% Text title            : Shri Gananatha Stuti Devarshayakrita
% File name             : gaNanAthastutiHdevarShayakRRitA.itx
% Category              : ganesha, mudgalapurANa, stuti
% Location              : doc\_ganesha
% Proofread by          : Yash Khasbage, Preeti Bhandare
% Description/comments  : mudgalapurANaM ShaShTaH khaNDaH | adhyAyaH 31 | 6.31 8-23||
% Latest update         : June 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Gananatha Stuti Devarshayakrita ..}##
\itxtitle{.. devarShayakR^itA shrIgaNanAthastutiH ..}##\endtitles ##
|| shrIgaNeshAya namaH ||
devarShaya UchuH |
namaste.astu mayUresha sarvasiddhipradAyaka |
j~nAnadAtre svabhaktebhyaH pAlakAya namo namaH || 8||
svAnandavAsine tubhyaM parAtparatarAya cha |
DhuNDhirAjAya sarveShAM mAtre pitre namo namaH || 9||
anAdaye cha sarveShAM pUjyAya paramAtmane |
anantAnanadhArAyAnantarUpAya te namaH || 10||
siddhibuddhipradAtre te siddhibuddhivarAya cha |
jyeShTharAjAya jyeShThebhyo varadAya namo namaH || 11||
trinetrAya chaturbAhudharAya ka~njapANaye |
mahodarAya sarpeshanAbhaye te namo namaH || 12||
mAyAshrayAya mAyAyAshchAlakAya vilAsine |
brahmaNAM brahmarUpAya gaNeshAya namo namaH || 13||
ekadantAya sarvAdipUjyAya sarvamUrtaye |
shUrpakarNAya yogAya shAntidAya namo namaH || 14||
pUrvA~Nge viShNurUpAya dakShiNe sha~NkarAtmane |
pashchime shaktidehAyottare te bhAnave namaH || 15||
kiM stuvImo mayUreshaM yatra vedAshcha yoginaH |
shAntiM prAptA visheSheNa devadevesha te namaH || 16||
chittaM pa~nchavidhaM deva tatra mAyA bhramAtmikA |
chitrA mayUrasa.nj~nA cha namastat svAmine namaH || 17||
mAyA mayUravAchyA tu tatra khelakaro bhavAn |
mayUresha iti khyAtaH sAkShAd dR^iShTo na saMshayaH || 18||
janma dhanyaM vayo vidyA tapo j~nAnAdikaM param |
tavA~NghridarshanAnnAtha kR^itakR^ityA bhavAmahe || 19||
evaM taM nanR^ituH stutvA bhaktyA sAshruvilochanAH |
saromA~nchA mayUresha jayeti hyabruvan prabhum || 20||
jagAda gaNanAthashcha tatastAn bhaktibhAvitaH |
varAn vR^iNuta dAsyAmi deveshA bhaktiyantritaH || 21||
(phalashrutiH)
bhavadbhiryat kR^itaM stotraM madIyaM sarvasiddhidam |
bhaviShyati sadA bhaktidAyakaM paThate param || 22||
yaM yamichChati taM taM tu dAsyAmi harShasaMyutaH |
paThedvA shR^iNuyAchchedvA matpriyaH sa naro bhavet || 23||

iti devarShayakR^itA shrIgaNanAthastutiH sampUrNA ||

\- || mudgalapurANaM ShaShTaH khaNDaH | adhyAyaH 31 | 6\.31 8\-23|| 
##
- .. mudgalapurANaM ShaShTaH khaNDaH . adhyAyaH 31 . 6.31 8-23.. 

Proofread by Yash Khasbage, Preeti Bhandare 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}