% Text title : Vagmati Sahasranama Stotram % File name : vAgmatisahasranAmastotram.itx % Category : devii, sahasranAma, stotra, devI, sarasvatI % Location : doc\_devii % Transliterated by : NA % Proofread by : Manish Gavkar, PSA Easwaran % Description/comments : Skanda Purana, Himavat Khanda (Nepal based). See corresponding nAmAvalI. % Latest update : August 28, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Vagmati Sahasranama stotram ..}## \itxtitle{.. shrIvAgmatisahasranAmastotram ..}##\endtitles ## OM shrIvAgmatyAH sahasranAmastotrasya gAyatrIchChandaH | vAgIshvarI devatA vAgbhavo bIjaM, kAmarAjaH lajjA kIlakaM, shivaga~NgA buddhibrahmasarasvatIshaktishchaturvargasAdhane viniyogaH || 26|| atha sahasranAmastotram | lajjAbIjaM tridhA likhya vAgbhava~ncha trayastridhA | dharmabIjaM tridhA dhrIM dhrIM netravahnisamAyutAm || 27|| lajjAtrayaM gaNeshAkhyaM grIM grIM grImiti pUrvavat | shAradAyai namashchAnte siddhaM sArasvatImanum || 28|| sarvopari tatho~NkAraM japAdvAgIshvaro bhavet | praNavashcha trayaM vANIlajjAdharmatrayA~NgaNam || 29|| shAradAyai shubhe bhAryA prajapAdvAkpatirbhavet | karapuTe jalaM dhR^itvA trayodashyAM nirAmiShaH || 30|| vAgmatyAH prajapanyashcha kavirAjo bhaveddrutam | puNDarIkasamAsInAM karppUrendusamojjvalAm || 31|| tryakShAM smitAnanAM dhyeyAM sarvAla~NkArashobhanAm | mAlAM varaM dadhAnA~ncha pustakamabhayaM karaiH || 32|| vAgdevIM vAgmatIM dhyAyechchandrakalAdravasudhAm | atha sahasranAmam | OM vAgmatI vAgbhavA vANI vAgIshvarI vachovarA || 33|| vAgIshA varadA brAhmI vAgvibhUtishcha bhAratI | vAgIshavallabhA bhAShA gIrUpA vAk\-svarUpiNI || 34|| vAgrUpiNI cha chaitanyA vAgvAgIshvaravallabhA | vAchormimAlinI vAhA arvAkpAporminAshinI || 35|| vAgdeveshvarakaNThasthA vAgdevI vAgmatIshvarA | vAgbhUtArNapravAhA cha vAgaishvaryA sarasvatI || 36|| aNimArundhattI arddhA agaishvaryAvatAriNI | asharIrArddhamAtrA cha annarUpAghahAriNI || 37|| atisaumyAchyutAshokA architAchalavAhinI | atyugrAchalasambhinnA achChinnAchChinnavAhinI || 38|| AnandinI svabhaktAnAmAtmAntasthA cha jIvinAm | AnandA.amR^itavarNAbhA AdyAnanasamudbhavA || 39|| AnandormipravAhA cha ApodevI payomayI | AkAshavAhinI AryA AkarA sharmaNomiNAm || 40|| ichChAshaktishcha indrANI indirA harivallabhA | IpsitArthapradA induri~Ngitaj~nA shivapriyA || 41|| IshvarI lokaIshAnI IshvarAmodakAriNI | IshAnI shA~NkarI shAntA IshAnamukhasambhavA || 42|| ugrAsyA ugrarUpA cha ugravarapradA umA | ugrArddhA~NganiShaNNA cha ugrashIrShAvatAriNI || 43|| UrdhveshvarI sadordhvasthA UnakilbiShakAriNI | UshIragandhasuprItA UHcha varapradAgraNI || 44|| UrUpA sarvasaMhAre UrdhvagatipradarshinI | UrdhvagA UgrabhAryA cha UrdhvasthAnapradAyinI || 45|| R^igyajuratha sAmAtmA R^ivarNA R^iddhirUpiNI | R^ikArA ditirUpA cha R^iNahantrI R^itUtsavA || 46|| R^ikAramukhasambhUtA