% Text title            : Dhundhiraja Vinayaka Ganesha Stuti
% File name             : DhuNDhirAjavinAyakagaNeshastutiH.itx
% Category              : ganesha
% Location              : doc\_ganesha
% Transliterated by     : Divya k Suresh
% Proofread by          : Divya k Suresh, NA
% Description/comments  : kAshi khaNDa adhyAya 57 shlokAH 17-41
% Latest update         : April 17, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dhundhiraja Vinayaka Ganesha Stuti ..}##
\itxtitle{.. DhuNDhirAjavinAyakagaNeshastutiH ..}##\endtitles ##
jaya vighnakR^itAmAdya bhaktanirvighnakAraka |
avighnavighnashamana mahAvighnaikavighnakR^it || 1||
jaya sarvagaNAdhIsha jaya sarvagaNAgraNI |
gaNapraNatapAdAbja gaNanAtItasadguNa || 2||
jaya sarvaga sarvesha sarvabuddhyekashevadhe |
sarvamAyAprapa~nchaj~na sarvakarmAgrapUjita || 3||
sarvama~NgalamA~Ngalya jaya tvaM sarvama~Ngala |
ama~Ngalopashamana mahAma~Ngalahetuka || 4||
jaya sR^iShTikR^itAM vandya jaya sthitikR^itAnata |
jaya saMhR^itikR^itstutya jaya satkarmasiddhida || 5||
siddhavandyapadAmbhoja jaya siddhividhAyaka |
sarvasiddhyekanilaya mahAsiddhyR^iddhisUchaka || 6||
asheShaguNanirmANa guNAtIta guNAgraNI |
paripUrNacharitrArtha jaya tvaM guNavarNita || 7||
jaya sarvabalAdhIsha balArAti balaprada |
balAkojjvala dantAgra bAlAbAlaparAkrama || 8||
anantamahimAdhAra dharAdhara vidAraNa |
dantAgraprotA di~NnAga jaya nAgAvibhUShaNa || 9||
ye tvAM namanti karuNAmayadivyamUrte
       sarvainasAmapi bhuvo bhuvimuktibhAjaH |
teShAM sadaiva harasIhamahopasargA\-
       nsvargApavargamapi sa.npradadAsi tebhyaH || 10||
ye vighnarAja bhavatA karuNAkaTAkShaiH
       samprekShitAH kShititale kShaNamAtramatra |
teShAM kShayanti sakalAnyapikilviShANi
       lakShmIH kaTAkShayatitAnpuruShottamAnhi || 11||
ye tvAM stuvanti natavighnavighAta dakSha\-
       dAkShAyaNIhR^idayapa~Nkajatigmarashme |
shrUyanta eva ta iha prathitA na chitraM
       chitraM tadatra gaNapA yadaho ta eva || 12||
ye shIlayanti satataM bhavato.a~NghriyugmaM
       te putrapautradhanadhAnyasamR^iddhibhAjaH |
saMshIlitA~NghrikamalA bahulAbahubhR^ityavargai\-
       rbhUpAlabhogyakamalAM vimalAM labhante || 13||
tvaM kAraNaM paramakAraNakAraNAnAM
       vedyo.asi vedaviduShAM satataM tvamekaH |
tvaM mArgaNIyamasi ki~nchana mUlavAchAM
       vAchAmagocharacharAcharadivyamUrte || 14||
vedA vidanti na yathArthatayA bhavantaM
       brahmAdayo.api na charAchara sUtradhAra |
tvaM haMsi pAsi vidadhAsi samastamekaH
       kastestutivyatikaromanasApyagamya || 15||
tvadduShTadR^iShTivishikhairnihatAnnihanmi
       daityAnpurAndhakajalandharamukhyakAMshcha |
kAsyAsti shaktiriha yastvadR^ite.api tuchChaM
       vA~nChedvidhAtumiha siddhidakAryajAtam || 16||
anveShaNe DhuNDhirayaM prathito.astidhAtuH
       sarvArthaDhuNDhitatayA tava DhuNDhi nAma |
kAshIpraveshamapi ko labhate.atra dehI
       toShaM vinA tava vinAyakaDhuNDhirAja || 17||
DhuNDhe praNamyapuratastavapAdapadmaM
       yo mAM namasyati pumAniha kAshivAsI |
tatkarNamUlamadhigamya purA dishAmi
       tatki~nchidatra na punarbhavatAsti yena || 18||
snAtvA naraH prathamato maNikarNikAyA\-
       muddhUlitA~Nghriyugalastu sachailamAshu |
devarShimAnavapitR^Inapi tarpayitvA
       j~nAnodatIrthamabhilabhya bhajettatastvAm || 19||
sAmodamodakabharairvaradhUpadipai\-
       rmAlyaiH sugandhabahulairanulepanaishcha |
samprINyakAshinagarIphaladAnadakShaM
       proktvAtha mAM ka iha sidhyati naiva DhuNDhe || 20||
tirthAntarANi cha tataH kramavarjito.api
       saMsAdhayanniha bhavatkaruNAkaTAkShaiH |
dUrIkR^itasvahitaghAtyupasargavargo
       DhuNDhe labhedavikalaM phalamatra kAshyAm || 21||
yaH pratyahaM namati DhuNDhivinAyakaM tvAM
       kAshyAM prage pratihatAkhilavighnasa~NghaH |
no tasya jAtu jagatItalavarti vastu
       duShprApamatra cha paratra cha ki~NchanApi || 22||
yo nAma te japati DhuNDhivinAyakasya
       taM vai japantyanudinaM hR^idi siddhayo.aShTau |
bhogAnvibhujya vividhAnvibudhopabhogyA\-
       nnirvANayA kamalayA priyate sa chAnte || 23||
dUresthito.apyaharahastava pAdapIThaM
       yaH saMsmaretsakalasiddhida DhuNDhirAja |
kAshIsthite ravikalaM saphalaM labheta
       naivAnyathA na vitathA mama vAkkadAchit || 24||
jAne vighnAnasa~NkhyAtAnvinihantumanekadhA |
kShetrasyAsya mahAbhAga nAnArUpairihasthitaH || 25||

iti skandapurANe kAshIkhaNDe saptapa~nchAshatamo.adhyAntargatA
      DhuNDhivinAyakastutiH samAptA |
adhyAya 57 shlokAH 17\-41
##
Encoded and proofread by Divya K Suresh, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}