% Text title            : Durva Yugalarpana Stotram
% File name             : dUrvAyugalArpaNastotram.itx
% Category              : ganesha, stotra
% Location              : doc\_ganesha
% Transliterated by     : Yash Khasbage
% Proofread by          : Yash Khasbage
% Description/comments  : Ganesha Kosha, Amarendra Gadgil
% Latest update         : May 9, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Durva Yugalarpana Stotram ..}##
\itxtitle{.. dUrvAyugalArpaNastotram ..}##\endtitles ##
shrImanma~Ngalama~NgalaM gaNapati brahmaNyadevaM kaviM
jyeShThaM shreShThatamaM vareNyamamR^itaM vighnebhapa~nchAnanam |
tvAM sarvepsitadaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 1||
brahmAnandarasAmbudhiM guNanidhiM dhIR^iddhisiddhIshvaraM
sindUrAruNavigrahaM trinayanaM sadbhaktahR^inmodakam |
tvAM gaurIshasutaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 2||
o~NkArAdimabIjakAraNamanirvAchyaM jagatkAraNaM
yogIhR^itkamalaM prabodhanakaraM bhAnuM bhavApaddharam |
tvAM bhAlendumahaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 3||
udyadbhAskarakoTibhApratimabhaM divyA gadAla~NkR^itaM
vighneshaM vikaTaM vishAlajaTharaM mandArapuShpapriyam |
tvAM trailokyapatiM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 4||
hastairyaH satataM varAbhayasR^iNIparshUnvahantaM mudA
shUrpashrotrakamambujekShaNamaghaughadhvAntavaikartanam |
tvAmAmnAyanidhiM praNamya gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 5||
shuNDAgre dhR^itamodakaM pramuditaM sanmUShikena dhvajaM
nUpUrAdikirITakuNDaladharaM devaM mahAtundilam |
tvAM sa~NkaShTaharaM praNamya  manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 6||
dAnadrAvilagaNDamaNDalayugaM modAhR^ibhrAmaraM
bhaktAriShTachinaShTivigrahadharaM shrIvakratuNDaM muhuH |
tvAM vAgIshamahaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 7||
AshApUrakamadrirAjatanayAsatkukShishuktyudbhavaM
DhuNDhiM kShipravarapradAnasumukhaM chintAmaNiM siddhidam |
tvAM vidyAmbunidhiM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 8||
bhUtAnAM prabhAvApyayAvanaguNAnAmAdibIjaM paraM
bhAtyastipriyanAmarUpagaNapaM nairguNyasaukhyAspadam |
tvAM sarvArtiharaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 9||
herambaM bhavaghoramUlavipinaM dhvAntArtivichChedakaM
sadyastApaharaM sudhAkaramanantAnantalIlAspadam |
tvAM sarvaj~namahaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 10||
IDyaM shreShThatamaM guruM gurutamaM shrIjyeShTharAjaM kaviM
pUrNAnandasudhApayonidhishayaM dhIprerakaM dyotakam |
tvAM praj~nAnaghanaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 11||
dhyeyaM brahmasanAtanaM yaduditaM gANeshavidyAchaNaiH
vedaj~naiH suvivichya tatvamasi vAkyArthasya sandarshakaiH |
tattatvaM tvamiti praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 12||
yaH kAshigR^ihe.avatIrya shishubhiH lIlAM jagatpAvanIM
kR^itvA devanarAntakAdi ditijAn hatvAharadbhUbharam |
tvAM ballALamahaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 13||
AhuryaM munayo.anuvipratamamityAdyaM kavInAM kaviM
kAryaM prAkR^itikaM vichitramakhilaM no bhAsate yadR^ite |
taM tvAmekaradaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 14||
saMhR^ityAtmani yaH prasuptisamaye vishvaM samagraM tvidaM
shete svAtmasukhArNave suvitate sheShAkhyatalpe shubhe |
tvAM svAtmAbhiramaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 15||
dhyAtvA tvAM hR^idaye mayA parichitA no mAntrikI tAntrikI
dIkShAdIkShitashikShitAkathamahaM syAM tvatkR^ipAbhAjanam |
tvAM chittArttiharaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 16||
bhaktAstvAM karuNaM tvamevamiti yat nityaM bruvanti sphuTaM
taddIne mayi chAtake.alpamatike tUrNa kR^ipAM varShaya |
tvAM bhUtIshamahaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 17||
ShaTpa~nchAshatadhAShTadhA cha dashadhA bhUtvA punaH pa~nchadhA
kAshyAM ShoDashadhA cha yo nivasati shrIvishvanAthapriyaH |
tvAM lIlAttatanuM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 18||
dUrvAla~NkaraNaM tayA pratidinaM dUrvAvanAntashcharaM
dUrvAtalpashayaM shirasyapi tathA dUrvAkirITodvaham |
tvAdUrvAttahR^idaM praNamya manasA gandhAkShataiH saMyutaM
dUrvAyugmamidaM mayArpitamibhAsyai tattvama~NgIkuru || 19||
dUrve tvAM praNamAmyahaM mayi kR^ipAMs kurvAshu mAtarvibhuM
madvij~naptyurarIkR^itau nijapati svApekShayA prArthaya |
te.atiprItikarastavaiva vachasA gandhAkShatairsaMyutaM
dUrvAyugmamidaM mayArpitamibhAsyaH svIkarotyadbhutam || 20||
(yA prItirmamajAyate.ativimalA dUrvA~Nkurairarchake
sA naikAkSharavidyayA cha yajato chAnyaiH kutaH sAdhanaiH |
shrutvaitadvachanaM praNamya manasA gandhAkShataiH saMyutaM
dUrvAyugmamidaM mayArpitamibhAsyaH svIkarotyadbhutam || 21||
ye dUrvAyugalArpaNastutimimAM shrImadgaNeshapriyAM
dhyAtvA svAtmani ma~NgalAlayamamuM bhaktyA paThanti prage |
te vai vaishravaNopamAstribhuvane bhaktyA tu saukhyaM mahat
gANeshaM padamApnuvanti na punaH pashyanti garbhAlayam || 22||)


iti bR^ihadviShNuyAmale dUrvAyugalArpaNastotraM sampUrNam |
##
Encoded and proofread by Yash Khasbage

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}