% Text title            : Vani Gitam
% File name             : vANIgItam.itx
% Category              : devii, sarasvatI, devI
% Location              : doc\_devii
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 2 bhairava bhairavI sa.nvAde
% Source                : Rudrayamalam part 2 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vanigitam ..}##
\itxtitle{.. vANIgItam ..}##\endtitles ## 
atha trisaptatitamaH paTalaH
shrUyatAM komalAmbhojasthitavaktravirAjite |
atyadbhutaM mahAgItaM shR^iNoti sAdhako hi yat || 73\-1||
dhvanirantargataM jyotirjyotirantargataM manaH |
tanmano vilayaM yAti dhvaniShu j~nAnakoTiShu || 73\-2||
tad dhvanij~nAnasa.nj~nAnaM shR^iNvanti yogino janAH || 73\-3||
paramaguNagabhIre dhIranIre sharIre
     bhavanavabhavakAntau sa.nprashAtmA nitAntam |
vimalamadhuravAkyAla~NkR^itaj~nAnasindhau
     sakalavachanaratnaM sthApayAmAsa vANI || 73\-4||
OM tuNDograsthiravachanagA mohaya~njIvavarNaM
     sha~NkAta~NkArahitacharitA mohitA j~nAnatandre |
sAla~NkArA kharatarakarA vAkyamAlAM vahantI
     sA pashyantI vimalakaruNA rAdhyatAM mUlachakre || 73\-5||
saMsAre sArabhAge sayuvatisukR^ipAlakShaNairlakShitA~Nge
siddhAntaj~nAnajIvaM charamasamaguNaM bhUpateryogino vA |
viprendrANAmanantaM dhvanigurumadhuraM vyApitaM pArvatIshe
he he kAlaprakAlapriyatanushikhare veshamAsaM chayatvam || 73\-6||
sa~nchAre paramasthire harihare vidyAdhare bhUdhare
sAkAre karuNAkare svavilaye te pAdapa~Nkeruhe |
nityaj~nAnamayaM jayaM surataruchChAyAlayaM pUjaye
mAtaH kAli kalAdhare galabile shAkambhari shAkini || 73\-7||
bhAsvatkoTiravichChaTAbharasukhashrIkaNThavIrAlaye
hR^itpa~NkeruhamadhyasAraghaTitaM sArasvatotpattidam |
shrIdevIgururUpiNIcharaNapadmAntaHprabhAmaNDalaM
shailendrodayakAriNImaNigR^ihaM mApadmanAbheradhaH || 73\-8||
vA~nChAkalpadrumasthA sthitilayaphaladA yoginI yogamAtA
sUkShmAnandaprashaMsA taruNaravikalA kokilAlApamugdhA |
snigdhA snigdhA~Ngasa~NgA navashashimukuTA chAruvarNA vishAlA
sA durgA duHkhahantrI bhavatu shivagR^ihe kAmanAsiddhidAtrI || 73\-9||
nirAshrayamahaM padaM bhavati kAli bhaktyAshraye
     shriye vimalabhAvade sakalabhAvago gogaNaH |
mayi priyadhanaM mudA vitara chArudR^iShTyA sukhaM
     tadaiva galabhAgakR^idgaganapadmamadhyasthale || 73\-10||
nitye niShphalarUpabhUtinikare trailokyarakShAkare
     dharmadhvAntaniketane gaNayati j~nAnaprayogAntaram |
te pAdAmbujasambhavaH priyagaNaH prANAshritaH pArthivo
     mAtaH parvatarAjarAjaduhite puNyaM pavitrAptaye || 73\-11||
bhIbhargo bhArasargo bhavaravavibhavo bhUtibhArAvalambI
bhAvAbhAvaH prabhAvaH prabhavati bhuvane bhImabhaktiprakAshaH |
bhUbhUtodbhUtabhItiprabhR^itibhayabhavAsambhavAnandabhAvo
mAtaste pAdapa~NkeruhavimalatalAnandasevAbhivR^id.hdhyA || 73\-12||
nityaM pAtu gaNeshvarI gaNapatermAtA rame mAtaraM
prANaM pratyaya pUrvasiddhikaraNI siddhAsane rakShatu |
AnandAmbudhimajjanaikasukhadA bhAlasthalasthApinI
kaNThAmbhoruhakarNikA suragaNAn gItA parA susvarAn || 73\-13||
kR^ipApArAvArA vimalapuruShaM gaurivapuShaM
     dharAvakShe mukhye dharaNisutabud.hdhyA.adhamanaram |
na jAne tvatkAmaM tanuvirahachintAmaNimayaM
     tava snehAdhvInAM gamayati na pAraM suravaraH || 73\-14||
jayati jaya jayAjyotirAdhArajetA
     suranaragaNapUjyaH kheTachakrasya madhye |
bhavakamalakarADhyaM namrabhAvaM pratApaM
     gamayati tava pAdAmbhojasevAbalena || 73\-15||
ityetaiH shlokamukhyaistu stutvA gItarasAntaraiH |
parabrahmamayIM dhyAtvA svayaM brahmatanuM gataH || 73\-16||
akasmAd bhogasampattirmokShapaddhatayaH shubhAH |
prabhavanti svayaM vidyA aShTAdasha guNodayAH || 73\-17||
nIlajImUtasa~NkAshaM chandrashekharamIshvaram |
sadAshivaM mahAshaktishAkinIvAmasaMsthitam || 73\-18||
chaturbhujaM devadevamanantamakSharaM haram |
bhAvagItaM punargItvA paraM brahmasamo bhavet || 73\-19||
kaNThaShoDashasampUrNamadhye yogI sthirAshayaH |
aShTasiddhIshvaro bhUtvA bhAvasiddhiM labhed dhruvam || 73\-20||
tvayA saha samAhlAdadarshanaM siddhimApnuyAt || 73\-21||

iti shrIrudrayAmale uttaratantre mahAtantroddIpane siddhamantraprakaraNe
ShaTchakraprakAshe bhairavIbhairavasaMvAde vANIgItavinyAso nAma
trisaptatitamaH paTalaH || 73||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}