% Text title            : Yamuna Lahari
% File name             : yamunAlaharI.itx
% Category              : devii, devI, laharI, nadI
% Location              : doc\_devii
% Author                : Durgadatta
% Transliterated by     : Mandar Mali aryavrutta at  gmail.com
% Proofread by          : Mandar Mali aryavrutta at  gmail.com
% Latest update         : March 8, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Yamuna Lahari ..}##
\itxtitle{.. shrIyamunAlaharI ..}##\endtitles ##
varauvartishyAmA taraNitanayA dInasharaNA
     padAptAnAmandau haraNavidhivaidagdhahR^idayA |
pravR^ittA golokAdyadamR^itasudhArAmalaharA
     punantI trailokyaM punarapi nije dhAmni vishati || 1||
yadekaH siddhinAM kila janani ! golokasaraNiH
     pravR^ittaM santApaM prashamayitumArogyajanakam |
hR^ida~nchipronnatyai madulahimasidA~njanamidaM
     tvadIyaM kIlAlaM mama duritajAlaM jarayatu || 2||
tamo dUrIkurvan mada kalahamohAdikagaNaM
     tiraH kurvan kAmaM amuditakugarvaM hR^idayataH |
sakR^idR^iShTiM yAtastaraNitanaye.ayaM tava shubhaH
     pravAho nIrANAM mayi vimalatatvaM vitaratu || 3||
ayi shrIkR^iShNA~NgaprachurataragandhAktasalile
     rajaste.asatkarmA~NkitahR^idayasamArjanakaram |
madIye.asmiMshchitte vividhaviShayAvAsamaline
     chidAnandAmodaM nigamatibodhaM pradishatu || 4||
vichitraM tvattejo bhuvi kimu samarthAH prakaTituM
     kavIndrA yogIndrAdivigatamunIndrAH shubhadhiyaH |
mahitvaM te.anantaM tapayati makhAdInapi yata\-
     stvayA spR^iShTo vAyurnaraka padahArInarakadaH || 5||
palAyante yasyA jhaTiti shubhanAmagrahayato
     bhayArtAH pApAnAM vividhanikarAH kampanayutAH |
vinindanto martyAn svakR^itamalanAshAshritavidhI
     na.ataH ko vA dakShastavacharaNa sevAM na hi charet || 6||
janaH ko vA dInastyajati tava pItA.ambarapadai\-
     rvichitraiH kalollairnigamasaritasvauramasitam |
yataH satkAmAnAM bhavati vimalA siddhi ranishaM
     nishamyaitAM kIrtiM hyahamapi tavopasthitimitaH || 7||
sadA dInoddhAre jayati tava tejo.amaranutaM
     prasiddhaM trailokye kavivaragirA shlAghitamaho |
idAnIM daurbhAgyaM mama tu tadapi nyUnayati vai
     yatasvaM niHsnehA bhavasi mayi dIne padamite || 8||
ayi shrIgovindAlayakalani ! mArttaNDatanaye !
     tvayA.aho vaiShamyaM vada janani ! labdhaM kuta idam |
prasUdharmaM yattvaM tyajasi nijabAleShu viShamA\-
     vareShviShTA mUrkheShvitaranayaneti tva.aghaTate || 9||
idaM tvaddvaiShamyaM samuchitapadaM naiti kaThinaM
     yadIchChA chetkartuM bhavati tavachitte haThayute |
tadA kAryyaM chaitatsatatamapareNaiva vidhinA
     kvachittatprakhyAtaM tavasahajajAtaM ravisute || 10||
tadetadvaiShamyaM pradhayitumahaM naiva vibhave
     vishuddhA lokante kimu mama laghoH sUchanabharaiH |
yatastvaM puNyAnAmatishaya samR^iddhiM prakuruShe\-
     .anyathAtvaM pApAnAmiti janani ! jAgartijagati || 11||
abodhe vidrohaM tamasi cha vimohaM vitanuShe
     kaleH sainye shokaM viShayini vimokaM ravisute |
makhAdInAM vR^iddhiM jagati cha samR^iddhiM padagate
