19\.24|| padAbjavandinaH kaveriyaM pramANikAvalI | maheshamAnaseshvarI gR^ihe mahAya kalpatAm || 19\.25|| ##\ \ 475## \medskip\hrule\medskip %##c05-q4/Rekha.Venuturupalli/uma-c05-q4\.txt medskip## viMshaH stabakaH sarvasAramayI ##(##maNibandhavR^ittam##)## prItivikAse svalpatamo roShavisheShe bhUritaraH | adbhutahAso vishvasuvo rakShatu sAdhuM hantu khalam || 20\.1|| sajjanachittAnandakarI saMshritapApavrAtaharI | lokasavitrI nAkacharI stAnmama bhUyo bhadrakarI || 20\.2|| archanakAle rUpagatA saMstutikAle shabdagatA | chintanakAle prANagatA tattvavichAre sarvagatA || 20\.3|| ujjvalarUpe nR^ityakarI niShprabharUpe suptikarI | gopitarupe siddhikarI gochararUpe bandhakarI || 20\.4|| ambaradeshe shabdavatI pAvakatAte sparshavatI | kA~nchanavIrye rUpavatI sAgarakA~nchyAM gandhavatI || 20\.5|| apsvamalAsu spaShTarasA chandravibhAyAM guptarasA | saMsR^itibhoge sarvarasA pUrNasamAdhAvekarasA || 20\.6|| chakShuShi dR^iShTishshAtatamA chetasi dR^iShTishchitratamA | Atmani dR^iShTishshuddhatamA brahmaNi dR^iShTiH pUrNatamA || 20\.7|| shIrShasaroje somakalA bhAlasaroje shakrakalA | hArdasaroje sUryakalA mUlasaroje vahnikalA || 20\.8|| sthUlasharIre kAntimatI prANasharIre shaktimatI | svAntasharIre bhogavatI buddhisharIre yogavatI || 20\.9|| sArasabandhorujjvalabhA kairavabandhoH sunadarabhA | vaidyutavahneradbhutabhA bhaumakR^ishAnordIpakabhA || 20\.10|| yodhavarANAmAyudhabhA yogivarANAmIkShaNabhA | bhUmipatInAmAsanabhA premavatInAmAnanabhA || 20\.11|| shastradharANAM bhIkaratA shAstradharANAM bodhakatA | yantradharANAM chAlakatA mantradharANAM sAdhakatA || 20\.12|| gAnapaTUnAM ra~njakatA dhyAnapaTUnAM mApakatA | nItipaTUnAM bhedakatA dhUtipaTUnAM kShepakatA || 20\.13|| dIdhitidhArA lokayatAM jIvitadhArA vartayatAm | j~nApakadhArA chintayatAM mAdakadhArA drAvayatAm || 20\.14|| mantraparANAM vAkyabalaM yogaparANAM prANabalam | AtmaparANAM shAntibalaM dharmaparANAM tyAgabalam || 20\.15|| sUrivarANAM vAdabalaM vIravarANAM bAhubalam | martyapatInAM sainyabalaM rAgavatInAM hAsabalam || 20\.16|| vaidikamantre bhAvavatI tAntrikamantre nAdavatI | shAbaramantre kalpavatI santatamantre sAravatI || 20\.17|| brahmamukhAbje vAgvanitA vakShasi viShNoH shrIrlalitA | shambhusharIre bhAgamitA vishvasharIre vyomni tatA || 20\.18|| bhUgrahagolaiH kandukinI viShTapadhAne kautukinI | yAvadanantaM vaibhavinI prANiShu bhUyassambhavinI || 20\.19|| ka~njabhavANDe maNDalinI prANisharIre kuNDalinI | pAmarabhAve sallalanA paNDitabhAve modaghanA || 20\.20|| nAryapi puMsA mUlavatI tanvyapi shaktyA vyAptimatI | vyAptimatItve guptimatI chitravichitrA kA.api satI || 20\.21|| dIdhitirUpA chittamayI prANasharIrA.apyadvitayI | brahmasharIraM brahmavibhA brahmavibhUtirbrahmaparam || 20\.22|| viShTapamAtA bhUrikR^ipA viShTaparAj~nI bhUribalA | viShTaparUpA shiShTanutA viShTapapAre shiShTamitA || 20\.23|| durjanamUlochChedakarI dInajanArtidhvaMsakarI | dhIbalalakShmInAshakR^ishaM puNyakulaM naH pAtu shivA || 20\.24|| chandrakirITAmbhojadR^ishaH shAntisamR^iddhaM svAntamime | sammadayantu shrotrasukhAH sanmaNibandhAH sUripateH || 20\.25|| ##\ \ 500## || samAptaM cha pa~nchamaM shatakam || \medskip\hrule\medskip %##Shailaja Dhulipala/umasahasram\_ch\_06\_q1\.txt medskip## ShaShThaM shatakam ekaviMshaH stabakaH ardhanArIshvaraH ##(##anuShTubvR^ittam##)## itaH pItvA kuchaM skande prasAritakare tataH | jayati smitamudbhUtaM shivayorekadehayoH || 21\.1|| ekato maNima~njIrakvANAhUtasitachChadam | anyato nUpurAhIndraphUtkArakR^itatadbhayam || 21\.2|| gIrvANapR^itanApAlaM bAlaM lAlayadekataH | utsa~Nge gaNasamrAjamarbhakaM bibhradanyataH || 21\.3|| viDambitabrahmachArikokaikastanamekataH | kavATArdhanibhaM bibhradvakShaH kevalamanyataH || 21\.4|| senAnyA.a.asvAditastanyamanuphUtkurvataikataH | phUtkAramukharaM nAgamugraM jAgratamanyataH || 21\.5|| ekato dorlatAM bibhran mR^iNAlashrIviDambinIm | shukrashuNDAlashuNDAbhaM chaNDaM dordaNDamanyataH || 21\.6|| kutrApyavidyamAne.api vandanIye tadA tadA | parasparakarasparshalobhato vihitA~njali || 21\.7|| shakranIlasavarNatvAd bhAgayorubhayorapi | UrdhvAdharA~NgasApekShasandhij~nAnagalasthalam || 21\.8|| ekataH kairavashreNInidrAmochanalochanam | anyataH kamalAvAsakShaNAdhAyakavIkShaNam || 21\.9|| ekatashchakShuShA chArutAreNAdhItavibhramam | anyataH pANipAthoje khelato mR^igabAlataH || 21\.10|| ekato bhAlaphalake kAshmIreNa visheShitam | anyato.ardhekShaNenaiva ratibhrUvibhramadruhAH || 21\.11|| ekataH shItalAlokaM sAdhulokashiva~Nkaram | anyataH prajvalatprekShaM duShTagoShThIbhaya~Nkaram || 21\.12|| ekato maNitATa~NkaprabhAdhautakapolakam | anyataH kuNDalIbhUtakuNDalIbhUtakuNDali || 21\.13|| ekataH kuntalAn bibhradindranIlopamadyutIn | anyataH pAvakajvAlApATalAMshuchChaTA jaTAH || 21\.14|| ekataH keshapAshena kIrNenorasi bhAsuram | anyato lambamAnasya bhogino haratA shriyam || 21\.15|| avataMsitamamlAnapArijAtasrajaikataH | vimalollolamAlinyA vibhudhApagayA.anyataH || 21\.16|| raupyAchalakR^itAvAsaM prApyaM yuktena chetasA | vastu rAmApumAkAraM hR^idi sannidadhAtu me || 21\.17|| kAntArdhavigrahe mAtarjaTArdhAshchikurAstava | dadhatyadabhrasandhyAbhrayuktakAlAbhravibhramam || 21\.18|| dampatyoryuvayoreSha lopo yannAsti shailaje | vAmaM pArshvaM vibhoH shetuM dAtuM te dakShiNaH karaH || 21\.19|| loke strI stanayugmena puShNAtyekaM sutaM na vA | stanenaikena sharvANi puShNAsi tvaM jagattrayam || 21\.20|| khidyanti yoShitaH kukShau vahantyo.arbhakamekakam | ardhakukShau dadhAsi tvaM trilokImamba lIlayA || 21\.21|| anurUpA shivasya tvamanurUpaH shivastava | ala~NkAro.anurUpo vAmakala~Nko.arbhakaH shashI || 21\.22|| tavaiva tava dehAMsho harasyaiva harasya yaH | prANAstu jagatAM dhAtri harasya tvaM harastava || 21\.23|| avibhaktaM bhavAni svaM bhavasya tava chobhayoH | sakR^itsakaruNaM chetaH sa~Nkalpayatu nashshivam || 21\.24|| bhavasya bhAgamutsR^ijya bhavAnI bhAgamAtmanaH | bhajatvanuShTubhAmAsAM sR^iShTAnAM nArasiMhinA || 21\.25|| ##\ \ 525## \medskip\hrule\medskip %##c06-q2/Karthik.Sitaram.Tenneti/c06-q2\.txt medskip## dvAviMshaH stabakaH harakuTumbakam ##(##viyoginIvR^ittam##)## akhilasya vikAsakAraNaM vyasanij~nAnijanAvaneShu naH | vitanotu visheShataH shivaM shivarAjIvadR^isho darasmitam || 22\.1|| vikale sakale suravraje vrajati shyAmalimAnamachyute | jagatassadayo halAhalaM chulukIkR^itya bhayaM nunoda yaH || 22\.2|| nigamaisturagI bhuvA rathI vidhinA sArathimAn bibheda yaH | kanakAdrivareNa kArmukI kamalAkSheNa sharI puratrayam || 22\.3|| ajitasya cha gADhamatsaraiH kamalAkAntapurassaraissuraiH | padajAyudhadhArayA rayAdvadhamAdhatta jalandharasya yaH || 22\.4|| kamalAsanaka~njalochanau Chalali~Ngasya shiro~N.hghri vIkShitum | bata haMsavarAhabhUmikau yatamAnAvapi yasya na prabhU || 22\.5|| nayanaM niTalAntarasthitaM vighaTayyeShadivAnvito ruShA | bhuvanatrayanirjayonnataM madanaM gADhamadaM dadAha yaH || 22\.6|| sakale dhavalaH kalevare harinIlopalama~njulaH kvachit | amR^itAMshurivAdadhAti yaH paramAmakShimudaM prapashyatAm || 22\.7|| avataMsatuShAradIdhitidyutibhiryasya yashobharairapi | samamachChatarIkR^ito dishAmavakAshassutarAM prakAshate || 22\.8|| gaganAnalajIvanAnilakShitisomAruNasomayAjibhiH | mahato bata yasya mUrtibhirbhuvanaM krAntamidaM samantataH || 22\.9|| saha tena dhavena rAjate vasudhAdhAriNi kA.api rAjate | vanitA bhavatApanAshinI charaNapreShyaniveditAshinI || 22\.10|| vanitApuruShau purAtanau vimale vyomani devadampatI | bhuvanatritayasya tau vibhU rajatAdrAviha siddhadampatI || 22\.11|| gajacharmadharaH kapAlabhR^id gR^ihanAtho gR^ihiNI tu kAlikA | rudhirAvilamuNDamAlinI kathitau tau bata paNDitaiH shivau || 22\.12|| sa kimindukalAshiromaNiH kimutAshlIlakapAlabhUShaNaH | kimume bhavatI kapAlinI kimu vibhrAjitaratnamAlinI || 22\.13|| ramase.amba kapAlamAlinI kvachidIshena kapAlamAlinA | atulaprabhaniShkamAlinA kvachidatyuttamaratnamAlinI || 22\.14|| yuvayormarutastanUbhuvo balavanto bhuvanaprakampanAH | shashidIdhitihAri yadyasho nigame pAvanamamba gIyate || 22\.15|| gurumuttamamabhrachAriNAmasamabrahmanidhAnanAyakam | tava devi shive tanUbhuvAM marutAmanyatamaM prachakShate || 22\.16|| dviradaM vadane mahAmadaM sitadantachChavidhautadiktaTam | itaratra mukhAnnarAkR^itiM vidurasyaiva vivartamadbhutam || 22\.17|| akhilAmaranirjayonnataH prathane tArakadAnavo balI | hR^itavIryamado babhUva yadghanashaktyAyudhatejasA.a~njasA || 22\.18|| amale hR^idi nirmalAshanAchChithile granthichaye narAya yaH | paripakvadhiye pradarshayet tamasaH pAramapAravaibhavaH || 22\.19|| draviDeShu shishutvametya yo girishashlokavisheShagAyinIm | amR^itadravasArahAriNIM nigamAbhAM nibabandha saMstutim || 22\.20|| bhuvi bhaTTakumArilAkhyayA bhavametyAdhvararakShaNAya yaH | varajaiminibhAShitAshayaM bahulAbhiH khalu yuktibhirdadhau || 22\.21|| adhunA vidhunoti yastamo vibudhaprekShitamArgarodhakam | ramaNAkhyamaharShiveShabhR^it.hshritashoNAchalachArukandaraH || 22\.22|| sa guho.atimaho mahAmahAsridashAnAM prathitashchamUpatiH | jagatAmadhirAj~ni ko.api te sutarAM prItipadaM kumArakaH || 22\.23|| jayati tripurAribhAminI gaNapatyAdimarutprasUrumA | tamasUta surAridhUtaye tridashAnAmapi yA chamUpatim || 22\.24|| svakuTumbakathAbhidhAyinIrgaNanAthasya viyoginIrimAH | avadhArayatu prasannayA naganAthapriyanandinI dhiyA || 22\.25|| ##\ \ 550## \medskip\hrule\medskip %##c06-q3/Mohana Rao/us-ch6-q3\.TXT medskip## trayoviMshaH stabakaH prakIrNakam ##(##naramanoramAvR^ittam##)## ##(##asmin