% Text title            : Vindhyavasini DashapadI
% File name             : vindhyavAsinidashapadI.itx
% Category              : devii, devI, dashaka
% Location              : doc\_devii
% Author                : Batohi Jha
% Proofread by          : Kavitha Aanand
% Latest update         : January 13, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Vindhyavasini Dashapadi ..}##
\itxtitle{.. shrI vindhyavAsini dashapadI ..}##\endtitles ##
shrIvindhyavAsinyai namaH |
sauvarNAmbujamadhyagAM trinayanAM saudAminIsannibhAM
shakhaM chakravarAbhayAni dadhatImindoH kalAM bibhratIm |
graiveyA~NgadahArakuNDaladharAmAkhaNDalAdyaiH stutAM
dhyAyed vindhyanivAsinIM shashimukhIM pArshvasthapa~nchAnanAm\rdq{} ||
siMhasthA mR^igarAjagA cha vijayA durgA cha padmAvatI
nAgAdhIshvaraviShTarA cha lalitA lakShmIH sarojasthitA |
mAta~NgI cha suratnapIThapadavI stutyAshcha sarvAH paraM
sauvarNAmbujamadhyagA vijayate tAsAM hi vindhyeshvarI || 1||
hastAsyA~NghridashA paraM trinayanA devI mahAkAlikA
durgA siddhikarI jayA shashidharA dhyAtA trinetrA satAm |
ArAdhyA bhuvaneshvarI shivashivA yuktA tribhirlochanaiH
saumyA bAhuchatuShTayA trinayanA vindhyeshvarI sha~NkarI || 2||
nIlAshmadyutikAlikAM bhagavatI kAlAbhrutulyA jayA
vidyuddAmasamA divAkaranibhA durgA cha padmAvatI |
dhyAtavyA cha sarasvatI matimatAM shItAMshutulyaprabhA
dR^ishyA vindhyanivAsinI kaliyuge saudAminIsannibhA || 3||
khaDgAdiM daghatI karaiH suviditA shyAmA.asatAM bhIShaNA
mAlAkumbhakapAlanIrajakarA padmAvatI saMstutA |
bAlAnAM bhuvaneshvarI nahi tathA saumyA sapAshA~NkushA
shakhaM chakravarAbhayAni dadhatI vindhyeshvarI vaiShNavI || 4||
devI baddhahimAMshuratnamukuTA mUrdhendurekhA jayA
mAta~NgI shashikhaNDadhA shashidharA durgA cha kAmeshvarI |
dhyAtavyA bhuvaneshvarIndumukuTA chandrArdhapadmAvatI
vindhye kA.api nirIkShyate sahR^idayairindoH kalAM bibhratI || 5||
kAlI sarvavibhUShaNAvR^itavapuH kahlAramAlAshriyA
mAta~NgI karuNAtara~NgitadR^ishA stutyA bhavAnI satI |
bhAsvaddehalatA suratnanivahaiH padmAvatI, vindhyagA
graiveyA~NgadahArakuNDaladharA bhUShAmR^idurmAdhavI || 6||
Adau saMstutavAMstathA kamalajo bodhAya kAlIM hareH
sid.hdhyarthaM sujanairjayA suravR^itA kanyAbhirAsevitA |
dhyAtavyA hyaNimAdibhishcha kiraNaiH kAmyairbhavAnI vR^itA
vindhyasthA sharaNaM svato bhuvi para~nchAkhaNDalAdyaiH stutA || 7||
bhaktAnAM vitanoti saukhyanikaraM lakShmIH prasannAnanA
mAtuH pAlanashikShaNaM vitanute vaktrAravindashriyA |
saMsAre bhuvaneshvarI smitamukhI stotushcha dAne sadA
vindhyAdrau pR^ithulochanA shashimukhI tApauShadhirdarshanAt || 8||
siMhaskandhagatA jayA mR^igapatiskandhe cha durgA sthitA
sarvaj~neshvarabhairavA~NkanilayA padmAvatI supriyA |
siMhaH pArshvagataH shivo.atha dayitaH pa~nchAnano dvAvapi
prItiM vindhyagatobhayIM vitanute pArshvasthapa~nchAnanA || 9||
AkhyAne prathame stutA suvidhinA kAlI dvitIye tato
lakShmIshchApi sarasvatI cha mahatI sarvA tR^itIye.antataH |
mAta~NgI bhuvaneshvarI cha vijayA durgA bhavAnI shivA
tAsAM vindhyanivAsinI sakarUNA ga~NgAsakhIlochanA || 10|
vindhyAchalanivAsinyAH sthAnaM sarvottamottamam |
sAsammukhagatAnAM hi prINAti vindhyavAsinI || 11||
shrIvindhyavAsinI mAtA gItA dashapadIstutiH |
vitanotu satAM modaM sarvama~NgalasaMyutam || 12||

iti shrI vindhyavAsini dashapadI sampUrNA |
 || iti sham ||

##
Proofread by Kavitha Aanand

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}