R^ivarNAtmAmaraprasUH | lR^ikArasaMstutA.anekA lR^ivarNasevitArihA || 47|| ekA chaikArarUpA cha ekArA madanotsavA | ekArasthA samaikAsyA ekAdhArA bahushritA || 48|| aikAravallabhA aindrI aikArA vAmalochanA | aikArAtmA anekAdhvA aindrIgaNaprasevitA || 49|| o~NkArasthA tatho~NkArA o~NkArAshruvibhUShaNA | o~NkAravaktrasambhUtA o~NkArapUrvajapriyA || 50|| aurdhvareto.archchitA aurvI aurdhvadehaphalapradA | auttAnapAdasaMprItA aurvAsamorvashIpriyA || 51|| ambikAmbAlikAnantA arNavAdhvarashIrShagA | a~NkushadhAriNI ambA annapUrNAnnakAriNI || 52|| aH rudravaktrasa~njAtA arUpA shivavallabhA | aproktA chainasAM shAstA ana~NgArivinodinI || 53|| kalAdhArA kalArUpA kaumudI kAlabhairavI | kamalA kAminI kAlI kullukA kusumapriyA || 54|| kalAvatI karAlAsyA kailAsasthA kalAnidhiH | kAmAkhyA kulakAntA cha kAmadA kAmachAriNI || 55|| kAmadhenuH kR^ishA~NgI cha kAlindI ku~njareshvarI | kAntikAyA cha kA~nchIsthA alakA kUTavAhinI || 56|| kulavatI kuTilA~NgI koTarAkShI kapAlinI | kAmeshvarI cha ka~NkAlI kIrtidA kAmasundarI || 57|| kAmArttA kAmarUpA cha karuNA kuladevatA | kulishA~NgI kalA kAShThA kumArI kamalekShaNA || 58|| kalyANI kArchitA kAntI kAlarAtrI cha kaushikI | kAmyA alakanandA cha kuladharmaprakAshinI || 59|| kaluShaghnI kR^ipAsvachChA kR^iShNA kR^iShNasamarchchitA | kAntakallolalolADhyA kR^ipAkallolashAlinI || 60|| khageshvarI kharUpA cha khagA khagendravAhinI | khavarNA khaDgahastA cha khecharI kheTakAyudhA || 61|| khAkhodarI khagendrAbhA khamaNidyutishobhanA | kharadaMShTrA khagAsyA cha khaNDaparashuvallabhA || 62|| gajAsyAmbA cha guhyeshI gajendradashanachChaviH | gajacharmAvR^itAjAyA gajAnanaprasUtikA || 63|| gaurI godAvarI ga~NgA gandharvagaNasevitA | gaNanIyA gaNAdhyakShA gambhIranIravAhinI || 64|| gaNamAtA cha gAndhArI gaganamaNibhUShaNA | gomatI gaganeshAnI girijA girishapriyA || 65|| ga~NgArchitA cha gAyatrI giristhA girisambhavA | gaNDakI garuDasthA cha gokarNArchA cha gautamI || 66|| ghanabhaktipriyA ghorA ghanAmaraprasevitA | ghR^itAchIsevitA ghorA ghorAgnyA ghoravallabhA || 67|| ghanaghanaughaghorAsyA ghanapApavinAshinI | ghanasvanA ghanA ghorA ghoratarA ghanachChaviH || 68|| ~NeshvarI ghoraghoShA cha ghorakilbiShaghAtinI | cha~nchalA chAruvAhA cha chaNDeshvarI cha chittavit || 69|| prachaNDA chaNDarUpA cha chAmuNDA chaturAnanA | chapalA chaNDikA chaNDI ShaTchakrAntarnnivAsinI || 70|| chAruchArA cha chArva~NgI chaturA chAruhAsinI | chatuHShaShTikalA chitrA chitrA~NgI chArulochanA || 71|| chArudehA chaturbAhushchitrabhAnutanuprabhA | chandramA chandrabhAgA cha chaitanyA chakradhAriNI || 72|| ChandorUpA ChavarNAbhA prochChAyAchChannavigrahA | ChAyAsa~nChanditAlokA ChakArA ChinnavigrahA || 73|| Chatrasa~nChAditA svachChA lA~nChanormipayashChaviH | ChandomayI shrutichChandA ichChAtmA ChinnasaMshayA || 