% Text title            : Ekadanta Stuti Naradamunikrita
% File name             : ekadantastutiHnAradamunikRRitA1.itx
% Category              : ganesha, mudgalapurANa, stuti
% Location              : doc\_ganesha
% Proofread by          : Yash Khasbage, Preeti Bhandare
% Description/comments  : mudgalapurANaM dvitIyaH khaNDaH | adhyAyaH 3 | 2.3 40-57||
% Latest update         : June 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ekadanta Stuti Naradamunikrita ..}##
\itxtitle{.. nAradamunikR^itA ekadantastutiH ..}##\endtitles ##
|| shrIgaNeshAya namaH ||
nArada uvAcha |
namAmi gaNanAthaM taM sarvavighnavinAshinam |
vedAntAgocharaM tajj~nairgamyaM brahmaiva saMsthitam || 40||
manovANIvihInaM no manovANImayaM na cha |
brahmeshAnaM kathaM staumi siddhibuddhipatiM param || 41||
tvaddarshanena heramba kR^itakR^ityo.ahama~njasA |
ityuktvA pUjayAmAsa bhaktibhAvasamanvitaH || 42||
pUjayitvA gaNeshAnaM punastuShTAva nAradaH |
romA~nchitasharIro.asau bhAvayukto mahAmuniH || 43||
namo namo gaNeshAya vighnarAjAya te namaH |
bhaktAnAM vighnahantre chAbhaktAnAM vighnakAriNe || 44||
ameyamAyayA chaiva saMyuktAya namo namaH |
yogarUpAya vai tubhyaM yogibhyo mohadAya te || 45||
vinAyakAya sarvesha namashchintAmaNe namaH |
anantamahimAdhAra namaste chandramaulaye || 46||
ekadantAya devAya mAyibhyo mohadAya te |
namo namaH pareshAya parAtparatamAya te || 47||
nirguNAya namastubhyaM guNAkArAya sAkShiNe |
mahAkhuvAhanAyaiva mUShakadhvajadhAriNe || 48||
anAdaye namastubhyaM jyeShTharAjAya DhuNDhaye |
hartre kartre sadA pAtre nAnAbhedamayAya cha || 49||
tvaddarshanasudhApAnAddhataM me bhrAntijaM mahat |
maraNaM bhinnabhAvAkhyaM gaNesho.ahaM kR^itastvayA || 50||
na bhinnaM paripashyAmi tvadR^ite gaNanAyaka |
shAntidaM yogamAsAdya prasAdAtte na saMshayaH || 51||
bhaktiM dehi gaNAdhIsha parAM tvatpAdapadmayoH |
kuru mAM gANapatyaM tvaM premayuktaM cha te padi || 52||
ityuktvA virarAmAtha taM punargaNapo.avadat |
madIyA bhaktiratyantaM bhaviShyati sadA.achalA || 53||
(phalashrutiH)
ekadanta uvAcha |
na yogAchchalanaM kvApi bhaviShyati mahAmune |
sadA yogIndrapUjyastvaM sarvamAnyo bhaviShyasi || 54||
tvayA kR^itamidaM stotraM shAntiyogapradaM bhavet |
paThate shR^iNvate chaiva bhuktimuktipradAyakam || 55||
ityuktvA tasya hR^idaye yayau lIno gajAnanaH |
sadA hR^idi gaNeshAnaM pashyati sma muniH svayam || 56||
ityAkhyAnaM nAradIyaM kathitaM te prajApate |
shR^iNuyAdyaH paThedvA yaH so.api sadgatimApnuyAt || 57||

iti nAradamunikR^itA ekadantastutiH sampUrNA ||

\- || mudgalapurANaM dvitIyaH khaNDaH | adhyAyaH 3 | 2\.3 40\-57|| 
##
- .. mudgalapurANaM dvitIyaH khaNDaH . adhyAyaH 3 . 2.3 40-57.. 

Proofread by Yash Khasbage, Preeti Bhandare 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}