% Text title            : Varuna.devakrita Sita StutiH
% File name             : varuNadevakRitAsItAstutiH.itx
% Category              : devii, sItA, stuti
% Location              : doc\_devii
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : bhushuNDirAmAyaNam | pashchimakhaNDa | adhyAya 24/1-31||
% Latest update         : August 26, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sitastuti by Varuna ..}##
\itxtitle{.. varuNadevakR^itA sItAstutiH ..}##\endtitles ##
varuNa uvAcha |
kUpyAH sarasyAH saritAM yathAyaH samudrameva pravishanti sarvAH |
uchchAvachAstvayi sarve.api bhAvAH pravishyAstaM yAnti nityasvarUpe || 1||
yathA jalotthaM malamAtR^iNoti jalasvarUpaM sarvataH samplutaM yat |
tvadudbhavA devi tathaiva mAyA tvAmAvR^iNIte vyApikA brahmarUpAm || 2||
kShArAMstathA madhurAH satya Apo na mAdhuryaM kvachana vyabhicharanti |
evaM bhAvAH sadasadrUpiNo.api na te sattAM vyabhicharanti kutrachit || 3||
svatantra~ncha te dhAma nityAvyayaM yat sattvAntaHsthaM bhAti sarvAvatAre |
tadevedaM bhAsate shuddhasattvamantarhitaM tAvakaM shuddharUpam || 4||
tvamAtmabhUtA jagatAmantara~NgA mAyA guNairlakShyase no pR^ithaktvam |
ekatve sadviduShAM j~nAnagamyA prakAshase bahira~Nge.api chArthe || 5||
vishannayogolakamantarAnalaH svarUpashakti vitarati lohapiNDe |
tathA tvamantaH pravishantI janAnAM svAveshena sphuramANaM karoShi || 6||
tvadAviShTaM mAnasaM sajjanAnAM kalyANaistvadguNAvargairupaiti |
tvayA vivarjyaM hR^idayaM durjanAnAM mAyAguNairAkramitaM bhavechcha || 7||
kAruNyaM te prakR^itiH sarvajIveShTAbhadrahR^idbhAti sAmAnyato.api |
tathApyamI dukhasthA bhajante svakarmabhiH sadavidyAvilAsAH || 8||
nirguNA saguNA cha tvaM niShkriyA chApi sakriyA |
asaumyA chApi saumyA tvamekaivAnekarUpiNI || 9||
parA tvaM cha pashyantikA madhyamA tvaM tvaM vaikharI sR^iShTiranantarUpA |
tvaM varNarUpA padavAkyArtharUpA tvaM tadvR^ittiH sphoTarUpA tvamekA || 10||
yathA nabho dUratau nIlavarNaM shuddhAdarshe pratibimbatvameti |
tathaiva tvaM pravikarSheNa dR^iShTermAyAguNeShu pratirUpaM karoShi || 11||
tvadbodhakaM vAkyamekaM vadanti ontatsadityuchchakeH samprayuktam |
tenAsheShA vedayaj~nAH kriyAdyAH sadvastuvargA prabhavantyarthadAne || 12||
jayaM tapashchApi yaj~nAdikAH kriyAH prakurvatAM phalavA~nChAparANAm |
shraddhArUpA tvaM manasyabhyupaiShi yathA sheShaH sidhyati kAryavargaH || 13||
jIvannaivAsau pareto manuShyo yastvadrUpaM kvApi jAnAti naiva |
yaj~nerdAnaistapobhiranAshakAdyairyasyAmbhaktiM spR^ihayanti pravINAH || 14||
nindAvAdastAvako yatra mAtaH sa~njAyetAj~nAninAmAsurANAm |
tato gachCheddevi karNau pidhAya tiShThaidvApi svAmirna yastvadIyaH || 15||
tvannAmanAdAmR^itasindhumadhye kR^itAvagAho manujaH shraddhayA yaH |
tamugrasaMsArasamudra eSha sadottara~Ngo.api na saMspR^ishavyaho || 16||
sarvAnu dharmAn ye parityajya mAtastvada~NghripotaM saMshrayantIha bhaktayA |
te saMsArAbdhiM shanakairuttaranti te vai janA j~nAtashAstraikasArAH || 17||
yAvanna te jAyate samprapattirhastagrAhaM naiva tAvatkaroShi |
tvayA~NgIkR^itamenaM manuShyaM shrIrAmo.api prabhuruttArayetkim || 18||
vishvAsa evAshrayiNAM te janAnAM saMsArAbdyaunAvamajjAma eva |
yajjAnakIcharaNasarojayugme AtmopahArIkR^ita AdAya sarvam || 19||
bhAro.apya sheShastvayi chet samarpito yo vaidiko laukikashchApyasheShaH |
na vai teShAmiha chAmutra ki~nchitkartavyaM syAjjanakanarendrakanye || 20||
nR^ipo.apyasau bhAgyavatAM shiromaNirna j~nAyate kiM kR^itavAn puNyajAtam |
yadAlayAla~NkaraNAya jAtayA lokatrayaM shashvadala~NkR^itaM tvayA || 21||
aho mAtarvayamindrAdidevAstvatsevakAnAM nitarAmindriyANi |
pravishya nityaM nibhR^itaM pibAmastvadIyalIlAshravaNAdikAH sudhAH || 22||
aho iyaM mithilAnAmabhUmerananyashobhAkaraNI vabhUva |
AvirbhUtA yatra rAmasya rAmA tvaM vai sAkShAtprakR^iteH pUruShAtparA || 23||
kItistvadIyA janakendrasambhave ga~NgAditIrthAvalipAvanochitA |
yeShAmantaH sampraviShTA janAnAM taM AvalIpAvanapAvanAsyuH || 24||
yasyAH kaTAkShaspR^ishimAtreNa lakShmIrnArAyaNasyA~NkagA sambhUvaH |
brahmANI cha brahmaNa umA shivasya tAM tvAM shrayAmaH sarvasaubhAgyalakShmIm || 25||
ekaiva tvaM bahudhA.a.akArayuktA rAmendunA ramase rAsamadhye |
tAM tvAM parAM bhaktiyuktAH prapadya svAtmAnamatyarthakR^itAshcha yAmaH || 26||
tvadAnanenduprabhavajyotsnayA vayaM yadvatpramodATavigAshchakorAH |
svAnandasampattisamudragamagnAH shashvatkR^itArthAH subhage devi sIte || 27||
adhipramodATavi devi yadvadadvirephamAlA sukhitA~NgasaurabhaiH |
tathA madIyendriyavR^ittirAjI tvadbhakti sampR^iktatayAstu modinI || 28||
idaM paraM santate kAmayAmo vayaM nijaM sthAnamabhyetya mA kvachit |
darpAchitAH ki~nchidabhUbhayattvatparA~NmukhA kvApi na syAma sIte || 29||
sahajAnandinIM tAM tvAM prayatnAH sharaNaM vayam |
brahmANDAnAM koTayo.api yasyAM shAtpuruShAdvabhuH || 30||
ityuktvA varuNastAta daNDavatprAyatadbhuvi |
romA~nchitAsheShatanurbhaktipIyUShapUritaH || 31||

iti shrImadAdirAmAyaNe brahmabhushuNDasaMvAde pashchimakhaNDe bharatalakShmaNIye
sItAjanmastutau varuNastutirnAma chaturviMsho.adhyAyaH || 24||

bhushuNDirAmAyaNam | pashchimakhaNDa | adhyAya 24/1\-31||
##
bhushuNDirAmAyaNam . pashchimakhaNDa . adhyAya 24/1-31..

Encoded and proofread by Mrityunjay Rajkumar Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}