74|| jagadAnandinI jvAlA jAmbavatyarchitAjitA | jagatpriyA jitakrodhA jagaddhIrA jitendriyA || 75|| jAhnavI jAnakI jApyA jananI jananandinI | jagaddhAtrI jaganmAnyA jantujanmAntarAshritA || 76|| jagadvapurjjagajjIvA jAtavedAparAjitA | jayamUrtirjjaganmAtA janasvAntanivAsinI || 77|| jAmbUnadapravAhA cha jayA cha vijayAjayA | jagajjIvamayI mAtA jayantI jagaduchChritA || 78|| jIveshvarI janaishvaryA jIveshajanakArINI | jha~NkeshvarI jhakArAtmA jha~NkArasvanavAhinI || 79|| jharjharAnipatantI cha jha~NkeshArddhA~NgahAriNI | jhaShAvatArasuprItA jhaShavargaprasevitA || 80|| jharjhararavasaMkShiptA jhakArarUpatoShitA | aTTATTahAsinI krodhAtkoTikoTitara~NgiNI || 81|| taTinI karahATADhyA aTavIkShitigAminI | himakUTataTodbhUtA kUTakaTakavAhinI || 82|| sha~NkhatATa~NkaramyAsyA nidhanodyataTa~NkinI | pITheshvarI cha pIThAryA pIvarAmbupravAhinI || 83|| DAkinI DamaruhastA DakAreshA DanAdinI | DambhahantrI cha bheruNDA DAmarA DaNDatarjjanI || 84|| DharUpA DhasvarA DhAtmA bha~NgADhyA DhaNDhakAriNI | DhakkAvAdyasvanAvIchIdR^iDhadhArA dR^iDhAravA || 85|| praNaveshI praNamyAryA namyA praNavasambhavA | tara~NgiNI tara~NgADhyA tantrItaralagAminI || 86|| tAmasI cha tamorUpA tamoguNA tamaHparA | tIravatI trirUpA cha tuShTistIvrAdrihAktrayA || 87|| tIvragA tIvrabha~NgI cha tIvratoyA tapomayI | dustArA dustaratrAtA tAreshI tArarUpiNI || 88|| tAriNI tArarUpA cha taralataratAriNI | taponiShThA trimAtrA cha tapasvinI trilochanA || 89|| tridivasthA tridhArA cha tAreshvarI trivikramA | trivargAgAminI tristhA tattvA tripuravAsinI || 90|| trilokAtmA trilokasthA trailokyatIrthanandinI | tATa~NkinI cha tArasthA tArA trishUladhAriNI || 91|| trimUrtistaraNI tApA tryakSharA trividhA~NginI | tIrthavandyAlasattIrthA tIrtharAj~nI cha tIrthadA || 92|| tirthAdyA tIrthajyeShThA cha tIrthAryA tIrthavAhinI | tArkShyasthA tArkShyavandyA cha tArkShyAryA tArkShyavAhinI || 93|| sthAnasthA sthaNDilA sthIrA sthANvIshvarI sthalAshritA | mathurA mathurAsthAtA sthAnIyasthA sthalA sthirA || 94|| jyeShThA cha sthavirA manthA maithilI pramathAdhipA | duShkR^itaghnI spR^ihAdogdhrI devamAtA dadhiprabhA || 95|| devatA devamUrtishcha devadevapriyottamA | devadUtI cha dIptAsyA devakI daityanAshinI || 96|| dvIpicharmAvR^itA dAkShyA dakShayaj~napramAthinI | dAridryanAshinI dAntA dAkShAyaNI cha durgahA || 97|| dAvAgnidalanA dakShA digvastrA dvAdashAnanA | dashabhujA cha dakShiNyA daNDinI daNDavatpriyA || 98|| duritaghnI dayA durgA durAdharShA digambarI | dAhaprashamanI dIptA durArAdhyA cha dAruNA || 99|| aShTAdashabhujA chaNDA dvipatravAsinI dayA | dakShakanyA dravA divyA divyarUpA darIstavA || 100|| divyArchitA cha divyA~NgI devasainyA sudIptikA | dAyinI dravyarUpA cha dAnavaghnI dayAkarA || 101|| durgarUpA durArAdhyA durjjayA duratikramA | deveshvarI dayAshIlA divyamokShapradAyinI || 102|| dhIrA dhIrapravAhA cha dhArApravAhiNI sudhA | dharitrI dhAriNI dhAtrI dharaNIdharapravAhiNI || 103|| dhanyA dhAnyadharA dhIrA dhAraNA dharaNI dharA | dhArAdharAnanA dhairyA dharmAtmA dharmarUpiNI || 104|| dhIrUpA dhiShaNA dhAtrI dhUmrAkShA dharmavigrahA | dhyAnagamyA nishi dhyeyA dhyAnAnanA dharAshritA || 105|| dhyAnarUpA budhadhyAtA dhyAnasthA dhyAnarUpiNI | dhyAnAtItAmaradhyAtA dhyAtavyA dhyAnatatparA || 106|| dhyAnekShaNA dhiyA dhyeyA dhyAnAsyA dhyAnasaMshritA | dhIradhyAtA dharAdhAnA dhArAdhyeyA vidhAyinI || 107|| nandinI cha nirAdhArA niShkalA nirguNA nadI | nIlaghanasvanA nagnA nAnAjAtinivAsinI || 108|| nAgopavItinI nATyAnandA nR^imuNDadhAriNI | nIlaghanAbhadehA cha nirdvandvA nAganAyikA || 109|| nAgendradantasa~NkAshA nayA narakanAshinI | nirbhayA nirbharA niShThA nArAyaNI nira~njanA || 110|| niShThurA cha nirAkArA nArasiMhI cha nopamA | nishIthinI nishAhantrI nAnAduHkhanivAriNI || 111|| nirmadA karatoyA cha niShkala~NkA.aghanAshinI | shatadrusindhusaMvAhA nityAnandavidhAyinI || 112|| trinayanA nR^isiMhAryA nAnAkArapravAhiNI | pApaghnI pAvanI padmA pavitrA padmapUjitA || 113|| praj~nArUpA prachaNDA cha padmasthA padmasambhavA | padmAkShI padminI prItA prakaTavAsinI parA || 114|| prItibhaktA cha pashyantI parambrahmAvatAriNI | prabhAvatI parAtmA cha padmajA parameshvarI || 115|| pAtakaghnI parAshaktiH pa~nchamI pa~nchamArutA | pa~nchAtmA pa~nchatattvA cha pa~nchatvasthA parAparA || 116|| pa~nchapITheshvarI pUrNA pUrakA pa~nchamIpriyA | pUrNimA pUrNarUpA cha pUrNeshvarI parAtparA || 117|| phaNIndrabhUShaNA pheruH sphaTikAbhA pravAhiNI | sphItA sphoTapravAhA cha snAtakasphoTanAshinI || 118|| phaNihArA phalADhyAryA sphaTikArNA phalapradA | pherusthA pherurAvA cha phetkAriNI tathA prabhA || 119|| vaiShNavI vAmarUpA cha vAmeshvarI varapradA | vAmasthA vAhinI vAmA vAmeshA vAmalochanA || 120|| vareNyA varadA bAlA varAryA varadAyinI | vimalA cha vishAlAkShI vishvAkShI vinduvAsinI || 121|| vishvAtmA cha virUpAkShI vibhavA vindhyavAsinI | bodhinI vIrajA vIrA vishvayonishcha vatsalA || 122|| vishvA sarvasudhA vIjA vishAlAmR^itavAhinI | vidyAdharI cha vidyAtmA vaikharI vAmakeshvarI || 123|| vedarUpA cha vedAntA vedA~NgA vedavallabhA | vArAhI vAsavI vANI vArANasInivAsinI || 124|| bhavAnI bhavavandyA cha bhUmisthA bhUmibhUShaNA | bhAgIrathI bhavArAdhyA bhavamAtA bhaveshvarI || 125|| bhayApahA bhavAnandA bhaya~NkarI bhayanAshinI | prabhAdevI bhageshI cha bhAvinI bhavanAshinI || 126|| bhaktigamyA cha bhItighnI bhAskarI bhuvaneshvarI | bhaktivarapradA bhavyA bhrAmarI bhagamAlinI || 127|| bhaktituShTA cha bheruNDA bhuktidA bhavatoShiNI | bhAvanA bhuvaneshI cha bhaktIshA bhavalochanA || 128|| bhAsvaddehA cha bhavyAsyA bhAvatI bhavara~njanI | bhUbhUShaNA cha bhUtasthA bhUmibhUShaNavAhinI || 129|| bhagavatI bhavAtmA