% Text title : yoginiihRidayam.h % File name : yoginii.itx % Category : hRidaya, devii, otherforms, devI, yoginI, kAshmIrashaivadarshanam, yogini % Location : doc\_devii % Transliterated by : Michael Magee % Proofread by : Mike Magee % Description-comments : yoginiihRidayam % Latest update : October 7, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. YoginihRidayam ..}## \itxtitle{.. yoginIhR^idayam ..}##\endtitles ## \section{atha prathamaH paTalaH} shrIdevyuvAcha \- devadeva mahAdeva paripUrNaprathAmaya | vAmakeshvaratantre.asminnaj~nAtarthAstvanekashaH || 1|| tA.nstAnarthAnasheSheNa vaktumarhasi bhairava | shrIbhairava uvAcha shR^iNu devi mahAguhyaM yoginihR^idayaM param || 2|| tvatprItyA kathayAmyadya gopanIyaM visheShataH | karNAtkarNorpadeshena samprAptamavanItalam || 3|| na deyaM parashiShyebhyo nAstikebhyo na cheshvari | na shushrUShAlasAnA~ncha naivAnarthapradAyinAm || 4|| parIxitAya dAtavyaM vatsarArdhoShitAya cha | etajj~nAtvA vararohe sadyaH khecharatAM vrajet || 5|| chakrasa~Nketako mantrapUjAsa~Nketakau tathA | trividhastripurAdevyAH sa~NketaH parameshvari || 6|| yAvadetanna jAnAti sa~Nketatrayamuttamam | na tAvatripurAchakre paramAj~nAdharo bhavet || 7|| tachChaktipa~nchakaM sR^iShTyA layenAgnichatuShTayam | pa~nchashaktichaturvahnisa.nyogAchchakrasambhavaH || 8|| etachchakrAvatArantu kathayAmi tavAnaghe | yadA sA paramA shaktiH svechChayA vishvarUpiNI || 9|| sphurattAmAtmanaH pashyettadA chakrasya sambhavaH | shUnyAkArAdvisargAntAd bindoH praspandasa.nvidaH || 10|| prakAshaparamArthatvAt sphurattAlaharIyutAt | prasR^itaM vishvalaharIsthAnaM mAtR^itrayAtmakam || 11|| baindavaM chakrametasya trirUpatvaM punarbhavet | dharmAdharmau tathAtmAno mAtR^imeyau tathA pramA || 12|| navayonyAtmakaM chakraM chidAnandaghanaM mahat | chakraM navAtmakamidaM navadhA bhinnamantrakam || 13|| baindavAsanasa.nrUDhasa.nvartAnalachitkalam | ambikArUpamevedamaShTArasthaM svarAvR^itam || 14|| navatrikoNasphuritaprabhArUpadashArakam | shaktyAdinavaparyantadashArNasphUrtikArakam || 15|| bhUtatanmAtradashakaprakAshAlambanatvataH | dvidashArasphuradrUpaM krodhIshAdidashArakam || 16|| chatushchakraprabhArUpasa.nyuktapariNAmataH | chaturdashArarUpeNa sa.nvittikaraNAtmanA || 17|| khecharyAdijayAntArNaparamArthaprathAmayam | evaM shaktyanalAkArasphuradraudrIprabhAmayam || 18|| jyeShTArUpachatuShkoNaM vAmArUpabhramitrayam | chidaMshAntastrikoNaM cha shAntyatitAShTakoNakam || 19|| shAntyaMshadvidashAra~ncha tathaiva bhuvanArakam | vidyAkalApramArUpadalAShTakasamAvR^itam || 20|| pratiShTAvapuShA sR^iShTasphuraddvyaShTadalAmbujam | nivR^ittyAkAravilasachchatusShkoNavirAjitam || 21|| trailokyamohanAdye tu navachakre sureshvari | nAdo binduH kalA jyeShTA raudrII vAmA tathA punaH || 22|| viShaghnII dUtarI chaiva sarvAnandA kramAt sthitAH | niraMshau nAdabindU cha kalA chechChAsvarUpakam || 23|| jyeShTA j~nAnaM kriyA sheShamityevaM tritayAtmakam | chakraM kAmakalArUpaM prasArapara,mArthataH || 24|| akule viShusaMj~ne cha shakte vahnau tathA punaH | nAbhAvanAhate shuddhe lambikAgre bhruvo.antare || 25|| bindau tadardhe rodhinyAM nAde nAdAnta eva cha | shaktau punarvyApikAyAM samanonmani gochare || 26|| mahAbindau punashchaiva tridhA chakraM tu bhAvayet | Aj~nAntaM sakalaM proktaM tataH sakalaniShkalam || 27|| unmanyantaM pare sthAne niShkala~ncha tridhA sthitam | dIpAkAro.ardhamAtrashcha lalATe vR^itt iShyate || 28|| ardhachandrastathAkAraH pAdamAtrastadUrdhvake | jyotsnAkArA tadaShTAMshA rodhinI tryasravigrahA || 29|| bindudvayAntare daNDaH shevarUpo maNiprabhaH | kalAMsho dviguNAMshashcha nAdAnto vidyudujjvalaH || 30|| halAkArastu savyasthabinduyukto virAjate | shaktirvAmasthabindudyatsthirAkArA tathA punaH || 31|| vyApikA binduvilasattrikoNAkAratAM gatA | bindudvayAntarAlasthA R^ijurekhAmayI punaH || 32|| samanA binduvilasadR^ijurekhA tathonmanA | shaktyAdInAM vapuH sphUrjaddvAdashAdityasannibham || 33|| chatuHShaShTistadUrdhvaM tu dviguNaM diguNaM tataH | shaktyAdInAM tu mAtrAMsho manonmanyAstathonmanI || 34|| daishakAlAnavachChinnaM tadUrdhve paramaM mahat | nisargasundaraM tattu parAnandavighUrNitam || 35|| Atmanah sphuraNaM pashyedyadA sA paramA kalA | ambikArUpamApanna parA vAk sasudIritA || 36|| bIjabhAvasthitaM vishvaM sphuTIkartuM yadonmukhI|| vAmA vishvasya vamanAda~NkushAkAratAM gatA || 37|| ichChAshaktistadA seyaM pashyantI vapuShA sthitA | j~nAnashaktistathA jyeShTA madhyamA vAgudIritA || 38|| R^ijurekhAmayI vishvasthitaui prathitavigrahA | tatsaMhR^itidashAyAM tu baindavaM rUpamAsthitA || 39|| pratyAvR^ittikrameNaivaM shR^i~NgaTavapurujjvalA | kriyAshaktistu raudrIyaM vaikharI vishvavigrahA || 40|| bhAsanAdvishvarUpasya svarUpe bAhyato.api cha | etAshchatastraH shaktyastu kA pU jA o iti kramAt || 41|| pIThAH kande pade rUpe rUpAtIte kramAt sthitAH | caturastraM tatha binduShaTkayuktaM cha vR^ittakam || 42|| ardhachandraM trikoNaM cha rUpANyeShAM krameNa tu | pIto dhUmrastathA shveto rakto rUpaM cha kIrtitam || 43|| svayambhurbANali~NgaM cha itaraM cha paraM punaH | pITheShvetAni li~NgAni saMsthitAni varAnane || 