% Text title            : Yamakrita Janaki StutiH
% File name             : yamakRitAjAnakIstutiH.itx
% Category              : devii, sItA, stuti
% Location              : doc\_devii
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : bhushuNDirAmAyaNam | pashchimakhaNDa | adhyAya 22/1-22||
% Latest update         : August 26, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Janakistuti by Yama ..}##
\itxtitle{.. yamakR^itA jAnakIstutiH ..}##\endtitles ##
dharmarAja uvAcha |
namo.astu te dharmavasundharAyai dharmAtmikAyai dharmaphalAtmikAyai |
samastadharmAtigadaityavaMshamUlachChide rAmaparapriyAyai || 1||
samastajIvAbhyudayaikaheturdharmaH parastvaM phaladA cha tasya |
vibhAsi chettasya pratiyoginI tvaM tadA bhavedaduHkhatatirjanAnAm || 2||
samAsato vyAsata eva chApitvameva dharmaH shrutilakShaNo yaH |
sargAya vishvasya tanoShi rUpa maryAdAkhyaM yata evAsya bandhaH || 3||
pravAhamArgo.apyakhilastvayIshi pratiShThito yatra bhavaH punaH punaH |
nijechChayA rAmarame kadAchidanugrahaM chetkuruShe vimuktyai || 4||
karttA kriyA karmagaNaH samastastvayIshi sarvaM karaNapratiShThitam |
sarvasyAdhiShThAnamayaikashaktyA vichintya bhogechChatayAstvadhojuShe || 5||
kutarkamohopahatasvabhAvAH kutaH kva vA neti vadanti vishvam |
adhyAtmavidyAkushalAH punastvA sarvasya mUla paramAmananti || 6||
daNDaM bhave dhArayAmyugramaddhA pApAtmasu tvatsvarUpadruheShu |
so.ahaM yadA syAM paramoshamAnI tadA mayi tva vidadhAsidaNDam || 7||
likhAmyahaM sadasachchetareShAM bhavapravAhopagatAtmanAM nR^iNAm |
na tu tvadIyonnatapAdapadmaparAyaNAnAM puruSheshvarANAm || 8||
kadAchidAnetumabhUtpravR^itto madbhUtavargaH pramudATavIstham |
ka~nchittvadIyaM janamAtmamohAdbahiH kadAchitkalitAtyadharmam || 9||
tathA hyamba kAshchidantyajaH pApAchAra AjanmakR^itamAMsAshano
madirAmatto matsyAnghnan santatatatpishitaikaparipoShitanijakuTumbaH
shishnodaraparAyaNaH kechitkarmaNA pramodATavyAM chAturmAsyaprasa~Nge
samAgatAnAM paramahaMsAnAM munInAM shrIrAmabhaktAnAma~Ngasa~NginaM
pavamAnaM sevamAnaH svapatnyA.a.anItaM taduchChiShTaM juShANaH
shrIharicharaNasarojasa~NgitulasIdalasaurabhamambhaH piban
kAlamativAhayAmAsa |
tataH kadAchinmR^igayAM gato varAhAnmahiShAnmR^igAMshchodvejayamAnaH
kenachitkesariNAkAlitaH prANAtyapamagAt |
tatastamAnetuM yamadUtAstIkShNadaMShTrAH karAlavadanAH sudIrghanAsA
bhayAnakAH kalmaShavigrahAH pisha~NgogrordhvaprarUDhakeshAH
kaThinakashAbhighAtina uchchAvachadashanAH pretA iva sayamanI netuM
pravR^ittAH |
tAMshchArddhapatha eva tarjayantastarjayanta_iva sadhanurvANAmbujakarAH
pItavAsaso vetradharAH shrIrAmarAghavendrasya dUtA militAH |
te cha taiH parAbhUtAmannideshyA asamarthA iva jAtAH |
kimarthamasakauvarNAdhamo dharmavimukha Ajanmayachitapishito mR^igAshanaH
shrIrAmachandra dUtaiH shrIrAmapArshvameva nIyata iti shochamAnAstataH
parAvR^ittA babhUvurAgatya cha mAmUchuH || 10||
yamadUtA Uchu
bhagavan vaivasvata shrAddhe.ava kashchindantyajaH pramodavanasya pArshve
lubdhako bhUtvA vicharan keshariNAhataH |
so.asmayAtkerabhya AchChidya shrIrAmachandradUtaiH shrIrAmapArshvameva
mIyata iti mahadAshcharyaM naH saMvR^itaM yato.ayaM durAchAraH
pApiShThatamo.antyajaH sanyAsinAmUrddharetasAM yogIshvarANAmAtmaj~nAnAmapi
durApa rAmapadaM kena karmAtishayena nIyata iti bhavAneva vadeti |
tAnahaM vimR^ishya tasyAchintyagatitAmavocham || 11||
aho dUtA na j~nAyata eSha bhavadbhiH
pramodavanaikatiShThansakalabhAgyavatAM
mUrddhAnamadhirUDhastatra khalu kadAchidrAmabhaktAH paramahaMsA
munayo.abhyupetAsteShAmuchChiShTamanena bhakShitamabhUtsAravaM
chAmbushrIcharaNasugandhitulasItaruma~njarIma~njulasovahaM
sphuTamAjanma pIyUSha tamabhUttada~Ngasa~NgIshItalamandasugandhiH
pavamAnashchasevitatamastena karmaNAdhvastarajastamomalaH
suvishuddhamAnaso.ayaM dehAtyaye rAmadUtaireva nIyate shrIku~njAkhyandhAma
nAtaH paramIdR^igvidho.apyanyo.api bhavadbhirihAnIyatAM tatraitA
gAthAH smartavyAH yeShAM pramodavanavAsajuShAM janAnAM pApAtmanAmapi
sukhArthamatItamAyuH |
svechChAkriyAshcha harinAmaparA~NmukhAshcha tAnnaiva saMspR^ishata
dUtavarA madIyAH || 12||
ye sAravaM malilamindusudhAvalakShaM shrIpAdasa~Nkalitama~njalibhiH pibanti |
tattIra.abhUruhagatAtapagAtratApAstAnnaiva saMspR^ishata dUtavarA madIyAH || 13||
yeShAM cha kukShigatamannamatIva pUta\-
muchChiShTabhUtamamR^itopamamekasiktham |
shrIrAmachandramadhurAdharasa~NgamiShTaM
tAnnaiva saMspR^ishata dUtavarA madIyAH || 14||
shrIrAmasevakakerervipulaprasAderuchChiShTadattamamR^itopamiShTamantram |
ye bhakShayanti nitarAmapi nIchajAtAstAnnaiva saMsmR^ishata dUtavarAmadIyA || 15||
ye rAmachandracharaNAmbujalagnachArunityollasattulasikArajasAbhiShiktAH |
shrIrAmanAmagadanairvadane pavitrAstAnnaiva saMspR^ishata dUtavarA madIyAH || 16||
chANDAlayonipatitA api ye.antakAle shrImatpramodavanabhUtulasItarUNAm |
mUlodbhavAM karhichinmR^idamudvahanti tAnnaiva saMspR^ishata dUtavarA madIyAH || 17||
ye chitrakUTaramaNAdrishilAtalotthAM mR^itsnAmatIvaruchirAM cha samudvahanti |
mandAkinIpulinadhUlisudhR^isarA~NgAstAnnaiva saMspR^ishata dUtavarA madIyAH || 18||
ye kosalAnagararAjapavitravIthI\-
dhUlIsupR^iktavapuSho manujA mriyante |
Ajanma pAtakakR^ito.api nR^ishaMsayo.api
tAnnaiva saMspR^ithata dUtavarA madIyAH || 19||
yeShAM pramodavanavIthiShu kAkakolapervAdayaH kavalayanti vapuH kadAchit |
piNDAdikarmarahitAnapi chAtipApAMstAnnaiva saMspR^ishata dUtavarA madIyAH || 20||
ye kosalAparisaratsarayUtara~NgAsampR^iktamArutasamAgamamAtrapUtAH |
desheShu teShu nivasanti cha mAnavA ye tAnnaiva saMspR^ishata dUtavarA madIyAH || 21||
ityevamuktAste madIyA atyugrayAtanAkAriNo.api dUtA kosalApuropAnta
bhUmiShu pramodavanavIthiShu chitrakUTaparitaH pradesheShu
sarayUtIrapradesheShu tadupAntadesheShu cha mR^itAnnaivAdhunA.a.anayanti
pakShiNo mR^igAn mashakAn kITAnapi kimuta mAnavAn |

