% Text title            : Vishokalalitavratanirupanam
% File name             : vishokAlalitAvratanirUpaNam.itx
% Category              : devii, devI, lakShmInArAyaNIyasaMhitA, lalitA
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 139/1-38||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishokalalitavratanirupanam ..}##
\itxtitle{.. vishokAlalitAvratanirUpaNam ..}##\endtitles ##
shrInArAyaNIshrIruvAcha |
AgatAnAM hi shokAnAmapanodArthameva yat |
vrataM syAttatkathayA.atra dayayA me hare prabho || 1||
shrIpuruShottama uvAcha |
puNye chAshvayuje mAsi shukle dvAdashikAvratam |
shokanAshArthamevA.asti vishokadvAdashIvratam || 2||
dashamyAM laghubhugbhUtvA pR^ithvIshayanamAcharet |
brahmachArI bhavechchApi prAtarutthAya mAM smaret || 3||
snAtvA sampUjayenmAM chaikAdashyAM vratamAcharan |
nirAhAraH phalAhArashchaikabhojI cha vA bhavet || 4||
ashokalalitAM svarNamayIM shrIkR^iShNashobhitAm |
kArayitvA pUjayitvA bhojayitvA gajAsane || 5||
svApayejjAgaraM kuryAnmaNDape kadalIkR^ite |
dvAdashyAM prAtarutthAya snAtvA sampUjayetpunaH || 6||
snAnaM sarvauShadhaiH kuryAt pa~nchagavyajalairapi |
pItAmbaradharo lakShmIM pUjayechChrIshamutpalaiH || 7||
vishokAyai namaH pAdau varadAyai tu ja~NghayoH |
jAnvoH shriyai namashchApi sakthnorabdhijayoShite || 8||
gupte vishokakartryai cha kaTyAM mAyai namo namaH |
udare poShayitryai cha namo bhAyai cha pArshvayoH || 9||
nAbhau namaH sarvadhArtryai hR^idaye.ardhAshriyai namaH |
kaNThe vANyai namo vakShaHsthale kAntAshriyai namaH || 10||
bAhvornamo rakShayitryai lalitAyai tu hastayoH |
chAndryai mukhe namashchApi kamalAyai tu netrayoH || 11||
nAsAyAM surabhidevyai lalATe mohinIshriyai |
karNayorvyApikAyai te namo mUrdhni mahAshriyai || 12||
maNDale sthaNDile lakShmIpratimAsannidhau harim |
svarNamUrtiM pUjayechcha shrIpatiM mAM vishokinam || 13||
namo.anAdikR^iShNanArAyaNAya pAdayornamaH |
namaH kR^iShNAya kAntAya ja~Nghayoste namo namaH || 14||
namaH shrIvAsudevAya jAnvoste cha namo namaH |
namo nArAyaNAyeti sakthnoste bhagavannamaH || 15||
namashchAnandarUpAya meDhre te cha namo namaH |
namaH kaTyAM naranArAyaNAya te namo namaH || 16||
udare te namo vishvambharAya bhagavannamaH |
pArshvayoH rAmakR^iShNAbhyAM namo namaH namo namaH || 17||
nAbhau te padmanAbhAya hR^idaye haMsayogine |
kaNThe te nIlakaNThAya vakShasi brahmaNe namaH || 18||
bAhvoshchakradharAyA.api karayoH sha~NkhadhAriNe |
mukhe rUpAbhirUpAya netrayoH kamalAkShiNe || 19||
nAsAyAM sarvagandhAya lalATe gururUpiNe |
karNayoH shrutikartre te namo mUrdhni shikhAvate || 20||
ityabhyarchyA.api govindaM phalamAlyAnulepanaiH |
shUrpaM saMsthApya purato lakShmIM mAM tatra sannyaset || 21||
namo mokShapramodAnAM dAtR^ibhyAM sarvasampadAm |
namaH shokaparihArakartR^ibhyAM sarvadA namaH || 22||
vishokau duHkhanAshAya vishokau varadau cha me |
vishokau mama sampattyai vishokau sarvasiddhaye || 23||
bhavatAM mama shokAnAM sarveShAM nAshakau prabhU |
shuklAmbaraiH samAveShTya shUrpaM sampUjayet phalaiH || 24||
vastrairnAnAvidhaistadvat suvarNakamalena cha |
pUjayitvA bhojayechcha dugdhapAkAdikaM shubham || 25||
trikAlaM pUjayechchApi kamalairbhojayedapi |
rajanyAM cha vratI shItaM darbhodakaM pibechChuchi || 26||
tatastu jAgaraM gItanR^ityavAdyAnvitaM charet |
prAtaH prapUjayellakShmImashokAM shrIpatiM tathA || 27||
dampatIM pUjayechchApi viprANAM vidhinA tataH |
vastrabhUShAbhojyapAtrashR^i~NgArashATikA dishet || 28||
dhanadAnAni ratnAnAM dhenUnAmarpaNAni cha |
yathAshakti prakuryAchcha bhojayedbAlabAlikAH || 29||
sAdhUn sAdhvIrbhojayechcha dadyAdannAni sarvataH |
parihAraM prakuryAchcha dakShiNaH pradishettathA || 30||
anena vidhinA kuryAdvishokAlalitAvratam |
vishokAdvAdashIrUpaM shokA nashyanti tasya vai || 31||
dhenudAnaM sopadhAnashayyAdAnaM dhanArpaNam |
prakuryAchcha lalitAshrIlakShmIM stuvIta bhAvataH || 32||
yathA na lakShmIH sampachcha mAM parityajya gachChati |
tathA surUpatA.a.arogyamashokaH santu me sadA || 33||
yathA bhaktirbhavedagryA shrIkR^iShNavallabhe mama |
yathA kR^iShNo bAlakR^iShNaH salakShmIko mama gR^ihe || 34||
sadA vasettathA shUrpalakShmIdAnaM karomi cha |
suvarNakamalaM ramyaM karavIraM cha ku~Nkumam || 35||
ketakIM sinduvAraM cha mallikAM kesaraM tathA |
kajjalaM chA.alaktakaM cha chandanaM cha kadambakam || 36||
ra~njanaM gandhitailaM cha gandhasAraM dadAmi cha |
sarvashR^i~NgArapuShpANi dadAmi saukhyahetave || 37||
paThanAchChravaNAchchApi smaraNAtkaraNAdapi |
bhuktirmuktirbhavedeva vishokalalitAvratAt || 38||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
139\-adhyAyAntargataM vishokAlalitAvratanirUpaNaM sampUrNam |

lakShmInArAyaNIyasaMhitA | khaNDa 3| adhyAya 139/1\-38||
##
lakShmInArAyaNIyasaMhitA . khaNDa 3. adhyAya 139/1-38..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}