44|| hemabandhR^ikakusumasharachchandranibhAni tu | svAvR^itaM trikUTaM cha mahAli~NgaM svayambhuvam || 45|| kAditAntA xaropetaM bANali~NgaM trikoNakam | kadambagolakAkAraM thAdisAntAxarAvR^itam || 46|| sUkShmarUpaM samastArNavR^itaM paramali~Ngakam | bindurUpaM parAnandakandaM nityapaoditam || 47 bIatritayayuktAsya sakasya manoH punaH | etAni vAchyarUpANi kulakaulamayAni tu || 48|| jAgratsvapnasuShuptyAkhyaturyarUpANyamUni tu | atitaM tu paraM tejaH svasaMvidudayAtmakam || 49|| svechChAvishvamayollekhakhachitaM vishvarUpakam | chaitanyamAtmano rUpaM nisargAnandasundaram || 50|| meyamAtR^ipramAmAnaprasaraiH saMkuchatprabham | shR^i~NgATarUpamApannamichChAj~nAnakriyAtmakam || 51|| vishvAkAraprathAdhAranijarUpashivAshrayam | kAmeshvarA~Nkaparya~NkaniviShTamatisundaram || 52|| ichChAshaktimayaM pAshama~NkushaM j~nanarUpiNam | kriyAshaktimaye bANadhanuShI dadhadujjvalam || 53|| AshrayAshrayibhedena aShTadhA bhinnahetimat | aShTArachakrasaMrUDhaM navachakrAsanasthitam || 54|| evaMrUpaM paraM tejaH shrIchakravapuShA sthitam | tadIyashaktinikarasphuradUrmisamAvR^itam || 55|| chidAtmabhittau vishvasya prakAshAmarshane yadA | karoti svechChayA pUrNavichikIrShAsamanvitA || 56|| kriyAshaktistu vishvasya modanAd drAvaNAttathA | mudrAkhyA sA yadA saMvidambikA trikalAmayI || 57|| trikhaNDArUpamApannA sadA sannidhikAriNI | sarvasya chakrarAjasya vyApikA parikIrtita || 58|| yoniprAchuryataH saiShA sarvasaMkShobhikA punaH | vAmAshaktipradhAneyaM dvArachakre sthitA bhavet || 59|| kShubdhAvishvasthitatirkarI jyeShTAprAchuryamAshritA | sthUlanAdakalArUpA sarvAnugrahakAriNI || 60|| sarvAshapUraNAkhye tu saiShA sphuritavigrahA | jyeShTAvAmAsamantvena sR^iShTeH prAdhAnyamAshritA || 61|| AkarShiNI tu mudreyaM sarvasaMkShobhiNI smR^itA | vyomadvayAntarAlasthabindurUpA maheshvari || 62|| shivashaktyAtmasaMshleShAddivyAkeshakarI smR^itA | chaturdashArachakrasthA saMvidAnandavigrahA || 63|| bindvantarAlavilasatsUkShma rekhAshikhAmayI | jyeShTAshaktipradhAnA tu sarvonmAdanakAriNI || 64|| dashArachakramAsthAya saMsthitA vIravandite | vAmAshaktipradhAnA tu mahA~NkushamayI punaH || 65|| tadvadvishvaM vamantI sA divtIye tu dashArake | saMsthitA modanaparA mudrArUpatvamAsthitA || 66|| dharmAdharmasya saMghaTTAdutthitA vittIrUpiNI | vikalpotthakriyAloparUpadoShavidhAtinI || 67|| vikalparUparogANAM hAriNI khecharI parA | sarvarogaharAkhye tu chakre saMvinmayI sthitA || 68|| shivashaktisamAshleShasphuradvyomAntare punaH | prakAshayati vishvaM sA sUkShmarUpasthita sadA || 69|| bIjarUpA mahAmudrA sarvasiddhimaye sthitA | sampUrNasya prakAshasya lAbhabhUmiriyaM punaH || 70|| yonimudrA kalArUpA sarvAnandamaye sthitA | kriyA chaitanyarUpatvAdevaM chakramayaM sthitam || 71|| ichChArUpaM paraM tejAH sarvadA bhAvayed budhaH | tridhA cha navadhA chaiva chakrasa~NketakaH punaH || 72|| vahninaikena shaktibhyAM dvAbhyAM chaiko.apraH punaH | taishcha vahnitrayeNApi shaktInAM tritayena cha || 73|| padmadvayena chAnyaH syAd bhUgR^ihatritayena cha | pa~nchashakti chaturvahnipadmadvayamahItrayam || 74|| paripUrNaM mahachakraM tatprakAraH pradarshyate | tatrAdyaM navayoni syAt tena dvidashAsaMyutam || 75|| manuyoni paraM vidyAt tR^itIyaM tadanantaram | aShTadvyaShTadalopetaM chaturasratrayAnvitam || 76|| chakrasya triprakAratvaM kathitaM parameshvari | sR^iShTiHsyAnnavayonyAdipR^ithvyantaM saMhR^iti punaH || 77|| pR^ithvyAdinavayonyantamiti shAstrasya nirNayaH | etatsamaShTirUpaM tu tripurAchakramuchyate || 78|| yasya vij~nAnamAtreNa tripurAj~nAnavAn bhavet | chakrasya navadhAtvaM cha kathayAmi tava priye || 79|| AdimaM bhUtrayeNa syAd dvitIyaM ShoDashArakam | anyadaShTadalaM proktaM manukoNamanantaram || 80|| pa~nchamaM dashakoNaM syAt ShaShTaM chApi dashArakam | saptamaM vasukoNaM syAnmadhyatryasramathAShTamam || 81|| navamaM tryasramadhyaM syAt teShAM nAmAnyataH shR^iNu | trailokyamohanaM chakraM sarvAshAparipUrakam || 82|| sarvasaMkShobhaNaM gauri sarvAsaubhAgyadAyakam | sarvArthasAdhakaM chakraM sarvarakShAkaraM param || 83|| sarvarogaharaM devi sarvasiddhimayaM tathA | sarvAnandamayaM chApi navamaM shR^iNu sundari || 84|| atra pujyA mahAdevI mahAtripurasundarI | paripUrNaM mahAchakramajarAmarakArakam || 85|| etameva mahAchakrasa~NketaH parameshvari | kathitastripurAdevyA jIvanmuktipravartakaH || 86|| iti prathamaH paTalaH samAptaH | \section{atha dvitIyaH paTalaH} mantrasa~NketaM divyamadhunA kathyAmi te | yadvettA tripurAkAro virachakreshvaro bhavet || 1|| karashuddhikaro tvAdyA dvitIyA chAtmarakShikA | AtmAsanagatA devI tR^itIyA tadanantaram || 2|| chakrAsanagatA pashchAt sarvamantrAsanasthitA | sAdhyasiddhAsanA ShShTA mAyAlakShmImayI parA || 3|| mUrtividyA cha sA devI saptamo parikIrtitA | aShTamyAvAhinI vidyA navamA bhairavI parA || 4|| mUlavidyA tathA khyAtA trailokyavashakAriNI | evaM navaprakArAstu pUjAkAle prayatnataH || 5|| etAH krameNa nyastavyAH sAdhakena kuleshvari | pAdAgraja~NghAjAnUrugudali~NgAgrakeShu cha || 6|| Adhare vinyasanmUrti tasyAmAvAhinIM nyaset | mUlena vyApakanyAsaH kartavyaH paremshvari || 7|| akulAdiShu pUrboktasthAneShu parichintayet | chakreshvarisamAyuktaM navachakraM puroditam || 8|| tAsAM nAmAni vakShyAmi yathAnukramayogataH | tatrAdyA tripurA devI dvitIyA tripureshvarI || 9|| tR^itIyA cha tathA proktA devI tripurasundarI | chaturthI cha mahAdevI devI tripuravAsinI || 10|| pa~nchamI tripurA shrIH syAt ShaShTI tripuramAlinI | saptamI tripurA siddhiraShTamI tripurAmbikA || 11|| navamI tu mAhadevI mahAtripurasundarI | pUjayechcha kramAdetA navachakre purodite || 12|| evaM navaprakArAdyA pujAkale tu pArvati | ekAkArA hyAdyashaktirajarAmarakAriNI || 13|| mantrasa~NketakastasyA nAnAkAro vyavasthitaH | nAnAmantrakarmeNaiva pAramparyeNa labhyate || 14|| ShaDavidhastaM tu deveshi kathayAmi tavAnadhe | bhAvArthaH sampradAyArtho nigamArthashcha kaulikaH || 15|| tathA sarvarahasyArtho mahAtattvArtha eva cha | akSharArtho hi bhAvArthaH kevalaH parameshvari || 16|| yoginIbhistathA virairvIrendrAiH sarvadA priye | shivashaktisamAyogA~jjanito mantrarAjakaH || 17|| tanmayIM paramAnandananditAM spandarUpiNIm | nisargasundarIM devIM j~nAtvA svairamupAsate || 18|| shivashaktyAtmasaMghaTTarUpe brahmANi shAshvate | tatprathAprasarAshleShabhuvi tvaindropalakShite || 19|| j~nAtR^ij~nAnamayAkArasananAnmantrarUpiNI | teShAM samaShTirUpeNa parAshaktistu mAtR^ikA || 20|| madhyabinduvisargAntaH samAsthAnamaye pare | kuTilArUpake tasyAH pratirUpe viyatkale || 21|| madhyaprANaprathArUpapaspandavyomni sthita punaH | madhyame mantrapiNDe tu tR^itIye piNDake punaH || 22|| rAhukUTAdvayasphUrjachchalattAsaMsthitasya tu | dharmAdharmasya vAchyasya viShAmR^itamayasya cha || 23|| vAchakrAkSharasaMyogAt kathitA vishvarUpiNI | teShAM samaShTirUpeNa parAshaktiM tu mAtR^ikAm || 24|| kUTatrayAtmikAM devIM samaShTivyaShTirUpiNim | AdyAM shaktiM bhAvayanto bhAvArthamiti manvate || 25|| sampradAyo mahAbodharUpo gurumukhe sthitaH | vishvAkAraprathAyAstu mahattva~ncha yadAshrayam || 26|| shivashaktyAdyayA mUlavidyayA parameshvari | jagatkR^itsnaM tayA vyAptaM shR^iNuShvAvahitA priye || 27|| pa~nchabhUtamayaM vishvaM tanmayI sA sadAnaghe | tanmayI mUlavidyA cha tadadya kathayAmmi te || 28|| hakArAd vyoma sambhUtaM kakArAttu prabha~njanah | rephAdagniH sakArAchcha jalatattvasya sambhavaH || 29|| lakArAt,h pR^ithivI jAtA tasmAd vishvamayI cha sA | guNAHpa~nchadasha proktA bhUtAnaM tanmayI shivA || 30|| yasya yasya padArthasya sA yA shaktirudIritA | sA sA sarveshvarI devI sa sa sarvo maheshvaraH || 31|| vyAptA pa~nchadashArNaH sA vidyA bhUtaguNAtmikAH | pa~nchabhishcha tathA ShaD bhishchaturbhirapi chAkSharaH || 32|| svaravya~njanabhedena saptatriMshatprabhedenI | saptatriMshatprabhedena ShaT triMshatattvarUpiNI || 33|| tattvAtItasvabhAvA cha vidyaiShaM bhAvyate sadA | pR^ithivyAdiShu bhUteShu vyApakaM chottarottaram || 34|| bhUtaM tvadhastanaM vyApyaM tad guNA vyApakAshrayAH | vyApyeShvavasthitA devi sthUlasUkShmavibhedataH || 35|| tasmAdvyomaguNaH shabdo vAyvAdIn vyApya saMsthitaH | vyomabihaistu vidyAsthairlakShayechChabdapa~nchakam || 36|| teShAM kAruNarUpeNa sthita dhvanimayaM param | bhaved guNavatAM bIjaM guNAnAmapi vAchakam || 37|| kAryakAraNabhAvena tayoraikya vivakShayA | mahAmAyAtrayeNApi kAraNena cha bindunA || 38|| vAyvAgnijalabhUmInAM sparshAnAM cha chatuShTayam | utpannaM bhAvayed devi sthUlasUkShmavibhedataH || 39|| rUpANAM tritayaM tadvat tribhI rephairvibhAvitam | pradhAnaM tejaso rUpaM tad bIjena hi janyate || 40|| vidyAsthaishchandrabIjaistu sthUlasUkShmo rasaH smR^itaH | sambandho vidito loke rasasyApyamR^itasya cha || 41|| vasu dhAyA guNo gandhastallipirgandhavAchikA | bhuvanatrayasambhandhAt tridhAtvaM tu maheshvari || 42|| ashuddhashuddhamishrANAM pramAtR^INAM paraM vapuH | krodhIshatritaye nAtha vidyAsthena prakAshyate || 43|| shrIkaNThadashakaM tadvada vyaktasyApi vAchakaH | prANarUpasthito devi tadvadekAdashaH paraH || 44|| ekaH sanneva puruSho bahudhA kAyate hi saH | rudreshvarasadeshAkhyA devatA mitavigrahAH || 45|| bindutrayeNa kathitA amitAmitavigrahAH | shAntiH shaktishcha shambhushcha nAdatritayabodhanAH || 46|| vAgurAmUlavalaye sUtrAdyAH kavalIkR^itAH | tathA mantrAH samastAshcha vidyAyAmatra saMsthitAH || 47|| gurukrameNa samprAptaH sampradAyArtha IritaH | nigarbhArtho mahadevi shivagurvAtmagocharaH || 48|| shivagurvAtmanAmaikyAnusaMdhAnAttadAtmakam || 49|| niShkalatvaM shive budhvA tadrUpatvaM gurorapi | tannirIkShaNasAmarthyAdAtmanashcha shivAtmatAm || 50|| bhAvayedabhaktinamraH sa~NkochonmeShAkala~NkitaH | kaulikaM kathayiShyAmi chakradevatayorapi || 51|| vidyAgurvAtmanAmaikyaM tatprakAraH pradarshyate | lakAraishchaturasrANi vR^ittatritayasaMyutam || 52|| saroruhadvayaM shaktairagnIShomAtmakaM priye | hR^illekhAtrayasaMbhUtairakSharairnavasa~NkhyakaiH || 53|| bindutrayayutairjAtaM navayonyAtmakaM priye | maNDalatrayayuktaM tu chakraM shaktyanalAtmakam || 54|| vyomabIjatrayeNaiva pramAtR^itrityAnvitam | ichChAj~nAnakriyArUpamAdanatrayasaMyutam || 55|| sadAshivAsanaM devi mahAbindumayaM param | itthaM mantrAtmakaM chakraM devatAyAH paraM vapuH || 56|| ekAdashAdhikashatadevatAtmatayA punaH | gaNeshatvaM mahAdevyAH sasomaravipAvakaiH || 57|| ichChAj~nAnakriyAbhishcha