% Text title            : Yoni StavarAjah
% File name             : yonistavarAjaH.itx
% Category              : devii, devI, stavarAja
% Location              : doc\_devii
% Transliterated by     : Durga Sharma
% Proofread by          : Durga Sharma, NA
% Latest update         : June 28, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Yoni Stavarajah ..}##
\itxtitle{.. shrIyonistavarAjaH ..}##\endtitles ##
atha yoni\-dhyAnam |
atisulalitagAtrAM hAsyavaktrAM trinetrAM
jitajaladasukAntiM paTTavastraprakAshAm |
abhayavarakarADhyAM ratnabhUShAtibhavyAM
suratarutalapITha ratnasiMhAsanasthAm || 1||
hariharavidhivandyAM buddhishuddhisvarUpAM
madanarasasamAktAM kAminIM kAmadAtrIm |
nikhilajanavilAsoddAmarUpAM bhavAnIM
kalikaluShanihantrIM yonirUpAM bhajAmi || 2||
shrIdevyuvAcha \-
bhagavAn sarvadharmaj~na kulashAstrArthapAraga |
sarvaM me kathitaM nAtha na tvekaM parameshvara || 1||
shrIyoneH stavarAjaM hi tathA kavachamuttamam |
shrotumichChAmi sarvaj~na yadi te.asti kR^ipA mayi || 2||
sArabhUtaM mahAdeva nigamAntargataM hara |
yadi na kathyate deva prANatyAgaM karomyaham || 3||
divAnishi mahAbhAga mamAshruH patitaM bhavet |
atastad devadevesha kathyatAM me dayAnidhe || 4||
shrImahAdeva uvAcha |
shR^iNu pArvati vakShyAmi dehatyAgaM kathaM kuru |
atyantagopanIyaM hi nigame kathitaM purA || 5||
brahmAviShNugrahAdInAM na mayA kathitaM purA |
akathyaM parameshAni idAnIM ki karomi te || 6||
tava snehena baddho.ahaM kathayAmi tava priye |
mAtardevi mahAbhAge yadi kasmai prakAshyate |
shapathaM kuru me durge yadi tvaM matpriyA smR^itA || 7||
brahmA yadi chaturvaktraiH pa~nchavaktraiH sadAshivaH |
varNituM stavarAja~ncha na shaknoti kadAchana |
samyag vaktuM na shaknomi saMkShepAt kathayAmi te || 8||
shrI mahAdeva uvAcha |
asya shrI yonistavarAjasya kulAchArya\-R^iShiH kaulikaChandaH |
shrIyonirUpA dashavidyAtmikA devatA sarvasAdhane viniyogaH ||
OM yonirUpe mahAmAye sarvasampatprade shubhe |
kR^ipayA sarvasiddhiM me dehi devi jaganmayi || 1||
sarvasvarUpe sarveshe sarvashakti samanvite |
kR^ipayA sarvasiddhiM me dehi devi jaganmayi || 2||
mahAghore mahAkAli kulAchArapriye sadA |
kR^ipayA sarvasiddhiM me dehi devi jaganmayi || 3||
ghoradaMShTre chogratAre sarvashatruvinAshini || 
kR^ipayA sarvasiddhiM me dehi devi jaganmayi || 4||
yonirUpA mahAvidye sarvadA mokShadAyinI |
kR^ipayA sarvasiddhiM me dehi devi jaganmayi || 5||
jagaddhAtri mahAvidye jagaduddhArakAriNi |
kR^ipayA sarvasiddhiM me dehi devi jaganmayi || 6||
jagaddhAtri mahAmAye yonirUpe sanAtani |
kR^ipayA sarvasiddhiM me dehi devi jaganmayi || 7||
jaya devi jaganmAtaH sR^iShTisthityantakAriNI |
kR^ipayA sarvasiddhiM me dehi devi jaganmayi || 8||
siddhidAtri mahAmAye sarvasiddhi\-pradAyini |
kR^ipayA sarvasiddhiM meM dehi devi jaganmayi || 9||
mahAlakShmi mahAdevi mahA\-mokSha\-pradAyini |
kR^ipayA sarvasiddhiM me dehi devi jaganmayi || 10||
gaurI lakShmIshcha mAta~NgI durgA cha nava\-chaNDikA |
bagalAmukhI bhuvaneshI bhairavI cha tathA priye |
ChinnamastA cha kAlI cha yoni\-rupA sanAtanI |
kR^ipayA sarvasiddhiM me dehi devi jaganmayi || 11||
kAlI kapAlinI kullA kuru\-kullA virodhinI |
nAyikA viprachittAdyA anyA yA nAyikA smR^itAH |
vasanti yonimAshritya tAbhyo.apIha namo namaH || 12||
aNimAdyaShTasiddhishcha vasatyasyAH samIpataH |
namaste.astu namaste.astu yoga\-mokSha\-pradAyini || 13||
sarvashaktimaye devi sarvakalmaShanAshini |
he yone! hara vighnaM me sarvasiddhiM prayachCha me || 14||
AdhArabhUte sarveShA pUjakAnAM priyaMvade |
svargapAtAla vAsinye yonaye cha namo namaH || 15||
viShNusiddhiprade devi shivasiddhipradAyinI |
brahmasiddhiprade devi rAmachandrasya siddhiye |
shakrAdInA~ncha sarveShAM siddhidAyai namo namaH || 16||
phalashrutiH |
iti te kathitaM devi sarvasiddhipradAyakam |
stotra yonermaheshAni prakAshayAmi te priye || 1||
sarvasiddhipradaM stotraM yaH paThet kaulikaH priye |
likhitvA pustake devi raktadravyaishcha sundari || 2||
tasyA\-sAdhyAni karmANi vashyAdIni kuleshvari |
nAsti nAsti punarnAsti nAstyeva bhuvanatraye |
yaH paThet prAtarutthAya gANapatyaM labhennaraH || 3||
rAtrau kAntAsamAyoge yaH paThet sAdhakottamaH |
stavenAnena saMstutya sAdhakaH kiM na sAdhayet || 4||
sAla~NkR^itAM svakAntA~ncha lIlAhAvavibhUShitAm |
raktavastraparIdhAnAM kR^itvA sampUjya sAdhakaH |
bhojayitvA tato devi svayaM bhu~njIta tatparaH || 5||
matsyamAMsAdikAn bhuktvA kroDe kR^itvA svayoShitam |
rAtrau yadi japenmantraM sA durgA sa sadAshivaH |
bhavatyeva na sandeho mama vaktrAdvinirgatam || 6||
yena dattaM mayi stotraM sa eva madguruH smR^iteH |
tasyaiva yadi bhaktiH syAt sa bhavejjagadIshvaraH || 7||
namostu stavarAjAya namaH stavaprakAshine |
yatrAste stavarAjo.ayaM tatrAste shrIsadAshivaH || 8||

iti shaktikAgamasarvasve harapArvatIsaMvAde shrIyonistavarAjaH samAptaH |
##
Source- Shakti Agama


Encoded and proofread by Durga Sharma

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}