cha bhavaduHkhaprabha~njanI | bhImarUpA bhavabhrAntI bhavyA bhavyArchchitAnanA || 130|| bhImAdevI shubhA bhadrA bhImA bhImaninAdinI | bhUteshI bhUtadhAtrI cha bhUtasthA bhUtabhAvinI || 131|| mAheshvarI mahAmAyA mu~njavadadrisa~NgamA | mashekharI mahAmArI mAnyA maheshanandinI || 132|| mahAjyotirmahAmedhA mAyApurInivAsinI | mAta~NginI manorUpA mahAbhUtA cha madhyamA || 133|| maNipUrakamadhyasthA mohinI vishvamohinI | mahAdhR^itirmahAkAlI madirA manditAnanA || 134|| mahAmatirmahAsUkShmA madhumatI mahodarI | menakAgarbhajA mAsthA ma~NgalA cha suma~NgalA || 135|| mandahAsA mahAdaMShTrA mAlikA cha mahomakhA | madAlasA manoj~nA cha manasvinI manoharA || 136|| mandAkinI mahAbhadrA mokShadAtrI cha mAdhavI | mAtarA mantrarUpA cha manvamAtA maNiprabhA || 137|| mudrApriyA cha merusthA mantrAtmikA manoramA | mR^igendrAdipravAhA cha maheshamukhasambhavA || 138|| maNimatirmahAvegA maNimukuTasambhavA | yAj~neyA yamunA jyeShThA yaj~namAtA yashasvinI || 139|| yaj~nA~NgI yAmarUpA cha yakSharUpA yashomayI | yaj~napriyA cha yaj~neshA yaj~nabhoktrI yashaHpriyA || 140|| yashodAgarbhasa~njAtA yashaHpUrNA yashobalA | yAdaHprasevitA yAmyA yAtudhAnaprapUjitA || 141|| yogasArA yugAdyA cha yogeshvarI ayonijA | yogIshA yogarUpA cha yogIndrahR^idayAshritA || 142|| yoginIsevitA yogyA yogIshvarA yugasthitA | yogIshvarAsyasambhUtA yogasiddhA yashomayI || 143|| yogodbhavA suyogAryA yogena jalavAhinI | rasottamapravAhA cha rudrahR^idramaNA rasA || 144|| rAvaNabhUtidA rambhA rAjarAjeshvarI varA | rasavAhA cha rambhorU rasabhoktrI rasapriyA || 145|| rAgapriyA rasaj~nA cha rAmA rAghAvatAriNI | ramaNI rAdhikA.a.arAdhyA rAjyadA rAjyarAjitA || 146|| rAkiNI rAjyabhoktrI cha raudrInAmavarapradA | rohiNI raktapadmasthA ratij~nA R^iddhirUpiNI || 147|| rudrapriyA cha rudrI cha rathasthA rathagAminI | ratnA~NgI raktavAsA cha raktAkShI raktadantikA || 148|| ratnagR^ihA cha ratnasthA ratnapadmAshritA rasA | lambodaraprasUtA cha mR^igalA~nChanashekharA || 149|| lambikA nalinollAsA lAkinI lalitAlakA | lalanA lalajjihvA cha lalitA lohitA~NginI || 150|| lambodarI sulIlA~NgA lolakallolamAlinI | lakShmIrllakShmIpradA lakShmA lakShAlakShatara~NgiNI || 151|| lakShmIrUpA cha lakShmIsthA lakShmIlakShmAvadhishritA | veNurvashapriyA brAhmI vallakIvAsasaH priyA || 152|| bAlIshA bAlikA bAlA brahmasvachChormimAlinI | brahmasthA brahmarUpA cha brahmeshI brahmapUjitA || 153|| brahmAtItA paraM brAhmI brahmeshAchyutavanditA | shiveshvarI shivAvAho shAmbhakarI shivapriyA || 154|| sharveshvarI cha sharvANI shAntA shAntapravAhiNI | shamanA shaktirUpA cha shAr~NgiNI sarvama~NgalA || 155|| shatarudrA shachI shItA shIlA shIlapradA shubhA | shIlarUpA sushIlasthA shrIrUpA shrIkarI shivA || 156|| shrImayI shrInivAsA cha shrImatI shrIdharArchitA | shraddhApriyA sadAshraddhA shraddhAtmA cha