     tavAho vaiShamyaM kathitumiha kaH svAdvibhuridam || 12||
kR^itAntapreShyANAM padhigamanaduHkhaM praharasi
     vimAnAnAM tat tvaM vitarasi kalindAchalabhave |
malADhyAnAM yaj~nodbhavaphalamutAho vidadhatau
     surendrANAM chitte gR^iharaNasha~NkA vitanute || 13||
idaM tvadvaiShamyaM kvanugatamaho kR^iShNaramite
     svabhAvAdutpannaM mayi janani saMyAchanapare |
yato matpApAnAM prabalatarasambadanichaye
     kvatopekShAsi tvaM charitamidamatyadbhutapadam || 14||
svasAro vartante jagati saralAH snehasahitA
     nijAnAM bhrAtR^iNAM sukhasadanasampadvR^itadhiyaH |
charitraM chaitatte tvamasi viShamA bhrAtari nije
     yatastasyAvAsaM gahanamiva shUnyaM prakuruShe || 15||
atasvAto bhItirviShamapadataH kartumuchitA
     bhavAnandAkA~NkShaisdapi tavadAsyaM tvabhilaShe |
yato me tva~NgAtrA saha virodho.asya.aghalipe
     rnidAnAdAryye.atastava ! janani pakShe.asmi vibalaH || 16||
ato dveShAnmAtarmayi tavapadAlambanatayA
     na jAne vidveShaM katividhamutAho janayitA |
kR^itAntastva~NmAtA bhayamiti mano naiva kurute
     yatastvaM kintasmAnmAnijAmanugataM pAtumabalA || 17||
svabhAvAdvA.amarshAdyamasadanaluNThAkatilake
     mameyaM vai mAtastavapadayuge prArthanapadI |
idAnImArabdhe pitR^ipatigR^ihAluNThana\- vidhau
     madeno lekhAnAM kuru rachitapatrA.apaharaNam || 18||
janaM dharmAtmAnaM tvamasi yadi santArayitumu\-
     dayutA saMsArAbdherahaha tava ko.avAsti mahimA |
yadA pApAtmAnaM vigatataraNopAyamabalaM
     munIyAsastarhIha tvayi kila mahatvaM sthitimiyAt || 19||
shishUnAM bAlyatvAtkR^itamanuchitaM bAlacharitaM
     vilokyA.a.amodante tadapahR^itimAkalpa pitaraH |
ato me yatki~nchitkucharitamapIDye tadadhunA
     svakIyAdvAtsalyAdapahara tathA pAlaya shishum || 20||
atha tvaM matpApaprachayamiha nevAntakapadaM
     nayiShyasyA.a.aryye chedbhavati cha tadA.anarthapadavI |
gamiShyantyaunnatyaM vibhayapamenAMsya.api nR^iNAM
     chariShyantI lAyAM svaruchi shubhanAshAya yamune || 21||
ahaM vai no shaktA tavaduritasandAra.aNavidhau
     vadechchedityevaM kathamapi na kAlindi ghaTate |
yadeno merora.apya.asi balayutA mardanavidhau
     tvadagre kA vArtA madaghatR^iNarAsheriti shape || 22||
yadA pApA.a.atmAnastavarajakaNasparshama.api vA\-
     .a.apya te mAloke sandadhati harirUpatvama.asitAH |
ayaM kR^iShNaH kimbA tviti bahuparAmarshamanaso
     bhramanti shrIkaShNAnugasakhigaNA dvAparaparAH || 23||
sasha~NkaM lokante tavamahimavaichitatryakutukaM
     sulekhA lekhAnAM vidhibhirapi lekhA na likhitum |
samarthA jAyante kathamiha tadA lekhaviShaye
     vibhuH ko vA bhUyAttadavaraguNAviShTadhiShaNaH || 24||
bhavennAsmiMshchittaM kimapi gaNanA.atarkyaviShaye
     mahimni tvatyAdAmbujamahasa Atmeshvari ! yataH |
bhavAbdhiM santIrNAstavajalanikAdibhiraho
     mahAghA yAvanto na hi nabhasi tArAstaraNije || 25||
bhavatyA etAdR^ik charaNamahimA vai samuchitaH
     punantyA prAchInA.aghagR^ihahR^idayAnutpathagatAn |
yato brahmANDAnAmadhipatirananto.api vivasha\-.