guNatrayayutaih punaH | graharUpA cha sA devI j~nAnakarmendriyairapi || 58|| tadarthaireva deveshi karaNairAntaraiH punaH | prakR^ityA cha guNenApi puMstvabandhena chAtmanA || 59|| nakShatravigrahA jAtA yoginItvamathochyate | tvagAdidhAtunAthAbhirDAkinyAdibhirapyasau || 60|| vargAShTakaniviShTAbhiryoginIbhishcha saMyutA | yoginIrUpamAsthAya rAjate vishvavigrA || 61|| prANApAnau samAnashchodanavyAnau tathA punaH | nAgaH kUrmo.atha kR^ikaro devadatto dhana~njayaH || 62|| jIvAtmA parmAtmA chaityetai rAshisvarUpiNI | akathAditripa~NktyAtmA tArtiyAdikrameNa sA || 63|| gaNesho.abhUnmahAvidyA parAvAgAdivA~NmayI | bIjabindudhvanInAM cha trikUTeShu grahAtmikA || 64|| hR^illekhAtrayasaMbhUtaistithisaMkhyaistathAkSharaiH | anyairdvAdashabhirvarNaireShA nakShatrarUpiNI || 65|| vidyAnantarbhUtashaktyAdyaiH shAktaiH ShaD bhistathAkSharaiH | yoginItvaM cha vidyAya rAshitvaM cAntyavarjitaiH || 66|| evaM vishvaprakArA cha chakra rUpA maheshvarI | devyA dehe yathA prokto gurudehe tathaiva hi || 67|| tatprasAdAchcha shiShyo.api tadrUpaH samprajAyate | ityevaM kaulikArthastu kathito viravandite || 68|| tathA sarvarahsyArthaM kathayAmi tavAnaghe | mUlAdhAre taDidrUpe vAgbhavAkAratAM gate || 69|| aShTAtriMshatkalAyuktapa~nchAshadvarNavigrahA | vidyA kuNDalinIrUpA maNdalatrayabhedinI || 70|| taDitkoTinibhaprakhyA bisatantunibhAkR^itiH | vyomendumaNDalAsaktA sudhAstrotaHsvarUpiNI || 71|| sadA vyAptajagat kR^itsnA sadAnandasvarUpiNI | eShA svAtmeti buddhistu rahasyArtho maheshvari || 72|| mahAtattvArthaM iti yattacha devi vadAmi te | niShkale prame sUkShme nirlakShye bhAvavarjite || 73|| vyomAtIte pare tattve prakAshAnandavigrahe | vishvottirNe vishvamaye tattve svAtmaniyojanam || 74|| tadA prakAshamAnatvaM tejasAM tamasAmapi | avinAbhAvarUpatvaM tasmAdvishvasya sarvataH || 75|| prakAshate mahAtattvaM divyakrIDArasojjvale | nirastasarvasaMkalpavikalpasthitipUrvakaH || 76|| rahasyArtho mayA guptaH sadyaH pratyayakArakaH | mahAj~nAnArNave dR^iShTaH sha~NkA tatra na pArvati || 77|| vidyApIThanibaddheShu saMsthito divyasiddhidaH | kaulAchAraparairdevi pAdukAbhAvanAparaiH || 78|| yoginImelanodyuktaiH prAptavidyAbhiShechanaiH | sha~NkAkala~NkavigataiH sadA muditamAnasaiH || 79|| pAramparyeNa vij~nAtarahasyArthavishAradaiH | labhyate nAnyatha devi tvAM shapekulasundari || 80|| pAramparyavihInA ye j~nAnamAtreNa garvitAH | teShAM samayalopena vikurvanti marIchayaH || 81|| yastu divyarasAsvAdamodamAnavimarshanaH | deatAtithinakShatre vAre.api cha vivasvataH || 82|| marIchIn prINayatyeva madirAnandaghUrNitaH | sarvadA cha visheShaNa labhate pUrNabodhatAm || 83|| evaMvhAvastu deveshi deshikendraprasAdataH | mahAj~nAnamayo devi sadyaH samprApyate naraiH || 84|| evametatpradaM j~nAnaM vidyArNAgamagocharam | devi guhyapriyeNaiva vyAkhyAtaM durgi ShaD vidham | sadyo yasya prabodhena vIrachakreshvaro bhavet || 85|| iti dvitIyaH paTalaH samAptaH | \section{atha tR^itAyaH paTalaH} pUjAsa~NketamadhunA kathayAmi tavAnaghe | yasya prabodhamAtreNa jivanmuktaH pramodate || 1|| tava nityoditA pUjA tribhirbhedairvyavasthitA | parA chApyapara gauri tR^itIyA cha parAparA || 2|| prathamAdvaitabhAvasthA sarvaprasaragocharA | dvitIyA chakrapUjA cha sadA niShpAdyate mayA || 3|| evaM j~nAnamaye devi tR^itIyA tu parAparA | uttamA sA parA j~neyA vidhAnaM shR^iNu sAmpratam || 4|| mahApadmavanAntasthe vAgbhave gurupAdukAm | ApyAyitajagad.hrUpAM parmAmR^itavarShiNIm || 5|| sa~nchintya paramAdvaitabhAvanAmR^itaghUrNitaH | daharAntarasaMsarpannAdAlokanatatparaH || 6|| vikalparUpasaMjalpavimukho.antarmukhaH sadA | chitkalollAsadalitasaMkochastvatisundaraH | indriyaprINanadravyaiviM hitasvAtmapUjanaH || 7|| nyAsaM nirvartayedehe ShoDhAnyAsapuraHsaram | gaNeshaiH prathamo nyAso dvitItastu grahairmataH || 8|| nakShatraishcha tR^itIyaH syAdyoginIbhishchaturthakaH | rAshibhiH pa~nchamo nyAsaH ShaShThaH pIThairnigadyate || 9|| ShoDhAnyAsastvayaM proktaH sarvatraivAparAjitaH | evaM yo nyastagAtrastu sa pUjyaH sarvayogibhiH || 10|| nAstyasya pUjyo lokeShu pitR^imAtR^imukho janaH | sa eva pUjyaH sarveShAM sa svayaM parameshvaraH || 11|| ShoDhAnyAsavihInaM yaM praNamedeSha pArvati | so.achirAnmR^ityumApnoti narakaM cha prapadyate || 12|| ShoDhAnyAsaprakAraM cha kathayAmi tavAnaghe | vighnesho vighnarAjashcha vinAyakashivottamau || 13|| vighnakR^idvighnahartA cha gaNarAT gaNanAyakaH | ekadanto dvidantashcha gajavaktro nira~njanaH || 14|| kapardavAn dIrghamukhaH sha~NkukarNo vR^iShadhvajaH | gaNanAtho gajendrashcha shurpakarNastrilochanaH || 15|| lambodaro mahAnAdashchaturmUrtiH sadAshivaH | Amodo durmukhashchaiva sumukhashcha pramodakaH || 16|| ekapAdo dvijihvashcha shUro vIrashcha ShaNmukhaH | varado vAmadevashcha vakratuNDo dviraNDakaH || 17|| senAnIrgrAmaNIrmatto vimatto mattavAhanaH | jaTI muNDI tathA khaDgI vareNyo vR^iShaketanaH || 18|| bhakShyapriyo gaNeshashcha meghanAdo gaNeshvaraH | taruNAruNasa~NkAshAn gajavaktrAn trilochanAn || 19|| pAshA~NkushavarAbhItihastAn shaktisamanvitAn | etAMstu vinyasedehe mAtR^ikAnyAsavatpriye || 20|| svaraistu sahitaM sUryaM hR^idayAthaH pravinyaset | bindusthAne sudhAsUtiM yAdivarNacatuShTayaiH || 21|| bhUputraM lochanadvandva kavargAdhipatiM priye | hR^idaye vinyasechChukraM chavargAdhipatiM punaH || 22|| hR^idayopari vinyaseTTavargAdhipatiM budham | bR^ihaspatiM kaNThadeshe tavargAdhipatiM priye || 23|| nAbhau shanaishcharaM devi pavargeshaM sureshvari | vaktreshAdichaturvarNaiH sahitaM rAhumeva cha || 24|| kShakArasahitaM ketuM pAyo deveshi vinyaset | ##[## raktaM shvetaM tathA raktaM shyAmaM pItaM cha pANDuram | kR^iShNaM dhUmraM dhUmradhUmraM bhAvayedravipurvakAn.h|| kAmarUpadharAn devi divyAmbaravibhUShaNAn | vAmorunyastahastAMshcha dakShahastavarapradAn ||##]## lalATe dakShanetre cha vAme karNadvaye punaH || 25|| puTayonirnAsikAyAshcha kaNThe skandhadvaye punaH | pashchAtkUrparayugme cha maNibandhadvaye punaH || 26|| stanayornAbhideshe cha kaTibandhe tataH param | Uruyugme tathA jAnvorja~Nghayoshcha padadvaye || 27|| ##[## AdyayugmantathA chaikaM tastrINi catuShTayam | ekamekaM dvaya~ncheti svarAH proktAshcaturdasha || 28|| vya~njaneShvekamubhayaM dvayaM nyasyedataH param | ekaM yugmaM dvayandvandvamekaM yugmaM dvayantataH || 29|| ekaM trayaM tathA chaikaM ekamekaM dvayantathA | ekaM dvayaM trayaM pashchAllakShaM aM mashchatuShTayam || 30|| ashivnyAdeH puro bhage datvA chakramato nyaset ##]## jvalatkAlAnalaprakhyA varadAbhayapANayaH || 31|| natipANyo.ashvinIpUrvAH sarvAbharaNabhUShitAH | etAstu vinyaseddevi sthAneShveShu surArchite || 32|| vishuddhau hR^idaye nAbhau svAdhiShTAne cha mUlake | AGYAyAM dhAtunAthAshcha nyastavyA DAdidevatAH || 33|| amR^itAdiyutAH samya~NnyastavyAshcha sureshvari | pAde li~Nge cha kukShau cha hR^idaye bAhumUlayoH || 34|| dakShiNaM pAdamArabhya vAmapAdAvasAnakam | meShAdirAshayo varNairnyastavyAH saha pArvati || 35|| ##[## chatuShkaM tritayaM trINi dvitayaM dvitayaM dvayam | pa~nchakaM pa~nchakaM pa~ncha pa~nchaktaM pa~nchakaM tataH|| catvAri merurmine syuH kanyAyAM pa~ncha shAdayaH | ##]## piThAni vinyaseddevi mAtR^ikAsthAnake punaH | teShAM nAmAni vakShyante shR^iNuShvAvahitA priye || 36|| kAmarUpaM vArANasI nepAlaM pauNDravardhanam | charasthiraM kAnyakubjaM pUrNashailaM tathArbudam || 37|| AmrAtakeshvaraikAmraM trisrotaH kAmakoTakam | kailAsaM bhR^igunagaraM kedArapUrNachandrake || 38|| shrIpIThamo~NkArapIThaM jAlandhraM mAlavotkale | kulAntaM devikoTaM cha gokarNaM mAruteshvaram || 39|| aTTahAsaM cha virajaM rAjagehaM mahApatham | kolApura melApuraM o~NkArantu jayantikA || 40|| ujjayinyApi chitrA cha kShIrakaM hastinApuram | oDDIshaM cha prayAgAkhyaM ShaShThaM mAyApuraM tathA || 41|| jaleshaM malayaM shailaM meruM girivaraM tathA | mahendraM vAmanaM chaiva hiraNyapurameva chA || 42|| mahAlakShmIpuroDyANaM ChAyAChatramataH param | ete pIThAH samuddiShTA mAtR^ikArUpakAH sthitAH || 43|| evaM ShoDhA puraH kR^itvA shrIchakranyAsamAcharet | shrImattripurasundaryAshchakranyAsaM shR^iNu priye || 44|| yanna kasyachidAkhyAtaM tanushuddhikaraM param | chaturastrAdyarekhAyai nama ityAdito nyaset || 45|| dakShAMsapR^iShThapANyagrasphikkapAdA~NgulIShvatha | vAmA~Nghrya~NguliShusphikke pANyagre chAMsapR^iShThake || 46|| sachUlImUlapR^iShTheShu vyApakatvena sundari | atraiva sthAnadashake aNimAdyAstu vinyaset || 47|| siddhistadantashcha tanuvyApakatvena sundari | ##[ ## chaturasramadhyarekhAyai nama ityapi vallabhe. ##]## tasyAH sthAneShu vinyasya brahmANyAdyAstadAShTasu || 48|| pAdA~NguShThadvaye pArshve dakShe mUrdhanyapArshvake | vAmadakShiNajAnvoshcha bahiraMsadvaye tathA || 49|| nyastavyAshchaturasrAntyarekhAyai nama ityapi | vinyased vyApakatvena pUrvoktAntashcha vigrahe || 50|| tasyAH sthAneShu dashasu mudrANAM dashakaM nyaset | brahmANyAdyaShTasthAnAntastAsAmaShTau nyasettataH || 51|| shiShTe dve dvAdashAnte cha pAdA~NguShThe cha vinyaset | tadAntaH ShoDashadalapadmAya nama ityapi || 52|| vinyasya taddale kAmAkarShiNyAdyAshcha vinyaset | dalAni dakShinashrotrapR^iShThamaMsaM cha kUrparam || 53|| karapR^iShThaM chorujAnugulphapAdatalaM tathA | vAmapAdatalAdyevametadevAShTakaM matam || 54|| tadantare chAShTadalapadmAya nama ityapi | vinyasya taddaleShveShu dakShasha~Nkhe cha jatruke || 55|| Urvantargulphagulphorujatrusha~Nkhe cha vamataH | ana~NgakusumAdyAshcha shaktIraShTau cha vinyaset || 56 tadanatashcaturdashArachakrAya nama ityapi | vinyasya tasya koNeShu nyasechChaktIshchaturdasha || 57|| sarvasa~NkShobhiNyAdyAstu tasya koNAni vachmyaham | lalATaM dakShabhAgaM cha dakShagaNDAMsamadhyataH || 58|| pArshvAntarUruka~NghAntarvAmaja~NghAdi pArvati | vAmorvantaM vAmapArshvaM vAmAMsaM vAmagaNDakam || 59|| lalATavAmamadhye cha tathA vai pR^iShThamityapi | tato dashArachakrAya nama ityapi pArvati || 60|| tasya koNAni dakShAkShinAsAmUlA.a.asyanetrake | kukShIshavAyukoNeShu jAnudvayagudeShu cha || 61|| kukShinai R^IrtivahnyAkhyakoNeShveShu nyaset punaH | sarvAsiddhipradAdInAM shaktInAM dashakaM tathA || 62|| tadantascha dashArAdichakrAya nama ityapi | vinyasya tasya koNeShu sarvaGYAdyAH pravinyaset || 63|| dakShanAsA sR^ikkiNI chA stanaM vR^iShaNameva cha | sIvinI vAmamuShkaM cha stanaM sR^ikkiNi nAsike || 64|| nAsAgraM chaiva viGYeyaM koNAnAM dashakaM tathA | tadantaraShTakoNAdichakrAya nama ityapi || 65|| vinyasya tasya koNeShu vaShinyAdyaShTakaM nyaset | chibukaM kaNThahR^idayanAbhInAM chaiva dakShiNam || 66|| GYeyaM pArshvachatuShkaM cha maNipUrAdi vAmakam | chatuShThayaM cha pArshvAnAmetat koNAShTakaM matam || 67|| hR^idayasthatrikoNasya chaturdikShu bahirnyaset | sharachApau pAshasR^iNI trikoNAya namastathA || 68|| vinyasya tasya koNeShu agradakShottareShu cha | kAmeshvaryAdidevInAM madhye devIM cha vinyaset || 69|| evaM mayodito devi ##!