% Text title            : Vajrayoginyah Stutipranidhanam
% File name             : vajrayoginyAHstutipraNidhAnam.itx
% Category              : devii, devI, buddha, stuti
% Location              : doc\_devii
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vajrayoginyah Stutipranidhanam ..}##
\itxtitle{.. vajrayoginyAH stutipraNidhAnam ..}##\endtitles ##
OM namaH shrI vajrayoginyai, namobuddhadharmasa~NghebhyaH,
namo gurubuddhabodhisattvebhyaH, namo lochanAdidashavajravilAsinIbhyaH,
namo yamAntakAdidashakrodhavIrebhyaH sapraj~nebhyaH |

OM o A hUM iti kAyavAkachita indriyavij~nAnAni, vAkachittAni manovij~nAnAni,
parachittaj~nAnAbhij~nA, parakAyapraveshAbhij~nA puNDarIkeShu nAbhisthe
raktasUrya maNDalaH || 1||

dharmodayA padmamadhye sindUrAruNarUpiNI |
trishR^i~NgA hi trikoNA vA chatuHpIThasamanvitA || 2||
hrI~NkAraM madhyabhAge.asyAH pItavarNaH prakIrtitaH |
tadbhavA pItavarNA cha avadhUtyA(tI) svayaM sthitA || 3||
lalanAyAM tu sushyAmA rasanAyAM cha gaurikA |
pratyAlIDhapadA nAmnA madhye pItA manoramA || 4||
trimArge saMsthitA devI trikAyavajrayoginI |
seyaM nAmnA bhavedekA sarvasambuddhaDAkinI || 5||
trailokye divyarUpA cha sarvAshAparipUrikA |
svakartinA kartitaM cha vAmahaste svamastakam || 6||
dakShiNe.asyA sthitA kartirjagato duHkhachChedinI |
asyA vAme sthitA shyAmA nAmnA sA varavarNinI || 7||
karparaH savyahaste cha kartirvAme cha saMsthitA |
dakShiNe chaiva pItA vai vajravairochanI sthitA || 8||
kartikA dakShiNe haste vAme kapAladhAriNI |
pratyAlIDhapadA devI nagnikA tu visheShataH || 9||
karau cha dvau tayoH pAdau viparItau tathA sthitau |
buddhAnAM jananI madhyA samyaksambuddharUpiNI || 10||
akShayA subhagA nityaM hantrI cha mR^ityujanmanoH |
dharmasambhoganirmANamahAsukhasvarUpiNI || 11||
seyaM tribhuvane devI rAjaye chandravatsadA |
kabandhAdavadhUtyAshcha pravishetsvamukheShvasR^ik || 12||
lalanArasanAbhyAM cha niHsR^itya shirasi tathA |
karUNAraktarUpeNa pibantI sarvashAntaye || 13||
duHkhaM sa.nprekShya lokAnAM chaturmAraniShUdinI |
daurmanasyAdi kartyA cha kartantI sarvameva tat || 14||
stutA hi jinamAtastvaM suprasIda bhavArNave |
svArthaM kartuM parArthaM cha bhavAmyahaM yathA kShamaH || 15||
tattvayA devI kartavyamanugrahaM mayi sR^ija |
bAlo.ahamaj~narUpI cha kAyavAkachittadoShataH || 16||
gurubhaktiM na jAne.ahaM tvadbhaktiM cha visheShataH |
ityAkalaya lokeshi kR^ipA mayi vidhIyatAm || 17||
kAyavAkachetasAM sAmyaM kuru me tvaM prasAdataH |
yena mu~nchAmi saMsAraM ShaDgatiM na vishAmyaham || 18||
yathA cha vajravaddeho yAvanmukto bhavAmyaham |
mAraiH sarvaiH parityakto yathA kAyo bhavenmama || 19||
lIlayA siddhibhAgAH syurnirvighnaH sarvasiddhibhAk |
sarvasAdhanasiddhi syAt kAyashchaivAjarAmaraH || 20||
trAsanaM sarvamArANAM sarvAshAparipUraNam |
dehi me tvaM varAM siddhiM hitvA chaiva gamAgamam || 21||
mano vilIyatAM devi pa~nchendriyAnusaMyutam |
sid.hdhyechcha vajrasattvAyuryauvanArogyasatsukham || 22||
tvatprasAdAnmahAmudrA sarveShAmeva sambhavet |
devAsuramanuShyAshcha yatra yatra cha saMsthitAH |
sukhinaste cha sarve syurbuddhatvaphalalAbhinaH || 23||

iti shrIguhyasamayatantre trikAyavajrayoginyAH stutipraNidhAnaM sampUrNam |
iti siddhAchAryakR^itaM shrIvirUpAdAnAm sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}