shrutipriyA || 157|| shrutipraj~nA shashA~NkAbhA shrutirUpA shuchismitA | shrutinI shrutinetrA cha shrutij~nA shrutipUjitA || 158|| ShaTpatrapadmamadhyasthA ShaTchakrAdhArasaMshritA | chatuHShaShTikalopetA ShaShThasvarI ShaDa~NginI || 159|| ShaDAsyajananI ShaShThI ShaDAnanA SharupiNI | ShoDashI ShoDashAdhArA ShoDashAraniSha~NgiNI || 160|| sAkShAtsAratarA sArA sattvasthA sarvavandinI | sAttvikI sattvarUpA cha sarvasattvanivAsinI || 161|| saMsArasArahA svAhA subha~NgA sArarUpiNI | saMvarttAntA nimeShAdisaMvatsarAvatAriNI || 162|| sahasrAsyA sahasrAkShA sAvitrI sAradeshvarI | sarveshvarI cha satyAtmA sarvavidyA cha sAkinI || 163|| smR^itimayI cha sUryAtmA sarvavarNAntasAriNI | sarvendriyAshritA sUkShmA sarvendriyAdhishI varA || 164|| siddhAtmA sUkShmarUpAMshA sUkShmasthA somabhUShaNA | sa~NgrAmajayadA sAdhvI sR^iShTisthitivinAshinI || 165|| sarveshA sarvarogaghnI sarvagrahavinAshinI | sadasadrUpiNI sattA svastirUpA sarasvatI || 166|| hradinI haravAgjAtA harahAsAsyaniHsR^itA | hR^itpadmavAsinI hR^iShTA graharAkShasanigrahA || 167|| haMsasthA haMsarUpA cha haMsamUrtirharapriyA | hi~NgulA haMsadevI cha hAkinI haravallabhA || 168|| haMseshvarI hakArAtmA haMsIgatishcha hAsinI | haravaktrodbhavA haMsI harivandyA haripriyA || 169|| hemAbhA himavatputrI himakoTItapasvinI | himAdritu~NgasAnorhi patantI himashIkarA || 170|| kShoNIshvarI kShamArUpA kShaNadeshvarashekharA | kShINakShema~NkarI sAkShAtkShobhiNI kShitivAhinI || 171|| kShAmodarI kShamA kShINA yakSheshvarI sudakShiNA | kShema~NkarI kShaNAbhA~NgI kShaumamAmbarI kShaNaprabhA || 172|| kShetraj~nA kShemadA kShINA akShayAkSheyabhR^i~NgiNI | kShetrasthA kShetradehA cha mokShadA kShIpravAhiNI || 173|| ityetatkathitaM nAmnAM sahastraM suradurllabham | puNyAtpuNyatarannAma vAgmatyA nAradA~njasA || 174|| varNitaM tridashaiH pUrvaM brahmaviShNumaheshvaraiH | sudhAmayAni nAmAni vAgmatyA mahimAni cha || 175|| sAvadhAnaparo vipra pAThakAnAM visheShataH | dUrasthAnAmashaktAnAM vakShyAmi tajjalAplavam || 176|| ekadhA pAThakastasyAM snAnodbhavaphalaM labhet | dvidhA cha paThanAtsnAtA manovA~nChAphalaM labhet || 177|| tridhA prapaThanAtsnAtvA bhogyArthI bhogyamApnuyAt | chaturthA paThanAtsaukhyaM pa~nchadhA dhanamApnuyAt || 178|| ShaDdhA pAThAddhi kIrtiH syAtprabhutvaM saptadhA tathA | aShTadhA paThanAtsadya aishvaryatvaM phalaM labhet || 179|| navadhA chaiva vAk\-siddhiM lokamAnapuraHsarAm | dashadhA cha digIshatvaM ekAdashAddharAtmakam || 180|| pUrvedyuH saMyamastasyAM snAnaM kuryAtparedyutaH | anyo.ashakto.aparo dhImAn yathoktaM tatphalaM labhet || 181|| darbhapANiH susa~NkalpI yathepsitaphalAtmakaH | vAgmatIjIvane snAtvA tadabhidhAnakaM paThet || 182|| ekadhA pAThakaH pApaiH sAMvatsaraiH pramuchyate | evaM dashottaraM vR^iddhiM pAThAtkilbiShanAshanam || 183|| ashaktAnAM prabhUtAnaM