## nyAso guhyatamakramaH | etad guhyatamaM kAryaM tvayA vai vIravandite || 70|| samayasthAya dAtavyaM na.ashiShyAya kadAchana | guptAd guptataraM chaitattavA.adya prakaTIkR^itam || 71|| mUladevyAdikaM nyAsamaNimAntaM punarnyaset | ##[## trikoNasthe mahAbindau mahAtripurasundarIm ##]## | shirastrikoNapUrvAdi kAmeshvaryAdikaM nyaset || 72|| bANAnnetre bhruvoshchApau karNe pAshadvayaM nyaset | sR^iNidvayaM cha nAsAgre dakShiNAgraM tu vinyaset || 73|| muNDamUlakrameNaiva nyasedvAgdevatAShTakam | baindavAdIni chakrANi nyastavyAni varAnane || 74|| netramUle tvapA~Nge cha karNapUrvottare punaH | chUDAdikaNThanimne.ardhaM sheShArdhaM karNapR^iShTake || 75|| karNe pUrve tvapA~Nge cha tasya mUle cha vinyaset | hR^idaye manukoNastha shaktayo.api cha pUrvavat || 76|| sarvasiddhyAdikaM kaNThe prAdakShiNyena vinyaset | nAbhAvaShTadalaM tattu va.nshe vAme cha pArshvake || 77|| udare savyapArshve cha nyasedAdichatuShTayam | va.nshavAmAntarAlAdi nyasedanya chatuShTayam || 78|| svAdhiShThAne nyaset svasya pUrvAddakShAvasAnakam | chatasrastu chatasrastu chaturdikShu kramAnnyaset || 79|| mUlAdhAre nyasenmudrAdashakaM sAdhakottamaH | punarva.nshe cha savye cha vAme chaivAntarAlake || 80|| Urdhodho dashamudrAshcha UrdhvAdhovarjitaM punaH | brahmANyAdyAShTakaM dakShajanghAyAM tAstu pUrvavat || 81|| vAmaja~NghAM samArabhya vAmAdikramato.api cha | siddhyaShTakaM nyasetteShu dvayaM pAdatale nyaset || 82|| kAraNAtprasR^itaM nyAsaM dIpAddIpamivoditam | evaM vinyasya deveshIM svAbhedena vichintayet || 83|| tatashcha karashuddhyAdinyAsaM kuryAt samAhitaH | ahaM te kathayAmyadya vidyAnyAsaM shR^inu priye || 84|| mUrdhni guhye cha hR^idaye netreShu tritayeShu cha | shrotrayoryugale chaiva mukhe cha bhujayostathA || 85|| pR^iShTe jAnvoshcha nAbhau cha vidyAnyAsaM vidhAya cha | karashuddhiM punashchaiva AsanAdiShaDa~Ngakam || 86|| shrIkaNThAdIni vAgdevIrAdhAre hR^idaye punaH | shikhAyAM baindavasthAne tvagnichakrAdikA nyaset || 87|| tattvatrayaM samastaM cha vidyAbijatrayAnvitam | pAdAdinAbhiparyantamAgalaM shirastathA || 88|| vyApakaM chaiva vinyasya svAtmIkR^itya paraM punaH | santarpayet punardevIM saumyAgneyAmR^itadravaiH || 89|| evaM chaturvidho nyAsaH karvavyo vIravandite | ShoDhAnyAso.aNimAdyashcha mUladevyAdikaH priye || 90|| karashuddhyAdikaschaiva sAdhakena susiddhaye | prAtaH kAle tathA pUjAsamaye homakarmaNi || 91|| japakAle tathA teShAM viniyogaH pR^ithak pR^ithak | pUjAkAle samastaM vA kR^itvA sAdhakapu~NgavaH || 92|| ShaTtri.nshatattvaparyantamAsanaM parikalpya cha | guptAdiyoginInAM cha mantreNA.atha baliM dadet || 93|| piN~DarUpapadagranthibhedanAd vighnabhedakam | guhyahR^inmukhamUrdhasu vidyAnyAsanea sundari || 94|| yAgamandiragA.nshchaiva vighnAnutsArya mantravit | ##[## apasarpantu te bhUtA ye bhutA bhUmisa.nsthitAH|| ye bhUtA vighnakartAraste nashyantu shivAGYayA ##]## pArShNighAtena bhaumA.nshcha tAlena cha nabhogatAn || 95|| astramantreNa vidyA.nshcha dR^iShTyA vighAnapohayet | dixvadhordhvaM mahAvahniprAkAraM paribhAvayet || 96|| sAmAnyArdhyeNa deveshi##!## mArtaN~DaM paripUjayet | prakAshashaktisahitamaruNAkalpamujjvalam || 97|| grahAdiparivAra~ncha vishvatejo.avabhAsanam | saumyAgneyayutairdevi rochanAguruku~NkumaiH || 98|| mUlamuchchArayan samyagbhAvayechchakrarAjakam | yoginI mUlamantreNa xipet puShpA~njaliM tataH || 99|| maNimuktApravAlairvA vilomaM mUlavidyayA | ashUnyaM sarvadA kuryAchChUnye vighnAstvanekashaH || 100|| shrIchakrasyAtmanashchaiva madhye tvarghyaM pratixipet | chaturasrAntarAlasthakANaShaTke sureshvari || 101|| ShaDAsanAni sampujya trikoNasyAntare punaH | pIThAni chaturo devi kApUjA o iti kramAt || 102|| archayitvA.arghyapAde tu vahnerdasha kalA yajet | arghyapAtraM pratiShThApya tatra sUryakalA yajet || 103|| pAtre sUryakalAshchaiva kabhAdidvAdashArchayet | vidhR^ite tu punardravye ShoDashendukalA yajet || 104|| amR^iteshIM cha tanmadhye bhAvayechcha navAtmanA | navAtmanA tato devi tarpeyddhAtudevatAH || 105|| AnandabhairavaM vauShaDantenaiva cha tarpayet | tadAGYApreritaM tachcha guruSha~Nktau nivedayet || 106|| tathaivArghyaM visheSheNa sAdhayet sAdhakottamaH | gurupAdAlimApUjya bhairavAya dadet punaH || 107|| tadIyaM sheShamAdAya kAmAgnau vishva ## ||.