% Text title            : Brahmakamandalutirtha Stotram
% File name             : brahmakamaNDalutIrthastotram.itx
% Category              : ganesha, mudgalapurANa, stotra, tIrthakShetra
% Location              : doc\_ganesha
% Proofread by          : Yash Khasbage, Preeti Bhandare
% Description/comments  : mudgalapurANaM ShaShTaH khaNDaH | adhyAyaH 25 | 6.25 4-17||
% Latest update         : June 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmakamandalutirtha Stotram ..}##
\itxtitle{.. brahmakamaNDalutIrthastotram ..}##\endtitles ##
|| shrIgaNeshAya namaH ||
devarShaya UchuH |
sarvAdibhUtaM triguNeShu saMsthaM tIrtheShu yat sarvavikArahInam |
tIrthaM turIyaM cha namAmahe tattIrthAtmakaM pApavinAshadakSham || 4||
ga~NgAdinadyaH prabhavA yatashcha sarvAntarasthaM sthitamAtmarUpam |
nAdAtmakaM rUpamatho vidhAya tachchAlakaM yattu namAmahe tat || 5||
purANagItaM vidhipApanAshaM kamaNDalusthaM paramaprameyam |
apAratIrtheShu tadAtmabhAvaM bhaviShyate dehadharaM namAmaH || 6||
nAtho vidhAtA cha bhavenmahAtman pApena yuktashcha tathA sthitashchet |
vishvaM paraM nAshamupaiShyati tvaM pratyakShatAmehi dayAkarAtaH || 7||
ga~NgAsvarUpAya namo namaste brahmAtmajArUpadharAya tubhyam |
tubhyaM prayAgAya cha nArmadAya kAlindikAsthAya namo namo vai || 8||
kR^iShNAsvarUpAya kakudmatIstha yaddevanadyai cha payoShNikAyai |
veNIsvarUpAya cha puShkarAya tApIprabhAsAya cha sarvatIrtha || 9||
godAvarIrUpadharAya tubhyaM kShiprAsthasindhustha mahIsvarUpa |
kAverikAsthaM sarayUsvarUpaM pUrNe namaste.astu kamaNDalustham || 10||
sArdhatrikoTIpravarasthakAya tIrtheshvarAyaiva namo namaste |
anantatIrthapravarAya nityaM kShetre mayUre tu samAsthitAya || 11||
vArAmpatisthAya sarovarAya vApIsthakUpAya namo namaste |
yadyajjalaM bhAnughanastharUpaM tatrasthakAyaiva namo namaste || 12||
tvayA tataM sarvamidaM vibhAti charAcharasthaM cha jalaM paresha |
kR^ipAkaTAkShAmR^itadhArayA.asmAn rakShasva sandarshaya te svarUpam || 13||
(phalashrutiH)
bhR^ishuNDyuvAcha |
evaM saMstuvatAM teShAM purastejomayaM jalam |
prAdurbabhUva tat dR^iShTvA praNemuH sasurarShayaH || 14||
tAnuvAcha mahAtIrthaM harShayuktena chetasA |
varaM vR^iNuta deveshA munayastaM dadAmyaham || 15||
bhavatkR^itamidaM puNyaM stotraM me prItivardhanam |
bhaviShyati na sandeho bhuktimuktipradAyakam || 16||
paThate shR^iNvate nityaM mayi snAnaphalapradam |
sarvAghanAshanaM sadyo bhaviShyati visheShataH || 17||

iti brahmakamaNDalutIrthastotraM sampUrNam ||

\- || mudgalapurANaM ShaShTaH khaNDaH | adhyAyaH 25 | 6\.25 4\-17|| 
##
- .. mudgalapurANaM ShaShTaH khaNDaH . adhyAyaH 25 . 6.25 4-17.. 

Proofread by Yash Khasbage, Preeti Bhandare 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}