% Text title            : Yamunanjalih
% File name             : yamunAnjaliH.itx
% Category              : devii, nadI, devI
% Location              : doc\_devii
% Author                : S. Sundaraja, IAS Nayapalli, Bhuvaneshvaram
% Transliterated by     : Hiranmay
% Proofread by          : Hiranmay
% Description/comments  : Bharatodaya 95th Edition Vol 3 Edited By Hari Gopal Shastry
% Latest update         : December 11, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yamunanjalih ..}##
\itxtitle{.. yamunA~njaliH ..}##\endtitles ##
himadhavalahimAdreryadyapi tvaM prasUtA
      prathayasi yamune tvaM kAlimAnaM jalaughaiH |
kathamidamiti vettuM na kShamaM tena gatvA
      tvadudayayamunotrirdevi nAsevi yena || 1||
upalaviShamamArgeNotplutaissyanditaM te
      vihitahasitamuchchairurmibhirmarmaraishcha |
taTapathamadhi pAnthIbhUya pashyan jalaughaM
      tvadudayayamunotriM gantumekassamarthaH || 2||
taTabhuvi mahiShANAM tatra tatrAsitAnAM
      tatirapi tava dR^ishyA bhrAtR^ivAhAnvayAnAm |
tvayi bahumatibhAjAM svAmino nassvaseti
      tava cha bahumatAnAM bhrAtR^ivAhaprajeti || 3||
asitamahiShavR^indairAshritAnUpadeshaiH
      anudinamavagADhairgADhamAloDyamAnaH |
yamabhagini tR^iShArtaireSha pItAvasheSho
      bhajati salilapUraste dhruvaM kAlimAnam || 4||
tvadupari patitAnAM parvatebhyashshilAnAM
      tava shubhanavatoyaiH dhAvitakShAlitAnAm |
vapuShi dhavalimAnaM sUryaje lambhitAnAM
      malamupaharatIva tvajjale kAlimAnam || 5||
harirapi tava kR^iShNaM vIkShya toyaM tvadadbhiH
      asitimaparipuShTiM kR^iShNaveShe.abhilaShyan |
shishurapi mathurAyAM gokule.abhUt kumAraH
      taTamadhi tava vR^indAraNya AsIt kishoraH || 6||
shritajanamalajAlakShAlanaikavratA tvaM
      yamabhagini madIyaM kShAlayitvA malaugham |
tvayi nihitamatema gopaveShasya viShNoH
      charaNakamalasevAM shAshvatIM prApayethAH || 7||
adhikaratimavekShya tvayyato nandasUnoH
      tamadhijigamiShUNAM tvajjale majjitAnAm |
nayanayugavimR^iShTaiH kajjalairvallavInAM
      niyatamadhikamAsIrnIlanIrA purA tvam || 8||
upajigamiShavastaM parvataM sarvasevyaM
      kathamapi yamunotreH kechanAtIva dhanyAH |
prathamapadi hanUmachChaTTimAgatya digbhyaH
      kharanarahayarUDhA vA svapadbhyAM prayAnti || 9||
kharakiraNasutAyAH sthAnamutpattipUtaM
      kharavaramadhirUDhAH prAtarutthAya yAnti |
khararipupadadAsachChaTTitaH prasthitAste
      kharakarakulaketupreyasIchChadyatItAH || 10||
kharakhuratatighAtaH karkashenAdhvanA.adeH
      kharavaramadhirUDhAH ye svasustaM yamasya |
kharajalayamunotraM yAnti te naiva yAnti
      kharavaramadhirUDhAstAM dishaM bhrAturasyAH || 11||
prathamamanilasUnoshCharigre surarShaiH
      tadanu sariti seturyatra phUlachChahirindhe |
atha bhR^isharamaNIyo jAnakIchChaTTireva
      vilasati yamunotreradhvanichChaTTipa~NktiH || 12||
prabhavati yamunotriM prAptumeko manuShyaH
      itaranaradhR^itassan pAdayAtrAsvashaktaH |
naramR^itanijakAyasspaShTakauberabhogaH
