% Text title            : Dhumravarna Bhaktipanchaka Stotram Ahamkritam
% File name             : dhUmravarNabhaktipanchakastotramahaMkRRitaM.itx
% Category              : ganesha, mudgalapurANa, panchaka, stotra
% Location              : doc\_ganesha
% Proofread by          : Yash Khasbage, Preeti Bhandare
% Description/comments  : mudgalapurANaM aShTamaH khaNDaH | adhyAyaH 7 | 8.7 32-46||
% Latest update         : June 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dhumravarna Bhaktipanchaka Stotram Ahamkritam ..}##
\itxtitle{.. ahaMkR^itaM dhUmravarNabhaktipa~nchakastotram ..}##\endtitles ##
|| shrIgaNeshAya namaH ||
ahamuvAcha |
yadi me varado.asi tvaM dhUmravarNa gajAnana |
tadA te pAdapadme vai bhaktiM dehi parAM vibho || 1||
gANapatyaM kuruShva tvaM mAM gaNeshaparAyaNam |
gANapatyapriyaM tAta sadA sadbhAvabhAvikam || 2||
sthAnaM dehi tathA vR^ittiM yogakShemakarIM parAm |
tatrasthastvAM bhaviShyAmi dAso.ahaM te gajAnana || 3||
nAnyaM yAche kadA nAtha shryo~NkArAmohamohitam |
siddhibuddhiyutaM tvAhaM bhajiShyAmi visheShataH || 4||
bodhito guruNA.atyantaM tasya vAkyaparAyaNaH |
yogashAntimayaM rUpaM bhajiShyAmi mahodara || 5||
(phalashrutiH)
dhUmravarNa uvAcha |
mayi bhaktirdR^iDhA te.astu mayi dAsyaparAyaNaH |
gANapatyapriyo bhUtvA chariShyasi na saMshayaH || 6||
yatrAdau me mahAdaitya pUjanaM naiva vidyate |
tatra karmasu te sthAnaM bhu~NkShva karmaphalaM mahat || 7||
kAryAdau smaraNaM me na tatra tvaM susthiro bhava |
AsureNa svabhAvena bhraMshayasva nirantaram || 8||
svapure gachCha daityendra madbhaktAn rakSha sarvadA |
madaha~NkR^itisaMyuktAn kuru tvaM nityamAdarAt || 9||
yatra me smaraNaM chAdau pUjanaM sarvakarmasu |
tatra sAdhusvabhAvena vartasva tadaha~NkR^itiH || 10||
gaNeshabhaktisaMyukto madIyAha~NkR^iterdharaH |
bhaviShyasi na sandeho gachCha gachCha madAj~nayA || 11||
shrIshiva uvAcha |
evamuktvA gaNAdhIshastamahaM virarAma hai |
praNamya tamaha~NkAraH yayau svanagaraM mudA || 12||
tAdR^ishaM taM parij~nAya daityeshA duHkhasaMyutAH |
tyaktvA pAtAlagAH sarve babhUvurbhayavihvalAH || 13||
sa eva sukhasaMyukto.abhajattaM gaNanAyakam |
ananyamanasA dhyAtvA dhUmravarNadharaM param || 14||
yathA jagAda vighneshastathA chakAra bhAvataH |
aha~NkArAsurashchaiva shAntarUpo babhUva ha || 15||

iti ahaMkR^itaM dhUmravarNabhaktipa~nchakastotraM sampUrNam ||

\- || mudgalapurANaM aShTamaH khaNDaH | adhyAyaH 7 | 8\.7 32\-46|| 
##
- .. mudgalapurANaM aShTamaH khaNDaH . adhyAyaH 7 . 8.7 32-46.. 

Proofread by Yash Khasbage, Preeti Bhandare 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}