stabake tatsavituriti gAyatrImantrasya chaturviMshativarNAH kramashaH padyAnAM tR^itIyapAdasya chaturthavarNe dR^ishyante ##)## | kiradivAmR^itaM kiraNamAlayA | jayati tatsitaM shivavadhUsmitam || 23\.1|| tava padaM pare mama guhAntare | sphuratu sarvadA vikasitaM mudA || 23\.2|| padamadho.ambujAnna kila bhidyate | madanavidviShaH sadanarAj~ni te || 23\.3|| vibhutayorarIkR^itabahUdbhavau | vidadhaturjagattrayamidaM shivau || 23\.4|| tava tu khelane nalinajANDakam | girishavallabhe bhavati kandukam || 23\.5|| sakalamastyume sadabhaya~Nkare | tava kare pare kimapi no nare || 23\.6|| kimiva varNyatAM kashashikuNDalA | uDumaNisrajApravilasadgalA || 23\.7|| bhaNa nirantaraM bahuguNAmumAm | gatabhayaM vidhehyamalavANi mAm || 23\.8|| ava jahIhi vA nanu bhajAmyaham | bhuvanabhartri te charaNamanvaham || 23\.9|| gaNapateH shiraHkamalachumbinI | bhavatu gopatidhvajakuTumbinI || 23\.10|| daharamajjanaM vidadhataM janam | paramadevate nayasi dhAma te || 23\.11|| janani vij~natA bhavatu dhImatAm | anubhavastu te karuNayA satAm || 23\.12|| achalayA dhiyA hR^idi gaveShaNam | vR^iShahayapriyAnagarashodhanam || 23\.13|| na vijahAmi te charaNanIrajam | avani dhImatAmava na vA nijam || 23\.14|| padamume.amba te hR^idi vichinvate | palitamastakAH paramadevate || 23\.15|| svayamanAmaye sakaladhAtryasi | nijamahimni sA tvamayi tiShThasi || 23\.16|| sthitimasAdaya.Nstava padAmbuje | vidhimadhikShipatyalasanIraje || 23\.17|| syatu madApadaM shivavadhUpadam | yadR^iShayo vidhustribhuvanAspadam || 23\.18|| guNagaNaM gR^iNa.Nstava shive shivam | gatabhayo.abhavaM madamito navam || 23\.19|| tavakR^ipAvashAt tadidamavyaye | janani naH plutistava yada~Nghraye || 23\.20|| nayanadR^ishyayorayi yadantaram | tadamarastute tava vapuH param || 23\.21|| ahamiti smR^itiH kva nu vibhAsate | iti vichodayan mahati lIyate || 23\.22|| amR^itasaMj~nake sukhachidAtmake | matimadarthite janani dhAmni te || 23\.23|| ayi mudAspadaM spR^ishati te padam | shvasitayAtrayA satatadR^iShTayA || 23\.24|| dadhatu satkavergaNapaterimAH | nagabhuvo mudaM naramanoramAH || 23\.25|| ##\ \ 575## \medskip\hrule\medskip %##c06-q4/Pattabhi Nadimpally/Arava \_satakamu \_chaturtha \_stabakamu \_576 \_600txt medskip## chaturviMshaH stabakaH prakIrNakam ##(##supratiShThAvR^ittam##)## chandrikAsitaM chaNDikAsmitam | bhUtale satAM bhAtu bhUtaye || 24\.1|| bhAlachakShuShashchakShuShAM dhanam | ki~nchidastu me shastavardhanam || 24\.2|| sAdhusantatikShemakAriNI | ghoradAnavAnIkadAriNI || 24\.3|| yogayuktasachchittachAriNI | pAdasevakaprAj~natAriNI || 24\.4|| puShpabANajinnetrahAriNI | pAtu mAM jagachchakradhAriNI || 24\.5|| dvAdashAntabhUjAtashArikA | sarvavA~NmayasyaikakArikA || 24\.6|| puNyakarmasu svachChamastakA | yogashAliShu ChinnamastakA || 24\.7|| Atmani sthiteH sampradAyikA | sarvajanminAM sampravartikA || 24\.8|| mAM punAtu satpUjyapAdukA | bhAlalochanaprANanAyikA || 24\.9|| dAnato yashaH pauruShAdramA | sampado madaH shIlataH kShamA || 24\.10|| satyato jagatyatra gauravam | yaj~nato divi sthAnamujjvalam || 24\.11|| saMyamAdaghavrAtavItatA | yogato mahAsiddhishAlitA || 24\.12|| sharvanAri te pAdasevayA | sarvasatphalAvAptiragryayA || 24\.13|| nodyamena yA siddhiruttamA | vishvanAyikAvIkShitena sA || 24\.14|| sampadAM ramA bhAratI girAm | tvaM shive prabhuH prANasaMvidAm || 24\.15|| chakShuShA nabholakShyadhAriNA | siddhyatIva te devi dhAraNA || 24\.16|| Ashiro dadhannAbhito.anilam | devi vindati tvanmunirbalam || 24\.17|| hR^idgR^ihAntare yadvishodhanam | tatsavitri te syAdupAsanam || 24\.18|| kA.apyahammatirgocharaM vinA | lokadhAtri te rUpabhAvanA || 24\.19|| asyamaNDanaM ko.api vidyayA | khaNDanaM paraH prAha nA yayA || 24\.20|| mAtaretayA jIyate tvayA | ekayA tanUbhinnayA dhiyA || 24\.21|| bAhyadarshane vishvapa~NkilA | anyathA bhavasyamba kevalA || 24\.22|| khaNDavannR^iNAM bhAsi bhoginAm | asyabhinnachit kA.api yoginAm || 24\.23|| bandha eSha yadbhAsi khaNDitA | mokSha eSha yadbhAsyakhaNDitA || 24\.24|| etadIshituH patni hR^inmude | saupratiShThasadgItamastu te || 24\.25|| ##\ \ 600## || samAptaM cha ShaShThaM shatakam || \medskip\hrule\medskip %##c07-q1/Madhusudhan.Reddy/uma\_c07-q1\_itrans.txt medskip## saptamaM shatakam pa~nchaviMshaH stabakaH kShetramAlA ##(##indravajrAvR^ittam##)## kanyAkumArI sutarAM vadAnyA mAnyA samastaiH prakR^iterananyA | AkShepakaM sAgarabudbudAnAM hAsaM vidhattAM jagataH sukhAya || 25\.1|| rakSha svacheto madamatsarAder\- bhikShasva kAle tanurakShaNAya | vIkShasva rAmeshavadhUpadAbjaM mokShasvalAbhe yadi tebhi.alAShaH || 25\.2|| lokasva dUrIkR^itabhaktashokaM hAlAsyanAthekShaNapuNyapAkam | bhItiH sakhe chedbhavataH pavitraM jyotirvisheShaM jalachArinetram || 25\.3|| yo lokate tAmakhilANDarAj~nI\- maj~nAnavidhvaMsavidhAnavij~nAm | ambAM parAM jIvanali~NgashaktiM bhUyaH sa kAyaM na bhave labheta || 25\.4|| bibhratsahasraM cha mukhAni shakto vaktuM guNAn kaH kamalAlayasya | janmApi yatra prabhavejjanAnAM muktyai munInAmapi durlabhAyai || 25\.5|| vyAghrA~N.hghrivAtAshanapUjitasya nATyasthalInAyikayA shivasya | netrAdhvabhAjA shivakAmayA vo mitrANi kAmAH phalino bhavantu || 25\.6|| Alokate.apItakuchAmayi tvA\- mAlolachittAmaruNAchale yaH | nirvedavAn parvasudhAMshuvaktre sarve vashe tasya bhavanti kAmAH || 25\.7|| yaH kuNDalIpaTTaNarAjadhAnI\- mAlokate kAmapi kR^ittamastAm | nissAramAnandakathAvihInaM saMsArametaM sa jahAti buddhyA || 25\.8|| dR^iShTvA vadhUmAdipurIshvarasya yo lochanArochakamAdhunoti | tasyAntara~NgaM dhutasarvasa~NgaM bhUyo bhavArochakamAvR^iNoti || 25\.9|| kA~nchI ramaNyAH kurutAM gR^ihasthe kvANairmudaM kAmapi ki~NkiNInAm | kA~nchI bhuvaH puNyapurI yatIndra tvAmambikAnAmaravairdhinotu || 25\.10|| shrIkAlahastisthaladarshanasya kailAsavIkShAM punaruktimAhuH | j~nAnaM pradAtuM charaNAshritebhyo j~nAnAmbikA yatra nibaddhadIkShA || 25\.11|| shrIshailashR^i~Ngasya vilokanena sa~Ngena hIno bhavitA manuShyaH | dhAmAsti yatra bhramarAlakAyAH shAntabhramaM tadbhramarAmbikAyAH || 25\.12|| tIre vipashchidvara pashchimAbdher\- gokarNagAM lokaya bhadrakarNIm | buddhiM shivAM sarvamanorathAnAM siddhiM cha yadyasti mano.adhigantum || 25\.13|| dhAmni prasiddhe karavIranAmni puNyAbhidhAnAM kR^itasannidhAnAm | devIM parAM pashyati yo virakto mukteH sa pANigrahaNAya shaktaH || 25\.14|| j~nAne dR^iDhA te yadi kApi kA~NkShA nAnehasaM mitra mudhA kShipemam | sevasva devIM tulajApurasthAM naiva svarUpAditarA kileyam || 25\.15|| gopAlinIveShabhR^itaM bhajasva lIlAsakhIM tAM bhuvaneshvarasya | iShTaM hR^idisthaM tava hastagaM syAt kaShTaM cha saMsArabhavaM na bhUyaH || 25\.16|| ArAdhyate vaitaraNItaTasthA yeneyamambA virajo.abhidhAnA | ArAdhitaM tena samastamanyat sAro dharAyAmayamAryagItaH || 25\.17|| sa~NgIyamAnaM sthalamAryavR^indair\- vR^indArakANAM saritastaTe.asti | yaH kAlikAM pashyati kAlakeshIM tatrAsya kAlAdapi naiva bhItiH || 25\.18|| nIlAchalaM siddhasamUhasevyaM lIlAniketaM pravadanti yasyAH | bhadrA parA kAchana guhyamudrA kAmeshvarI sA bhuvanasya mUlam || 25\.19|| mA~NgalyagaurIpadadarshanasya kartA tu bhUtvA sukR^itasya bhartA | AchArapUtairadhigamyamagryaM sthAnaM prapadyeta yato na pAtaH || 25\.20|| vArANasI shubhragireranUnaM kShetraM pavitraM bhuvanatraye.api | arthe prajAnAM vidhR^itAnnapAtrA gaurI svayaM yatra vishAlanetrA || 25\.21|| vR^indArakArAdhitapAdapadmAM nandAmimAmindusamAnavaktrAm | Alokya vindhyAchalavAsinIM nA nAlochayetsaMsR^itito bhayAni || 25\.22|| AnandadehAmiha muktisaMj~nAM nArIM parIrabdhumanA manuShyaH | dUtIM vR^iNotu pramatheshvarasya kAntAmavantIpuranAyikAM tAm || 25\.23|| yatrAchalachChidrakR^itA sahAhaM bhrAtrA muhuH khelitavAn vaneShu | taM siddhadevarShinutaM smarAmi kailAsamAvAsagiriM jananyAH || 25\.24|| pUrNA.ambare shItakare.adhikAraM bibhratyagendre dhavale salIlA | kShetreShu kAshyAdiShu guptashaktir\- gaurIndravajrAsu cha sannidhattAm || 25\.25|| ##\ \ 625## \medskip\hrule\medskip %##c07-q2/Jayanth.Ganapathiraju/c07-q2\.txt medskip## ShaD.hviMshaH stabakaH apItakuchAmbA ##(##dodhakavR^ittam##)## AgamavinmatikairaviNInAM bodhamajasramasau vidadhAnaH | pAtu maheshavadhUvadanAMsho hAsashashI sakalAni kulAni || 26\.1|| AyatalochanachumbitakarNA dAnayashojitatoyadakarNA | shoNanageshamanaH priyavarNA nAshayatAjjagadArtimaparNA || 26\.2|| vedatura~NgavilochanabhAgyaM vedashironichayairapi mR^igyam | shokavidArisudhAkiraNAsyaM shoNagirau samaloki rahasyam || 26\.3|| mu~ncha samastamanorathalAbhe saMshayamadya karAmalakAbhe | dR^ikpathamApa nagendratanUjA so.ahamitaH paramantararAjA || 26\.4|| shilpavidaH pratimAM pravishantI svalpavidAM taraNAya chakAsti | shoNadharAbhR^iti samprati labdhA hanta chirAdiyameva mamAmbA || 26\.5|| bhAratabhUvalaye.atra vishAle santvanaghAni bahUni gR^ihANi | AsyavigItasudhAkarabimbA shoNagirau ramate.atra madambA || 26\.6|| vAritasaMshritapAtakajAlA vAridhivIchinira~NkushalIlA | vArijapatraviDambananetrA vAraNarAjamukhena saputrA || 26\.7|| AyatavakraghanAsitakeshI toyajabANariporhR^idayeshI | kAshasumAchChayashAH paramaiShA pAshabhidastu tavenduvibhUShA || 26\.8|| pa~NkajasambhavapUjitapAdA pa~NkavinAshanapAvananAmA | ki~NkarakalpalatA parameyaM sha~NkaranetrasudhA sharaNaM naH || 26\.9|| cha~nchaladR^igvinatAmaravallI pa~nchapR^iShatkasharAsanajhillI | kA~nchanagarbhamukhapraNuteyaM pa~nchamukhapramadA sharaNaM naH || 26\.10|| amba vidhUya bhaTAnmadanAdIn nUpuranAdabibhIShikayaiShaH | hanta jahAra