## sthuShi | pAdukAM mUlavidyAM cha japan homaM samAcharet || 108|| mahAprakAshe vishvasya sa.nhAravamanodyate | marIchivR^ittIrjuhuyAnmanasA kuNDalImukhe || 109|| ahantedantayoraikyamunmanyAM sruchi kalpitam | mathanodrekasambhUtaM vasturUpaM mahAhaviH || 110|| hutvA hutvA svayaM chaivaM mahajAnandavigrahaH | svapradhAprasarAkAraM shrIchakraM pUjayet sudhIH || 111|| gaNeshaM dUtarIM chaiva kShetreshaM dUtikAM tathA | bAhyadvare yajed devi devIshcha svastikAdikAH || 112|| tataschAntastrikoNa.api gurupa~NktiM tridhA sthitAm | tadantashcha mahAdevIM tAmAvAhya yajet punaH || 113|| mahApadmavanAntasthAM kAraNAnandavigrahAm | mada~NkopAshritAM devImichChAkAmaphalapradAm || 114|| bhavatIM tvanmayaireva naivedyAdibhirarchayet | trikoNe tatsphurattAyAH pratibimbAkR^itIH punaH || 115|| tattattithimayIrnityAH kAmyakarmAnusAriNIH | tatra prakaTayoginyashchakre trailokyamohane || 116|| mAtR^ikAsthUlarUpatvAttvagAdivyApakatvataH | yoginyaH prakaTA GYeyAH sthUlavishvapradhAtmani || 117|| aNimAdyA mahAdevi siddhayo.aShTau vyavasthitAH | tAsu raktatarA baNairvarAbhayakarAstathA || 118|| dhR^itachintAmahAratnA manIShitaphalapradAH | brAhmyAdyA api tatraiva yaShTavyAH kramataH priye || 119|| brahmANI pItavarNA cha chaturbhiH shobhitA mukhaiH | varadA.abhayahastA cha kuNDikA kShalasatkarA || 120|| mAheshvarI shvetavarNA trinetrA shUladhAriNI | kapAlameNaM parashuM dadhAnA pANibhiH priye || 121|| ##[## aindrI tu shyAmavarNA cha vrajotpalalasatkarA ##]## kaumArI pItavarNA cha shaktitomaradhariNI || 122|| varadAbhayahastA cha dhyAtavyA parameshvarI | vaiShNavI shyAmavarNA cha sha~NkhachakravarAbhayAn || 123|| hastapadmaistu vibhrANA bhUShitA divyabhUShaNaiH | vArAhI shyAmalachChAyA potri vaktrasamujjvalA || 124|| halaM cha musalaM khaDgaM kheTakaM dadhAtI bhujaiH | ##[## aindrI shyAmalavarNA cha vajradvayalasatkarA ##]## || 125|| chAmuNDA kR^iShNavarNA cha shUlaM DamarukaM tathA | khaDgaM vetAlakaM chaiva dadhAnA daxiNaiH karaiH || 126|| nAgakheTakaghaNTA khyAn dadhAnAnyaiH kapAlakam | mahAlaxmIstu pItAbhA padmadarpaNameva cha || 127|| mAta lu~NgaphalaM chaiva dadhAna parameshvarI | evaM dhyAtvA yajedetAshchakreshIM tripurAM tataH || 128|| karmendriyANAM vaimalyAt karashuddhikarI smR^itA | kAyashuddhibhavA siddhiraNimA chAtra sa.nsthitA || 129|| ShoDashaspandasandohe chamatkR^itimayoH kalAH | prANAdiShoDashAnAM tu vayunA prANanAtmikAH || 130|| bIja bhUtAH svarAtmatvAt kalanAd bIjarUpakAH | antara~NgatayA guptA yoginyaH sa.nvyavasthitAH || 131|| kAmAkarShaNarUpAdyAH sR^iShTeH prAdhAnyataH priye | sarvAshApUraNAkhye tu chakre vAmena pUjayet || 132|| pAshA~NkushadharA hyetA raktA raktAmbarA vR^itAH | prANashuddhimayI siddhirlaghimA bhokturAtmanaH || 133|| tripureshI cha chakreshI pUjyA sarvopachArakaiH | ##[## kaulikAnubhavAviShTabhogapuryaShTakAshritAH || 134|| vAgbhavAShTakasambandhasUxmA vargasvarUpataH | tAstu guptatarAH sarvAH sarvasa.nxobhaNAtmake || 135|| ana~NgakusumAdyAstu raktaka~nchukashobhitAH ##]## ##[## veNIkR^ita lasatkeshAshchApabANadharAH shubhAH ##] ## || 136|| tattadAjArabuddhyAtmabogyabhokturmaheshituH | piNDAdipadavishrAntisaundaryaguNasa.nyutA || 137|| chakreshvarI buddhishuddhirUpA cha parameshvarI | mahimAsiddhirUpA tu pUjyA sarvopachArakaiH || 138|| dvAdashagranthibhedena samullasitasa.nvidaH | visargAntadashaveshAchChAktAnubhavapUrvakam || 139|| unmeShaShaktiprasaraIrichChAshaktipradhAnakaiH | tadevA.akulasa~NghaTTarUpairvarNachatuShTayaiH || 140|| vedyoShmarUpasAvarNairmishrechChAbhAvitairapi | kulashaktisamAvesharUpavarNadvayAnvitaiH || 141|| shakteH sAramayatvena prasR^itatvAnmaheshvari | sa,pradAyakramAyAtAshchakre saubhAgyadAyake || 142|| nirantaraoradhA rUpasaubhAgyaM kalayogataH | antarthasa.nGYike devi aNimAsadR^ishA: shubhAH || 143|| sarvasa~NxobhiNIpUrvA dehAxAdivishuddhidAH | Ishitvasiddhirapi cha protarUpe puratraye || 144|| yogAdikleshabhedena siddhA tripuravAsinIi | etAH sampUjayed devi sarvAH sarvopachArakaiH || 145|| sadAtanAnA nAdAnAM navarandhrasthitAtmanAm | mahAsAmAnyarUpeNa vyAvR^ittadhvanirUpiNIi || 146|| asthirasthiravedyAnAM ChAyArUpairdashArNakaiH | kulakaulikayoginyaH sarvsiddhipradAyikAH || 147|| shvetAmbradharAH shvetAH shvetAbharaNabhUShitAH | mantrANAM svapradhArUpayogAdanvarthasa.nGYke || 148|| sarvasiddhipradAdyAstu chakre sarvarthasAdhake | lokatrayasamR^iddhInAM hetutvAchchakranAyikA || 149|| tripurA shrIrmaheshAni mantrashuddhibhavA punaH | vashitvasiddhirAkhyAtA etAH sarvAK samarchayet || 150|| UrdhvAdhomukhayA devi kuNDalinyA prakAshitAH | kulechChayA bahirbhAvAt kAdivarNaprathAmayI || 151|| nigarbhayoginIvAchyAH svarUpAvesharUpake | sarvAveshakara chakre sarvaraxAkare parAH || 152|| sarvaGYAdyAH sthitA etAH saha pustAkShamAlikAH | mAtR^imAnaprameyANAM purANAM paripoShiNI || 153|| tripurAmAlinI khyAtA chakreshI tripuramohinI | nirUddhavAyusa~NghaTTasphaTitagranthimUlataH || 154|| hR^idayAntarasa.nvittishUnyaparyaShTakAtmanA | bIjarUpasvarakalAspR^iShTavargAnusArataH || 155|| rahsyayoginIrdevIH sa.nsAradalanojjvale | sarvarogahare chakre sa.nsthitA vIravandite || 156|| vashinyAdyA raktavarNA varadAbhayamudritAH | pustakaM japamAlAM cha dadhAnAH siddhayoginIH || 157|| shuddhividyAvishuddhiM cha bhuktisiddhiM maheshvari | IshvarIM tripurAM siddhAM pUjayed bindutarpaNaiH || 158|| shaktitrayAtmikA devi chiddhAmaprasarAH punAH | sa.nvartAgnikalArUpAH paramAtirahasyakAH || 159|| pUrNApurNasvarUpAyAH siddherhetuH sureshvari | sarvAsiddhimayAkhye tu chakre tvAyudhabhUShitAH || 160|| sthitAH kAmeshvarIpUrvAshchatastraH pIThadevatAH | AyudhAstvatiraktAbhAH svAyudhojjvalamastakAH || 161|| varadAbhayahastAshccha pUjyA vrataphalapradA:H | tvadIyAshcha madIyAshcha pu.nstrivashyavidhAyinaH || 162|| tvagasR^i~NmA.nsamedosthishuk.hlAnAM cha maheshvari | dvitIyasvarasa.nyuktA ete bANAstvadIyakAH || 163|| vAmAdInAM purANAM tu jananI tripurmbikA | parasvAtantryarUpatvAdichChAsiddhirmaheshvari || 164|| etAH sarvopachAreNa pUjayettu varAnane | sarvAnandamaye devi parabrahmAtmake pare || 165|| chakre sa.nvittirUpA cha mahAtripurasundarI | svairAchAreNa sampUjyA tvahantedantayoH sama || 166|| mahAkAmakalArUpA pIThavidyAdisiddhidA | mahAmudrAmayI devi pUjyA pa~nchadashAtmikA || 167|| tattattithimayI nityA navamI bhairavI parA | pratichakraM samudrAstu chakrasa~NketachoditAH || 168|| nityaklinnnAdikAshchaiva kAmyakarmAnusArataH | chaturasrAntarAle vA trikoNe vA yajet sudhIH || 169|| alinA pishitairgandhairdhUpairArAdhya devatAH | chakrapUjAM vidhAetthaM kuladIpaM nivedayet || 170|| antarbahirbhAsamAnaM svaprakAshojjvalaM priye | puShpA~njaliM tataH kR^itvA japaM kuryAt samAhitaH || 171|| kUTatraye mahAdevi kuNDalItritaye.api cha | chakrANAM pUrvapUrveShAM nAdarUpeNa yojitAm || 172|| teShu prANAgnimAyArNakalAbindvardhachandrikAH | rodhinInAdanAdAntAH shaktivyApikalAnvitAH || 173|| samanA chonmanA cheti dvAdashante sthitAH priye | mUlakuNDalinIrUpe madhyame cha tataH punaH || 174|| sR^iShTyunmukhe cha vishvasya sthitirUpe maheshvari | kevalaM nAdarUpeNa uttarottarayojitam || 175|| shabalAkArake devi tR^itIye dvAdashI kalA | shUnyaShaTkaM tathA devi hyavasthApa~nchakaM punaH || 176|| viShuvaM saptarUpaM cha bhAvayan manasA japet | agnyAdidvAdashAnteShu trI.nstrIn tyaktvA varAnane || 177|| shUnyatrayaM vijAnIyAdekaikAntarataH priye | ##[## shunyatrayAt pare sthAne mahAshUnyaM vibhAvayet ##]## prabodha karaNasyA.atha jAgaratvena bhAvanam || 178|| vahnau devi mahAjAgradavasthA tvindriyadvayaiH | AntaraiH karaNaireva svapnamAyAvabodhakaH || 179|| galadeshe suShuptistu lInapUrvasya vedanam | antaHkaraNavR^iottInAM layato viShayasya tu || 180|| pUrvArNAnAM vilomena bhrUmadhye bindusa.nsthitA | turyarUpaM tathA chAtra vR^ittArdhAdestu sa~NgrahaH || 181|| chaitanyavyaktihetostu nAdarUpasya vedanam | turyAtItaM sukhasthAnaM nAdAntAdisthitaM priye || 182|| atraiva japakAle tu pa~nchAvasthAH smared budhaH | yogaH prANAtmamanasAM viShuvaM prANasa.nGYitam || 183|| AdhAritthitanAde tu lInaM buddhyAtmarUpakam | sa.nyogena viyogena mantrArNAnAM maheshvari || 184|| anahatAdyAdhArAntaM nAdAtmatvavichintanam | nAdasa.nsparshanAttasya nADIviShuvamuchyate || 185|| dvAdashagranthibhedena varNAnAmantare priye | nAdayogaH prashAntaM tu prashAntendriyagocharam || 186|| vahniM mAyAM kalAM chaiva chetanAmardhachandrakam | rodhinInAdanAdAntAn shaktau lInAn vibhAvayet || 187|| viShuvaM shaktisa.nGYM tu tadurdhvaM nAdachintanam | tadurdhvaM kAlaviShuvamunmanAntaM maheshvari || 188|| munichandrA.aShTadashabhistruTibhirnAdavedanam | chaitanyavyaktihetushcha viShuvaM tattvasa.nGYitam || 189|| paraM sthAnaM mahAdevi nisargAnandasundaram | evaM chitayamAnasya japakAleShu pArvati || 190|| siddhayaH sakalAstUrNAM siddhyanti tvatprasAdataH | evaM kR^itvA japaM devyA vAmahaste nivedayet || 191|| anAmA~NguShThayogena tarpayechchakradevatAH | madyaM mA.nsaM tathA matsyaM devyAstu vinivedayet || 192|| kaulAchArasamAyuktairvirairstu saha pUjayet | puShyabhena tu vAre cha saure cha parameshvari || 193|| gurordine svanakShatre chaturdashyaShTamIShu cha | chakrapUjAM visheSheNa yoginInAM samAcharet || 194|| chatuHShaShTiyutAH koTyo yoginInAM mahaujasAm | chakrametat samAshritya sa.nsthitA vIravandite || 195|| aShTAShTakaM tu kartavyaM vittashAThyavivarjitam | tvameva tAsAM rUpeNa krIDase vishvamohinI || 196|| aGYAtva tu kulAchAramayaShTvA gurupAdukAm | yo.asmin shAstre prvarteta taM tvaM pIDayasi dhruvam || 197|| evaM GYAtvA varArohe kaulAchAraparaH sadA | AvayoH shabalAkAraM madyaM tatra nivedya cha || 198|| tvatpradhA prasarAkArAstvAmeva paribhAvayet | vAmichChAvigrahAM devIM gururUpAM vibhAvayet || 199|| tvanmayasya guroH sheShaM nivedyAtmani yojayet | yoginInAM mahAdevi baTukAyAtmarUpiNe || 200|| xetrANAM pataye madyaM baliM kurvita hetunA | nityaM piban vaman khAdan svechChAchAraparaH svayam || 201|| ahantedantayoraukyaM bhAvayan viharet sukham | etatte kathitaM sarvaM sa~Nketatrayamuttamam || 202|| gopanIyaM prayatnena svaguhyamiva suvrate | chumbake GYAnalubdhe cha na prakAshyaM tvayAnaghe || 203|| anyAyena na dAtavyaM nAstikAnAM maheshvari | evaM tvayA.ahamAGYapto madichChArUpayA prabho || 204|| aGYAnena tu yo dadyAt sa pareto bhaviShyati | sa~NketaM yo vijAnAti yoginInAM bhavetpriyaH || 205|| sarvepsitaphalAvAptiH sarvakAmaphalAshrayaH | yato.api dR^ishyate devi kathaM vidvAnna chintayet || 206|| iti tR^itIyaH paTalaH samAptaH | || iti yoginIhR^idayaM stotram || ## Encoded and proofread by Mike Magee (ac70@cityscape.co.uk mike.magee@btinternet.com) | \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}