% Text title            : Hymn in praise of Goddess as varAhamukhI
% File name             : varAhamukhIstava.itx
% Category              : devii, otherforms, stotra, devI, aShTaka
% Location              : doc\_devii
% Transliterated by     : Sridhar  Seshagiri sridhar.seshagiri at gmail.com
% Proofread by          : Sridhar  Seshagiri sridhar.seshagiri at gmail.com
% Latest update         : November 26, 2001
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hymn to Goddess varAhamukhI ..}##
\itxtitle{.. varAhamukhIstavaH tathA vArAhyanugrahAShTakam ..}##\endtitles ##
kuvalayanibhA kausheyArdhorukA mukuTojjvalA
     halamusalinI sadbhaktebhyo varAbhayadAyinI |
kapilanayanA madhye kShAmA kaThoraghanastanI
     jayati jagatAM mAtaH sA te varAhamukhI tanuH || 1||
tarati vipado ghorA dUrAt parihriyate bhaya\-
     skhalitamatibhirbhUtapretaiH svayaM vriyate shriyA |
kShapayati ripUnIShTe vAchAM raNe labhate jayaM
     vashayati jagat sarvaM vArAhi yastvayi bhaktimAn || 2||
stimitagatayaH sIdadvAchaH parichyutahetayaH
     kShubhitahR^idayAH sadyo nashyaddR^isho galitaujasaH |
bhayaparavashA bhagnotsAhAH parAhatapauruShA
     bhagavati purastvadbhaktAnAM bhavanti virodhinaH || 3||
kisalayamR^idurhastaH klishyate kandukalIlayA
     bhagavati mahAbhAraH krIDAsaroruhameva te |
tadapi musalaM dhatse haste halaM samayadruhAM
     harasi cha tadAghAtaiH prANAnaho tava sAhasam || 4||
janani niyatasthAne tvadvAmadakShiNapArshvayo\-
     rmR^idubhujalatAmandotkShepapraNartitachAmare |
satatamudite guhyAchAradruhAM rudhirAsavai\-
     rupashamayatAM shatrUn sarvAnubhe mama devate || 5||
haratu duritaM kShetrAdhIshaH svashAsanavidviShAM
     rudhiramadirAmattaH prANopahArabalipriyaH |
aviratachaTatkurvadda.nShTrAsthikoTiraTanmuko
     bhagavati sa te chaNDochchaNDaH sadA purataH sthitaH || 6||
kShubhitamakarairvIchIhastoparuddhaparasparai\-
     shchaturadadhibhiH krAntA kalpAntadurlalitodakaiH |
janani kathamuttiShThet pAtAlasadmabilAdilA
     tava tu kuTile da.nShTrAkoTI na chedavalambanam || 7||
tamasi bahule shUnyATavyAM pishAchanishAchara\-
     pramathakalahe choravyAghroragadvipasa~NkaTe |
kShubhitamanasaH kShudrasyaikAkino.api kuto bhayaM
     sakR^idapi mukhe mAtastvannAma sa.nnihitaM yadi || 8||
viditavibhavaM hR^idyaiH padmairvarAhamukhIstavaM
     sakalaphaladaM pUrNaM mantrAkSharairimameva yaH |
paThati sa paTuH prApnotyAyushchiraM kavitAM priyAM
     sutasukhadhanArogyaM kIrtiM shriyaM jayamurvarAm || 9||

iti shrIvarAhamukhIstavaH samAptaH ||
vArAhyanugrahAShTakam
##
Encoded and proofread by Sridhar  Seshagiri seshagir at engineering.sdsu.edu

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}