balena mano me shoNanagA~N.hghrinivAsini te.a~N.hghriH || 26\.11|| karNapuTe kuru mugdha mamoktiM mu~ncha dhanAdiShu mAnasasaktim | shoNagirIndravadhUpadabhaktiM shIlaya shIlaya yAsyasi muktim || 26\.12|| jIrNatare jarayA.akhiladehe buddhibalaM cha vilumpati mohe | hanta savitri tapanmatirante sevitumichChati nA charaNaM te || 26\.13|| tantravido navayoni tu chakraM shoNadharAdhararUpamushanti | ardhamamuShya vapurmadanAre\- rardhamagendrasute tava gAtram || 26\.14|| astu nageshvaranandini li~NgaM taijasametadihApi tavAMshaH | vItaguNasya vinA tava yogaM devi shivasya kutaH khalu tejaH || 26\.15|| sthApitamUrtiriyaM tava namyA pUjayituM jagadIshvari ramyA | shoNanagArdhamidaM tava rUpaM kIrtayituM nagaje dhutapApam || 26\.16|| shoNanagArdhatano.anishama~Nke dhArayase.ayi guhaM ramaNAkhyam | Agatamapyayi hA muhurambo\- chchATayase gaNapaM nanu kasmAt || 26\.17|| a~NkajuShe ramaNAya nu dAtuM mAnavaveShadharAya guhAya | shoNanagArdhatano bahu dugdhaM mAtarapItakucheha vibhAsi || 26\.18|| pUrNasamAdhivashAt svapiShi tvaM pItamapItakuche.amba na vetsi | a~NkajuShA ramaNena sutena prekShya yatheShTamuroruhadugdham || 26\.19|| j~nAnarasAhvayamamba nipIya stanyamasau ramaNo munirAT te | j~nAnamayo.abhavadIshvari sarvaH puShyati yena tanuM hi tadAtmA || 26\.20|| prItipadAya payodharakumbhAt pArvati dhImayadugdhamapItAt | astu guhAya shive bahu dattaM ki~nchidiveshvari dhAraya mahyam || 26\.21|| prauDhamimaM yadi vetsi tanUjaM shailasute madavAri dadhAnam | mAstupayo vitarAnaghamannaM yena dadhAni maheshvari shaktim || 26\.22|| svArjitameva mayA yadi bhojyaM sammada eva mamAkhilamAtaH | AshiShamagryatamAmayi dattvA preShaya yAni jayAni dharitrIm || 26\.23|| vidyuti vidyuti vIkShyavilAsA vIkShitakarmaNi lakShyarahasyA | pArvaNachandramukhI lalitA~NgI taijasali~NgasakhI sharaNaM naH || 26\.24|| mAtarapItakuche.aruNashailA\- dhIshvarabhAmini bhAmahanIye | sAdhu vidhAya samarpayate te dodhakamAlyamidaM gaNanAthaH || 26\.25|| ##\ \ 650## \medskip\hrule\medskip %##c07-q3/Sarada.Susarla/uma-c07-q3-itrans.txt medskip## saptaviMshaH stabakaH prachaNDachaNDI ##(##shikhariNIvR^ittam##)## vidhunvandhvAntAni pratidishamadharmaM parihara.N\- chChriyaM vyAtanvAnassapadi shamayan duHkhapaTalam | sahasrArAmbhoje dravamasadR^ishaM me prajanayan prachaNDAyAshchaNDyAssitahasitalesho vijayate || 27\.1|| arINAM shIrSheShu jvalitadavakIlIndrasadR^ishaM vinamrANAM shIrSheShvamR^itakarabimbena tulitam | virodhidhvAntAnAM taruNataraNiprAbhavaharaM prachaNDAyAshchaNDyAshcharaNamasatAM hantu vibhavam || 27\.2|| bhaje bhAsAM shAlAM nikhiladhiShaNAnAM janibhuvaM balAnAmAdhAtrIM nikhilabhuvanendrasya dayitAm | bhajante yAM gItairmadhusamayamAdyAtpikavadhU\- kalAlApA hR^idyairhayavadanapa~NkeruhadR^ishaH || 27\.3|| jvalantI tejobhirmahiShamathane yA tava tanur\- lasantI lAvaNyairgirisharamaNe yA tava tanuH | vinA krodhaprIti na kimapi tayorbhedakamabhUt tayorAdyA durgA bhavati lalitA.anyA muninute || 27\.4|| sahasraM bhAnUnAM bhavati divAsAnAmadhipateH sahasraM shIrShANAM bhavati bhujagAnAmadhipateH | sahasraM netrANAM bhavati vibudhAnAmadhipateH sahasraM bAhUnAM bhavati samaye haimavati te || 27\.5|| prasanno vaktrendurna cha nayanayoH ko.apyaruNimA na kampo bimboShThe smitamapi lasatkAshavishadam | sarojAbhaH pANiH kiNavirahitaH komalatamo jvalachChUlaM tvAsIjjanani tAva shumbhAya bhayadam || 27\.6|| vadhe shumbhasyAsIttava janani yA kAchana tanur\- dadhAnA.agryAH shaktIH shashikiraNasAropamaruchiH | imAM dhyAyaM dhyAyaM smaraharasakhi vyAkulamidaM mano me vishrAntiM bhajati bhajatAM kalpalatike || 27\.7|| yadi tvaM saMhAre paTurasi savitri trijagata\- stadetattvAM yAche sarasiruhagarbhAdivinute | ime me pApmAno bhagavati nadanto bahuvidhA\- stadeShu prakhyAtaM pratibhayatamaM darshaya balam || 27\.8|| bibhedoraH krodhAtkanakakashiporabdhitanayA\- kuchagrAvollIDhairatishitashikhairyaH kila nakhaiH | tvayA dattA shaktirnaraharisharIrAya jagatAM vinetre puMse.asmai janani raNara~Ngasthalarame || 27\.9|| ajeyastrailokyaprakaTitapatAkaH palabhujAM biDaujA yatkArAgR^ihaparichayI pa~N.hktivadanaH | sahasrAraM sAkShAd.hdhR^itanarasharIraM tamajayat tavaivAveshena priyaparashuramba dvijashishuH || 27\.10|| tvadIyA sA shaktiskakalajagadante.apyanalasA purA kAryasyAnte tanayamayi hitvA nR^iparipum | avikShatkAkutsthaM dashamukhakulonmAthavidhaye sahasrAMshuM hitvA shashinamiva ghasre galati bhA || 27\.11|| hR^ite lokavrAte bhagavati bhavatyaiva sa purA\- mariH kIrtiM labdhuM chaturamatirAyAti samaye | tvayA lokatrANe janani rachite rAkShasabadhAd yasho.avAptuM viShNurmilati cha kuto.apyeSha nipuNaH || 27\.12|| svarUpaM te vajraM viyati rajasAM sUkShmamahasA\- mupAdhiste stomo bhavati chapalA kA.api tanubhA | aruddhA te vyAptirbalamakhiladattaM balanidheH sahasrAMshaH svasya prabhavasi samastasya cha shive || 27\.13|| yataH kAlavyAjAtpachasi bhuvanaM vaidyutamahaH\- prabhAvAtkAlIM tvAmayi vidurataH paNDitavarAH | prabhoH shastraM bhUtvA dahasi yadarInvajravapuShA prachaNDAM chaNDIM tadbhagavati bhaNantyakShayabale || 27\.14|| ayi tvAmevendraM kathayati muniH kashchidajare tvayA shastrADhyaM taM bhaNati tu parastattvavidR^iShiH | yuvAM mAtAputrau bhagavati vibhAjyau na bhavatas\- tato dhInAM dvedhA vibudhajanagoShThIShu gatayaH || 27\.15|| vikurvANA vishvaM vividhaguNabhedaiH pariNamad vidhunvAnA bhAvAn bhuvanagatirodhAya bhavataH | vitanvAnA sharvaM chalavadachalaM kAchidavituM vichinvAnA jantoH kR^italavamapIshA vijayate || 27\.16|| prabhA bhAnoryadvadbhavasi sakalasyApi tapanI prachaNDA shaktiH satyakhilabhuvaneshasya tapataH | sudhAMshorjyotsneva pramadayasi chetaH pravishato bhavantI bhUtAderdaharakuharaM modalaharI || 27\.17|| prachaNDA gaurI vA tvamasi vasurudrArkavinute sa bhImaH shambhurvA vibhurabhayadaH pAdasuhR^idAm | tayorekaM rUpaM tava sahavibhoH khelati maha\- tyamuShminnAkAshe dhavalamahasi krIDati param || 27\.18|| vibhaktA yA dvedhA tvamasi gagane shItamahasa\- stathA ramye bimbe jvalitalalitastrItanuvidhA | tayorbrUhIshAne janani katamA me jananabhUH purAjanmanyAsIdvikaTamathavograiva suShuve || 27\.19|| dR^ishorbhedAd dR^iShTerna bhavati bhidA kA.api karayor\- na bhedAdbhinnaM syAtkR^itamabhivimAnaikyavashataH | bhidA tanvorevaM na bhavati bhidAyai tava shive viyaddeshe chaNDyAM sitamahasi gauryAM cha bhavati || 27\.20|| tava chChinnaM shIrShaM vidurakhiladhAtryAgamavido manuShyANAM maste bahulatapasA yadvidalite | suShumnAyAM nADyAM tanukaraNasamparkarahitA bahishshaktyA yuktA vigatachiranidrA vilasasi || 27\.21|| utAho tanva~NgyAM bhR^igukulavidhAtryAM pitR^igirA tanUjenachChinne shirasi bhayalolAkShi naline | nyadhAstejo bhImaM nijamayi yadakShudramanaghaM tadAhustvAmamba prathitacharite kR^ittashirasam || 27\.22|| hutaM dhArAjvAlAjaTilachaTule shastradahane tapasvinyAH kAyaM bhagavati yadA.amba tvamavishaH | tadA tasyAH kaNThapragaladasR^ijaH kR^ittashirasaH kabandhena prApto bhuvanavinutaH ko.api mahimA || 27\.23|| nidhestvatto hR^itvA bhagavati na lajje bhuvi sR^ijan rasakShoNIrvANIstvadamalayashassaurabhajuShaH | nR^ipodyAnAtsUnotkaramapaharan bhaktinaTanaM vitanvAnastasmai muhurupahara.Ntsevaka iva || 27\.24|| dadhAnAssantoShaM manasi sukavInAmatitarAM dadAnAH pratyagraM vibudhasadase bhAvamalaghum | kulAnAmutsAhaM sapadi vidadhAnAshshivavadhU\- parANAM shobhantAM jagati shikhariNyo gaNapateH || 27\.25|| ##\ \ 675## \medskip\hrule\medskip %##c07-q4/Padmaja Pandalaneni/umasahasramu\_676-700\.txt medskip## aShTAviMshaH stabakaH reNukAdivarNanam ##(##vasantatilakAvR^ittam##)## antarvalakShaparidhibhramamAdadhAno vaktrasya pUrNatuhinadyutimaNDalasya | hAsaH karotu bhavatAM paramaM pramodaM shuddhAntapa~NkajadR^ishaH pramatheshvarasya || 28\.1|| sammohanAni tuhinAMshukalAdharasya sa~njIvanAni sarasIruhasAyakasya | sandIpanAni vinateShu janeShu shakteH saMharShaNAni mama santu shivAsmitAni || 28\.2|| pApAni me haratu kAchana kR^ittashIrShA mAtA padAmbujabhujiShyavitIrNaharShA | yA bhaktalokavaradAnavidhau vinidrA vAsaM kamaNDaludhunIpuline karoti || 28\.3|| ShaShThAvatArajananAvanirekavIrA bhImA dhunotu duritAni gaNAdhipasya | yA bhaktarakShaNavidhAvatijAgarUkA puNye kamaNDaludhunIpuline chakAsti || 28\.4|| ChedAya ched gatarajA munirAdidesha chichCheda chedbahuguNastanayaH savitrIm | dAhyaM sharIramakhilaprabhurIshashaktiH yadyAvivesha cha kathA paramAdbhuteyam || 28\.5|| putraH priyastava shiraH sahasA chakarta kR^ittA cha harShabharitA bhavatI nanarta | no tasya pApamapi no tava kA.api hAniH nAsho.asya hA bhujabhuvAmabhavadvipAkaH || 28\.6|| ambaiva sA surabhirjunabhUpatiryAM vIryAjjahAra sa cha bhArgava AjahAra | tasyA hateH paragR^ihasthitireva hetuH gandharvadarshanakathA ripukalpitaiva || 28\.7|| ChinnAni no kati sharIrabhR^itAM shirAMsi tatpUjyate jagati raiNukameva shIrSham | kR^ittAH kalevaravatAM kati nAbhayo na cheto dhinoti surabhirmR^iganAbhirekaH || 28\.8|| prANA vasanti shirasA rahite sharIre lIlAsarojati shirastu kare.asya kR^ittam | tannighnametadakhilaM cha dhiyaiva dhIrAH pashyantu nandanagare tadidaM vichitram || 28\.9|| prANeshvarI vidhipure lasataH purAre\- ra~NgIkarotu sharaNAgatimambikA me | labdhaM nipIya yaduroruhakumbhadugdhaM sambandhamUrtirabhavatkavichakravartI || 28\.10|| aprApya lokarachanAvanapAtaneShu yasyAstrayo.api puruShAH karuNAkaTAkSham | naiveshate kimapi sA jagadekamAtA bhadrA parA prakR^itirastvaghanAshinI naH || 28\.11|| rAkA prabodhashashino