so.ayaM tavaiva mahimA shrImajjanakanarendranandinyAH
sAketapurAdhIshamahiShyA mithilApura kumArikAyAH |
pramodavananityavAsinyAH
shrIpramudATavIsAmrAjyasukhitashrIrAghavachandrachandrikAyAH
shrInandananandinyAH shrI sahajAnandinyAstribhuvanasukhasamUhavitaraNAya
nitya mu~njR^imbhatesma |
OM namastasyai
suvarNahalAkR^iShTajanakanarendrayaj~nAvanIyAvanIkaraNapravaNAyai
ratnasiMhAsanaparisarapR^isR^itvaranavanavIna\-
nadItara~NgachChaTAchAkhIjyamAnAdbhutavigrahAyai
UrmilA mANDavIshrutakIrtimaNDitamahAmahAsanapratiShThitAyai
dharaNIdevatAkarakamalavitIrNAyaijanakanarendrasAdaragR^ihItAyai\-
sunayanAdevInayanAnandichandrikAyaichalachchakorInayanA~njali\-
nipItamukhachandrasudhAyai shrIsahajAnandinyai |
ityuktvA vaivasvato bhagavAn muhurmuhurUpahR^itopaDhaukanIya
kR^itanijavigrahaH sAShTA~Nga praNamyopararAma || 22||

iti shrImadAdirAmAyaNe brahmabhushuNDasaMvAde pashchimakhaNDe bharatalakShmaNIye
sItAjanmopAkhyAne yamakR^itajAnakIstutirnAma dvAviMsho.adhyAyaH || 22||

bhushuNDirAmAyaNam | pashchimakhaNDa | adhyAya 22/1\-22||
##
bhushuNDirAmAyaNam . pashchimakhaNDa . adhyAya 22/1-22..

Encoded and proofread by Mrityunjay Rajkumar Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}