     stavapremNA mAtardadhata graha keliM tavataTe || 26||
athA.api shrIkR^iShNAlaya\-vividha\-satkelikutuke
     kavIndrAsvatpAdAmbujayugalamevAvidhidhiyaH |
guNanti tvat kIrtiM vishadayitumAtmIyarasanaM
     mamApyevaM bhAvo hR^idaya udito mugdhamanasaH || 27||
tvadIye pratyakShe mahimanihi vishvAsasahito
     malI ko vA na syAttavacharaNasevAbhilaShakaH |
yatasvayyAvAsAtkaThina uragaH kAliya itaH
     phaNAsu krIDantaM nigamapadavIgamyamajitam || 28||
atasvaM govindaM navahariNakausheya vasanaM
     lasantaM tvattIre vR^iShabhadayitA pAlanaparam |
vihAraiH kaumAraiH sakhibhirapi sa~NkrIDanaparaM
     vibhuM matyANeshaM kuru jhaTiti madR^iShThiviShaye || 29||
kvatA yena krIDA lasati tavatIre kalashikA
     jalAdAne kAle pashuparamaNInAM sukhakarA |
vichitrairmAdhuryaiH sarasavachanairbhAvasahitai\-
     rvR^itaM taM svIkarttuM kalaya kila mAM tatpriyasakhi || 30||
vihAri niyAkhye tavapulina deshasthala mite
     sakhIrUpeNAyyeM rasapatiniku~njodbhavasukham |
tvayA prAptaM so.api tvayi vasati sAkShAdbharirataH
     shramaH kaste mahyaM prabhucharaNa padmekShaNavidhau || 31||
tvayi snAnAnmAtaH pashupatanayAbhiH patirito
     virbhubrahamAdInAM vrajapadayitA jIvanadhanam |
pulindIbhishchApi prabhucharaNapa~Nkeruharaso
     vane prAptaHsAkShAtditi tavapadasnAnamahimA || 32||
vilIyante karmANyayi tavapadA varchati jane
     tadA tasyArchAyai kalayati vidhiM nirjjaragaNaH |
tavabhrAturmantro nijalipi vinAshaM vitanute
     tamAnituM kR^iShNaH pariShadiniyu~Nte.anugagaNAn || 33||
bhavatyAH shrImAtarmadhucharaNapa~Nkeruhayasho
     janaH ko vA shR^iNvaMstridashapuravadyo na hi bhavet |
savAtaH sushlokaM viShama hadayAnAmapi gati\-
     pradaM ko vA datto bhuvi na shruNuyAdvA na hi paThet || 34||
bhavatyAstIrasthA drumamR^igaviha~NgAdaya usha\-
     tyayomadhyAviShTAH kamaThamakarAdyA apivarAH |
yato jIvantaste paramapuruShAnandajalAdhau
     nimagnAH santa.ante jhaTiti layamAyAnti parame || 35||
kadApyeko yaj~naH kShiti vibudhashaptaH smaravashaH
     surApI mAMsAshI shruti\-sR^itivirodhI tavataTe |
bhaman daShTo daivAtpathigatabhuja~Ngena sahasA
     mR^ito reNusparshAddharimita iti tvatpadamahaH || 36||
mR^ite.araNye duShTe bhasaka urudurgandhi\-kvamile
     tvadapsu, snAtvA.anyaiH kvatasamara uDDIyapatitaH |
vaTaH kashchiddaivAttavajalarajaHshliShTapatana\-
     stataH sparshAmukto bhasaka iti te devimahimA || 37||
yadAryete rodhadvayalasitapAdAshanalatA
     vitA narAchChannaM dinamaNivibhA\-tAparahitam |
ghanashyAmA~NgA bhajjita\-marakatAbhaM shikkaraM
     madIya snAnAya pratidinamidaM vAri bhavatAt || 38||
madIye.asmiMshchitte gaganamaNi\-kanye ruchiriyaM
     vasaMstvattIre shrIparamapadagovardhanadharam |
smareyaM govindaM sakalamapahAyAMshu viShayaM
     tvayetyArye pAlyA kuru mayi kR^ipAM dIna uchitAm || 39||
tato vR^indAraNye tavapulina sad vR^ikShakAlite
     niku~nje kIDantaM svapadaramaNIbhiH parivR^itam |
hariM rAdhAyuktaM kanakamaNisiMhAsanayutaM
     nirIkShannarchiShye tavacharaNa jA.anugrahalavAt || 40||
kadAhaM syAM mAtastavacharaNa pa~NkeruhakvapA
     bharAdvarye nityaM nigama shubhasAraiyAsharaNaH |
parAnandA.a.apuShTaH parihR^itamavAnandanikaraH
     prasIda shrIkR^iShNe kuru mayi dayAM kR^iShNadayite || 41||
idAnIM sandeho bhavati mayi kAlindiravije
     svabhAvAdutpannaM vividhajanatoddhAraka guNam |
athAdayAho mAtargatamahaha kiM vismR^itipadaM