hR^idayodayasya naukA vipajjalanidhau patatAM janAnAm | vedadhvajasya lalitA triruchiH patAkA kAchinmamAstu sharaNaM shivamUlaTIkA || 28\.12|| maulau mahendrasudR^ishassumanonikAya\- saMshobhite sadasi mAnya ivAbhijAtaH | reNushcha yachcharaNabhUrlabhate.agrapIThaM trANAya sA bhavatu bhUtapatervadhUrnaH || 28\.13|| ambAvR^iNoti parito.apyayamandhakAro nAtmAnameva mama kiM tu kulaM cha desham | shIghraM madIyahR^idayodayaparvatAgre shrImAnudetu tava pAdamayUkhamAlI || 28\.14|| kaShTaM dhunotu mama parvataputrikAyAH prtyagrapa~NkaruhabAndhavakAntikAntam | ambhoruhAsanamukhAmaramauliratna\- jyotirvisheShitaguNaM charaNAravindam || 28\.15|| jyAshi~njitAni samare girishaM jigIShoH kAmasya haMsanivahasya nimantraNAni | dhunvantu me vipadamadrikumArikAyAH pAdAravindakaTakakvaNitAni tAni || 28\.16|| yaH sarvalokamathanaM mahiShaM jigAya yasyaiva karma damanaM cha tadantakasya | nArInarAkR^itibhR^ito mahasastama~N.hghriM ma~njIranAdamadhuraM sharaNaM vrajAmi || 28\.17|| ApanmahograviSharAshinimagnametaM dInaM tvadIyacharaNaM sharaNaM prapannam | uddhartumamba karuNAparipUrNachitte vitteshamitrakulanAri tavaiva bhAraH || 28\.18|| lokAdhirAj~ni patitaM vipadandhakUpe saMruddhadR^iShTimabhitastimirachChaTAbhiH | mAtaH samuddhara kR^ipAkalite mR^iDAni putraM kareNa jagatAmabhaya~NkareNa || 28\.19|| asya tvadIyapadapa~Nkajaki~Nkarasya durbhAgyapAkaviphalIkR^itapauruShasya | prANeshvari pramathalokapaterupAyaM vIkShasva tAraNavidhau nipuNe tvameva || 28\.20|| mR^ityu~njayorumaNipIThataTe niShaNNe tATa~NkakAntibahulIkR^itagaNDashobhe | mANikyaka~NkaNalasatkaravArijAte jAte kulAchalapaterjahi pAtakaM naH || 28\.21|| kiM te vapurjanani taptasuvarNagauraM kAmArimohini kimindukalAvalakSham | pAkArinIlamaNimechakakAntyutAho bandhUkapuShpakalikAruchi vA smarAmi || 28\.22|| tvaM sundarI nR^ipatijAtijitastvamambA dhUmAvatI tvamajare bhuvaneshvarI tvam | kAlI tvamIshvari shukArbhakadhAriNI tvaM tArA tvamAshritavipaddalanAsidhArA || 28\.23|| tvaM bhairavI bhagavatI bagalAmukhI tvaM rAmA cha sA kamalakAnanachAriNI tvam | kailAsavAsinayanAmR^itabhAnurekhe ko veda te janani janmavatAM vibhUtIH || 28\.24|| dhunvantu sarvavipadaH sukR^itapriyANAM dhunvantu chAkhilasukhAnyaghalAlasAnAm | Avarjya bhUrikaruNaM purajittaruNyA\- shchittaM vasantatilakAH kavibharturetAH || 28\.25|| ##\ \ 700## || samAptaM cha saptamaM shatakam || \medskip\hrule\medskip %##c08-q1/Sesha.talpasAyi.Vadapalli/c08\_q1\_itrans.txt medskip## aShTamaM shatakam ekonatriMshaH stabakaH navavidhabhajanam ##(##madalekhAvR^ittam##)## AyuShyA bhuvanAnAM chakShuShyAstripurAreH | kurvantu pramadaM naH pArvatyAH smitaleshAH || 29\.1|| nAtyarghANi nirarthaM netavyAni dinAni | ambAyAshcharitAni shrotavyAnyanaghAni || 29\.2|| udyogaM kuru jihve saMhartuM duritAni | pUtAnyadrisutAyAH kIrtyantAM charitAni || 29\.3|| shrIsaktirvinivAryA chintA kA.api na kAryA | nityaM chetasi dhAryA dInAnAM gatirAryA || 29\.4|| j~nAtuM yA gadituM yA shrotuM yA shvasituM yA | draShTuM yA.antarashaktistiShThAtra smR^itireShA || 29\.5|| vibhrAjInashatAbhaM bibhrANaM shirasIndum | smartavyaM jagadambArUpaM vA dhutapApam || 29\.6|| yeShAM syAtparitaptaM prAyashchittamaghena | rudrANIpadasevA prAyashchittamamIShAm || 29\.7|| taddIptaM padayugmaM seve yatra bhavanti | a~Ngulyo dasha bhAnorbhAnUnAM shatakAni || 29\.8|| no chet kupyasi ki~nchid yAche vAchamatIte | sevAM mAtarurIkurviShTaM me kuru mA vA || 29\.9|| sharvANIcharaNArchApIThaM pIvarakANAm | vadhyasthAnamidaM syAdugrANAM duritAnAm || 29\.10|| skandAmbApadapIThaspR^iShTaM chedbalamAptam | ekaikaM sumamaMhasvekaikaM kulishaM syAt || 29\.11|| ambhojopamama~N.hghriM shambhoH paTTamahiShyAH | aMhassaMhatimugrAM saMhartuM praNamAmaH || 29\.12|| ye kAlIpadaveShaM nAlIkaM praNamanti | naiShAM ki~nchidashakyaM nAlIkaM mama vAkyam || 29\.13|| vAsaste.atra samAptaH pa~Nketo vraja dUram | kAlIM sha~NkaranArIM kAle.asmin praNamAmaH || 29\.14|| AshA re tadavasthA bhUbhAganaTataste | kAmAnAM kva nu pAraH kAmArernama nArIm || 29\.15|| dhanyAste tuhinAdreH kanyAM ye praNamanti | anyAnunnatashIrShAn manye vanyalulAyAn || 29\.16|| pAdAmbhojamumAyAH prAj~nAssampraNamantaH | gR^ihNanti shriyamasmin rAjantIM nijashaktyA || 29\.17|| mandArAdrisutA~NghrI dAtArau sadR^ishau staH | utkaNThaiH phalamAdyAdanyasmAnnatakaNThaiH || 29\.18|| kAlasyApi vijetuH sharvANyAshcharaNasya | eSho.ahaM kavilokakShmApAlo.asmi bhujiShyaH || 29\.19|| rakte darshaya rAgaH rudrANIpadapadme | chetaH puShyati shobhAM sArassAravato.agre || 29\.20|| saMshodhyAgamajAlaM sArAMshaM pravadAmaH | skandAmbApadabhaktirbhuktyai chAtha vimuktyai || 29\.21|| vAtsalyaM gatihIneShvAyuShyaM sukR^itasya | bhUyobhiH saha sakhyaM shrIhetuShviha mukhyam || 29\.22|| shlAghyaM puShyati kAmaM premA svapramadAyAm | sharvANIpadabhaktirnityAya pramadAya || 29\.23|| ekaivaM bahubhedA bhinnatvAdviShayANAm | ratyAkhyA drutirantaH sA sUte phalabhedAn || 29\.24|| harShaM ka~nchana mAturmatto bhaktibhareNa | tanvanneSha vidhattAM herambo madalekhAH || 29\.25|| ##\ \ 725## \medskip\hrule\medskip %##c08-q2/Pattabhi.Nadimpally/enimidava\_satakamu\_dvitiya\_stabakamu\_726\_750\.txt medskip## triMshaH stabakaH mAnasapUjA ##(##pramANikAvR^ittam##)## kR^itena sA nisargato dhR^itena nityamAnane | sitena shItashailajA smitena shaM tanotu me || 30\.1|| pratikShaNaM vinashvarAnaye visR^ijya gocharAn | samarchayeshvarIM mano vivichya vishvashAyinIm || 30\.2|| vishuddhadarpaNena vA vidhArite hR^idA.amba me | ayi prayachCha sannidhiM nije vapuShyagAtmaje || 30\.3|| purasya madhyamAshritaM sitaM yadasti pa~Nkajam | ajANDamUlyamastu te surArchite tadAsanam || 30\.4|| akhaNDadhArayA dravannavendushekharapriye | madIyabhaktijIvanaM dadhAtu te.amba pAdyatAm || 30\.5|| vivAsanaughamAnasaprasAdatoyamamba me | samastarAj~ni hastayoranarghamarghyamastu te || 30\.6|| mahendrayonichintanAd bhavanbhavasya vallabhe | mahAraso rasastvayA nipIyatAM vishuddhaye || 30\.7|| sahasrapatrapa~NkajadravatsudhAjalena sA | sahasrapatralochanA pinAkino.abhiShichyate || 30\.8|| mamArjitaM yadindriyaiH sukhaM sugAtri pa~nchabhiH | tadamba tubhyamarpitaM sudhAkhyapa~nchakAyatAm || 30\.9|| vasiShThagotrajanmanA dvijena nirmitaM shive | idaM sharIrameva me tavAstu divyamaMshukam || 30\.10|| vichitrasUkShmatantubhR^inmameyamAtmanADikA | sukhaprabodhavigrahe makhopavItamastu te || 30\.11|| mahadvichinvato mama svakIyatattvavittijam | idaM tu chittasaurabhaM shive tavAstu chandanam || 30\.12|| maheshanAriniHshvasa.NstathA.ayamuchChvasa.NstadA | tavAnishaM samarchako mamAstu jIvamArutaH || 30\.13|| vipAkakAlapAvakapradIptapuNyagugguluH | suvAsanAkyadhUpabhR^id bhavatvayaM mamAmba te || 30\.14|| guhAvatAramauninA mayIshvari pradIpitA | iyaM prabodhadIpikA pramodadAyikA.astu te || 30\.15|| imAmayi priyAtpriyAM mahArasAmaha~NkR^itim | nivedayAmi bhujyatAmiyaM tvayA nirAmaye || 30\.16|| sarasvatI sudhAyate mano dadhAti pUgatAm | hR^ideva patramambike trayaM sametya te.arpyate || 30\.17|| vinIlatoyadAntare virAjamAnavigrahA | nijAvibhUtirastu te taTillatA prakAshikA || 30\.18|| svaro.ayamantarambike dvirephavatsvara.NstadA | mamAbhimantrya dhIsumaM dadAti devi te.a~Nghraye || 30\.19|| tavArchanaM nirantaraM yato vidhAtumasmyaham | na vishvanAthapatni te visarjanaM vidhIyate || 30\.20|| viyoga indudhAriNA na cheha vishvanAyike | madamba so.atra rAjate taTillatAshikhAntare || 30\.21|| idaM sharIramekakaM vibhAvya navyamandiram | vihAramatra seshvarA bhavAni kartumarhasi || 30\.22|| jaDeShvivAlaseShviva prayojanaM na nidrayA | vihartumeva yAchyase hR^idIshasadmarAj~ni me || 30\.23|| ayaM tavAgrimaH sutaH shrito manuShyavigraham | tanUjaveshmasauShThavaM mR^iDAni pashya kIdR^isham || 30\.24|| gaNeshiturmahAkaverasau pramANikAvalI | manombuje maheshvarIprapUjaneShu shabdyatAm || 30\.25|| ##\ \ 750## \medskip\hrule\medskip %##c08-q3/Sesha.talpasAyi.Vadapalli/c08\_q3\_itrans.txt medskip## ekatriMshaH stabakaH nAmavaibhavam ##(##upajAtivR^ittam##)## darasmitashrIkapaTA suparva\- srotasvinI parvatajAsyajAtA | pa~NkaM mama kShAlayatAdasheShaM saMsAramagne hR^idaye vilagnam || 31\.1|| harATTahAsena samaM militvA pitreva putro guruNeva shiShyaH | vibhrAjamAno mama shaM karotu hAsA~NkuraH kesarivAhanAyAH || 31\.2|| namashshivAyai bhaNata dvipAdo yuShmAkamagryAM dhiShaNAM dadhatyai | AdhArachakreshiturambikAyai brahmANDachakrasya vidhAyikAyai || 31\.3|| nadanti gAvo.api vishiShTakAle\- Shvambeti yo nAhvayate sa kiM nA | lakShyaM punaH prANavadastu sarvaM sarvasya chAntarhi parA.asti shaktiH || 31\.4|| AtmanyutAnyatra vidhAya lakShyaM tAM shaktimAdyAmakhileShu suptAm | yAvatprabodhaM muhurAhvayasva prabudhyate sA yadi kinnvasAdhyam || 31\.5|| ye nAma shAntiM paramAM vahanto nAmAni shItAchalaputrikAyAH | sa~NkIrtayanto vijane vasanti jayantatAtAdapi te jayanti || 31\.6|| nAmAni sa~NkIrtayatAM janAnAM kAruNyavatyAH karivaktramAtuH | punarjananyA jaThare nivAsA\- dAyAsavattA bhavatIti mithyA || 31\.7|| pApaissamantAtsamabhidruto.api vishvasya te vikramamasmi dhIraH | na chedrasaj~ne bhavatI bravIti nAmAni shItAMshubhR^ito hato.aham || 31\.8|| dehIti sampallavadarpitAnAM dvAreShu ghoShaM kuruShe pareShAm | bhavAni bhadre bhuvanAmba durge pAhIti nAyAti kimamba jihve || 31\.9|| vAkyAni vaktuM yadi te rasaj~ne rasojjvalAni vyasanaM garIyaH | kiM vA namontAni sudhAM kiranti nAmAni no santi kumAramAtuH || 31\.10|| yad gIyate shailasutAbhidhAnaM tadeva