      sa bhavati yamunAyAH darshanAt pUrvameva || 13||
kvachidupalapathena prasavannirjharIbhiH
      kvachana himavR^itAH kvApi shailairvanADhyaiH |
haritaharidupAntaH prAnta eSha prashAntaH
      harati jhaTiti kAntassvAntamAgantukAnAm || 14||
vilasati yamunotrI mandiraM pratnamekaM
      jayati pavanaputraH pUjyamAno yadantaH |
nijagurutanayAyAH kShetra utpattipUte
      nijaguruvarakuNDaM rakShati prekShamANaH || 15||
atha himagirikUTairAvR^ite shAntakAnte
      himachayadhavalAgrasyAdrishR^i~Ngasya pAde |
shishirasalilapUrNaH kuNDa eko vishAlaH
      jagati viditanAmA bhAti saptarShikuNDaH || 16||
himashishiritatoyotpatya saptarShikuNDAt
      pravahati yamunotreH pArshvatashshItadhArA |
kvathitasalilatapyatsUryakuNDopakaNThe
      milati yamunayA sA taptakuNDakhaviNyA || 17||
jayati yamabhaginyAH netramutkShiptatapta\-
      paya iha yamunotrI pashyadaMho.avinAshi |
dinamaNitanayA sApyAlaye pArshvavarti\-
      nyanudinamupayAtairvandyate yAtrivR^indaiH || 18||
api yadi nijanAmnA varNatashchApi kR^iShNA
      tvamiva bahumatA.a.asIt sA na kR^iShNasya pUrvam |
amajadabhimR^itatvaM draupadI sA.atha taptvA
      tapa iha yamunotrI draupadIkuNDapArshve || 19||
pravahasi yamunotressUryaje svachChatoyA
      janapadamakhilaM naH pAvayantI tathAnte |
milasi surataTinyA melanAdyatra jAtaH
      suranaramunisevyastIrtharAja prayAgaH || 20||
taTamadhi mathurAgrAdehalIti prasiddhaM
      vahasi nagaravR^indaM vAriNA tvaM punAnA |
hariviharaNapUtaM gokulaM tachcha vR^indA\-
      vanamapi parirabhya tvaM svayaM pUyamAnA || 21||
adhikakR^iShikR^ite te bandhanaM kArayitvA
      nikhilamapi cha bandhe tvajjalaM pUrayitvA |
api taTagamadhastAdavchalaM va~nchayitvA
      charati kathamadharma tvAM janashshoShayitvA ? || 22||
yamabhagini tathA.api tvaM dayAmayyamIShu
      shishuShu karuNayArdrA kA.api mAtA yathA vA |
kR^iShiphalamapi bhUyaH peyatoyaM tathoja
      vitarasi sakalaM yat jIvanaM svaM visR^ijya || 23||
malasalilamamedhyaM tvayyaho pAtayitvA
      vidadhati hi mahAntaM bhAratIyAH adharmam |
tadapi viShamANA pUtidurgandhajAtaM
      vahasi karuNayA naH pApinaH pAvayantI || 24||
mihiraduhitR^ibhUtA sA kalindAtmajAtA
      himagirisamudetA poShyaputrI himAdreH |
pitR^ipatibhaginI shrIkR^iShNakelIsakhI hA !
      tyajati patimalavA dehamAshritya ga~NgAm || 25||
upashamayitukAmairugrasaMsAra\-tApaM
      uchitamupanatAbhiH prokShaNaM yAmunAddhiH |
utaravitanayAyAH uktanutyA amuShyAH
      uruphalamupakAryAH prekShaNaM taissakR^id vA || 26||
iti taraNisutAyAH bAlakR^iShNapriyAyAH
      bhavadahanashamanyAH bhaktimuktipradAyAH |
kavimaNiriha nAmnA sundarashchaiva rAjA
      vyatanuta yamunAyAssundaraM stotrametat || 27||

iti shrI es\. sundarAjaH virachitA yamunA~njaliH samAptA |

##
Composed by Shri S. Sundaraja
IAS, Nayapalli, Bhuvaneshwar


Encoded and proofread by Hiranmay

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}