     yada~NghyAvyAmodaM vitarasi na me dInagatide || 42||
tvada~NghyajjAlambAddhigatasurabhItIravisute
     hyayaM chintAhIno nijabhavasamuddhAraviShaye |
idAnIM mattyAgo yadi batavidheyo janani te
     tadA me syA~NgAnistava tu yashasAmanta viShayaH || 43||
punantI tvaM lokAMsyajasi nijatokA niti shubhe
     charitraM ko brUyAt kShama mayi sahastrAMshutanaye |
kathaM me tvaM putro bhavasi vada chechCha~Nakasa iti
     svayaM prApto.api syAtsuta iti dR^iDhA.asti shrutiriha || 44||
sutA no jAyante jagati malamUtrAdirahitA\-
     stathA no mAtApi shrutipathamitA glAnisahitA |
sadAchArashchaikaM jayati nu tiraskR^itya tamaho
     kathaM matto glAniM kuruSha iha mAtarmalinataH || 45||
ayi shrIgovindapriyasakhisahasrAMshutanaye
     tamInAsho na svAdyadi tavapituH kaH karaguNaH |
tathA tvatpAdAnA.a.ashrayiNa iha me.antaHkaraNata\-
     stamolopo na syAt kimu tavayashastarhi bhavitA || 46||
tavAlambAnmAtarmadakalahamohAdikakhalAn
     kadarthIkR^ityebhaM bhavanidhimahaM tarttumabalaH |
samohe he kR^iShNe mama paNamimaM pAlaya shisho\-
     rnirIkShan kIrtiM svAmapi janani mA hAsaya ripUn || 47||
namaste kAlindi prabhucharaNapa~Nkeruharaja\-
     stulasyAmodAnbhovividhagamanA.a.anandarasade |
tara~NgaiH prottu~NgaiH kalikaluShabha~NgaiH shivatamai\-
     rmadangammArjantI mama mana dUne preraya nije || 48||
kvachidgobhirvatsaiH kvachidapi mayUrAdinikaraiH
     kvachidvAsnAtInAM pashuparamaNInAM navagaNaiH |
kvachidvedAbhyA.a.agamajapaparairbrAhmaNagaNai\-
     rvraje yAti shobhA mama hR^idayalobhAya bhavatAt || 49||
kapAlutvaM te vA iha jagati ko vA nigadituM
     samarthaH sambhUyAtkavisadasi sAhityachaturaH |
sunItirvAlo yattavataTanivAsena jhaTiti
     prapede shrIkR^iShNaM tviti khalu na ko vetti yamune || 50||
payodAbhe mAtastava shubhapayaHpAna vidhinA.a\-
     mbarISho durvAsaH kR^itakaThinapAshAdapi dR^iDhaH |
bhayaM naika prAdhiShadapi harichakrA.avitatanu\-
     rhyataH ko vA na syAttatavasalilapAnA.arpitamanAH || 51||
kR^itAntastvAM~NgAtA tavadapakR^itAlambanajanAn
     samarchannAnandaM bhajati cha payaHpAnaniratAn |
kathaM vA no kuryAdyaduchitamidaM dharmapathagaH
     svasupunnAn yasmAdyajativibhavairmAtulagaNaH || 52||
uSho majjantInAM vrajapadayitAnAM tanugataiH
     surAgairAmodaiH shivashivakaraiH pi~njachararuchi |
tvadIyaM kIlAlaM tridashanikaraiH prArthamaniShaM kathaM
     na syAnmAtarbudhajanamanohAri yamune || 53||
madhoH puryyAH prAchyAM dishi lasati bhUyojana mite
     vichitre rAyAkhye nagara uru kAlAt svapitR^ibhiH |
kR^itaM vAsaM tyaktvA tavajalanidhAnaikavidhinA
     svamukte saMsidhyayA.ahamushativR^indAvana itaH || 54||
khalo vA nIcho vA nigamavimukho vA shaThamati\-
     rmando vA krodho vA kalimalarato vA viShayadhIH |
ahaM yAhak tAdR^ik tavacharaNapa~NkeruharajaH
     prapanno.ahaM mAtasviha yaduchitaM tatkuru hitam || 55||
namaste kR^iShNAyai dinamaNisutAyai bhavakR^ite
     namaH shrIkAlindyaiH janasharaNadAtryai shubhabhuve |
namaH saMshuddhAyai yadupatigR^ihiNyaiH kila namo
     namaste shrIvR^indAvamapulinakelyAya.ayi namaH || 56||
svAntaH sukhAya yamunAlaharIkR^iteyaM
     shlokaisachishchChikhariNItyabhidhAnavR^ittaiH |
premNA.arpitA ravisutApadayoshcha durgA
     dattA.abhidhena kavinandakishorajena || 57||

iti shrInandakishorAtmaja\-durgAdattakR^itA
shrIyamunAlaharI samAptA |

##
Encoded and proofread by Mandar Mali aryavrutta at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}