bodhyaM sukR^itaM pradhAnam | aj~nAnilokasya kR^ite bhaNanti yaj~nAdipuNyAni parANi vij~nAH || 31\.11|| sAmnA prayuktena jagadvashe syAt nAmnA sadoktena jagadvinetrI | vedobhayaM samyagidaM kR^itI yo bhave bhayaM tasya kuto.api na syAt || 31\.12|| sa~NkIrtanAttuShyati sharvayoShA tuShTA tvabhIShTaM na dadAti naiShA | imaM tvavij~nAya jagatyupAyaM brajantyapAyaM bahudhA manuShyAH || 31\.13|| bhAShe bhuja~NgAbharaNapriyAyA nAmAni kAmAnitarAn vihAya | api prapa~nchAtigaghorakR^ityaM karotu kiM mAM taraNerapatyam || 31\.14|| yaj~nena dAnaiH kaThinavratairvA siddhiM ya ichChetsa grahItumichChet | mAtuH shayAno.a~Nkatale shashA~NkaM maheshvarIM kIrtayatastu siddhiH || 31\.15|| rahasyatantrANi vivichya dUraM vyAjaM vimuchya pravadAmi sAram | nAmaiva kAmAripurandhrikAyAH siddhernidAnaM na makho na dAnam || 31\.16|| pIyUShamIShanmadhuraM bhaNanti ye nAma rAmAdharapAnalolAH | kAmArirAmAhvayagAnalolAH kavIshvarAH kA~njikamAlapanti || 31\.17|| sudhAghaTaH ko.apyadharo vadhUnAM kavissudhAtoyadharo.abhidheyaH | ayaM sudhAvIchivitAnamAlI nAmapraNAdo nagakanyakAyAH || 31\.18|| surAlaye bhAtitarAM sudhaikA sudhA parA vAchi mahAkavInAm | bimbAdhare ka~njadR^ishAM sudhA.anyA sudhetarA nAmani lokamAtuH || 31\.19|| mAdhuryamAbhAtyadhare vadhUnAM chakorabandhoH shakale prasAdaH | trisrotaso vAriNi pAvanatvaM trayaM cha nAmni tripurAmbikAyAH || 31\.20|| yA mAdhurI premabhareNa daShTe jAgarti kAntAvaradantachele | sA dR^ishyate bhaktibhareNa gIte dharAdharAdhIshasutAbhidhAne || 31\.21|| yatte jagallampaTake.api varNA\- stanme.amR^itaM nAma nagAtmajAyAH | lAlAmayo yo mama taM bravIShi sudhAmayaM strIdashanachChadaM tvam || 31\.22|| uchchArayochchATitapAtakAni nAmAni jihve bhuvanasya mAtuH | tadA vadAmo madhuchUtarambhA\- rAmAdharAste ruchaye yadi syuH || 31\.23|| " "##\ \ @@773## " " AkShepamikShoradhikaM vidhatte pIyUShadoShAnabhito.abhidhatte | kAntAdharArabdhadurantavAdaH kapardikAntAvaranAmanAdaH || 31\.24|| vishvAsahInaiH sutarAmabodhyaM nAmAnubhAvaM nagakanyakAyAH | jayantu siddhairapi gIyamAnaM gAyantya etA upajAtayo naH || 31\.25|| ##\ \ 775## \medskip\hrule\medskip %##c08-q4/Jayaram.Manda/itrans.txt medskip## dvAtriMshaH stabakaH bhaktiryogashcha ##(##AryAgItivR^ittam##)## vidadhAtu sampadaM me sakalajagannAthanayanahAriJyotsnaH | shIto.andhakArahArI hAsashashI kashchida~Nkarahito mAtuH || 32\.1|| karuNArasArdrahR^idayA hR^idayAntaraniryadachChavIchismerA | pramatheshvarapriyatamA pAdapreShyasya bhavatu kalyANaya || 32\.2|| kAraNakAryavibhedAd rUpadvitayaM tavAmba yadR^iShiproktam | tatraikaM bhartumidaM vihartumanyattu bhutabharturlalane || 32\.3|| shrotuM stotravisheShaM bhaktavisheShaM cha boddhumayamIdR^igiti | dAtuM cha vA~nChitArthaM tava mAtashchandralokarUpaM bhavati || 32\.4|| kIshakishoranyAyAt kAraNarUpaM tavAmba yogI dhatte | otukishoranyAyAd bhaktaM paripAsi kAryarUpeNa tvam || 32\.5|| dR^iDhadhAraNA na chettva\- chchyavate yogI maheshanayanajyotsne | nAyaM mameti bhAva\- stava yadi sadyaH savitri bhaktaM tyajasi || 32\.6|| shithiladhR^itiryogI syAd bAhyairviShayairnitAntamAkR^iShTo yaH | svIyamatirlupyati te bhakte.ahantAprasArakaluShe mAtaH || 32\.7|| sAha~NkR^itirna bhaktiH sabAhyaviShayA dhR^itirna sarveshvari te | avijAnantAvetad bhakto yogI cha naiva siddhau syAtAm || 32\.8|| vyaktitvAdapi yasya priyaM tvadIyaM savitri pAdAmbhojam | so.adbhutashaktirbhakto bhagavati kiM kiM karoti nAsmin jagati || 32\.9|| vyaktitvalobhavivashe siddhaH kAmo.api bhavati samavachChinnaH | prApto.api salilarAshiM salilAni ghaTaH kiyanti sa~NgR^ihNIyAt || 32\.10|| jIvanneva naro yaH sAyujyaM te prayAti shambhoH pramade | sarve kAmAstasya prayAnti vashamAshu vItavividhabhrAnteH || 32\.11|| vyaktitvaM tubhyamidaM manIShayA me pradattamadhikAriNyA | bahukAlabhogabalato vivadati deho madamba kiM karavANi || 32\.12|| sthUlena varShmaNA saha sUkShmA kalahaM matirna kartuM shaktA | sutarAM balavati mAtar\- balAd gR^ihANa svayaM tvamasmAtsvIyam || 32\.13|| sarveShAM hR^idi yasmAt\- tvamasi prANAtmikAmba hetostasmAt | akhilaprANyArAdhana\- mArAdhananirvisheShamagaputri tava || 32\.14|| juhvati ke.api kR^ishAnau tasmAtprAptistaveti sampashyantaH | apare prANiShu juhvati sAkShAtprANAtmikA.asi teShvantariti || 32\.15|| prANiShvapi yaH prANaM bhUtAdimanAdimAtmani sthitamanagham | satatamupAste yogI tasmin homena te.amba tR^iptissulabhA || 32\.16|| Atmani yo.amba shreShThe prANe prANAn juhoti daharAbhimukhaH | tvadrUpe hatapApe tena jitaM sakalamIshachittArAme || 32\.17|| upasaMhR^itamakhilebhyo viShayebhyo nirnimeShamantaHkR^iShTam | hR^idi dR^iDhapadena chakShu\- stvadrUpe hUyate madamba prANe || 32\.18|| antassvaraM nigUDhaM shreShThaprANasya devi tava bhAgasya | shR^iNvadiva praNavAkhyaM shravaNaM tatraiva bhavati jagadamba hutam || 32\.19|| sarveShAM mantrANAM stotrANAM cheshachittanAthe prakR^itau | gUDhaM sadA svarantyAM prANantyAM tvayi juhoti maunI vAcham || 32\.20|| dehe skhalati manashchet viShayeShu hutaM dadhAti viShayAtmatvam | AvR^ittaM yadi dehAd sUkShmAyAM tvayi hutaM tvadAkR^iti bhavati || 32\.21|| tvagrasanaghrANAnA\- manubhUtIH prANashaktisAtkurvANaH | kaM nArpayate bhogaM bhagavati te sarvalokapArthivavanite || 32\.22|| gachChan kurvan visR^ijan ramamANAshchAmba sakalalokAdhIshe | yaH kevalAM kriyAmapi chintayate tena nityayaj~naH kriyate || 32\.23|| sarveShAmagnInAM prANAgnistava vibhUtiruktaH shreShThaH | tasminhutaM tu suhutaM dravyANi dhiyaH kriyAshcha mantraH praNavaH || 32\.24|| AryAgItInAmaya\- madharIkR^itamadhusudhAdhimAdhuryarasaH | vargo gaNapativadanA\- nniShkrAnto bhavatu sharvasudR^ishaH prItyai || 32\.25|| ##\ \ 800## || samAptaM cha aShTamaM shatakam || \medskip\hrule\medskip %##c09-q1/Karthik.Sitaram.Tenneti/c09-q1\.txt medskip## navamaM shatakam trayastriMshaH stabakaH japo yogo.arpaNaM cha ##(##vaMshasthavR^ittam##)## sudhAM kiranto.akhilatApahAriNIM tamo harantaH paTalena rochiShAm | shriyaM dishanto dishi dishyasa~NkShayAM jayanti shItAdrisutAsmitA~NkurAH || 33\.1|| kR^ipAkaTAkShastava kena vA.a.apyate maheshashuddhAntapurandhri karmaNA | nirantaraM mantrajapena vA mater\- vishodhanenota manorpaNena vA || 33\.2|| vishodhanAddevi mateH pragR^ihyase manorpaNeneshavadhu prasIdasi | japena mantrasya shubhasya vardhase jagattrayIdhAtri kalevarAntare || 33\.3|| manaHpratApasya bhavatyasaMshayaM pravardhanaM vaidikamantrachintanam | prashasyate prANamahaHpradIpane dayAnvite tAntrikamantrasevitA || 33\.4|| tavAmbike tAntrikamantramuttamaM stavAtigaM yaH kanakA~Ngi sevate | vichitrayantrAdiva vaidyutaM maha\- stato viniryad bhuvanaM vigAhate || 33\.5|| na tasya cheto vikR^itervashe bhave\- nna tasya dR^iShTirviShayairvikR^iShyate | na tasya rogairapakR^iShyate vapuH savitri yaste bhajate mahAmanum || 33\.6|| smaranti mAyAM gaganAgnishAntibhiH sahAchChabhAsA sahitAbhirambike | tathA rasaj~nAM druhiNAgnishAntibhir\- bhaNanti dogdhrIM tu khaShaShThabindubhiH || 33\.7|| abhaNyatAdyA bhuvaneshvarI budhair\- anantarA mAtaragAdi kAlikA | prachaNDachaNDI parikIrtitA parA trayo.apyamI te manavo mahAphalAH || 33\.8|| upAdhibhUtaM shuchi nAbhasaM rajo dadhAti sAkShAd bhuvaneshvarIpadam | tadAshrayA vyApakashaktiradbhutA manasvinI kAchana kAlikeritA || 33\.9|| amartyasAmrAjyabhR^itaH pravartikA vishAlalokatrayara~NganartikA | parAkramANAmadhinAyikochyate prachaNDachaNDIti kalA savitri te || 33\.10|| smaranmanuM roditi bhaktimAMstava pragR^ihya pAdaM muniramba lambate | phalaM chirAya prathamaH samApnuyAt paro marandaM pada eva vindati || 33\.11|| padaM tavAnviShTamanekadA mudA hR^idantare spR^iShTamivedamambike | palAyate.adho.ahamanantaraM shuchA parAtpare rodimi mantrashabdataH || 33\.12|| bhaNanti santo marutAM savitri te mahAmanuM tvatpadabhAskarAtapam | tato hi mUlAtsvara eSha nirgata\- stapatyaghaughaM jarayanmahomayaH || 33\.13|| savitri sAkShAchcharaNasya te prabhAM vidhAraya.NstajjanimUlamArgaNe | muhurmuhusso.ahamaje dhR^itodyamaH pathA maharShI ramaNo babhANa yam || 33\.14|| ahampadArtho yadi chillatA tatA kimeSha dogdhrImanubhAvato.aparaH | ahaM yadi prANaninAdavaikharI na kUrcha AkhyAtumaseti shakyate || 33\.15|| pare tu yAM chetanashaktimAmana\- ntyabhANi sA kuNDalinIti tAntrikaiH | vilakShaNA nAma chamatkR^itirjaDAn pratArayatyAgamasAradUragAn || 33\.16|| bhavatyakhaNDAnubhavaH prabodhinA\- matIva sUkShmAnubhavashcha yoginAm | karaM gatAssarvavidhAshcha sherate maheshvarImantraparasya siddhayaH || 33\.17|| sahasrasa~NkhyAni janUMShi vA mama priyANi bhaktistava chedbhave bhave | tava smR^itiM ched galayenna sammadaM karoti mokSho.api mameshavallabhe || 33\.18|| vinaiva dR^iShTiM yadi satprashiShyate na sattayA.arthaH phalahInayA tayA | idaM tu sat kinnvasato vishiShyate na tAta muktopalayostadA bhidA || 33\.19|| shuchAM nivR^ittiryadi muktiriShyate sukhapravR^ittiryadi nAtra vidyate | sadeva chettatra matirna bhAsate jaDaM vimuktAdvachasaiva bhidyate || 33\.20|| matiH parAchI vyavahArakAraNaM bhavetpratIchI paramArthasampadi | ubhe dishau yasya matirvigAhate padA cha mUrdhnA cha sa siddha iShyate || 33\.21|| dR^iDhaM padaM yasya mateH sadA.antare sa nA dhiyo.agreNa bahishcharannapi | savitri magnastvayi samprakIrtyate na tasya bhIH sa~ncharato.api saMsR^iteH || 33\.22|| vichintane chintanashaktimadbhutAM vilokane lokanashaktimujjvalAm | prabhAShaNe bhAShaNashaktimuttamAM nibhAlayaMstvAM viShayairna jIyate || 33\.23|| vilokamAnasya vilokanaM