% Text title            : vRRindAvanadvAdashIvratam
% File name             : vRRindAvanadvAdashIvratam.itx
% Category              : devii, tulasI, devI, dvAdasha
% Location              : doc\_devii
% Transliterated by     : Shree Devi Kumar
% Proofread by          : Shree Devi Kumar
% Description-comments  : tulasI viShNu vivAhavidhi, sanatkumArasaMhitA
% Acknowledge-Permission: Mahaperiaval Trust
% Latest update         : June 12, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vrindavanadvadashivratam ..}##
\itxtitle{.. vR^indAvanadvAdashIvratam ..}##\endtitles ##

(vratachUDAmaNau )
tulasI viShNuvivAhavidhiH
deshakAlau tataH smR^itvA gaNeshaM tatra pUjayet |
puNyAhaM vAchayitvA.atha nAndIshrAddhaM samAcharet || 1||
vedavAdyAdinirghoShaiH viShNumUrtiM samAnayet |
tulasyA nikaTe sA tu sthApyA chAntarhitA ghaTaiH || 2||
AgachCha bhagavan deva arhayiShyAmi keshava |
tubhyaM dadAmi tulasIM sarvakAmaprado bhava || 3||
dadyAd dvivAramarghyaM cha pAdyaM viShTarameva cha |
tatashchAchamanIyaM cha triruktvA cha pradApayet || 4||
payo dadhi ghR^itaM kShaudraM kAMsyapAtrapuTe ghR^itam |
madhuparkaM gR^ihANa tvaM vAsudava namo.astu te || 5||
tato ye svakulAchArAH kartavyA viShNutuShTaye |
haridrAlepanAbhya~NgaH kAryaH sarvaM vidhAya cha || 6||
godhUli samaye pUjyau tulasIkeshavau punaH |
pR^ithakpR^ithaktataH kAryau sammukhaM ma~NgalaM paThet || 7||
iShTadeshe bhAsvare tu sa~NkalpaM tu samarpayet |
svagotrapravarAnuktchA tathA tripuruShAdikam || 8||
anAdimadhyanidhana trailokyapratipAlaka |
imAM gR^ihANa tulasIM vivAhavidhineshvara || 9||
pArvatI bIjasambhUtAM vR^indAbhasmani saMsthitAm |
anAdimadhyanidhanAM vallabhAM te dadAmyaham || 10||
payoghR^itaishcha sevAbhiH kanyAvadvardhitAM mayA |
tvatpriyAM tulasIM tubhyaM dAsyAmi tvaM gR^ihANa bhoH || 11||
evaM datvA tu tulasIM pashchAttau pUjayettataH |
rAtrau jAgaraNaM kuryAt vivAhotsavapUrvakam || 12||
prativarShamidaM kuryAt kArtikavratasiddhaye |
tataH prabhAtasamaye tulasIM viShNumarchayet || 13||
vahni saMsthApanaM kR^itvA dvAdashAkSharavidyayA |
pAyasAjya kShaudratilaiH hunedaShTottaraM shatam || 14||
tataH sviShTakR^itaM hutvA dadyAtpUrNAhutiM tataH |
AchAryaM cha samabhyarchya homasheShaM samApayet || 15||
chaturo vArShikAnmAsAn niyamaM yasya yatkR^itam |
kathayitvA dvijebhyastat tathA.anyatparipUjayet || 16||
idaM vrataM mayA deva kR^itaM prItyai tava prabho |
nUnaM sampUrNatAM yAtu tvatprasAdAt janArdana || 17||
revatIturyacharaNe dvAdashIsaMyute naraH |
na kuryAtpAraNAM kurvan vrataM niShphalatAM vrajet || 18||
tato yeShAM padArthAnAM varjanaM tu kR^itaM bhavet |
chAturmAsye.athavA tUrje brAhmaNebhyaH samarpayet || 19||
tataH sarvaM samashnIyAt yadyaduktaM vrate sthitaH |
dampatibhyAM sahaivAtra bhoktavyaM vA dvijaiH saha || 20||
tato bhuktottaraM yAni galitAni dalAni cha |
tulasyAstAni bhuktvA tu sarvapApaiH pramuchyate || 21||
bhojanAnantaraM viShNorarpitaM tulasIdalam |
bhakShaNAtpApanirmuktiH chAndrAyaNa shatAdhikam || 22||
ikShukhaNDaM tathA dhAtrIphalaM pUgIphalaM tathA | |
bhuktvA tu bhojanasyAnte tasyochChiShTaM vinashyati || 23||
eShu triShu na bhuktaM chedaikakamapi yena tu |
j~neyaM uchChiShTa AvarShaM naro.asau nAtra saMshayaH || 24||
tataH sAyaM punaH pUjyau ikShuvaMshaishcha maNDitau |
tulasIvAsudevau cha kR^itakR^ityo bhavettataH || 25||
tato visarjanaM kuryAt datvA deyAdikaM hareH |
vaikuNThaM gachCha bhagavan tulasyA sahitaH prabho || 26||
matkR^itaM pUjanaM gR^ihya santuShTo bhava sarvadA |
gachCha gachCha surashreShTha svasthAnaM parameshvara || 27||
yatra brahmAdayo devAH tatra gachCha janArdana |
evaM visR^ijya deveshaM AchAryAya pradApayet || 28||
mUrtyAdikaM sarvameva kR^itakR^ityo bhavennaraH |
prativarShaM karotyevaM tulasyudvAhanaM shubham || 29||
iha loke paratrApi vipulaM sadyasho bhavet |
prativarShaM tu yaH kuryAt tulasIkarapIDanam |
bhaktimAn dhanadhAnyaishcha yukto bhavati nishchitam || 30||

iti sanatkumArasaMhitAntargatam vR^indAvanadvAdashIvrataM sampUrNam |
##
Encoded and proofread by Shree Devi Kumar


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}