bhaktyA tachChravaNAtphalam | anyAbhiH sa~Ngame snAtvA vAgmatyAM syAddashottaram || 184|| sa~Ngame viShNupadyAshcha shatottaraM phalaM labhet | maNimatIsamAje cha sahasraguNitaM labhet || 185|| ga~NgAsamAjake snAtvA vAgmatyAmayutAdhikam | gAyatrI chaiva sAvitrI vAgmatI pAThako.aparAH || 186|| tAsAM samAjake snAtvA niyutaM phalamApnuyAt | pUrvajanmavipAkaishcha vividharogasa~NkulaH || 187|| vAgmatyAM snAtakaH pAThAttattadrogairvimuchyate | tasyAM snAtA sakR^itpAThAnmuchyate kR^imivadhyajaiH? || 188|| tasyAM snAnAddvidhApAThAtpakShihatyAM vyapohati | trivArapAThataH snAturmR^igavadhodbhavaM tathA || 189|| chaturddhA pAThakaH snAtvA ashvahatyAM vyapohati | pa~nchadhA pAThakaH snAtA narahatyAM vyapohati || 190|| ShaDdhA pAThAddhi tatsnAtuH strIhatyA pravinashyati | saptadhA bAlahatyA cha snAtustasyAM vinashyati || 191|| mithyoktamaShTadhA pAThAdatyutkaTaM vyapohati | navadhA pAThataH snAturgovadhajo vinashyati || 192|| dashadhA pAThataH snAturbrahmahatyAM vyapohati | svarNasteyasurApAnamagamyAgamanodbhavam || 193|| abhakShyabhakShajaM tasyAM snAtA pAThAdvisarjjati | kadAchiddaivayogena harivAse girau vrajan || 194|| yatra chAsIdramAtIrthaM sAvitrI vAgmatI tathA | gAyatrI sa~Ngame dhImAn snAtvA nAma paThiShyati || 195|| koTijanmArjjitaM pApaM tyaktvA yAti parAM gatim | giryArohaNamAtreNa ashvamedhaphalaM labhet || 196|| sa~NkrAntyAM pUrNimAyA~ncha chaturddashyAM tathA kuhau | dvAdashyAM cha tR^itIyAyAmaShTamyAM yogasaMyuge || 197|| nAmnAM sahasrakaM pAThAddashottaraphalaM labhet | Aturo muchyate rogaiH kuShThArttaH kuShThakairdrutam || 198|| jvarArtto muchyate rugbhiH shrutvA sahasranAmakam | prauDharogaprayukto.api prANakaNThAshrite yadA || 199|| nAmnAM sahasrakaM shrutvA parAtparAM gatiM labhet | grahAH prashamanaM yAnti krUrA nAmnAM prapAThataH || 200|| vidyArthI labhate vidyAM putrArthI labhate sutam | gurviNI sUyate putramAkarNya nAmapAThataH || 201|| kuShmANDA rAkShasAH krUrA bhUtAH pretAshcha DAkinI | nAmnAM pAThakamAlokya palAyante.apamR^ityavaH || 202|| sarvayaj~nodbhavaM puNyaM vratAnAM chaiva yatphalam | dharmANAmupavAsAnAM sarvadAnodbhavaM phalam || 203|| sarvatIrthodbhavaM puNyaM pratimAdarshanasya cha | tatpuNyaM guNitaM lakShaM snAtvA cha vAgmatIjale || 204|| sahasranAmapAThAdvai mokShaM parAtparaM labhet || 205|| vAgmatyA salile svakIyacharaNau saMspR^ishya rogArjitaH prANaiH kaNThagato.api pAmarajano mu~nchatyasUMstattaTe | so.ante yogasugamyamAnapadavIM prApnoti hR^idyaM shivaM vA~nChanti tridashA hi tAdR^ishagatiM dhIrA janAH kiM punaH || 206|| iti shrIskandapurANe himavatkhaNDe brahmanAradasaMvAde vAgmatIsahasranAma chaturashItyadhika shatatamo.adhyAyaH || 184|| ## The verse numbers are retained as in the adhyAya. Proofread by Manish Gavkar, PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}