kaver\- vilokyamAneShu vihAya saktatAm | vilochane sannihitA nirantaraM vidhUtabhItirvibudhastutA shivA || 33\.24|| ayaM bhayAnAM parimArjakassatAM samastapApaughanivAraNakShamaH | manoj~navaMshasthagaNo gaNeshitur\- mano maheshAbjadR^isho dhinotvalam || 33\.25|| ##\ \ 825## \medskip\hrule\medskip %##c09-q2/Muralidhar.Kalavacharla/uma\_sahasram\_chap9-q2\.txt medskip## chatustriMshaH stabakaH prArthanA ##(##hariNIvR^Ittam##)## viditamahimA vishvAdhAnAdanekavidhAdbhutAt prathitacharitaH sharvAlokapratApavivardhanAt | prakaTitaguNaH pApadhvAntaprasAranirodhanAt pradishatu shivAhAso bhAsAM nidhiH kushalAni me || 34\.1|| hR^idi karuNayA pUrNA bAhvorbalena mahIyasA padakamalayorlakShmyA bhaktairjanairupajIvyayA | mukhasitakare lAvaNyena triNetradR^ishAM balaM bahu vidadhatA kAlI mAtA.avatAtpadasevinam || 34\.2|| jagadadhipayA siddhaM dogdhryA.athavota rasaj~nayA munijananutaM devImantraM japedyadi mAnavaH | amR^itajaladIbhUtaH pUtaH viyogavisheShavit sa iha vasudhAloke dhArA girAmabhivarShati || 34\.3|| imamabhimukhIbhUtA shAtodarI kamalAlayA hayagajaghaTApUrNA.abhyarNaM sametya niShevate | savibudhamidaM vishvaM tasya prayAti punarvashaM prathitayashasAM siddhInAM chApyamuM bhajate.aShTakam || 34\.4|| suvimaladhiyastasya krodhAd dR^igambudhutadyutI ripujanavadhUgaNDAbhogo bhaveduta pANDuraH | sapadi bhuvanavyAptaM chAptaiH pramANapurassaraM bhaNitamajaraM bhadraM jyotiH paraM hR^idi bhAsate || 34\.5|| adayamaribhiH krAnte rAShTre tvamIshvari rakShikA sumasharamukhairdhUte chitte tvamIshvari rakShikA | prabaladuritairgraste vaMshe tvamIshvari rakShikA\- .apyasR^ijati jalaM meghe moghe tvamIshvari rakShikA || 34\.6|| bhagavati nijau sAkShAtputrau bR^ihaspatipAvakau gaNapatiguhAvetau veShAntaravyavahArataH | bharatadharaNIkhaNDe hetoH kutaH kR^itasambhavau kalakalayute kAlI devi vyadhAH kathaya drutam || 34\.7|| samayamayi te dhR^itvA pAdAmbujaM ramaNaH suto girivaraguhAsvantaH shAnto nayedyadi nAdbhutam | sthalavirahataH svIyasthAne kimatra samAgato na vadasi kutaH kAryaM tasmai kulAchalakanyake || 34\.8|| paribhaNati chechChiShyavyUhe mahAdbhutasa~NgatIr\- janani ramaNo yogIshAnastato bahu no phalam | amitatamayA dR^iShTeH shaktyA kadA saraNiM naye\- dapathapatitaM dhAtrIlokaM tadeva vadAmbike || 34\.9|| ahamiha kuto hetorjAto viShaNNatame sthale charaNakamalachChAyAM mAyAdhirAj~ni vihAya te | paramakaruNo ghoraH shApaH kimeSha savitri te kimapi bhuvi vA kAryaM kartuM niyojitavatyasi || 34\.10|| vrajati vilayaM sneho dUrapravAsavashAditi pravadati budhaH kashchitsatyaM prabhAti tadambike | bhagavati nije kukShau jAtaM divo dharaNIgataM smR^itisaraNito dUre hA hA karoShi ruShA yathA || 34\.11|| mama tu vimalA hR^idyA vidyA maheshvari yA.abhava\- nmanasi cha parA chitrA shaktishchirantani yA.abhavat | vachasi cha mahadbhAgyaM shlAghyaM yadIDyatame.abhavat tadayi galitaM matto vittatrayaM bhavato bhuvi || 34\.12|| kR^itamayi mayA pApaM ghoraM sukarmasu sa~NginAM yadahamadayo vighnaM nR^INAM muhurmuhurAcharam | atikaTu phalaM tasyAshnAmi shrito naravigrahaM pramathanR^ipaterjAye mAye jananyava mAmimam || 34\.13|| na bhavasi dR^ishormArge lokAdhirAj~ni kuto giro na cha bahukR^ipe svapne vA tvaM prayachChasi darshanam | apanayasi no sandehaM vA parokShakR^ipAvashA\- dapi suranute lagnA kAryAntare kimutAdayA || 34\.14|| niravadhishive mAhAtmyaM te bhaNanti maharShayo manasi karuNA na nyUnA te yathA prathitAH kathAH | tadidamakhilaM mithyA syAdityasAdhyamudIrituM yadasi vimukhI putre kiM vA bhavediha kAraNam || 34\.15|| bhuvanabharaNaM nAlpaM kAryaM na devi tava kShaNo guru cha bahulaM kR^ityaM nityaM tavAsti na tanmR^iShA | na tava kaThinaM maunaM nindyaM tathApi na pArvati smara sakR^idimaM dInaM putraM tadeva mamAdhikam || 34\.16|| na bhavati sudhAdhArAvarShAdayaM muditastanau madhumadamuShAM vAchAM sargAnna chApyayamuddhataH | tava padayuge niShThAlAbhAnna tR^ipyati chApyayaM bhagavati chirAt sandeshaM te sutaH prativIkShate || 34\.17|| kimiha bhuvane kartavyaM me kimarthamihAgato\- .asmyavani jagatAM kaM vopAyaM shraye nijashaktaye | kimapi kimapi svAnte dhvAnte yathA paridR^ishyate sphuTamabhayade vaktuM ki~nchichChramaM tvamurIkuru || 34\.18|| na mama parame muktAvAshA na vA vibhavAShTake na cha gajaghaTApUrNAyAM vA maheshvari sampadi | na cha madhumuchAM vAchAM sarge nirargalavaibhave munibhuvi kuto jAtaH so.ahaM tadeva samIryatAm || 34\.19|| prathamamanaghaM vA~nChAmyannaM sadArasutAtither\- bhagavati tataH pAdadvandve tavAvichalAM sthitim | atha surajagadvArtAj~nAnaM savitri tataH paraM munibhuvi bhave hetuM j~nAtuM mR^igAkShi puradviShaH || 34\.20|| yadi tava kR^ipA putre bhakte padAMbujavandini vratashatakR^ishe shIrShAmbhojAmR^itaM tvayi juhvati | bharatadharaNIsevAlole bhavapriyabhAmini svayamupadishAmuShmai yogyaM vidhAnamanAvilam || 34\.21|| janani jagatAM svalpe kAme.apyayaM tvayi lambate purabhidabale madhye kAme.apyayaM tvayi lambate | bahulakaruNe shreShThe kAme.apyayaM tvayi lambate bhagavati pare vIte kAme.apyayaM tvayi lambate || 34\.22|| tanubhuvi mayi prItyA vA.amba trilokavidhAyike padayugarate vAtsalyAdvA purAripurandhrike | svavimalayashogAnAsakte kR^ipAvashato.athavA paruShamajare maunaM tyaktvA sphuTIkuru me gatim || 34\.23|| jayatu bharatakShoNIkhaNDaM viShAdavivarjitaM jayatu gaNapastasya kShemaM vidhAtumanA muniH | jayatu ramaNastasyAchAryo maharShikulAchalo jayatu cha tayormAtA pUtA maheshavilAsinI || 34\.24|| gaNapatimunereShA bhAShAvidAM hR^idaya~NgamA sukavisuhR^idaH shabdairatyujjvalA hariNItatiH | lalitachaturairbhAvairyAntI surUpavanAntaraM madayatu manaH kAmArAternishAntamR^igIdR^ishaH || 34\.25|| ##\ \ 850## \medskip\hrule\medskip %##c09-q3/Sai.Susarla/uma-c09-q3\.txt medskip## pa~nchatriMshaH stabakaH prArthanA ##(##induvadanAvR^ittam##)## andhatamasaM shashivibhAmabhidadhAnA kAntimalamAsyakamalasya vidadhAnA | andhakavirodhidayitAsmitalavashrIr\- bhAtu bhuvanasya sakalasya kushalAya || 35\.1|| bhAhi vividhA kR^itimatI dvijasamUhe pAhi gatihInamakhileshvari kulaM naH | dehi bahukAlabhajakAya varametaM yAhi naganandini yashaH shashivalakSham || 35\.2|| vArayati ghoratarapAtakasamUhaM vardhayati dharmamapi sharmakaramante | ki~Nkarajanasya na kimAvahati bhavyaM sha~Nkarapurandhri tava pAdaparicharyA || 35\.3|| yasya manujasya hR^idaye.asti sadaye te nAkacharasevyamayi pAdasarasIjam | taM bhajati padmamukhi padmavanavAsA lAbhabhavane bhavatu nAmarapurodhAH || 35\.4|| yadyakhilamaunigaNagItaguNajAlaM kAlabhayahArikaruNArasamarandam | adritanayA~N.hghrijalajanma hR^idaye syA\- daShTamagato.api vidadhAtu ravijaH kim || 35\.5|| lekhalalanAkachasumaiH kR^itabaliM te yo bhajati pAdaghR^iNimAlinamanante | nistarati nUnamayamastamitamohaH shokatimiraM sakalalokagaNamAtaH || 35\.6|| shItakaradarpaharavaktrajalajAte shItagirinandini tavA~N.hghrijalajAtam | yaH smarati devi hR^idi vismarati so.ayaM viShTapamasheShamapi kaShTatatimuktaH || 35\.7|| saktirayi yasya tava pAdasarasIje shaktidharamAtaranalAkShagR^ihanAthe | pUrNashashijaitramukhi puNyapuruSho.asau svarNashikharIva budhalokasharaNaM syAt || 35\.8|| vairigaNanirdalanakhaD.hgavarapANe vAsasi padordashanavAsasi cha shoNe | netramiShapAvakavisheShitalalATe pApamakhilaM jahi mR^igAdhipatighoTe || 35\.9|| vedachayavedijanavAdaviShayasya pratiyutalokatatishokashamanasya | vetanavivarjitabhaTo.ayamahama~NghreH shItakarapotadharapuNyavanite te || 35\.10|| kAryamayi me kimapi kAryapaTubuddheH pAdasarasIjayugalIparijanasya | amba vada jambharipugItaguNajAle shumbhakulanAshakari shambhukulayoShe || 35\.11|| tvaM yadi shilAvadayi no vadasi kR^ityaM nAsti tava rAjyapaTubuddhiriti satyam | Adisha yathArhakaraNIyakR^itinityaM rAj~ni bhuvanasya charaNAmburuhabhR^ityam || 35\.12|| pa~nchasu vihAya manasaH kamapi sa~NgaM putradhanamitrajanabAndhavavadhUShu | eSha bhajate janani pAdajalajaM te pAlaya nu mu~ncha nu tavopari sa bhAraH || 35\.13|| vajradharamukhyasurasa~nchayakirITa\- sthApitamahArghamaNira~njitanakhAya | jIvitamadAyi jagadIshvari madIyaM pAdajalajAya tava pAlaya nu mA vA || 35\.14|| dehi jagadIshvari na vA madabhilAShaM pAhi karuNAvati na vA kulamidaM naH | shUladharakAmini surAsuraniShevyaM pAdakamalaM tava pare na vijahAmi || 35\.15|| pAsi kila pAdayugaki~NkarasamUhaM haMsi kila pApatatimApadi nutA tvam | dantivadanaprasu vadanti matimanto nAnR^itamidaM bhavatu nAkijanavarNye || 35\.16|| shakramukhadevatativanditavisR^iShTe vakraghanakeshi charaNe tava luThantam | Apadi nimagnamimamAshritamanAthaM nandihayasundari na pAlayasi kena || 35\.17|| ghoShamayamamba vidadhAti padalagno nAvasi purANi kimu nAri badhirA.asi | vandisuravR^indanutibhAShitahR^itaM vA karNayugalaM tava kapAlikulayoShe || 35\.18|| amba bhava bimbaphalakalparadachele shambarasapatnabalakAribahulIle | prAgamR^itabhAnumukuTasya madayitrI taM kuru tataH paramurIkR^itamadartham || 35\.19|| nirmalasudhAkarakalAkalitamaste dharmaratapAlini dayAvati namaste | etamava devi charaNAmburuhabandhuM shItadharaNIdharasute gamaya nAndhum || 35\.20|| adrikulapAlakakuladhvajapatAke bhadragajagAmini daridramayi matyA | kShudramiva shochyamimama~N.hghrijalajAptaM rudradayite janani pAhi na jahIhi || 35\.21|| astu tava pAdakamale sthitirajasraM nAsti paraduHkhavivashe hR^idi tu shAntiH | astu karuNe.ayamastu matilopaH kaShTamidamamba mama bhUri parishiShTam || 35\.22|| duHkhasukhabhedarahitA na matirAsIt sAdhukhalabhedarahitA na matirAsIt | bhAgyamitimAnyamathavA mama tadetan\- mAtariha sa~Nghabhajane yadavakAshaH || 35\.23|| astu mama bhedamatirastu mama pakSho yatnaparatA.astu mama mAstu cha vimokShaH | mokShamayi vedmi kulakaShTatatimokShaM preShaya sakR^ittava maheshvari kaTAkSham || 35\.24|| shAkvaragaNena mukhare.atra gaNanAthe viShNuyashasIshavadhu jiShNumukhavandye | amba karuNAM kuru shiva~Nkari nira~Nka\- svachChakiraNArbhakavibhUShitalalATe || 35\.25|| ##\ \ 875## \medskip\hrule\medskip %##c09-q4/Krishnashankavaram/devi\_itranstxt medskip## ShaT.htriMshaH stabakaH prakIrNakam ##(##tUNakavR^ittam##)## unnatastanasthalIvilolahAramauktika\- vrAtadIdhitipratAnabaddhasauhR^idA sadA | andhakArikAminIdarasmitadyutirdhuno\- tvandhakAramantara~NgavAsinaM ghanaM mama || 36\.1|| ambarasthale purA purandaro dadarsha yAM yAM vadanti parvataprasUtimaitihAsikAH | sA parA purAmareH purandhrikA.akhilAmbikA putrakAya majjate dadAtu dakShiNaM karam || 36\.2|| pAdapa~Nkaje dhR^itA narairabAhyabhaktibhiH pANipa~Nkaje dhR^itA navendukhaNDadhAriNA | chAruhemahaMsakA manoj~naratnaka~NkaNA lokajAlapAlinI punAtu mAM vilAsinI || 36\.3|| ukSharAjavAhanasya jIvitAd garIyasI pakShirAjavAhanAdivarNyamAnavaibhavA | kekilokachakravartivAhanena puttriNI vAraNArisArvabhaumavAhanA gatirmama || 36\.4|| bAlakundakuTmalAlikAntadantapa~N.hktikA kuNDalAnubimbashobhishuddhagaNDamaNDalA | bibhratI ratIshavetravibhramaM bhruvoryugaM shubhrabhAnushekharasya sundarI praNamyate || 36\.5|| AjidakShavAhavairiyAtudhAnabAdhitaM yA rarakSha devavR^indamindirAdivanditA | sA kaTAkShapAtadhUtabhaktalokapAtakA pAvakAkShasundarI parAtparA gatirmama || 36\.6|| tArakAdhinAthachUDachittara~NganartakI mandahAsasundarAsyapa~NkajA nagAtmajA | dInapoShakR^ityanityabuddhabuddhiravyayA gR^ihyate gaNAdhipena sarvato nR^iNAM pade || 36\.7|| aShTamIshashA~NkakhaNDadarpabha~njanAlikA viShTapatrayAdhinAthamAnasasya DolikA | pApapu~njanAshakAripAdaka~njadhUlikA shreyase mamAstu shailalokapAlabAlikA || 36\.8|| sAnumatkulAdhinAthabAlikAlikuntalA ja~Ngameva kA.api taptahemasAlabha~njikA | bhaktiyuktalokashokavAraNAya dIkShitA shItashItavIkShitA laghu syatAdaghaM mama || 36\.9|| puNyanAmasaMhatiH purArichittamohinI puShpabANachApachArujhillikA.akhilAmbikA | puNyavairipuShTaduShTadaityavaMshanAshinI putrakasya rakShaNaM purAtanI karotu me || 36\.10|| kShAmamadhyamasthalI sudhAghaTopamastanI kR^iShNasAralochanA kumudvatIpriyAnanA | bhrUvilAsadhUtadhairyakA~nchanAdrikArmukA kAchidikShukArmukasya jIvikA jayatyumA || 36\.11|| lohitAchaleshvarasya lochanatrayIhitA lohitaprabhAnimajjadabjajANDakandarA | hAsakAntivardhyamAnasArasArimaNDalA vAsamatra me karotu mAnase maheshvarI || 36\.12|| dakShiNekShaNaprabhAvijR^imbhitAmbusambhavA kAmamitravAmanetradhAmatR^iptakairavA | ekataH paraH pumAnparA varA~NganA.anyataH shubhrakIrtirekamUrtirAdadhAtu nashshivam || 36\.13|| shumbhadaityamAriNI suparvaharShakAriNI shambhuchittahAriNI munIndrachittachAriNI | kAmitArthadAyinI kariprakANDagAminI vItakalkamAdadhAtu vighnarAjamambikA || 36\.14|| devatAsapatnavaMshakAnanAnalachChaTA vAraNArisArvabhaumavAhanA ghanAlakA | nandivAhanasya kA.api netranandinI sudhA netralA~nChitAlikA sutaM punAtu kAlikA || 36\.15|| rAjasundarAnanA marAlarAjagAminI rAjamaulivallabhA mR^igAdhirAjamadhyamA | rAjamAnavigrahA virAjamAnasadguNA rAjate mahIdhare madambikA virAjate || 36\.16|| parvachandramaNDalaprabhAviDambanAnanA parvatAdhinAthavaMshapAvanI sanAtanI | garvagandhanAshinI vibhAvarIvichAriNAM sharvachittanAyikA karotu ma~NgalaM mama || 36\.17|| ojasashcha tejasashcha janmabhUmirachyutA nIlaka~njabandhubaddhamaulirAgamastutA | vItarAgapAshajAlanAshabaddhaka~NkaNA vishvapAlinI mayA maheshvarI vichintyate || 36\.18|| aNDamaNDalaM yayA nirantaraM cha pachyate saMsphuratyasheShabhUtahArdapIThikAsu yA | shvAsadR^iShTisaMvidUShmanAdavArivartmabhir\- yAmupAsate vido namAmi tAM parAtparAm || 36\.19|| pa~nchayugmaveShabhR^itparAtparA surArchitA pa~nchavaktravaktrapadmacha~ncharIkalokanA | va~nchakAntara~Ngashatrusa~nchayapraNAshinI pretama~nchashAyinI kulaM chirAya pAtu me || 36\.20|| karmaNA yathAvidhi dvijAtayo yajanti yAM brahmaNA yathAshrutaM stuvanti yAmadhItinaH | chetasA yathA gurUkti chintayanti yAM vidaH sA parA jagattrayIjananyajA jayatyumA || 36\.21|| vAsudevajAyayA vinamrayA niShevitA vAmadevachATuchitravAkyabandhalAlitA | vAsavAdidevatAjayapraNAdaharShitA vArayatvaghAni me vasundharAbhR^itassutA || 36\.22|| pUrNimAsudhAmarIchisundarAsyamaNDalA phullapadmapatradIrghasamprasannalochanA | puNyabhUniShevaNAya putrametamudyataM pUrNakAmamAdadhAtu pAdalagnamambikA || 36\.23|| lAlayanti bAlakaM vataMsashItadIdhitiM shIlayanti sUkShmatAM manAMsi yoginAmiva | kAlayantu pApinAM kulAni saMhatIssatAM pAlayantu cha smitAni yoShitaH puradviShaH || 36\.24|| pAdasevinaH kavermanoharAtishakvarI\- varga eSha nATyakArinirjarIgaNo yathA | lokajAlachakravartipuNyayoShito mana\- ssammadAya sAdhukaShTavAraNAya kalpatAm || 36\.25|| ##\ \ 900## || samAptaM cha navamaM shatakam || \medskip\hrule\medskip %##c10-q1/Jayanth.Ganapathiraju/c10-q1\.txt medskip## dashamaM shatakam saptatriMshaH stabakaH tattvavichAraH ##(##anuShTubvR^ittam##)## uddIpayatu nashshaktimAdishakterdarasmitam | tattvaM yasya mahassUkShmamAnando veti saMshayaH || 37\.1|| pUrNaM praj~nAtR^i sadbrahma tasya j~nAnaM maheshvarI | mahimA teja AhosvichChaktirvA prANa eva vA || 37\.2|| prachakShate chidAtmatvaM j~nAturj~nAnasya chobhayoH | pradIpasya prabhAyAshcha jyotirAkR^ititAM yathA || 37\.3|| chita ekapadArthatvAchchichchitA na vishiShyate | tasmAd guNatvaM j~nAnasya sha~NkareNa nirAkR^itam || 37\.4|| j~nAturj~nAnaM svarUpaM syAnna guNo nApi cha kriyA | yadi svasya svarUpeNa vaishiShTyamanavasthitiH || 37\.5|| vAchaiva shakyate kartuM vibhAgassvasvarUpayoH | nAnubhUtyA tato dvaitaM sachChaktyorvyAvahArikam || 37\.6|| brahmaj~nAnasya pUrNasya viShayo dyaurudIryate | sA brahmaNo vyApakatvAdvastuto nAtirichyate || 37\.7|| vikAsAdapi sa~NkochAt sargapralayayordvayoH | praj~nAnasya budhairuktau janmanAshAvubhau divaH || 37\.8|| dharmabhUtaM parasyedaM na kAryaM paramaM nabhaH | akhaNDatvAnna vikR^itirvishvasminnaprakR^ititvataH || 37\.9|| AkAshe parame dIpyat praj~nAnaM paramAtmanaH | ekAgratvAtpravR^iddhoShmagabhIramabhavanmahaH || 37\.10|| tridhaivaM dharmabhUtasya j~nAnasya vikR^itiM vinA | shuddhatvaviShayatvAbhyAM mahastvAchcha dashAtrayam || 37\.11|| vij~nAne bhAti ye bhAnti bhAvA dravyaguNAdayaH | na ki~nchidanubhUyante vij~nAnoparame tu te || 37\.12|| evaM svataH prakAshatvaM viShayANAM na dR^ishyate | siddhishcha parato na syAt sambandhaM ka~nchidantarA || 37\.13|| dR^ishyate viShayAkArA grahaNe smaraNe cha dhIH | praj~nAviShayatAdAtmyamevaM sAkShAtpradR^ishyate || 37\.14|| na chetsamaShTivij~nAnavibhUtirakhilaM jagat | viShayavyaShTivij~nAnatAdAtmyaM nopapadyate || 37\.15|| yathA.asmadAdivij~nAne dhyeyaM buddhiriti dvayam | pUrNe samaShTivij~nAne vikR^itiH prakR^itistathA || 37\.16|| pariNAmo yathA svapnaH sUkShmasya sthUlarUpataH | jAgratprapa~ncha eSha syAttatheshvaramahAchitaH || 37\.17|| vikR^itissarvabhUtAni prakR^itiH paradevatA | sataH pAdastayorAdyA tripAdI gIyate parA || 37\.18|| kabalIkR^itya sa~NkalpAnekA.api syAdyathA matiH | bhUtAni kabalIkR^itya devatA.api tathA parA || 37\.19|| bhUtAnAmAtmAnassarge saMhR^itau cha tathA.a.atmani | prabhaveddevatA shreShThA sa~NkalpAnAM yathA matiH || 37\.20|| anubhUtyAtmikA seyamIshashaktiH parAtparA | AdhArachakre piNDeShu virAjati vibhinnavat || 37\.21|| sUkShmasthUle tataH shAkhe vidyuchChaktisamIravat | tatrAdyA j~nAnashaktissyAt kriyAshaktiranantarA || 37\.22|| j~nAnendriyANi prathamA vibhUtirmanasA saha | karmendriyANi tvaparA vibhUtissahasA saha || 37\.23|| kriyAmUlamuta j~nAnamUlaM kimiti chintayan | Atmashaktimito vidvAnamR^itatvAya kalpate || 37\.24|| gabhIrAssutarAmetAH kAlikAtattvakArikAH | dhiyo bhAso gaNapaterbhavantu viduShAM mude || 37\.25|| ##\ \ 925## \medskip\hrule\medskip %##c10-q2/Bhavani.Mallajosyula/uma\_c10\_q2\_1-25\.txt medskip## aShTatriMshaH stabakaH dashamahAvidyAH ##(##pAdAkulakavR^ittam##)## dUrIkurutAd duHkhaM nikhilaM durgAyAstaddarahasitaM naH | rachitAsyAmbhomR^id.hbhyAM yadabhullepanamamalaM brahmANDasya || 38\.1|| jantau jantau bhuvi khelanti bhUte bhUte nabhasi lasantI | deve deve divi dIpyantI pR^ithagiva pUrNA saMvijjayati || 38\.2|| daharasarojAd dvidalasarojaM dvidalasarojAddashashatapatram dashashatapatrAddehaM dehAt sakalaM viShayaM saMvid vrajati || 38\.3|| vahnijvAlA samidhamivaiShA sakalaM dehaM saMvitprAptA | pR^ithagiva bhUtA vyapagatavIryA bhavati sadhUmA saMsArAya || 38\.4|| atrAnubhavassukhaduHkhAnAmatrAha~NkR^itiranR^itA bhavati | atraivedaM sakalaM bhinnaM pratibhAseta praj~nAskhalane || 38\.5|| dashashatapatrAd dvidalasarojaM dvidalasarojAddaharasarojam | avataratIshA yeShAmeShA teShAmantarnityA niShThA || 38\.6|| athavA dehAdAvR^ittassannanyatamasyAmAsu sthalyAm | AdhArasthe kulakuNDe vA sthitadhIrnityAM niShThAM labhate || 38\.7|| dashashatapatre shaktirlalitA vajravatI sA dvidalasaroje | dahArAmburuhe bhadrA kAlI mUlAdhAre bhairavyAkhyA || 38\.8|| khelati lalitA dravati sthAne Chinnagranthini rAjatyaindrI | baddhakavATe bhadrA kAlI tapasA jvalite bhairavyAkhyA || 38\.9|| yadyapi kAlIvajreshvaryau syAtAM bhinne iva piNDeShu | ojastattvasyaikyAdaNDe na dvau shakterbhedau bhavataH || 38\.10|| evamabhedo yadyapi karmadvaidhAt dvaidhaM tatrApi syAt | saiva pachantI bhuvanaM kAlI saiva dahantI shatrUnaindrI || 38\.11|| piNDe chANDe ja~NgamasAraH shuddhA praj~nA sundaryuktA | viShayadashAyAM deshIbhUtA seyaM bhuvaneshvaryAkhyAtA || 38\.12|| shUnyaprakhyA yA chillInA pralaye brahmaNi janmiShu suptau kabalitasakalabrahmANDAM tAM kavayaH shreShThAM jyeShThAmAhuH || 38\.13|| nidrAvismR^itimohAlasyapravibhedaissA bhavamagneShu | eShaiva syAdyu~njAneShu dhvastavikalpaH ko.api samAdhiH || 38\.14|| aindrI shaktirvyaktabalA ched bhinne syAtAM shIrShakapAle | tasmAdetAM chaturavachaskAH paribhAShante ChinnashiraskAm || 38\.15|| bhavati parA vAgbhairavyAkhyA pashyantI sA kathitA tArA | rasanidhimAptA jihvAra~NgaM mAta~NgIti prathitA seyam || 38\.16|| piNDe chANDe stambhanashaktirbagalA mAtrastava mahimaikaH | sarve vyaktAH kiraNAH kamalA bAhyo mahimA bhuvanAmba tava || 38\.17|| bodhe bodhe boddhushshaktiM sa~NkalpAnAM pashchAdbhAntIm | avimu~nchanyo manute dhIro yatki~nchidvA lalitA.avati tam || 38\.18|| dR^iShTau dR^iShTau draShTushshaktiM lochanamaNDalamadhye bhAntIm | avimu~nchanyaH pashyati dhIro yatki~nchidvA tamavatyaindrI || 38\.19|| prANasamIraM vidadhAnamimaM nityAM yAtrAmatra sharIre | charaNe charaNe parishIlayati sthiradR^iShTiryastamavati kAlI || 38\.20|| sthUlavikArAn parimu~nchantyA nirmalanabhasi sthitayA dR^iShTyA | majjantyA vA daharAkAshe lokeshvaryAH karuNAM labhate || 38\.21|| sarvavikalpAn paribhUyAntarvimalaM maunaM mahadavalambya | kevalamekastiShThati yo.antastaM sA jyeShThA kurute muktam || 38\.22|| mUle sthityA bhairavyAkhyAM tArAM devImudgIthena | sevetAryo viditarahasyo mAta~NgIM tAM guNagAnena || 38\.23|| AsanabandhAdachalo bhUtvA ruddhaprANo bagalAM bhajate | abhito vyAptaM vyaktaM tejaH kalayan kamalAkaruNAM labhate || 38\.24|| ekavidhAdau bahubhedA.atho shaktiranantA parameshasya | sabhajanamArgaM gaNapatimuninA pAdAkulakairevaM vivR^itA || 38\.25|| ##\ \ 950## \medskip\hrule\medskip %##c10-q3/Sarada.Susarla/uma-c10-q3-itrans.txt medskip## ekonachatvAriMshaH stabakaH prAyo vyomasharIrA ##(##indravajrAvR^ittam##)## vyApyedamindorbhuvanaM ya yeva prAyeNa tasyAmalachandrikA.abhUt | mandastavArtiM sa dhunotu hAso niHsheShalokeshvaravallabhAyAH || 39\.1|| pUrNe viyatyekataTijjvalantI lokAnasheShAnanishaM pachantI | meghe kadAchinmahasA sphurantI chaNDI prachaNDA haratAdaghaM naH || 39\.2|| golAni kAnyapyadhunodbhavanti jIryanti kAnyapyakhileshakAnte yAntyambike kAnyapi vR^iddhimatra pAke bhavatyAH paritaH pravR^itte || 39\.3|| bhAsAM vinetrA mahatA grahaishcha bhUripramANairyutamIshakAnte | ekaikamaNDaM tava lomavachchet kaste mahadbhAgyamiha bravItu || 39\.4|| nAthasya te rUpamaNoraNIyo mAtastvadIyaM mahato mahIyaH | janAti yo devi rahasyametad vyAkhyAtumeSha prabhavatyasheSham || 39\.5|| yad garjitaM vAridagharShaNeShu shabdastavAyaM sugabhIraghoShaH | yallokarAj~ni sphuritaM tadeta\- dujjR^imbhitaM ki~nchana kAntivIcheH || 39\.6|| indrasya vajraM jvalitaM kR^ishAnor\- jyotissahasrachChadabAndhavasya | pIyUShabhAnorhasitaM visAri jIvasya chakShurmama tAta daivam || 39\.7|| yasyaiva tejaH pravibhaktamarka\- vidyuchChashA~NkAnalalochaneShu | gUDhaM tadAkAshagR^ihe samantA\- dantAnabhij~naM praNamAmi daivam || 39\.8|| jAgratsu buddhirnimiShatsu nidrA shuShkeShu paktistaruNeShu vR^iddhiH | dhIreShu niShThA chapaleShu cheShTA devI mamApattimapAkarotu || 39\.9|| vidyAvato vAdavidhAnashaktir\- vIrasya sa~NgrAmavidhAnashaktiH | nArImaNermohavidhAnashaktir\- leshatrayaM ki~nchidApArashakteH || 39\.10|| utsAhayantI tapatAM manAMsi sa~nchodayantI cha mahAkriyAsu | sa~NkShobhayantI hR^idayaM khalAnAM sammohayantI cha parA.avatAnnaH || 39\.11|| sa~nchAlayantI sakalasya dehaM vyAnasya shaktyA parito lasantyA | jetuH pratApe.asti palAyane.asti bhItasya cheyaM nikhileshashaktiH || 39\.12|| ekaM svarUpaM bahuchitrayogAt sandarshayantI vividhaM janebhyaH | samyagdR^ishe svaM vibhumarpayantI sarvAdimAyaiva maheshajAyA || 39\.13|| yassaMshrayetAkhilasa~NgatistvAM dhyAnena mantreNa guNastavairvA | trailokyasAmrAjyadhurandharasya shuddhAntakAnte sa kR^itI manuShyaH || 39\.14|| mUlAgnimuddIpya shirashshashA~NkaM sandrAvya yastarpayate kR^itI tvAm | tasminnagAdhIshvarakanyake tvaM prAdurbhavantI na kimAdadhAsi || 39\.15|| yastvAM sahasrArasarojamadhye somasvarUpAM bhajate.amba yogI | tasyAntaraH shAntimupaiti tApo bAhyasya kA nAma kathA.alpakasya || 39\.16|| daNDena yo.antardahare.avatIrNaH prANena vAchA mahasA dhiyA vA | prApnoti so.ayaM puramadvitIyaM yatra tvamIshA saha chitralIlA || 39\.17|| tantroditaM vishvavinetri mantraM yaste naraH saMyamavAnupAste | rudrANi sAndrAmbudakeshapAshe pAshairvimuktaH sa jayatyasheSham || 39\.18|| padmAsano dvAdashavarNashAntI dambholipANirbhuvanAdhinAthA | gIrvANamArgo bhR^igurabjayonir\- ante tathAgre cha halAM virAjI || 39\.19|| jambhasya hantA.analashAntichandraiH saMyukta UShmA galadeshajanmA | dantasthalIsambhava UShmavarNo vANIpatirvajradharashcha lajjA || 39\.20|| vidyA tviyaM pa~nchadashAkSharADhyA sAkShAnmahAmaunagurUpadiShTA | gopyAsu gopyA sukR^itairavApyA shreShThA vinutyA parameShThinA.api || 39\.21|| deheShviyaM kuNDalinI nyagAdi bhUteShu vidyud bhuvaneShu chAbhram | devA~NganAmastakalAlitA~N.hghrir\- devI bhavAnI khalu devatAsu || 39\.22|| chakShurvidhAyAchalamantareNa prANaM prapashyan manuvarNarUpam | saMsevate chetsakalasya dhAtrIM sarveShTalAbho viduShaH karasthaH || 39\.23|| ekAkSharIH pa~nchadashAkSharIM vA vidyAH prakR^iShTAH sakaleshashakteH | yo bhaktiyuktaH prajapedamuShya prANo vashe nistulasiddhiyoniH || 39\.24|| etAH kavInAM padaki~Nkarasya pUtAH pramodaM paramAvahantu | gItAssabhaktidravamindravajrAH shvetAchalAdhIshvaravallabhAyAH || 39\.25|| ##\ \ 975## \medskip\hrule\medskip %##c10-q4/Sai.Susarla/c10-q4\.txt medskip## chatvAriMshaH stabakaH daivagItam ##(##pAdAkulakavR^ittam##)## shamayatu pApaM damayatu duHkhaM haratu vimohaM sphuTayatu bodham | prathayatu shaktiM mandaM hasitaM manasijashAsanakulasudR^isho naH || 40\.1|| ArdrA dayayA pUrNA shaktyA dR^iShTivashaMvadaviShTaparAjA | akhilapurandhrIpUjyA nArI mama nishsheShAM vipadaM haratu || 40\.2|| shuddhabrahmaNi modo daivaM tatra sisR^ikShati kAmo daivam | sR^ijati padArthAn dR^iShTirdaivaM tAn bibhrANe mahimA daivam || 40\.3|| vikR^itau vikR^itau prakR^itirdaivaM viShaye viShaye sattA daivam | dR^iShTau dR^iShTau pramitirdaivaM dhyAne dhyAne niShThA daivam || 40\.4|| sphUrtau sphUrtau mAyA daivaM chalane chalane shaktirdaivam | tejasi tejasi lakShmIrdaivaM shabde shabde vANI daivam || 40\.5|| hR^idaye hR^idaye jIvaddaivaM shIrShe shIrShe dhyAyaddaivam | chakShuShi chakShuShi rAjaddaivaM mUle mUle pratapaddaivam || 40\.6|| abhito gagane prasaraddaivaM pR^ithivIloke rohaddaivam | dinakarabimbe dIpyaddaivaM sitakarabimbe si~nchaddaivam || 40\.7|| shrAvaM shrAvaM vedyaM daivaM nAmaM nAmaM rAdhyaM daivam | smAraM smAraM dhAryaM daivaM vAraM vAraM stutyaM daivam || 40\.8|| shrutiShu vaTUnAM grAhyaM daivaM gR^ihiNAmagnau tarpyaM daivam | tapatAM shIrShe puShTaM daivaM yatinAM hR^idaye shiShTaM daivam || 40\.9|| namatA puShpaiH pUjyaM daivaM kavinA padyArAdhyaM daivam | muninA manasA dhyeyaM daivaM yatinA svAtmani shodhyaM daivam || 40\.10|| stuvatAM vAcho vidadhaddaivaM smaratAM chetaH sphuTayaddaivam | japatAM shaktiM prathayaddaivaM namatAM duritaM damayaddaivam || 40\.11|| vAcho vinayadvahnau daivaM prANAn vinayadvidyuti daivam | kAmAn vinayachchandre daivaM buddhIrvinayatsUrye daivam || 40\.12|| hR^idaye nivasad gR^ihNaddaivaM vastau nivasadvisR^ijaddaivam | kaNThe nivasatpravadaddaivaM kukShau nivasatprapachaddaivam || 40\.13|| dehe nivasadvilachaddaivaM pa~nchaprANAkAraM daivam | bhAgi samastasyAnne daivaM svAhAkAre tR^ipyaddaivam || 40\.14|| bibhrannArIveShaM daivaM shubhradarasmitavibhrAD daivam | abhramadApahachikuraM daivaM vibhramavAsasthAnaM daivam || 40\.15|| shItajyotirvadanaM daivaM ruchibindUpamaradanaM daivam | lAvaNyAmR^itasadanaM daivaM smararipulochanamadanaM daivam || 40\.16|| lakShmIvIchimadalikaM daivaM praj~nAvIchimadIkShaM daivam | tejovIchimadadharaM daivaM sammadavIchimadAsyaM daivam || 40\.17|| karuNollolitanetraM daivaM shrIkArAbhashrotraM daivam | kusumasukomalagAtraM daivaM kavivAgvaibhavapAtraM daivam || 40\.18|| himavati shaile vyaktaM daivaM sitagirishikhare krIDaddaivam | tumburunAradagItaM daivaM suramunisiddhadhyAtaM daivam || 40\.19|| kvachidapi ratishatalalitaM daivaM kvachidapi sutarAM chaNDaM daivam | bhaktamanonugaveShaM daivaM yogimanonugavibhavaM daivam || 40\.20|| charite madhuraM stuvatAM daivaM charaNe madhuraM namatAM daivam | adhare madhuraM shambhordaivaM mama tu stanye madhuraM daivam || 40\.21|| bhujabhR^itaviShTapabhAraM daivaM padadhR^itasampatsAraM daivam | lAlitanirjaravIraM daivaM rakShitasAttvikadhIraM daivam || 40\.22|| chichChaktyAtmakamadhitanu daivaM taTidAkR^ityadhibhUtaM daivam | shrutiShu shiveti prathitaM daivaM jayati jagattrayavinutaM daivam || 40\.23|| ramaNamaharSherantevAsI madhyamaputro narasiMhasya | vAsiShTho.ayaM marutAM mAturgaNapatira~N.hghriM sharaNamupaiti || 40\.24|| tribhuvanabhartuH paramA shaktissakalasavitrI gaurI jayati | tannutireShA gaNapatirachitA pAdAkulakaprAntA jayati || 40\.25|| ##\ \ 1000## || samAptaM cha dashamaM shatakam || || iti shrIbhagavanmaharShiramaNAntevAsino vAsiShThasya narasiMhasUnoH || gaNapateH kR^itiH umAsahasraM samAptam || ## \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}